ەل تۇرمۇشۇنا كۉچ توپتوپ، ەل كۅڭۉلۉن جىلىتالى

2021-01-01 12:50

 ىستانسىيابىز قابارچىلارى دوڭ جىيوڭ، ياڭ جۇ، لئى ۋىيلەر جازعان «ەل تۇرمۇشۇنا كۉچ توپتوپ، ەل كۅڭۉلۉن جىلىتالى» اتتۇۇ اتايىن قابارى نازارىڭىزداردا:

 2020-جىلى12- ايدىن 30- كۉنۉ، باي وودانىنداعى توپو قازۇۇ ماشىنەسىنىن ايدووچۇلارىن تاربئيالوو كۇرسۇ اقىرلاشىپ، 24 كۇرسانت وقۇۇ بۉتۉرۉۉ گۉبۅلۉگۉن الىپ ارى شئنجاڭ حۇالئڭ باي وودانى ايىل چاربا قۇرۇلۇش تەحنىكا تەيلۅۅ چەكتۉۉ شەرىكتىگىندە جۇمۇشقا ورۇنداشتى. باي وودانى سايرام شاارچاسى شورمەلە قىشتاعىنىن قىشتاق تۇرعۇنۇ ەزىز ئمىت مىنداي دەدى: «شەرىكتىك مەنەن جاڭى ەلە توقتومدوشتۇق، پىراكتىكا مەزگىلىندە ايىنا 3500 يۇان مايانا الابىز، مەن ۇشۇل مۅرتتۉ قولدون بەربەي، اقچانى كۅپ تابام.»

 جۇمۇشقا ورۇنداشتىرۇۇ ەل تۇرمۇشۇنۇن نەگىزى. 2020-جىلى، اپتونوم رايونۇبۇز قوومدۇق قامسىزداندىرۇۇ اقىن ازايتۇۇ كەچىرىم قىلۇۇ، جۇمۇش وردۇن تۇرۇقتۇۇلاشتىرۇۇ تولۇقتاماسىن تاراتۇۇ قاتارلۇۇلار ارقىلۇۇ، كەرقانالاردىن جۇمۇش وردۇن تۇرۇقتۇۇلاشتىرۇۇسۇنا ۅبۅلگۅ بولۇپ، ىرەتتەپ قورۇتۇندۇلوو ارقىلۇۇ ار تۉردۉۉ جۇمۇش وردۇ 85 مئڭ 600گۅ جەتىپ، جوعورۇ وقۇۇ جايىن بۉتۉرگۅن وقۇۇچۇلار ەرتە جۇمۇشقا ورۇنداشىپ، تەز جۇمۇشقا ورۇنداشتىرىپ، تۉندۉك شئنجاڭ، چىعىش شئنجاڭدى شايكەشتىرۉۉ ارقىلۇۇ 50 مىڭدەن اشۇۇن جۇمۇش وردۇن چىعارىپ، كەمباعالدىقتان ارىلباعان تۉتۉندۅر، كەمباعالدىقتان ارىلعان كۉزۅتۉلۉۉچۉ تۉتۉندۅر جانا قىرچوولوش تۉتۉندۅكۉلۅردۉ جۇمۇشقا ورۇنداشتىرۇۇ الدى مەنەن كەپەلەتتەندىرىلدى. اپتونوم رايوندۇق ادام كۉچۉ بايلىعى جانا قوومدۇق قامسىزدوو نازاراتى جۇمۇشقا ورۇنداشتىرۇۇنۇ ىلگەرى سۉرۉۉ باشقارماسىنىن ورۇن باسار باشچىسى چىن يۉ مىنداي دەدى: «12- ايدىن اقىرىنا چەيىن، اپتونوم رايونۇبۇزداعى شاار، شاارچادا 461 مئڭ 100 ادام جاڭىدان جۇمۇشقا ورۇنداشىپ، ايىل قىشتاق ارتىق ەمگەك كۉچۉنۅن 3 مئللىيون 154 مئڭ 700 ادام ىرەت قوتورۇپ جۇمۇشقا ورۇنداشتىردىق؛ اپتونوم رايونعو قاراشتۇۇ جوعورۇ وقۇۇ جايىن بۉتۉرگۅن وقۇۇچۇلاردىن جۇمۇشقا ورۇنداشۇۇ سالىشتىرماسى 89.03 پايىزعا جەتتى. بۉت شئنجاڭدىن جۇمۇشقا ورۇنداشتىرۇۇ قىرداالى جالپى تۇلقۇدان تۇرۇقتۇۇ.»

 ىلدەتتەي ۅزگۅچۅ جاعداي بولعون سايىن، ەل تۇرمۇشۇنۇن «نەگىزىن» وشونچو تۇرۇقتۇۇلاشتىرۇۇ كەرەك. 2020-جىلى، قاپىسىنان كەلگەن جاڭىچا تااجى سىمال ۋئروس ۅپكۅ سەزگەنچى ىلدەتى جانا جاپاالۇۇ وور ىسلاات ۅنۉگۉۉ وموقتۇۇلۇق مىلدەتى الدىندا، اپتونوم رايون «ەل باارىنان جوعورۇ» تۉشۉنۉگۉن دىلگىر ئش جۉزۉندۅ كۅرسۅتۉپ، تۅمۅنكۉ چەگىن قامسىداپ، قىسقالىقتاردى تولۇقتاپ، ەڭ نەگىزگى، ەڭ چۇقۇل بولعون ەل تۇرمۇشۇ ماسەلەسىن چەچتى. اپتونوم رايوندۇق ەل ىشتەرى نازاراتى قوومدۇق قۇتقارۇۇ مەكەمەسىنىن 2- داراجالۇۇ تەكشەرىپ ىزىلدۅۅچۉسۉ لئى يوڭفىڭ، 2020-جىلى اپتونوم رايونۇبۇز قىيىنچىلىقتۇۇ قالىققا تاراتقان قۇتقارۇۇ تولۇقتاما قارجىسى 8 مئلليارت 880 مئللىيون يۇانعا جەتكەنىن، بئر جۅنكۉ پئلاانداپ شاار-ايىل تۅمۅن تۇرمۇش كەپەلەتى، جەتىم بالداردىن نەگىزگى تۇرمۇشۇن قامسىزدوو، ۅزگۅچۅ قىيىنچىلىقتۇۇلاردى قۇتقارىپ باعۇۇ، ۇباقتىلۇۇ قۇتقارۇۇ قاتارلۇۇلارعا ىشتەتكەنىن تاانىشتىرىپ مىنداي دەدى: «اپتونوم رايونۇبۇز تۅمۅن تۇرمۇش كەپەلەتىن قاپتاتۇۇ چۅلكۅمۉن ىلايىقتۇۇ كەڭەيتۉۉ، باا ۇباقتىلۇۇ تولۇقتاماسى جانا ناقاي اقچا مەنەن قۇتقارۇۇ، ناقاي بۇيۇم مەنەن قۇتقارۇۇ قاتارلۇۇ قاتۇۇ تۇشووسۇن بوشوتۇۇ ئش- چاارالارى ارقىلۇۇ، وپۇرتالعا قارشى تۇرۇۇ قۇرباتى قىيلا السىز ۅزگۅچۅ قىيىنچىلىقتۇۇ توپتوردۇن جانا قىيىنچىلىقتۇۇ قالىقتىن نەگىزگى تۇرمۇشۇنا چىنىعى كەپەلەتتىك قىلىپ، ەل تۇرمۇشۇنۇن تۅمۅنكۉ چەگىن قامسىزدادىق.»

 ەل تۇرمۇشۇندا كىچى ئش جوق، ار بئر ئشتىن ۅزۉ زارىل.2020-جىلى، اپتونوم رايونۇبۇز ەل جۇرتچۇلۇعۇ ەڭ كۅۅن بۇرعان، ەڭ تىكەلەي، ەڭ رەيال ماسەلەنى چىڭ قارماپ، ساياسات چىعارىپ، تۉرلۅردۉ تۉرتمۅكتۅدۉ. تۉشتۉك شئنجاڭداعى 3 ايماق، وبىلاستا كۅمۉردۉ ەلىكتىرگە ۅزگۅرتۉۉ مىلدەتى بويۇنچا 604 مئڭ 800 تۉتۉندۉكۉن بۉتۉرۉپ، قالىق قووپسۇز، تازا، تۅمۅن باالۇۇ ەلەكتىر مەنەن جىلىنىپ، تۉشتۉك شئنجاڭدا 4 ايماق، وبىلاستاعى 207 ايىل قىشتاقتا باقىت چوڭ قورووسۇن سالىپ، قىيىنچىلىقتۇۇ قارتاڭداردىن تۇرمۇشۇن قاوو ماسەلەسى چەچىلىپ، بۉت شئنجاڭدا 1090 كۅۅنۅ، ەسكى قونۇشتاردى ۅزگۅرتۉۉنۉ بۉتۉرۉپ، 193 مئڭ 400 تۉتۉن تۇرعۇن جايلۇۇ قونۇۇ اڭسووسۇن ىشكە اشىرىپ، بۉت اپتونوم رايونۇبۇزدا شاار-ايىل تۇرعۇندارى جوعورۇ قان باسىم، دىيابەت وورۇسۇن مۉنۅزدۅتۉۉ دارى ىشتەتۉۉ كەپەلەتتەندىرۉۉ مەحانىزىمىن تۇرعۇزۇپ جانا جاقشىرتىپ، «ەكى وورۇ» بويۇنچا وورۇعان نووقاستاردىن دارى ىشتەتۉۉسۉن دارىلوو قامسىزداندىرۇۇنان ەسەپتەن كۅتۅرۉۉ چۅلكۅمۉنۅ كىرگىزىپ، نووقاستاردىن جۉگۉن چىنىعى جەڭىلدەتتى.

  ار بئر ەل تۇرمۇشۇنا نارپ جەتكىرۅۅ قۇرۇلۇشتارىنىن جولعو قويۇلۇۇسۇ، كۅپتۅگۅن جىلداردان بەرى چەچۉۉنۉ ويلوپ چەچىلبەي كەلگەن قىيىن ماسەلەلەردى چەچىپ، كۅپتۅگۅن ىلگەرى بۉتۉرۉۉنۉ ويلوعون، بئروق بۉتبۅيكەلگەن چوڭ ىشتەرى بۉتۉرۉپ، ار ۇلۇت قالقى تامچى سۇۇنۇن اراسىنان چىنىعى نارپتى جانا باقىتتى سەزىپ جەتتى. جاڭى جىلدىن الدىندا، جەمسار وودانى چۉانزىجىيە شاارچاسى تايپئڭ قىشتاعىنداعى 47 جاشتۇۇ قىشتاق تۇرعۇنۇ جئيا گۇييەن اتايى كۇايبان جاراتىپ قووز تۇرمۇشتۇ داڭازالادى. ال مىنداي دەيت: «قووز ايىل-قىشتاقتى جاقشى قۇرۇپ، ەكولوگىياسى قونۇۇعا جايلۇۇ قىشتاق قووز. ماادانئيات چوڭ قورووسۇنداعى قۇرۇلۇشتۇن، كۅڭۉل اچۇۇ قىيمىلى ىچىندە بولوت. اقىسىز دەن سوولۇق تەكشەرتۉۉ جىل سايىن بار، قارتايعاندا كۉتۉنۉۉ قامسىزدووسۇ جىل سايىن ارتىپ جاتات. ايىلىم چىنىندا جاقشى، باقتىلۇۇ تۇرمۇشقا بالقىپ جۉرۅبۉز.»

  اپتونوم رايوندۇق پارتكوم پارتئيا مەكتەبى ەكونومىكا ئلىمى بۅلۉمۉنۉن ورۇن باسار مۇدۇرۇ ابدۇقىيۇم سالام مىنداي دەدى: «ار ۇلۇت قالقىنىن ەل تۇرمۇشۇ باقتى توقتووسۇز جاقشىلانىپ، پارتئيا جەتەكچىلىك قىلعان ساياسئي ارتىقچىلىق جانا سوتسئيالىستىك تۉزۉمدۉن ارتىقچىلىعىن جاندۇۇ چاعىلدىردى. تەك كۅڭۉلۉبۉزگۅ ەلدى قويۇپ، ەل تۇرمۇشۇن كۉچۅپ جاقشىرتىپ، ەل تۇرمۇشۇن داعىدا كۅرۉنۉكتۉۉ ورۇنعا قويسوق ەلە، ۇزاققا چەيىن بەيپىل قىرداالدى جاراتىپ، ۅسۉپ جەتىلۉۉ جاقشى بولۇپ، شئنجاڭدىن ەرتەڭى داعىدا قووز بولورۇنا ىشەنەبىز.»

 

〖2021.01.01-12:50〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز