چىلدەنى ساناعان قاتۇۇ اياز كىرىشى مەنەن، باعراش كۅلۉندۅگۉ قامىشتار جىلىنا بئر ىرەت كەلۉۉچۉ ورۇۇ مەزگىلىن توسۇپ الدى

2021-01-07 11:37

 چىلدەنى ساناعان قاتۇۇ اياز كىرىشى مەنەن، باعراش كۅلۉندۅگۉ قامىشتار جىلىنا بئر ىرەت كەلۉۉچۉ ورۇۇ مەزگىلىن توسۇپ الدى، جەرگىلىكتەگى دىيقان مالچىلار سان مئڭ چاقىرىمدىق مۇز توڭعون كۅل بەتىندەگى قامىشتاردى ورۇپ، تاشىپ جاتتى. ەمى بۇل جۅنۉندۅگۉ قابارى نازارىڭىزداردا: 

 باعراش وودانىنا جايعاشقان باعراش كۅلۉ داۋۇسوڭ قامىش رايونۇندا، بئر قانچا چوڭ تىپتەگى قامىش ورۇۇ ماشئناسى قامىشتىقتا ارى- بەرى جۉرۉپ جاتتى، باعراش كۅلۉ چاعاننۇر ايىلى قامىش ەگىنچىلىك كۅمۅكتۅشتۉك كوپەراتىبىنىن جووپتۇسۇ تۇ لئيتىڭ بۇل جەردەگى 60 نەچە دىيقان مالچىنى باشتاپ مۇز ۉستۉندۅ قامىشتاردى جۉكتۅپ تاشىپ جاتات. تۇ لىيتىڭ مىنداي دەدى: بىيىل مۇزدۇن قالىڭدىعى بولجول مەنەن 30 سانتىمەتىردەي كەلەت، چوڭ تىپتەگى ماشئنالار جۉرۅ الات، كۉنۉنۅ 50- 60 توننا جىيىپ الۇۇدابىز، باعراش كۅلۉنۉن ەكولوگىيالىق چۅيرۅسۉ بارعان سايىن جاقشى بولۇپ باراتات، قامىشتاردا بارعان سايىن جىش ۅسۉۉدۅ.   

 باعراش وودانى چاعاننۇر ايىلى چاعاننۇر قىشتاعىنىن تۇرعۇنۇ ما جئنشان قابارچىعا ارجىلى قىشتا، ايلاناداعى قىشتاقتان كەلگەن دىيقان مالچىلاردىن قىشقى ارا چولو مەزگىلدەن پايدالانىپ بۇل جەرگە كەلىپ قامىش ورۇپ، تاشىپ، كىرەشەسى قىيلا جامان ەمەس بولعونۇن ايتىپ مىنداي دەدى: كۉنۉنۅ 500- 600 يۇان اقچا تابا الات، داعى 50 كۉن ايلاناسىندا ىشتۅۅگۅ بولوت، ۇشۇل قىشتا 20 مئڭ يۇاندان اشۇۇن اقچا تابۇۇعا بولوت.  

 باعراش كۅلۉنۉن ايلاناسىنداعى 600 مئڭ مو جەرگە قامىش ۅسۅت، ال ماملەكەت بويۇنچا 4 چوڭ قامىش رايونۇنۇن بئرى سانالات، مىندا،قولدو ۅستۉرۉلگۅن قامىشتىن ايانتى 180 مئڭ موو كەلەت. شئنجاڭ جوڭتاي شئڭۋئي بئيو ئلىم تەحنىكا چەكتۉۉ شەرىكتىگى پارتكومۇنۇن شۇجئسى، مۇدۇرىيات باشچىسى سوڭ جىمئن مىنداي دەيت: قامىشتاردى جىيۇۇ ، تاشۇۇ قىزماتىن، انى تايلوو قىزماتىن جەرگىلىكتەگى دىيقان مالچىلار بۉتۉرۅت، بۇل جەرگىلىكتەگى دىيقان مالچىلاردىن كىرەشەسىن جۉز مئلىيون يۇانعا جۇۇق ارتتىرات، قوومدۇق ۅندۉرۉش جالپى نارقى 400 مئلىيون يۇانعا جەتەت.

 ۇعۇشۇۇعا قاراعاندا، 2020- جىلى، باعراش كۅلۉنۉن بىشقان قامىش تۉشۉم مۅلچۅرۉ 200 مئڭ تونناعا جەتەت، جىيىپ الۇۇ قىزماتى بولجول مەنەن 2- ايدىن اقىرىندا اياقتايت ەكەن.

〖2021.01.07-11:37〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز