ساياقاتتى ۅنۉكتۉرۉپ ەلگە نارپ جەتكىردى

2020-09-29 16:34

 بۇرچۇن رادىيو- تەلەۋىزىيا ىستانسىياسىنىن قابارچىسى لو ياڭشۅنۉن «ساياقاتتى ۅنۉكتۉرۉپ ەلگە نارپ جەتكىردى» دەگەن قابارى نازارىڭىزداردا:

  كۉز مەزگىلىندەگى بۇرچۇن وودانى قوم قىشتاعىنىن قابات توقويۇ تۉركۉن- تۉستۉۉ تۉسكۅ كىرگەن كەزى، ار بئر كىچىنەكەي جىعاچ ۉيلۅر گۉلدۅر مەنەن قۇۇرچالىپ، قۇدۇم جوموقتوعۇداي دۉينۅگۅ ايلانات. بۇل ەكى كۉندۅ قوم قىشتاعىنداعى ەلدىك قونولعو تئجاراتچىسى پئلزات قۇرمابەك تۉركۉم- تۉركۉم ساياقاتچىلاردى كۉتۉپ الۇۇ مەنەن قاربالاس جۉرۅت. ال مىنداي دەدى: «ازىر 7 بۅلمۅلۉۉ قونوق ۉي بار، 16 ساياقاتچىنى كۉتۉپ الا الام، ار كۉنۉ جەر- جەرلەردەن دوستور كەلىپ قونوق بولۇپ جاتات».

  ەلدىك قونولعو تئجاراتى مەنەن الەكتەنگەن بئر قانچا جىلدا، پئلزات قۇرمابەكتىن ۉي بۉلۅسۉنۉن تۇرمۇشۇ كۅپ جاقشىلاندى. ال مىنداي دەيت: «بىلتىر بئر ماشئنا ساتىپ الدىم، ووداندان داعى بئر جۉرۉش ۉي ساتىپ الدىم، بىيىل جاڭىدان 10 بۅلمۅلۉۉ قونوق ۉي سالدىم، داعى مۇرداعى ەلدىك قونولعومدۇن دراجاسىن ۅستۉرۉپ ۅزگۅرتتۉم». 

  پئلزات قۇرمابەكتىن تۇرمۇشۇنۇن جاقشىلانۇۇسۇ ـــ بۇرچۇن وودانىنىن ساياقات بويۇنچا ەلگە نارپ جەتكىرۉۉسۉنۉن كىچىرەيتىلگەن كارتىناسى. جاقىنقى جىلداردان بەرى، بۇرچۇن وودانى ساياقات كەسىبىن جەتىشتىرىپ بۉت چۅلكۅمدۉ قاپتاعان، بۉت مەزگىلگە ۇزارعان، بۉت كەسىپتى باشتاعان، قاراپايىم قالققا نارپ جەتكىرگەن تۉركۉك كەسىپ قىلىپ، ار ۇلۇت دىيقان- مالچىلاردى ۉيۉنۉن جانىندا جۇمۇشقا ورۇنداشتىرىپ، «چوڭ لئنىيانى كىچى لئنىياعا ۇلوو، كىچى لئنىيانى مىڭدەگەن ۉي تۉمۅندۅگۅن تۉتۉنگۅ ۇلوو»دوي ساياقات ارقىلۇۇ ەلدى بايىتۇۇ لئنىياسىن قالىپتاندىردى.

  9- ايدىن اقىرى بۇرچۇن وودانى چوڭقۇر شاارچاسى قىزىلقايىڭ قىشتاعى دارىيا ۅزۅنۉ قىزىل جالبىراقتۇۇ توقويۇنۇن ەڭ قووز مەزگىلى، قىپ-قىزىل داراق جالبىراقتارى توقويدو جىلتىلدايت. دارىيا ۅزۅنۉنۅ تاراقاي تىگىلگەن بوز ۉيلۅردۅن تۉتۉن بۇلاپ تۇرات. قىشتاق تۇرعۇنۇ مامىلبەك اكەلقاندىن اشقاناسى ساياقاتچىلار الىستان اتىن ۇعۇپ كەلچۉ «تور جىلدىزى» سۅزسۉز بارۇۇچۇ جەر. مامىلبەك اكەلقان مىنداي دەدى: «بئر كۉندۅ 200دۅن اشۇۇن كىشى كۉتۉپ الابىز، كەەدە 3، 4 توپ كۉتۉپ الابىز، داعى تاراقاي ساياقاتچىلار بار، ەسەپتەپ كۅرسۅم ۉچ ايدا 150 مئڭ يۇان ايلاناسىندا اقچا تاپتىم». 

  جاقىنقى جىلداردان بەرى، بۇرچۇن وودانى جالپى جىيىندىسى 600 مئللىيون يۇان قارجى سالىپ، ۉزۉۉ تەرۉۉ باعى، كۅرۉنۉش چاقان شاارچاسى، ساياقات ەلدىك قونولعوسۇ سىياقتۇۇ 96 تۉردۉۉ ساياقات ارقىلۇۇ ەلدى بايىتۇۇ قۇرۇلۇشۇن جولعو قويدۇ. 2019- جىلى بۇرچۇن وودانى كۉتۉپ العان ساياقاتچى 7 مئللىيون 794 مئڭ ادام ىرەتكە جەتىپ، ساياقات ۇنىۋەرسال كىرەشەسىنەن 9 مئللىيارت 40 مئللىيون يۇاندى ىشكە اشىرىپ، 18 مىڭدەن اشۇۇن كىشىنى كەسىپ مەنەن الەكتەنۉۉگۅ قابىلداپ، بۉت ووداندىن ەمگەك كۉچۉنۉن جارىمىن تۉزۉپ، كىشى باشىندىق ورتوچو جىلدىق كىرەشەسى 30 مئڭ يۇاندان كۅبۉرۅۅك بولۇپ، ساياقات كەسىبىنىن مالئيا كىرەشەسىنە قوشقون سالىمى سالىشتىرماسى %25عا جەتىپ، ساياقات كەسىبى بۇرچۇن وودانىنىن كەمباعالدىقتان ارىلىپ بايىتۇۇداعى «التىن اچقىچ»ى بولۇپ قالعان.

〖2020.09.29-16:34〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز