اپتونوم رايونۇبۇز مايىپتاردىن چاربا جاراتۇۇ، جۇمۇشقا ورۇنداشۇۇسۇن، چاربا جاراتۇۇسۇن تۉرتمۅكتۅپ، تۇرمۇش ساپاتىن جوعورۇ كۅتۅرۅت

2021-01-05 11:46

  «14- بەش جىلدىق» جوسپور مەزگىلىندە، اپتونوم رايونۇبۇز ۇلاندۇۇ مايىپتاردىن چاربا جاراتۇۇ، جۇمۇشقا ورۇنداشۇۇسۇن ەل تۇرمۇشۇنۇن نەگىزى، باقىتتىن باشاتى قىلىپ، مايىپتاردىن جۇمۇشقا ورۇنداشۇۇ ازىرقى ابالىن چىمىرقانىپ جاقشىلاپ، مايىپتاردىن جۇمۇشقا ورۇنداشۇۇ، چاربا جاراتۇۇسۇن تۉرتمۅكتۅپ، تۇرمۇش ساپاتىن جوعورۇ كۅتۅرۅت. ىستانسىيابىز قابارچىسى لو يۇانمئڭدىن قابارى نازارىڭىزداردا:

  جاڭى جىلدىق ەس الۇۇ مەزگىلىندە، فۇكاڭ شاارى چئسى ياڭگۇاڭ كۅركۅم ۅنۅر تاربئيالوو بوربورۇنۇن جووپتۇسۇ جاڭ گوچئڭ ار كۉنۉ وقۇۇچۇلارعا مۇزىكا تۉز بايان ساباعىن ۅتۉۉ مەنەن شاشىلىش بولدۇ. جاڭ گوچئڭدىن قولۇ-بۇتۇ مايىپ، مۇزىكانى جاقتىرعاندىقتان، مۇزىكا وقۇتۇۇ كەسىپتىك وقۇتۇۇچۇلۇق تولۇمدۇۇلۇق كۉبۅلۉگۉن سىنوو بەرىپ العان. 2017- جىلى فۇكاڭ شااردىق مايىپتار بىرىكمەسى انى اقسىز وقۇتۇۇ مايدانى مەنەن قامداپ، وشوندوي ەلە اعا 50 مئڭ يۇاندىق چاربا جاراتۇۇ قارىز اقچاسى جانا 50 مئڭ يۇاندىق ۅسۉمۉنۅ تولۇقتاما بەرىلچۉ قارىز اقچا ۅتۉنۉچ قىلىپ بەرىپ، بۇل تاربئيالوو مەكتەبىن اچۇۇسۇنا جاردام بەرگەن. ۇچۇردا مەكتەپتە 5 وقۇتۇۇ كىلاسى بار. جاڭ گوچئڭ مىنداي دەيت: «ۅكۉمۅت بۇل بئر قانچا جىلدا ساياسات جانا قارجى جاقتان قولدوو كۅرسۅتتۉ، بۇل تاربئيالوو بوربورۇمدۇ ازىرقى كۅلۅمگۅ ۅنۉكتۉردۉ، بئز جۉرۅگۉبۉزدۉن تەرەڭىنەن جىلۇۇلۇقتۇ سەزىندىك. مىندان كىيىن ۇلاندۇۇ چىمىرقانىپ، ۅزۉمدۉن ئش جۉزۉندۉك اراكەتىم ارقىلۇۇ قوومعو داعى جاقشى تەيلۅۅ جۉرگۉزۉپ، قوومعو جووپ قايتارام».

  «13- بەش جىلدىق» جوسپوردون بەرى، اپتونوم رايونۇبۇزدۇن جەر- جەرلەرى «اپتونوم رايوندۇن مايىپتاردىن جۇمۇشقا ورۇنداشۇۇسۇن ىلگەرى سۉرۉۉنۉن 13- بەش جىلدىق جوسپوردوعۇ جولعو قويۇۇ دولبوورۇ»، «(2016- جىلدان 2020- جىلعا چەيىنكى) اپتونوم رايوندۇن مايىپتاردىن كەسىپتىك تەحنىكالىق جۅندۅمۉن جوعورۇلاتۇۇ پئلانىن جولعو قويۇۇ دولبوورۇ» سىياقتۇۇلاردى تەرەڭدەي ئزچىل جۉزۅلۅشتۉرۉپ، مايىپتاردىن چاربا جاراتۇۇ، جۇمۇشقا ورۇنداشۇۇسۇن قولدودۇ. جاڭ گوچئڭ جاشاعان فۇكاڭ شاارى مايىپتارعا جاردام بەرىپ جۅلۅۅ بوربورۇ، مايىپتاردى چاربا جاراتۇۇ باقچاسى سىياقتۇۇلار ارقىلۇۇ چاربا جاراتۇۇ ارقىلۇۇ جۇمۇشقا ورۇنداشۇۇعا باشتاپ، الدى ارتى بولۇپ 6 ياڭگۇاڭ مايىپتارعا جاردام بەرىپ كەمباعالداردى جۅلۅۅ جۇمۇشقا ورۇنداشتىرۇۇ بازاسى جانا 4 مايىپتاردى چوردوندۇۇ جۇمۇشقا ورۇنداشتىرۇۇ بازاسىن قۇرۇپ، 218 مايىپتى جۇمۇشقا ورۇنداشتىرىپ، 133 مايىپتىن كىرەشە ارتتىرىپ بايۇۇسۇنا تااسئر كۅرسۅتتۉ. فۇكاڭ شااردىق مايىپتار بىرىكمەسىنىن كەڭەش باشچىسى سۉن رۇيباۋ مىنداي دەدى: «مايىپتاردى جۇمۇشقا ورۇنداشتىرۇۇ تەيلۅۅ قىزماتىن ۇلاندۇۇ كۉچۅتۉپ جانا اندا جاڭىلىق جاراتىپ، جۇمۇشقا ورۇنداشتىرۇۇ بازاسىن جاراتىپ چوردوندۇۇ جۇمۇشقا ورۇنداشتىرۇۇنۇ ىشكە اشىرىپ، كەرقانالاردى تاراقاي جۇمۇشقا ورۇنداشقانداردى قابىلدوو جانا كەڭىرتۉۉگۅ چابىتتاندىرىپ، ۅكۉمۅت قارجى چىعارىپ ۅز بىلگى جۇمۇشقا ورۇنداشۇۇنۇ جۅلۅپ، مايىپتاردىن جەكە چاربا جاراتۇۇسۇن چابىتتاندىرىپ، تاربئيالوو كىلاسىن اچىپ نئشاندۇۇ تاربئيالاپ الەكتەندىرۉۉ سىياقتۇۇلاردى ماال ماالى مەنەن اچىپ، چوڭ ساندۇۇ ماالىمات، ىنتەرنەت، اقىل جۅندۅمدۅشتۉرۉۉ سىياقتۇۇ جاڭىچا ۅرۉشۉ جانا ىقمالاردى دىلگىر ىلىكتەپ، جۇمۇشقا ورۇنداشتىرۇۇ جولدورۇن ۉزگۉلتۉكسۉز كەڭىرتەبىز».

 وشونۇ مەنەن قاتار، اپتونوم رايونۇبۇز وقشوبوعون توپتوعۇ مايىپتاردىن اجاتىنا قاراتا، مايىپتارعا قاراتمالۇۇ جۇمۇشتاندىرۇۇ تەيلۅۅسۉن قۇلاچ جايدىردى. «13- بەش جىلدىق» جوسپور مەزگىلىندە، بورتالا موڭعۇل اپتونوم وبلاستىق مايىپتار بىرىكمەسى مەنەن ادام كۉچۉ بايلىعى جانا قوومدۇق قامسىزدوو تارماقتارى الدى ارتى بولۇپ كۅزۉ السىزدار ۇقالوو، جەڭىل تاماقتاردى بىشىرۇۇ، ەلەكتىروندۇق سوودا، ايىل- قىشتاق ەگىنچىلىك، باقماچىلىعى سىياقتۇۇ اقسىز تەحنىكالىق جۅندۅم تاربئيالووسۇنان 29 قارار ۅتكۅرۉپ، جالپى 1720 ادام ىرەت تاربئيالاپ، شاار- ايىل مايىپتارىنان 1137 كىشى جاڭىدان جۇمۇشقا ورۇنداشتى. بورتالا موڭعۇل اپتونوم وبلاستىق مايىپتار بىرىكمەسىنىن كەڭەش باشچىسى لئيۇ حايحۇي مىنداي دەدى: «14- بەش جىلدىق جوسپور مەزگىلىندە، مايىپتاردى جۇمۇشقا ورۇنداشتىرۇۇنۇ، قالبىنا كەلتىرۉۉ تاربئياسى جانا ۉي بۉلۅنۉ توسقوولسۇز قىلىپ ۅزگۅرتۉۉ سىياقتۇۇ تۉيۉندۉۉ قۇرۇلۇشتاردى بۉت كۉچ مەنەن جاقشى ىشتەپ، مايىپتاردىن كەسىپتىك تەحنىكالىق جۅندۅم تاربئياسىن اشىرىپ، چاچ جاسوو، ەلەكتىروندۇق سوودا سىياقتۇۇ ئلىم- تەحنىكالىق اسىعاتما تاربئيا تۉرۉن تانداپ، مايىپتاردىن كەسىپتىك ساپاتىن چىمىرقانىپ جوعورۇ كۅتۅرۉپ، كەمباعالدىققا قايتۇۇ جانا جاڭىدان كەمباعالداشۇۇ ابالىنىن كۅرۉلۉۉسۉنۉن الدىن الات». 

 ىستاتىستىكاعا قاراعاندا، «13- بەش جىلدىق» جوسپور مەزگىلىندە، اپتونوم رايونۇبۇزدا شاار- شاارچادا 23 مئڭ 404 كىشى جاڭىدان جۇمۇشقا ورۇنداشتى. اپتونوم رايوندۇق مايىپتار بىرىكمەسى جۇمۇشقا ورۇنداشتىرۇۇ بوربورۇ ئشقاناسىنىن مۇدۇرۇ لئيۇ شئياۋيان، «14- بەش جىلدىق جوسپور» مەزگىلىندە مايىپتار ىشتەرىنىن جوعورۇ ساپاتتا ۅنۉگۉۉسۉن تۉرتمۅكتۅپ، مايىپتاردىن جالپى بەتكەي ۅنۉگۉۉسۉ جانا ورتوق بايۇۇسۇن ۉزگۉلتۉكسۉز ىلگەرى سۉرۉۉگۅ داعى دا مىقتى نەگىز سالۇۇنۇن العىلىقتۇۇ مەزگىلى ەكەنىن بئلدىرىپ مىنداي دەدى: «اپتونوم رايوندۇق مايىپتار بىرىكمەسىنىن مايىپتار ىشتەرىن ۅنۉكتۉرۉۉ جوسپورۇن جاقىندان ىمەرچىكتەپ، مايىپتاردى جۇمۇشقا ورۇنداشتىرۇۇنۇ بايلانىشتۇۇ ساياساتتارىن جاقشىرتىپ، تۉردۉۉ مايىپتاردىن الەكتەنۉۉسۉنۅ ىلايىق كەلگەن كەسىپتىك تەحنىكالىق جۅندۅم تاربئياسىن ۇيۇمداپ قۇلاچ جايدىرىپ، تاربئيالوو ارقىلۇۇ جۇمۇشتانۇۇنۇ ىلگەرى سۉرۉپ، جۇمۇشقا ورۇنداشۇۇ جاش باسقىچىنداعى، ەمگەك قۇرباتى بار، تاربئيالانۇۇ اجاتى بار جانا جۇمۇشتانۇۇ قاالووسۇ بار مايىپتارعا تەحنىكالىق جۅندۅمۉن جوعورۇلاتۇۇ تاربئياسىن الىپ بارىپ، جۇمۇشتانىپ، چاربا جاراتىپ بولعون مايىپتاردىن جۇمۇشسۇزدۇق وپۇرتالدىن ۅنۉمدۉۉ الدىن الىپ جانا تەسكەپ تىزگىندەپ، مايىپتاردىن جۇمۇشتانۇۇ جۇمۇش وردۇن تۇرۇقتۇۇ قىلابىز».

〖2021.01.05-11:46〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز