ۇزدۇعۇ مەنەن جاقشى كۉندۅردۉ ‹سايمالاپ چىقتى›»

2021-01-10 12:19

 ىستانسىيابىز قابارچىسى لئيۇچىياڭ جازعان «ۇزدۇعۇ مەنەن جاقشى كۉندۅردۉ ‹سايمالاپ چىقتى›» دەگەن قابارى نازارىڭىزداردا:

 ـــــ بۇل جىبەك لەنتانى داعى چىڭىرااق تارت. كۅپچۉلۉك جۇمۇش ىشتۅۅ تەزدىگىڭەردى تەزدەتكىلە، توۋاردى داروو تاپشىرابىز...»

  جاڭى جىل باشتالارى مەنەن، لوپ وودانى دولۇ ايىلى دۅڭازما قىشتاعى التىن ىينە قول ۅنۅر بۇيۇمدارى دىيقاندار كەسىپتىك كۅمۅكتۅشتۉك كوپراتىبى بئر سايما كىيىم كەچە بۇيرۇتماسىن قابىلدادى، 60 نەچە زىرەك ارى چەبەر سايماچى قىز زەەنىن جىيناپ، ىينەلەرىن وينوتۇپ، شاشىلىپ ىشتەپ جاتتى. كۅمۅكتۅشتۉك كوپراتىبىنىن جووپتۇسۇ نازىگۉل توحتىقۇربان ابدان ووراقتانىپ مىنداي دەدى: «مەن ەجە- سىڭدىلەر مەنەن بىردىكتە بۇل جەردە شاشىلىش ىشتەپ جاتابىز، كۅمۅكتۅشتۉك كوپراتىبى كۉنسايىن جاقشىلاندى، ازىر بۇل قىشتاقتىن بئر اتاقتۇۇ ماركەسىنە ايلاندى.»

  ۉچ جىل مۇردا، نازىگۉل توحتىقۇربان بئر جۅنۅكۅي ايىلدىق ايال ەلە، ار كۉنۉ قازان باشىن ايلانىپ بالدارىن قاراپ كۉندۅرۉ ۅتچۉ، ۉيۉنۉن شارتى داعى جاقشى ەمەس، ارحئپ تۇرعۇزۇپ كارتا بۉتۉرۉلگۅن كەمباعال تۉتۉن بولچۇ. قىشتاق ۇيۇمداعان سايماچىلىق تاربئيالوو كۇرسۇنا قاتىشقاندان كىيىن، ال بۇل ۅنۅردۉ جاقتىرىپ قالىپ، سايما سايىپ چاربا جاراتىپ اقچا تابۇۇ ويۇ پايدا بولدۇ. «ەل ابالىن بىلۉۉ، ەلگە نارپ جەتكىرۉۉ، ەل كۅڭۉلۉن الۇۇ» قىشتاقتا تۇرۇشتۇۇ قىزمات اتىرەتى مىندان قاباردار بولعونسوڭ، انى ۉرۉمچۉگۅ بارىپ كەسىپتىك ۉيرۅنۉۉگۅ ورۇنداشتىرىپ ەلە قالباي، داعى انى مەنەن باشقا سايماچىلىق ۅنۅرۉ بار 5 قىز- كەلىندىن چاربا جاراتۇۇ قارجىسىن سۇنۇشتووسۇنا جاردام بەرىپ، الاردى چوعۇۇ چاربا جاراتۇۇعا شىقتاندىردى. نازىگۉل توحتىقۇربان مىنداي دەدى: « قىزمات اتىرەتى مەنىن كىچىنە سايماچىلىقتان قابارىم بار ەكەنىن بىلگەندەن كىيىن، مەنى شئنجاڭ كەسىپتىك داشۅسۉنۅ ۉيرۅنۉۉگۅ جىبەردى، ۉيرۅنۉپ قايتىپ كەلگەندەن كىيىن، داعى 300 نەچە مئڭ يۇاندان اشۇۇن قارجى سالىپ زاۋوت ۉيۉن سالىپ، مەنى كۅپچۉلۉكتۉ ۇيۇمداپ بىردىكتە سايما سايىپ اقچا تابۇۇعا ەە قىلدى. ازىر، مەن جانا قىشتاقتاعى كۅپتۅگۅن ەجە- سىڭدىلەردىن تۇرۇقتۇۇ كىرەشەسى بار بولدۇ، ەمنە ىشتەسەك داعى ىشەنچىبىز بار».

  بۉگۉنكۉ كۉندۅ، التىن ىينە قول ۅنۅر بۇيۇمدارى دىيقاندار كەسىپتىك كۅمۅكتۅشتۉك كوپراتىبى ايلاناداعى 65 قىز- كەلىندى تۇرۇقتۇۇ جۇمۇشقا ورۇنداشۇۇعا قابىلداپ، ار بئر كىشىنىن ايلىق كىرەشەسى ورتوچو 2 مئڭ يۇاندان جوعورۇ بولدۇ. جاقىندا، نازىگۉل توحتىقۇربان ىچكى ۅلكۅگۅ بارىپ تەكشەرىپ ۉيرۅنگۅندۅن كىيىن، داعى كۅمۅكتۅشتۉك كوپراتىبىندە بۇيرۇتۇپ جاسالعان سايما توۋارلاردى چىعارىپ، كەسىپتىك جابدۇۇلار ارقىلۇۇ قاردالار قامداعان سىزما- چىيمە، سۉرۅت سىياقتۇۇلاردى جازدىق، كىيىم- كەچەلەرگە باسىپ چىعارىپ، اندان سايمالاپ قووزدودۇ، جاڭى تۉشۉم چىعارى مەنەن كەرەكتۅۅچۉلۅردۉن جاقتىرۇۇسۇنا ەە بولدۇ. نازىگۉل توحتىقۇربان مىنداي دەدى: «كۅپچۉلۉكتۉن تۇرمۇشۇ بارعانسايىن جاقشىلاندى، ۅزۉم كەە بئر وقشوبوعون نەرسەلەردى جاسايىن دەيىم، بئزدىن كۅمۅكتۅشتۉك كوپراتىبىبىز كەە بئر سايمالاردى بۇيرۇتۇپ ىشتەي باشتادىق».

   نازىگۉل توحتىقۇرباندىن كۉندۅرۉ بارعانسايىن دۇۇماندۇۇ بولدۇ، ال ۉيۉن قايرادان جاسالعالاپ، داعى ۅزۉنۅ بئر جاڭى اۋتوۇنا ساتىپ الدى. ال مىنداي دەدى: «ازىر مەن ار كۉنۉ اۋتوۇناا ايدايم، كۅمۅكتۅشتۉك كوپراتىبىنە داعى دا كۅپ جۇمۇشتاردى ىشتۅۅ ۉچۉن، ابدان شاشىلىش ابدان چارچايم، بئروق مەنچە ابدان قۇبانىچتۇۇمۇن، بۇل مەن ويلوپ جۉرگۅن تۇرمۇش. مەن داعى ەجە- سىڭدىلەردى باشتاپ، بئز بىردىكتە جاقشى ىشتەپ، الاردى اقچا تابۇۇعا ەە قىلىپ، كۅپچۉلۉك چوعۇۇ باقتىلۇۇ تۇرمۇش ۅتكۅرسۅك دەيبىز.» 

〖2021.01.10-12:19〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز