اپتونوم رايونۇبۇزدۇن جەر- جەرلەرىندەگى كۅرك رايوندورۇ قار- مۇز ساياقاتىنىن سىزىل قىزۇۇسۇن تۉرتمۅكتۅدۉ

2021-01-14 11:44

 ۇچۇردا، اپتونوم رايونۇبۇزدۇن جەر- جەرلەرىندەگى كۅرك رايوندورۇ، قار جىلعاياقتوو مايداندارى دايىمدۇۇلاشقان ىلدەتتىن الدىن الىپ تىزگىندۅۅ قىزماتىن جاقشى ىشتۅۅ نەگىزىندە، قار- مۇز ساياقاتى جاڭى تۉشۉمدۅرۉن توقتووسۇز اچىپ ۅنۉكتۉرۉپ، تەيلۅۅ دەڭگەەلىن جوعورۇلاتىپ، قار- مۇز ساياقاتىنىن سىزىل قىزۇۇسۇن تۉرتمۅكتۅدۉ. ىستانسىيابىز قابارچىلارى جئن لىي، جاڭ شئياۋيۉندۅردۉن قابارى نازارىڭىزداردا:

 ار جولۇ اپتا اقىرى بولعوندو، ۉرۉمچۉ نانسان كۅرك رايونۇ قار جىلعاياقتوو، قاردان ۉزۉ الۇۇ، قار وينووعو كەلگەن جوون توپ ساياقاتچىلاردى توسۇپ الات، كۅپچۉلۉك قىشقى چۇباقتاپ تىيگەن كۉندۅن مووقۇمۇ قانعىچا ۉزۉر الىپ، قار ۉستۉندۅگۉ ۇچقانداي البۇۇت سەزىمدى تۇيۇنات. ىلدەتتىن الدىن الىپ تىزگىندۅۅ چارالارىن قاتااڭ جۉزۅلۅشتۉرۉۉ الدىنقى شارتىندا، ۉرۉمچۉ جىبەك جولۇ ەل ارالىق تىنىعۇۇ رايونۇ، باييۉن ەل ارالىق قار جىلعاياقتوو مايدانىنىن اپتا اقىرىنداعى كۉندۉك ورتوچو توسۇپ العانى 1500 ادام ىرەتتەن اشىپ كەتتى. سىچۇان چىڭدۇدان كەلگەن قار جىلعاياقتوو كۉيۅرمانى لو ياۋياۋ مىنداي دەدى: «بئزدىن ال جاقتا قار ابدان از جاايت، شئنجاڭدا قار مايدانى جاقشى ەكەن، اباا ىرايى داعى ابدان جاقشى، بۉتكۉل كۅرك رايونۇ قووز كۅرۉنۅت، باارى ابدان كەرەمەت ەكەن».

 2021- جىلى جاڭى جىلدىق ەس الۇۇ مەزگىلىندە، شئنجاڭ قىشقى ساياقاتتىن چاقان جوعورۇ بەلەسىن ۇتۇرلاپ الدى، ۉچ كۉندۅ توسۇپ العان ماملەكەت ىچىنەن كەلگەن ساياقاتچى 1 مئلليون 320 مئڭ ادام ىرەت، ساياقات كىرەشەسى 980 مئلليون يۇاندى ىشكە اشىردى. ۇچۇردا، جەر- جەرلەردىن قار- مۇز ساياقاتى سىزىل قىزىپ، ار قايسى كۅرك رايوندورۇ، كۅرك تۉيۉندۅرۉ مەنەن قار جىلعاياقتوو مايداندارى ىلدەتتىن الدىن الىپ تىزگىندۅۅ قىزماتىن بااردىق كۉچۉ مەنەن جاقشى قارماپ، الدىن بولجوشۇۇ، جوعورۇ قارقىندان وولاق، اعىمعا چەك قويۇۇ سىياقتۇۇ چارالاردى جۉزۅلۅشتۉردۉ. التاي گەنەرال توو قار جىلعاياقتوو مايدانى پئلان بۅلۉمۉنۉن دىرەكتورۇ چىن ياڭ مىنداي دەدى: «ىلدەتتىن الدىن الىپ تىزگىندۅۅدۅ، بئز داعى دا كۅپ بەلەت بۉتۉرۉۉ كۅزنۅكتۅرۉن كۅبۅيتۉپ، بئر جارىم مەتىردەن الىس ارالىق ساقتوونۇ جولعو قويدۇق، قار مايدانى دارىلوو ىشتەرى ئشقاناسىن قۇرۇپ تەزدىك مەنەن ۅزۅك كىسلاتاسىن تەكشەردىك. ەمىكى قادامدا، بئز قار جولۇنۇن مولدۇعۇ جانا وينووعو بولوتۇرعانىن داعى بئر دەمجىي كۅبۅيتۉپ، ەڭ جاقشى وينولچۇ قار مايدانىن جاراتابىز».

 وشونۇ مەنەن بىرگە، اپتونوم رايونۇبۇزدۇن جەر- جەرلەرى قار- مۇز ساياقات بايلىعىنا سۅۅنۉپ، كۅل بەتىندە قىشقى بالىق قارموو، قارلۇۇ جەردەگى مارافون، ات چانا، قار ۉستۉندۅگۉ كۅكبۅرۉ، قىز قۇۇماي سىياقتۇۇ قار- مۇز قىيمىلدارىن چىعارىپ ساياقاتچىلاردى ەلىكتىردى. ار قايسى قار جىلعاياقتوو مايداندارى داعى ار تۉردۉۉ قىشقى ساياقات تۉشۉمدۅرۉن چىعارىپ، وقشوبوعون ساياقاتچىلاردىن اجاتىن قانااتتاندىردى. ۉرۉمچۉ جىبەك جولۇ ەل ارالىق قار جىلعاياقتوو تىنىعۇۇ رايونۇ جاڭى ماالىمات ارالجىلارى بۅلۉمۉنۉن جووپتۇسۇ جاي تئڭفىي مىنداي دەدى: «قار جىلعاياقتوو نەگىزگى تۉرلۅرۉنۅن باشقا، بئز كۅپچۉلۉك كۅبۉرۅۅك جاقتىرعان بئر تۉردۉ قايرادان دولبوورلودۇق، بئزدىن بئر جىلدىن تۅرت مەزگىلىندە فۇنكلىيور مەنەن ەكىسكۇرتسىيالوو تۉرۉن قوشتۇق. مىندان باشقا تور جىلدىزى سۅزسۉز بارچۇ جەرى قار دۅڭگۅلۅك تۉرۉن قوشتۇق، قالىڭ ساياقاتچىلاردىن جاقتىرۇۇسۇنا ەە بولدۇ ارى نازارىن بۇردۇ».

 قىشقى كانىكول جەتىپ كەلۉۉ الدىندا، ار قايسى قار جىلعاياقتوو مايدانى، مۇز تايعىلۇۇ مايداندارى داعى تۉردۉۉ جەڭىلدىك بەرۉۉ چارالارىن چىعاردى، وشوندوي ەلە جاش ۅسپۉرۉمدۅرگۅ ىلايىق كەلچۉ قىيمىل مەنەن تۉشۉمدۅردۉ دايىندادى. ۉرۉمچۉ باييۉن قار جىلعاياقتوو مايدانىنىن ورۇنباسار باش دىرەكتورۇ لئيۇ يانان مىنداي دەدى: «وقشوبوعون تۉرلۅردۉ اچىپ، وقشوبوعون بالداردىن قىشقى لاگەر قىيمىلىنا قاراتمالۇۇ، مىندا ار اپتانىن اقىرىندا جانا قىشقى كانىكولدو ۇزۇن مەزگىل الىپ بارىلعان جالعىز تاقتاي اچىق ساباعىن قامتىيت. بئز كەسىپتىك قار جىلعاياقتوو تەرنىرلەرىن سۇنۇشتاپ جاش ۅسپۉرۉمدۅردۉ اقسىز قار جىلعاياقتوو ساباعى مەنە قامدادىق، الارعا العاچقىسىن ۉيرۅتۉپ، قار جىلعاياقتوو ۅنۅرۉن جوعورۇلاتۇۇعا ەە قىلابىز، الاردى قاردان تۇرعان بۇل قىيمىلدى جاقتىرۇۇعا ەە قىلىپ، قار- مۇز دەنە اراكەتىنە قاتىشتىرابىز». 

〖2021.01.14-11:44〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز