باش شۇجئى شئى جئنپىڭ، ىلدەتتىن الدىن الىپ تىزگىندۅۅ مەنەن ەكونومىكا قوومدۇ ۅنۉكتۉرۉۉنۉ بئر جۅنكۉ پىلاندادى

2021-01-09 12:21

 باش شۇجئى شئى جئنپىڭ، ىلدەتتىن الدىن الىپ تىزگىندۅۅ مەنەن ەكونومىكا قوومدۇ ۅنۉكتۉرۉۉنۉ بئر جۅنكۉ پىلانداپ، «التىنى تۇرۇقتاشتىرۇۇ» قىزماتىن جاقشى ىشتەپ، «التىنى قامسىزدوو» مىلدەتىن جۉزۅلۅشتۉرۉۉ كەرەكتىگىن باسا كۅرسۅتكۅن. اپتونوم رايونۇبۇزدۇن جەر- جەرلەرى كەرقانالارعا نارىپ جەتكىرۉۉچۉ ار تۉردۉۉ ساياساتتاردى استەيدىل جۉزۅلۅشتۉرۉپ، تئجارات سوودا چۅيرۅسۉن سىزىل قىلداشتىرىپ، ورتو چاقان مايدا كەرقانالار، ەل باشقارۇۇسۇنداعى كەرقانالار جانا جەكە تئجارتچىلاردىن ۅندۉرۉش تئجارات جۉگۉن جەڭىلدەتىپ، ار تۉردۉۉ بازار نەگىزگى تۇلقۇلارىنىن سوو تۇرۇقتۇۇ ۅنۉگۉۉسۉنۅ چىنىعى كەپىلدىك قىلدى. بۇل جۅنۉندۅ ىستانسىيابىز قابارچىسى گاۋ مىڭحۇيدۇن قابارى نازارىڭىزداردا: 

 بۇل مەزگىلدە، ۉرۉمچۉ جوعورۇ جاڭى تەحنىكالۇۇ اچىپ ۅنۉكتۉرۉۉ رايونۇ (جاڭى شاار رايونۇ)نداعى شئنچئكاڭ دارىگەرلىك جارناق چەكتۉۉ شەرىكتىگى اقىل جۅندۅندۉۉ زامانداشقان ۇيعۇرچا دارى ۅندۉرۉۉ بازااسىن شاشىلىش قۇرۇپ جاتتى. شەرىكتىكتىن دارى ىزىلدەپ اچۇۇعا جووپتۇۇ شئنجاڭ چئمۇ دارى ىزىلدۅۅ وردۇنۇن ورۇن باسار باشچىسى لئى كى-اۋ قابارچىعا، اتالعان تۉرگۅ 300 مئللىيون يۇان قارجى سالىپ، جۇڭگوچو دارىگەرلىك ۇيعۇرچا دارى اقىل جۅندۅمدۉۉ ۇنىۋەرسال دارى جاسوو سەحى، اپتوماتىك الۇۇ سەحى، ۇنىۋەرسال قامپا، ساپاتىن كۉزۅتۉۉ بوربورۇ سىياقتۇۇلاردى قۇرۇۇنۇ پئلانداعانىن ايتىپ مىنداي دەدى: «اقىل جۅندۅمدۉۉ جانا اپتوماتىك سىستەماعا چوعۇۇ داراجاسىن ۅستۉرۉۉ الىپ بارىپ، جىلىنا 300 مئللىيون تال دارى، 40 مئللىيون تالقان جانا ىچۉۉ سۇيۇقتۇعۇن، 6 مئللىيون بۅتۅلكۅ ارالاشما دارى ۅندۉرۉۉگۅ جەتكىرىپ، جىلدىق ۅندۉرۉش نارقىن 1 مئللىيارت يۇاندىق ۅندۉرۉش قۇرباتىن قالىپتاشتىرابىز».

  2020- جىلى، اپتونوم رايوندۇن ورتو، چاقان، مايدا كەرقانالاردىن جۇمۇشتۇ ۅندۉرۉشتۉ قالىبىنا كەلتىرۉۉسۉن قولدووعو بايلانىشتۇۇ ساياساتىنىن شاراپاتىندا، شئنچئكاڭ دارىگەرلىك جارناق چەكتۉۉ شەرىكتىگى باجىنى ازايتىپ اقىنى تۅمۅندۅتۉۉ، قارىز اقچا ۅسۉمۉ، قوومدۇق قامسىزداندىرۇۇنۇ ازايتىپ كەچىرىم قىلۇۇ سىياقتۇۇ ار تۉردۉۉ قارجىدان 18 مئللىيون يۇاندان اشۇۇن باارلانىپ، شەرىكتىكتىن قارجى تارتىش بولۇۇ سىياقتۇۇ ماسەلەسى باساڭداعان. شەرىكتىكتىن مالئيا ىشتەر باشقى كۅزۅمۅلدۅۅچۉسۉ ۋاڭ نئڭ مىنداي دەدى: «بۇل قارجىلار تئجاراتتىن كۅپتۅگۅن جاقتارىنا ىشتەتىلدى، ۅندۉرۉش قىزماتكەرلەردىن ماياناسى، جابدۇۇنۇ جاڭىلوو جانا ىزىلدەپ اچۇۇ جاعىنا سالىندى. كىيىنكى قادامدا بئز ازىرقى بار تۉرۉن ەكىنچى جولۇ اچىپ ۅنۉكتۉرۉۉ جانا دارى ىزىلدۅۅدۅ جاڭىلىق جاراتۇۇنۇ ۇلاندۇۇ قۇلاچ جايدىرىپ، 2021- جىلى 500 مئللىيون يۇاندىق ساتۇۇ كىرەشەسىن بۉتۉرۉۉگۅ كۉچۅتبۉز .

 ورتو، چاقان، مايدا كەرقانالار مەنەن جەكە تئجاراتچىلاردىن سوو ۅنۉگۉۉسۉن ىلگەرى سۉرۉۉ ۉچۉن، ىلدەت كۅرۉلگۅندۅن بەرى اپتونوم رايونۇبۇز الدى- ارتى بولۇپ «جاڭىچا تااجى سىمال ۋئرۇس ۅپكۅ سەزگەنچى ىلدەتىنە تەڭتايلاش تۇرۇپ ورتو، چاقان، مايدا كەرقانالاردىن جۇمۇشتۇ ۅندۉرۉشتۉ قالىبىنا كەلتىرىپ سوو ۅنۉگۉۉسۉن قولدوو جۅنۉندۅكۉ 16 تۉردۉ چاارا»، «ىلدەتتىن تااسىرىنە تەڭتايلاش تۇرۇپ جەكە سوودا ۅنۅرجايچىلارعا بولعون جۅلۅۅ ەپكىنىن اشىرۇۇ جۅنۉندۅكۉ جولعو قويۇۇ پىكىرى» سىياقتۇۇ بايلانىشتۇۇ ساياساتتاردى چىعارعان. وشونۇ مەنەن قاتار اپتونوم رايون داعى ساياساتتىق «بىرىكمە مۇشۇن» ۇرۇپ، كەرقانالاردىن قوومدۇق قامسىزداندىرۇۇ اقىسىن باسقىچ مۉنۅزدۉۉ ازايتىپ كەچىرىم قىلۇۇ ساياساتىن چىعارىپ، كەرقانالاردىن تئجارات قىيىنچىلىعىن باساڭداتىپ، كەرقانالاردىن جۇمۇش وردۇن تۇرۇقتاشتىرۇۇسۇنا جاردام بەرگەن. 2020- جىلى اپتونوم رايونۇبۇز كەرقانالاردىن قارتايعاندا كۉتۉنۉۉ، جۇمۇشسۇزدۇق، جۇمۇش ۉستۉندۅ جارالانۇۇ ۉچ تۉردۉۉ قوومدۇق قامسىزداندىرۇۇ اقىسىنان جالپى 13 مئللىيارت 376 مئللىيون يۇاندى ازايتىپ كەچىرىم قىلعان، مىندا ورتو، چاقان، مايدا كەرقانالاردىن ەەلەگەن سالىشتىرماسى 86.6 پايىز بولعون.

 مىندان سىرت، اپتونوم رايونۇبۇزدۇن جەر-جەرلەرى داعى تئجارات سوودا چۅيرۅسۉن تىنباي قىلداشتىرىپ، ورتو، چاقان، مايدا كەرقانالار مەنەن جەكە سوودا ۅنۅرجايچىلاردىن ۅندۉرۉش تئجاراتىن تۅپ بولعون جەتەكتۅۅ جانا تەيلۅۅ مەنەن قامداپ، سووداگەرلەردىن تئجارات جانا ۅنۉگۉۉ ىشەنىچىن انسايىن اشىرعان. 

 2020- جىلى 12- ايعا چەيىن، اپتونوم رايونۇبۇزداعى ورتو، چاقان، مايدا كەرقانالار، جەكە سوودا ۅنۅرجايچىلار سىياقتۇۇ ار تۉردۉۉ بازار نەگىزگى تۇلقۇلارى جالپى نارىپ العان قارجى 129 مئللىيارد 338 مئللىيون يۇانعا جەتكەن. كىيىنكى قادامدا، اپتونوم رايونۇبۇز كەرقانالارعا جەڭىلدىك بەرۉۉ ساياساتىن ۇلاندۇۇ ئزچىل جۉزۅلۅشتۉرۉپ، باجىنى ازايتىپ اقىنى تۅمۅندۅتۉۉ جانا قارىز اقچا ۅسۉم سالىشتىرماسىندا جەڭىلدىك بەرۉۉ سىياقتۇۇ ار تۉردۉۉ ساياساتتاردىن چىنىعى ىچكە جۉزۅلۅشۉۉسۉن جىلىشتاتات. اپتونوم رايوندۇق ۅنۅرجاي جانا ماالىماتتاشتىرۇۇ نازاراتى پارتگۇرۇپپاسىنىن ورۇن باسار شۇجئسى، نازارات باشچىسى نئجات ئسمايىل مىنداي دەدى: «ۅكۉمۅت كەرقانا كەرقانانى چىركەشتىرۉۉ قىيمىلىن قۇلاچ جايدىرىپ، قارجى جۉگۉرتۉۉنۉ قولدوو ەپكىنىن ارتتىرىپ، كەرقانانىن ناق اقچا وبروتۇ جەتەرسىز بولۇۇ سىياقتۇۇ ماسەلەلەرىن باساڭداتابىز. «اپتونوم رايوندۇن جەكە مەنچىك باشقارۇۇسۇنداعى ەكونومىكانىن جۉرۉشۉۉسۉن كۉزۅتۉپ تەكشەرۉۉ جانا ساياسات تەيلۅۅ ۅرۉشۉ»نۉن رولۇن كۅرسۅتۉپ، تەيلۅۅ ۅرۉشۉن قۇرۇۇنۇ اتقارىپ، قوومدۇق قامسىزداندىرۇۇ، باجى ىشتەر، مالئيا، ىستاتىستىكا سىياقتۇۇ بايلانىشتۇۇ تارماقتاردىن ساندۇۇ ماالىمات چىركەشتىرۉۉ، ورتوق باارلانۇۇسۇن ىشكە اشىرىپ، قالىڭ جەكە سوودا ۅنۅرجايچىلاردى جوعورۇ ۅنۉمدۉۉ ساپاتتۇۇ ساياسات تەيلۅۅسۉ مەنەن قامدايبىز».

〖2021.01.09-12:21〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز