باتىش تۉندۅكتۅگۉ العاچقى ەل ارالىق ىنتەرنەت ساندۇۇ ماالىمات اتايىن جولۇ قارامايدا قۇرۇلۇپ بۉتۉپ ىشتەتۉۉگۅ كىرىشتىرىلدى

2021-01-14 11:12

 جاقىندا قاراماي شاارى بۇلۇت ەسەپتۅۅ ۅنۅرجاي كەسىپ باقچاسىنىن ەل ارالىق ىنتەرنەت ساندۇۇ ماالىمات اتايىن جولۇ قۇرۇلۇپ بۉتۉپ ىشتەتۉۉگۅ كىرىشتىرىلىپ، باقچا رايوندوقۇ كەرقانالار ۉچۉن ەل ارالىق ىنتەرنەتكە تىكە جالعانعان ماالىمات جوعورۇ تەمپتۉۉ تاش جولۇن سالىپ بەردى. ەمى بۇل جۅنۉندۅكۉ قابارى نازارىڭىزداردا:   

 بۇل ەكى كۉندۅ، شئنجاڭ تىيەنكۇڭ جىچىڭ ىنتەرنەت ئلىم تەحنىكا چەكتۉۉ شەرىكتىگى جاڭىدان ىشكە كىرىشتىرىلگەن ەل ارالىق ىنتەرنەت ساندۇۇ ماالىمات اتايىن جولۇنا تەكشەرىپ سىناق قىلۇۇ الىپ باردى. شەرىكتىكتىن تەحنىكا دىرەكتورۇ ۋۇ شىكاي، اتايىن جولدۇن اچىلىشىنان كەرقانا انسايىن تۇرۇقتۇۇ، وڭتويلۇۇ بولعون ىنتەرنەت تەيلۅۅسۉنۅن باارلانىپ، كەرقانانىن قىزمات بەرەكەتى زور داراجادا جوعورۇلاعانىن ايتىپ مىنداي دەدى: مۇرداعى 1.5 گەگابايت چوڭدۇقتاعى بئر ۉجۅتتۉ تۉشۉرۉۉ ۉچۉن اداتتاعى ابالدا 5 مئنۇت ايلاناسىندا ۇباقىت كەتەت ەلە، اتايىن جولدۇ اچقاندان كىيىن بئر ۉجۅتتۉ تۉشۉرۉۉ ۉچۉن بولعونۇ ەكى مئنۇت ايلاناسىندا ۇباقىت كەتەت، بئزدىن قىزمات بەرەكەتىبىز جوعورۇلادى. داعى بئزدىن كەسىپتەردى كەڭىرتۉۉ، قىردارعا بۇلۇت ۅرۉشۉندۅ ساقتوو جاساپ بەرۉۉبۉزگۅ جاردامى تئيدى.   

 ەل ارالىق ىنتەرنەت ساندۇۇ ماالىمات اتايىن جولۇ سىرتقا باعىتتالعان ۅنۅرجاي باقچا رايون ۉچۉن قۇرۇلۇپ، ماملەكەتىبىزدىن ىنتەرنەتتى ەل اراعا جالعوو مەكەمەسىنىن اتايىن جولۇنا تىكە جەتەت، ۇباقىتى قىسقا، كەڭ القاقتۇۇ، جوعورۇ ىشەنىمدۉۉدۅي ۅزگۅچۅلۉكتۅرگۅ ەە، جۅرۅلگۅلۉۉ كەڭ القاقتۇۇ اتايىن لئنىيا مەنەن ەل ارالىق ىنتەرنەتكە چىعۇۇداعى ۇباقىتى ۇزارىپ كەچىگۉۉ جانا توسۇلۇۇ سىياقتۇۇ ماسەلەلەر ۅنۉمدۉۉ چەچىلەت. قاراماي شاارى بۇلۇت ەسەپتۅۅ ۅنۅرجاي باقچا رايونۇن باشقارۇۇ كومىتەتى پارتئيا قىزمات كومىتەتىنىن شۇجئسى لئى يۉن قابارچىعا، باقچا رايوندۇن ەل ارالىق ىنتەرنەت ساندۇۇ ماالىمات اتايىن جولۇ باتىش تۉندۉك رايونۇندا اچىلعان بئرىنچى اتايىن جول ەكەنىن ايتىپ مىنداي دەدى: ۇچۇردا ماملەكەت بويۇنچا 27 اتايىن جول بار، نەگىزىنەن ايرىم چوڭ تىپتەگى شاارلار مەنەن ورتو چىعىش بۅلۉكتۅگۉ ايرىم ۅلكۅ شاارلارعا جايعاشقان، بئز قۇرعان ەل ارالىق ىنتەرنەت ساندۇۇ ماالىمات اتايىن جولۇ شئنجاڭدىن ماملەكەت بويۇنچا ىنتەرنەتتەگى وردۇن جوعورۇلاتتى، وشوندوي ەلە ماملەكەتىبىزدىن قۇرعاقتىقتا قارامايدان ەۋروپاعا تىكە جەتۉۉچۉ 4- ىنتەرنەت ەل ارالىق جالعوو مەكەمەسىن قۇرۇۇنۇ ىلىكتۅۅسۉن نەگىز مەنەن قامدادى.   

 قاراماي شاارى بۇلۇت ەسەپتۅۅ كەسىپ باقچا رايونۇ 2012-جىلى قۇرۇلعان، ۇچۇردا باتىش تۉندۉك رايونۇنداعى كۅلۅمۉ ەڭ چوڭ بۇلۇت ەسەپتۅۅ بازاسىن قۇرعان. ماملەكەت داراجالۇۇ بۇلۇت ەسەپتۅۅنۉ قولدونۇۇ ۉلگۉ باازاسى جانا شئنجاڭ «تىيەنشانيۉن»ۅزۅكتۉۉ بازاسى قاتارى، 90دون اشۇۇن دۉينۅگۅ تاانىمال بۇلۇت ەسەپتۅۅ تەيلۅۅسۉ مەنەن قامدووچۇ سووداگەرلەر جانا كەرقانالار باقچا رايوندون ورۇن وچوق العان. بۇعا چەيىن باقچا رايوندوقۇ كەرقانالاردىن ساندۇۇ ماالىماتى كۉيتۉن-ۉرۉمچۉ-شئى-ان سىياقتۇۇ جەرلەر ارقىلۇۇ قاتمار-قاتمار بويۇنچا قوتۇرۇلۇپ، انان ىنتەرنەت ەل ارالىق جالعوو مەكەمەسى ارقىلۇۇ ەل ارالىق ىنتەرنەتكە جالعانات ەلە، مىندا ىنتەرنەتكە كىرۉۉ ۇباقىتى ۇزۇن بولۇۇ، ساندۇۇ ماالىمات وڭوي جوعولۇۇ سىياقتۇۇ مۉچۉلۉشتۉكتۅر ساقتالات ەلە.

 2017-جىلى قاراماي شاارى اپتونوم رايوندۇق قابارلاشۇۇنۇ باشقارۇۇ مەكەمەسى مەنەن بىرگەلەشىپ، اتايىن جول تۉرۉن قۇرۇۇنۇ ماالىمداعان. 2018-جىلى 4-ايدا، ۅنۅرجاي جانا ماالىماتتاشتىرۇۇ مىنىستىرلىگى قاراماي شاارىندا بۇلۇت ەسەپتۅۅ كەسىپ باقچا رايونۇندا باتىش تۉندۉكتۅگۉ تۇنعۇچ ەل ارالىق ىنتەرنەت ساندۇۇ ماالىمات اتايىن جولۇن قۇرۇۇنۇ تاستىقتاعان. 2020- جىلى 12- ايدىن 26- كۉنۉ، اتايىن جول ۅنۅرجاي جانا ماالىماتتاشتىرۇۇ مىنىستىرلىگىنىن تەكشەرىپ ۅتكۅرۉپ الۇۇسۇنان ۅتكۅن. لئى يۉن مىنداي دەدى: باش شۇجئى شئى جئنپىڭ ورتوعو قويعون «سىفىرلۇۇ جۇڭگو قۇرۇۇ» تالابىن تەرەڭدەي ئزچىلدەشتىرىپ جۉزۅلۅشتۉرۉۉ ۉچۉن، «14-بەش جىلدىق» جوسپور مەزگىلىندە بئز سىفىرلۇۇ ەكونومىكانى ۅنۉكتۉرۉۉ مۅرتۉن بەكەم قارماپ، اپتونوم رايوندۇن «تىيەنشان يۉنگۇ» ۅزۅكتۉۉ باازاسىن قۇرۇۇنۇ مۅرت قىلىپ، سىفىردى كەسىپتەشتىرۉۉ جانا كەسىپتى سىفىرلاشتىرىپ قۇرۇۇنۇ تۇتقا قىلىپ، جاڭى بئر ۇرپاق ماالىمات تەحنىكاسى مەنەن ەكونومىكا قوومدۇ ۅنۉكتۉرۉۉنۉن جالپى بەتكەي تەرەڭدەي جۇۇرۇلۇشۇن تۉرتمۅكتۅپ، ماالىمات تەحنىكا تەيلۅۅ قۇرباتىن كۉچ سالاا كۉچۅتۉپ، قوومدۇن اقىل جۅندۅمدۉۉ باشقارۇۇ دەڭگەەلىن ۅستۉرۉپ، سىفىرلۇۇ ەكونومىكانى جەتىشتىرىپ زورويتۇپ، قاراماي شاارىنىن داراجا ۅستۉرۉپ تئپ ۅزگۅرتۉۉسۉنۅ تايانچ بولۇۇ مەنەن بىرگە، شئنجاڭ ەكونومىكاسىنىن جوعورۇ ساپاتتا ۅنۉگۉۉسۉنۅ انسايىن جاقشى دەمۅۅر بولۇپ، «بئر القاق بئر جول» قۇرۇلۇشۇنا تەيلۅۅ كۅرسۅتۅبۉز.

〖2021.01.14-11:12〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز