اپتونوم رايونۇبۇزدۇن شئنجاڭدىن ەلەكتىرىن سىرتقا جەتكىرۉۉ ەلەكتىر مۅلچۅرۉ 100 مئللىيارت 12 مئللىيون كىلوۋات سااتقا جەتتى

2021-01-09 12:48

 2020- جىلى اپتونوم رايونۇبۇزدۇن شئنجاڭدىن ەلەكتىرىن سىرتقا جەتكىرۉۉ ەلەكتىر مۅلچۅرۉ 100 مئللىيارت 12 مئللىيون كىلوۋات سااتقا جەتىپ، وقشوش مەزگىلگە سالىشتىرعاندا 40 پايىزدان كۅبۉرۅۅك ارتقان. بۇل جۅنۉندۅ ىستانسىيابىز قابارچىسى ياڭ جۇنۇن قابارى نازارىڭىزداردا: 

 قىچىراعان قىشتا، قومۇل تئيانشان اعىم الماشتىرۇۇ پۇنكىتىنىن قىزماتكەرلەرى ەلەكتىر پۇنكىتتىن جابدۇۇلارىن قىدىرىپ تەكشەرۉۉ ەپكىنىن ارتتىرىپ، جابدۇۇلاردىن قووپسۇز تۇرۇقتۇۇ جۉرۉۉسۉن قامسىزدادى. قومۇلدان جىڭجۋۇعا چەيىنكى ±800 كىلوۋولتتۇق ۅزگۅچۅ جوعورۇ چىڭالۇۇداعى تۇراقتۇۇ تۅك ەلەكتىر جەتكىرۉۉ قۇرۇلۇشۇ قومۇل تئيانشان اعىم الماشتىرۇۇ پۇنكىتىنەن باشتالىپ، حىنان جىڭجوۋداعى اعىم الماشتىرۇۇ پۇنكىتىندە توقتويت، ال شئنجاڭدىن ەلەكتىرىن سىرتقا جەتكىرۉۉدۅكۉ بئرىنچى ۅزگۅچۅ جوعورۇ چىڭالۇۇداعى ەلەكتىر جەتكىرۉۉ قۇرۇلۇشۇ. 2020- جىلى اعىم الماشتىرۇۇ پۇنكىتى جىلدىق ۇنىۋەرسال تەكشەرىپ رەمونتتوونۇ قىلداشتىرۇۇ ارقىلۇۇ، شئنجاڭدىن ەلەكتىرىن سىرتقا جەتكىرۉۉ مىلدەتىنىن شىدىر بۉتۉۉسۉن ەڭ چوڭ چەنەمدە قامسىزداپ، جىلدىق جالپى سىرتقا ەلەكتىر جەتكىرۉۉ مۅلچۅرۉ 40 مئللىيارد 800 مئللىيون كىلوۋات سااتقا جەتكەن. ماملەكەتتىك ەلەكتىر تورۇ شئنجاڭ تەكشەرىپ رەمونتتوو شەرىكتىگى ±800 كىلوۋولتتۇق ۅزگۅچۅ جوعورۇ چىڭالۇۇداعى قومۇل تئيانشان اعىم الماشتىرۇۇ پۇنكىتىنىن پارتئيا ياچەيكا شۇجئسى، ورۇن باسار پۇنكىت باشچىسى حۇاڭ لئمئڭ مىنداي دەدى: بئز ەلەكتىر توقتوو ۇباقىتىن ازايتىپ سىرتقا جەتكىرۉۉگۅ كەپىلدىك قىلىپ، ەلەكتىر توقتوو ىڭعايىن قىلداشتىرىپ، باردىق توقتوو ۇباقىتىن 11 كۉنگۅ قىسقارتىپ، تۇراقتۇۇ اعىمدىن قولدونۇلۇۇ سالىشتىرماسىن كۅتۅردۉك، بئز تەڭشۅۅ اپپاراتىن ىشكە كىرىشتىرگەندەن بەرى العاچقى جولقۇ تەكشەرىپ رەمونتتوو قىزماتىن شىدىر بۉتۉرۉپ، شئنجاڭدىن ەلەكتىر تورۇن جانا جاڭى ەنەرگىيا قابىلدووسۇن كەپەلەتتەندىردىك.

 2020- جىلى، اپتونوم رايونۇبۇزدۇن شئنجاڭدىن ەلەكتىرىن سىرتقا جەتكىرۉۉ ەلەكتىر مۅلچۅرۉ 100 مئللىيارد كىلوۋات سااتتان اشىپ، وقشوش مەزگىلگە سالىشتىرعاندا 40 پايىزدان كۅبۉرۅۅك ارتتى. بۇل شئنجاڭدىن شئنجاڭ ەلەكتىرىن سىرتقا جەتكىرۉۉنۉ جولعو قويعوندون بەركى، جىلدىق ەلەكتىر جەتكىرۉۉ مۅلچۅرۉنۉن العاچقى جولۇ 100 مئللىيارد كىلوۋات ساتتان اشۇۇسۇ سانالات. شئنجاڭ ەلەكتىرىن سىرتقا جەتكىرۉۉ ەلەكتىر مۅلچۅرۉنۉن تەز ارتۇۇسۇ دەلە جاڭى ەلەكتىر قۇبات جولۇنۇن ۅندۉرۉشكۅ كىرىشتىرىلۉۉسۉنۉن شاراپاتىنان بولعون. بۇل ەكى كۉندۅ چىعىش جۇڭعار-گۇچۉان ±1100 كىلوۋولتتۇق سانجى اعىم الماشتىرۇۇ پۇنكىتى 5G تورۇن نەگىز قىلعان اقىل ىدىرەكتۉۉ جۉرگۉزۉۉ اسىروو قۇرباتىنىن داراجاسىن ۅستۉرۉۉ تۉر قۇرۇلۇشۇن جالپى بەتكەي قوزعوتتۇ، ارتقى ۅرۉش ساندۇۇ ماالىماتتى كۅزۅمۅلدۅپ تىزگىندۅۅ، ماشئينا ادام اقىل جۅندۅمدۉۉ جۉرگۉزۉپ اسىروو قىدىرىپ تەكشەرۉۉنۉ ىشكە اشىرىپ، ەلەكتىر جەتكىرۉۉ قووپسۇزدۇعۇن جوعورۇلاتىپ، جەتكىرۉۉ قۇباتىن 6 مئللىيون كىلوۋاتتان 8 مئللىيون كىلوۋاتقا كۅتۅردۉ.

 چىعىش جۇڭعار-گۇچۉان ±1100 كىلوۋولتتۇق سانجى اعىم الماشتىرۇۇ پۇنكىتىنىن پارتئيا ياچەيكا شۇجئسى يئن حوڭشئيا مىنداي دەدى: كىيىنكى قادامدا ، 5G تۉز بايانىن، ماشئينا ادام قىدىرىپ تەكشەرۉۉ، ۋئدىيو ارقىلۇۇ كۉزۅتۉپ تىزگىندۅۅ سىياقتۇۇ جۅندۅمدۅردۉ قوشۇپ، اعىم الماشتىرۇۇ پۇنكىتىنىن جۉرۉۉسۉن تەكشەرۉۉ، كۅزۅمۅلدۅپ باشقارۇۇ ۅنۉمۉ مەنەن ساپاتىن ۅستۉرۉپ، چوڭ ەلەكتىر تورۇنۇن قووپسۇز تۇرۇقتۇۇ جۉرۉۉسۉن قامسىزداپ، شئنجاڭ ەلەكتىرىن سىرتقا جەتكىرۉۉ مىلدەتىنىن ىيگىلىكتۉۉ بۉتۉۉسۉنۅ دەمۅۅر بولوت.

  شئنجاڭ ەلەكتىرىن سىرتقا جەتكىرۉۉ كۅلۅمۉنۉن جوعورۇلاشى دا «ەلەكتىر قۇباتى بويۇنچا شئنجاڭعا نئشااندۇۇ جاردام بەرۉۉ+بازارلاشتىرۇۇ» ساياساتىنىن جولعو قويۇلۇۇسۇنان بولعون. جاقىنقى جىلداردان بەرى اپتونوم رايونۇبۇز كۅپتۅگۅن ۅلكۅ رايون شاارلار مەنەن «ۅكۉمۅتتۅر ارا شئنجاڭعا نئشااندۇۇ جاردام بەرىپ ەلەكتىر قۇباتىن سىرتقا جەتكىرۉۉ» كەلىشىمىنە قول قويۇشۇپ، سىرتقا جەتكىرگەن ەلەكتىر مۅلچۅرۉنۉن كۅلۅمۉ اقىرىندىق مەنەن كەڭىرگەن. 2020- جىلى ەلەكتىر قۇباتى بويۇنچا شئنجاڭعا نئشااندۇۇ جاردام بەرۉۉ توقتوم كۅلۅمۉ 22 مئللىيارد 900 مئللىيون كىلوۋات ساات بولۇپ، الدىنقى جىلعا سالىشتىرعاندا 3 مئللىيارد 300 مئللىيون كىلوۋات ساات ارتقان. ماملەكەتتىك ەلەكتىر تورۇ شئنجاڭ ەلەكتىر قۇباتى سوودا بوربورۇ چەكتۉۉ شەرىكتىگى سوودا بۅلۉمۉنۉن اتايىن جووپتۇۇسۇ جاڭ جۉن مىنداي دەدى: كىيىنكى قادامدا اپتونوم رايونۇبۇزدۇن تەلەگەيلەشكەن ەلەكتىر قاينارى الدىن توقتومۇ، ۅكۉمۅتتۅر ارا كەلىشىم توقتومۇ، بازارلاشتىرىپ ەلەكتىر جەتكىرۉۉ توقتومۇنۇن ىرەت تارتئبى بويۇنچا تۉركۉم ىرەتكە بۅلۉپ توقتومعو قول قويۇشۇۇنۇ بۉتۉرۉپ، سىرتقا ەلەكتىر جەتكىرۉۉ مۅلچۅرۉنۉن جۉزۅلۅشۉۉسۉنۅ چىنىعى كەپىلدىك قىلارىن ايتىپ مىنداي دەدى: بەيجىن سوودا بوربورۇ، باتىش تۉندۉك بۅلۉمچۅ وردۇ، ساتىپ الۇۇچۇ ۅلكۅ شاارلار سىياقتۇۇ تارماقتار مەنەن سۉيلۅشۉۉنۉ كۉچۅتۉپ، «ەكى ۅزگۅرمۅ، ەكى تۇرۇقتۇۇ » ەلەكتىر جەتكىرۉۉ جولۇنان تولۇق جاقشى پايدالانىپ، سىرتقا جەتكىرۉۉ جولۇن قولدونۇۇ سالىشتىرماسىن چوڭويتۇۇعا چىنىعى كەپىلدىك قىلابىز. وشونۇ مەنەن بىرگە تەحنىكا قىزماتكەرلەردى مۅۅنۅتۉ مەنەن سىستەمانى قىدىرىپ تەكشەرۉۉ الىپ بارۇۇعا ورۇنداشتىرىپ، سوودا ۅرۉشۉنۉن تۇرۇقتۇۇ جۉرۉۉسۉنۅ چىنىعى كەپىلدىك قىلىپ، سوودالاشۇۇ قىزماتىنىن شىدىر ۇيۇمداشتىرىلۇۇسۇن كەپەلەتتەندىرەبىز.

〖2021.01.09-12:48〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز