يوپۇرعا وودانى باياۋات ايىلىنىن دەڭىز سۇۇ شالى سىناق بازاسىنان داعى قۇبانىچتۇۇ قابار كەلدى

2020-09-27 10:11

  9-ايدىن 25-كۉنۉ، يوپۇرعا وودانى باياۋات ايىلىنىن دەڭىز سۇۇ شالى سىناق بازاسىنان داعى قۇبانىچتۇۇ قابار كەلدى. تۉشۉم ۅلچۅۅ ادىستەر گۇرپپاسىنىن باالاپ بەكىتۉۉسۉ ارقىلۇۇ اكادەمىك يۇان لوڭپئڭ توبۇنداقىلار بەكىتكەن ماملەكەت بويۇنچا تۇنعۇچ تۉركۉمدۅكۉ شورعو چىدامدۇۇ بۇل شالى سىناق تۉيۉنۉنۉن مولۇق تۉشۉم مۅلچۅرۉ 548.53 كىلوگىرامعا جەتكەن. يوپۇرعا ووداندىق رادىيو-تەلەۋىزىيا ىستانسىياسىنىن قابارچىلارى حۇ فايۅ، ۋاڭ شىيان، حايرىنىسانىن قابارىنا كۅڭۉل بۇرۇڭۇزدار:

 دەڭىز سۇۇسۇ شاالى ىزىلدۅۅ بوربورۇ ىزىلدەپ جاساپ چىققان سورت تۉرۉ بۇل جەردە سىناق ىرەتىندە ۅستۉرۉلۉپ، ورتوچو مولۇق تۉشۉم مۅلچۅرۉ 548.53 كىلوگىرامعا جەتتى....

 جان-جاقتىلۇۇ قاتاڭ بولعون جەرىندە تۉشۉم مۅلچۅرۉن ۅلچۅۅدۅن كىيىن، اكادەمىك يۇان لوڭپئڭ توبۇنداقى ادئس ـــ حۇنان ايىل چاربا داشۅسۉنۉن پئراففىسورۇ جوۋ چئڭمئڭ ناتىيجاسىن جارىيالاپ مىنداي دەدى: دانىن تۅپ ايرۇۇ، سالماعىن ۅلچۅۅ، سۇۇ قۇرامىن ۅلچۅپ ەسەپتۅۅ، چارىن چىعارىپ سالۇۇ سىياقتۇۇ باردىق تارتىپتەردەن كىيىن ۅلچۅنگۅن تۉشۉم مۅلچۅرۉ 548.53 كىلوگىرام بولدۇ، بۇل بئر اياباي جاقشى ناتىيجا، بۇل شئنجاڭداقى شور قۇرامى بئر قىيلا جوعورۇ بولعون جەرلەردە شالى ۅستۉرگۅلۉ بولوتۇرعاندىعىن تۉشۉندۉرۅت، وقشوش تۉردۅكۉ (توپۇراق شارتى) استىندا شالى ۅستۉرۉۉنۉن ەڭ جاقشى ناتىيجاسىنا جەتتىك.

 يوپۇرعا وودانى تاكلىماكان چۅلۉنۉن چەتىنە جايعاشقان، قۇرعاق، جاان-چاچىن از جاايت. 90پايىزدىق ايدوو جەرى شورلوشۇۇنۇن زىيانىنا ۇچۇراپ، وور داراجاداقى شور جەرگە تاان بولۇپ، «دىيقانچىلىقتىن قاقىر تالاسى» دەپ قارالعان. 2018-جىلى، اكادەمىك يۇان لوڭپئڭ توبۇنداقىلار يوپۇرعا وودانى باياۋات ايىلىنىن اراگەمە قىشتاعىن ماملەكەت بويۇنچا تۇنعۇچ تۉركۉمدۅكۉ شور جەردە شالى ۅستۉرۉۉ بويۇنچا جاقشىلوو سىناق بازاسىنىن بئرى قىلۇۇنۇ بئرىنچى بولۇپ تانداپ، 80 مولۇق دەڭىز سۇۇ شالىسىن ۅستۉرگۅن. ەكى جىلدىق سىناپ ۅستۉرۉۉ ارقىلۇۇ تۉشۉم مۅلچۅرۉ بولجولدوعۇ مولۇق تۉشۉم مۅلچۅرۉ 300 كىلوگىرام بولۇۇ نئشاانىنان الدا قانچا اشىپ ۅتتۉ. بىيىل، اكادەمىك يۇان لوڭپئڭ توبۇنداقىلار داعى 300مولۇق دەڭىز سۇۇ شالىسىن سىناپ ۅستۉرۉپ، داعىدا مول تۉشۉم الدى. جوۋ چئڭمئڭ مىنداي دەدى: يوپۇرعا وودانى ۇداا ۉچ جىل دەڭىز سۇۇ شالىسىن جەڭىشتۉۉ سىناپ ۅستۉردۉ، مۇنۇن ماانئى-ماڭىزى زور، شوردۇلۇق داراجاسى بئر قىيلا جوعورۇ بولعون جەرلەرگە شالى ۅستۉرگۅلۉ بولوت دەپ قارايبىز، ازىردىن ۅزۉندۅ دەلە ۅستۉرگۅلۉ بولوت، 5،6 اي ۇباقىتتان كىيىن ەلە ۅسۉپ چىعات، مىنداي بولعوندو قاراپايىم قالقتىن ساناسىن وعو بەتەر تىنچىتىپ، اشتىعى داعىدا قووپسۇز بولوت.

  شاندوڭ ۅلكۅسۉ تاي-ان شاارىنىن شئنجاڭعا نئشااندۇۇ جاردام بەرۉۉچۉ ايىل چاربا ادئسى ۋاڭ چئى، دەڭىز سۇۇ شالىسىن سىناپ ۅستۉرۉپ، وور داراجاداقى شورلۇۇ جەر توپۇراعىن جاقشىلوو ارعاسى كەڭ كۅۅلۅمدۅ جايىلدىرۇۇعا ارزىيتۇرعاندىعىن ايتىپ مىنداي دەدى: ۉچ جىلدان بەرى، مەن دەڭىز سۇۇ شالىسىن ۅستۉرۉۉ جانا بەرەكەتكە ەە بولۇۇنۇ ۅز باشىمان ۅتكۅردۉم، ۇچۇردا تۉر جەتىشكەندىگى مول بەرەكەتتۉۉ بولۇۇدا، «شور جەرلەرى جاقشىلانعان يوپۇرعا ايىل-قىشتاقتاردى گۉلدۅندۉرۉۉ» ۉلگۉسۉن جاراتتىق، كىيىنكى باسقىچتاقى ۅستۉرۉۉ كەسىبى قۇرۇلماسىن تەسكەپ، دىيقانداردىن كىرەشەسىن ارتتىرۇۇعا تەرەڭ تااسئر كۅرسۅتۅت.

 دەڭىز سۇۇ شالىسىن سىناق قىلۇۇ تۉرۉ باشتالعاندان بەرى، يوپۇرعا وودانى باياۋات ايىلى اراگەمە قىشتاعىنداقى دىيقان بۇحالىچەم سادىر ادىستەردى ەەرچىپ، ۅستۉرۉۉ بۉت بارىشىنا قاتىشىپ، شالى مايساسىن جەتىشتىرۉۉ، مايسا كۅچۉرۉۉ، اتىز-ارىقتاردى باشقارۇۇ سىياقتۇۇ تەحنىكالاردى ۉيرۅنۉپ الدى. ال قابارچىعا مىنداي دەيت: بىيىل بئز شالىدان داعى بئر جولۇ مول تۉشۉم الدىق، ابدان قۇبانىپ تۇرام، كەلەر جىلى بئز داعى شالى ۅستۉرۅبۉز، شالى مەنىن كەسىبىم. 

〖2020.09.27-10:11〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز