جەرگىلىكتۉۉ تەمىر جولۇ تۇمشۇق لئنىياسى چارباقتان تۇمشۇق بۅلۉگۉنۅ چەيىن ىراسمئي قاتتوو باشتالدى

2021-01-02 11:28

 1- ايدىن 1- كۉنۉ تۉشتۅن مۇردا، جەرگىلىكتۉۉ تەمىر جولۇ تۇمشۇق لئنىياسى چارباقتان تۇمشۇق بۅلۉگۉنۅ چەيىن ىراسمئي قاتتوو باشتالدى. ىستانسيابىز قابارچىسى لئى ۋىيدىن قابارى نازارىڭىزداردا:

 جەرگىلىكتۉۉ تەمىر جول تۇمشۇق لئنىياسى تۇمشۇق شاارىنان چىعىپ، چارباق ۋوگزالىنان ۅتۉپ تۉشتۉك شئنجاڭ تەمىر جول لئنىياسىنا جالعاشات. 1-ايدىن 1-كۉنۉ ساارقى ساات 10دون 38 مئنوت ۅتكۅندۅ، ۉرۉمچۉ ۋوگزالىنان جولعو چىققان K9777 ىرەتكى كەزەكچى پويۇز اقىرىنداپ اقىرقى ۋوگزال تۇمشۇق ۋوگزالىنا كىردى، بئرىنچى تۉركۉمدۅگۉ جۉرگۉنچۉلۅر جەڭىشتۉۉ جەتىپ باردى. جۉرگۉنچۉ جاڭ مئڭ مىنداي دەدى: «مۇردا بئز ۉرۉمچۉدۅن كەلسەك پويۇزعا ولتۇرۇپ تەك مارالباشىعا ەلە جەتچۉبۉز، ازىر تىكەلەي تۉردۅ تۇمشۇققا جەتەبىز، وڭتويلۇۇ. بئزدىن 50- تۇان، 53- تۇاندارعا بارۇۇبۇز وڭتويلۇۇ بولۇپ قالدى، بىيىل بئرىنچى كۉنۉ بۇل پويۇزعا ولتۇرۇپ مىندان داعى ابدان قۇباندىم». 

 ۇچۇردا، شئنجاڭ تەمىر جول تارماقتارى ار كۉنۉ ۉرۉمچۉ ــ اقسۇۇ ــ تۇمشۇققا چەيىنكى كۉن باتقاندا جولعو چىعىپ تاڭ سااردا جەتۉۉچۉ بارىپ- كەلچۉ جۉرگۉنچۉلۅر كەزەكچى پويۇزۇنان بئر جۇپتۇ جولعو چىعارات، جالپى ارالىقتا جۉرۉۉ ۇباقتى بوجومول مەنەن 14 ساات. تۇمشۇق تەمىر جول قۇرۇلۇشۇ چەكتۉۉ جووپتۇلۇق شەرىكتىگىنىن جووپتۇسۇ چىڭ چاۋفىڭ مىنداي دەدى: «تۇمشۇق تەمىر جولۇنا جالپى 830 مئلليون يۇان قارجى سالىنعان، جۉرگۉنچۉلۅر تاشىمالى، جۉك تاشىمالى بئر تۇلقۇلاشىپ چوعۇلعان جەرگىلىكتۉۉ تارماق لئنىيا تەمىر جول بولۇپ، قۇرۇلۇش ۅلچۅمۉ سااتىنا 100 كلومەتىرلىك تەزدىكتە بولعون 4- داراجالۇۇ تەمىر جول. جۉرگۉنچۉلۅردۉن اجاتى بويۇنچا، بئر جىلدىق تاشىمال قۇرباتى 400 مئڭ ادام ىرەت. كىيىنكى باسقىچتا، ساپارعا چىعۇۇ اجاتى بويۇنچا، شئى ان جانا تۉندۉك شئنجاڭدىن التايعا چەيىنكى كەزەكچى پويۇزدۇ اچۇۇبۇز مۉمكۉن». 

〖2021.01.02-11:28〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز