ۉرۉمچۉ شاارىنىن بازاردى كۅزۅمۅلدۅپ باشقارۇۇ سىستەماسى «قويو بەرۉۉ، باشقارۇۇ، تەيلۅۅ» ىسلااتىن سىزىل تەرەڭدەتتى

2020-06-30 11:37

ۉرۉمچۉ شاارىنىن بازاردى كۅزۅمۅلدۅپ باشقارۇۇ سىستەماسى «قويو بەرۉۉ، باشقارۇۇ، تەيلۅۅ» ىسلااتىن سىزىل تەرەڭدەتىپ، ىنتەرنەتتە تەكشەرىپ تاستىقتوودوقۇ تەحنىكالىق بۅگۅتتۅردۉ اچىپ شىدىرلاشتىرۇۇ، قاتتاتۇۇ بويۇنچا ماقۇلدۇق بەرۉۉنۉ كۉچ سالاا كۉچۅتۉۉ، اكىمچىلىك تەكشەرىپ تاستىقتوو بەرەكەتىن كۅتۅرۉۉ سىياقتۇۇ بئر سىيرا چاارالار ارقىلۇۇ، بازار نەگىزگى تۇلقۇسۇنۇن جاشوو كۉچۉن چىيرالتى. بۇل جۅنۉندۅ ىستانسىيابىز قابارچىسى لو يۇانمئڭ، پىراكتىكانت قابارچى بالعىندىن قابارى نازارىڭىزداردا:

  6- ايدىن 28- كۉنۉ تۉشتۅن مۇردا، ۉرۉمچۉ شاارى تىيانشان رايوندۇق بازاردى كۅزۅمۅلدۅپ باشقارۇۇ مەكەمەسىنىن ئش بۉتۉرۉۉ چوڭ زالىندا، شئنجاڭ يۇانجئياڭ ماالىمات ئلىم تەحنىكا چەكتۉۉ شەرىكتىگىنىن كاسسىرى ياڭ چئيۇيئڭ جاڭى ەلە تئجارات كۉبۅلۉگۉن بۉتۉرۉپ چىقتى. ال قابارچىعا، بۇعا چەيىن شەرىكتىكتىن باش دىرەكتورۇ ىچكەرىدە بئر ماالىمات ئلىم تەحنىكا تۉرۉندۅكۉ كەرقانانى اچقانىن، بىيىل شئنجاڭدا بۇل شەرىكتىكتى قۇرۇپ، جاڭى شەرىكتىكتىن اتالىشىن ماالىمدوو، قاتتووعو الدىرۇۇ سىياقتۇۇ تارتىپتەرىن ىنتەرنەتتە ەلە بۉتۉرگۅنۉن ايتىپ مىنداي دەدى: ازىر ابدان وڭتويلۇۇ بولۇپتۇر، قاتارعا تىزىلىپ نومۇر الىپ، قاعازچا ماتەرىيال دايىندوونۇن اجاتى قالباپتىر، تەك بازاردى كۅزۅمۅلدۅپ باشقارۇۇ مەكەمەسىنىن ۅكۉمۅت جاق تور جايىتىنا چىعىپ تالاپ بويۇنچا ماتەرىيال تاپشىرعاندان كىيىن، ۉچ قىزمات كۉنۉندۅ ەلە بئز تئجارات كۉبۅلۉگۉن قولۇبۇزعا الدىق.

  «ىنتەرنەت+ۅكۉمۅت ىشتەر تەيلۅۅ»سۉن جالپى بەتكەي جۉزۅلۅشتۉرۉۉ ۉچۉن، تىيانشان رايوندۇق بازاردى كۅزۅمۅلدۅپ باشقارۇۇ مەكەمەسى اتايىن تۉردۅ ئش بۉتۉرۉۉ زالىنا 2 سىرتقى تورعو جالعانعان كومپئيۇتەر ورنوتقون، ارى اتايىن كىشى ورۇنداشتىرىپ كەسىپتىك جەتەكتۅۅ الىپ بارعان. ۅتۉنۉچ بەرۉۉچۉ تاپشىرعان ماتەرىيالدى تەكشەرگەندەن كىيىن، ىنتەرنتەتتە بەكىتىپ، كۉبۅلۉك تاراتىپ، ارحىپتەشتىرىپ ارى بايلانىشتۇۇ ماالىماتتى جارىيالايت، ۅتۉنۉچ بەرۉۉچۉ قاتتووعو الدىرۇۇ كۅزۅنۅگۉنۅ قايرا بارىپ قاعازچا ۅتۉنۉچ بەرۉۉ ماتەرىيالىن تاپشىرۇۇسۇنۇن اجاتى جوق.

  مىندان سىرت، تئجارات چۅيرۅسۉن سىزىل جاقشىلاپ، «قويو بەرۉۉ، باشقارۇۇ، تەيلۅۅ» ىسلااتىن تەرەڭدەتىپ، «ەڭ كۅپ بولعوندو بئر جولۇ جۉگۉرتۉۉ»نۉ جۉزۅلۅشتۉرۉۉ ۉچۉن، ۉرۉمچۉ شااردىق بازاردى كۅزۅمۅلدۅپ باشقارۇۇ مەكەمەسى بىلتىر چىعارعان بىرگەلەشتىرىپ تەكشەرىپ تاستىقتوو، كۉبۅلۉك مەنەن كەنەشكەنى ايرۇۇ، ۇباقىت مۅۅنۅتۉن قىسقارتۇۇ، ساياساتتى جۅنۅكۅيلۅشتۉرۉپ ۇقۇقتۇ قويو بەرۉۉ، تىيۇۇ سالىنباي كىرۉۉ، تارتئبىن جاقشىرتۇۇ، ۅرۉشتۅ قايرا جاراتۇۇدان تۇرعان جەتى تۉردۉۉ چاارانىنىن نەگىزىندە، كەرقانانىن ئش بۉتۉرۉۉ ۇباقىت ۅزدۉك نارقىن بىردەمجىي قىسقارتقان. ۅلچۅۅ، ۅزگۅچۅ تەكشەرىپ تاستىقتوو 20 قىزمات كۉندۅن 7 قىزمات كۉنگۅ، ازىق تۉلۉك ۅندۉرۉش تئجاراتى، دارىلوو شايماندارىن تەكشەرىپ تاستىقتوو 30 قىزمات كۉندۅن 20 قىزمات كۉنگۅ، دارى پارچا ساتۇۇنۇ تەكشەرىپ تاستىقتوو 45 قىزمات كۉندۅن 30 قىزمات كۉنگۅ قىسقارىپ، سوودا ىشتەر تۉزۉم ىسلااتىنىن تەرەڭدۅۅ جانا كەڭىرۉۉسۉن ىشكە اشىرعان. ۉرۉمچۉ شااردىق بازاردى كۅزۅمۅلدۅپ باشقارۇۇ مەكەمەسىنىن شااردىق ۅكۉمۅت ىشتەر تەيلۅۅ بوربورۇنۇن كۅزۅنۅگۉندۅ تۇرۇشتۇۇ قىزماتكەرى لئياڭ فەي مىنداي دەدى: ۇچۇردا بئزدىن كۅزۅنۅك «قابىلدوو مەنەن تەكشەرۉۉنۉ بىرىكتىرۉۉ، بۉت بارىشتۇۇ بۉتۉرۉۉ» ارعاسىن قولدونۇپ، كەرقانا قۇرۇۇ، ۅزگۅرتۉۉ، ۅچۉرتۉۉ سىياقتۇۇ قاتتووعو الدىرۇۇنۇن باارىن قابىلدوو مەنەن تەكشەرۉۉنۉ بىرىكتىرۉۉ كۅلۅمۉنۅ كىرگىزدى، بۉت بارىشىن بئر قىزماتكەر قابىلداپ تەشكەرىپ، بەكىتەت، تەكشەرىپ تاستىقتوو قاتمار داراجاسىن ازايتىپ، تەكشەرىپ تاستىقتوو ۇباقىت مۅۅنۅتۉ ەڭ تۅمۅنگۅ تۉشۉرۉلدۉ. وشونۇ مەنەن قاتار كەرقانانىن ماقۇلدۇق بوسوعوسۇ كەڭىردى، تئجارات كۉبۅلۉگۉن العاندان كىيىن، انان بايلانىشتۇۇ ماقۇلدۇق كۉبۅلۉكتۅرۉن بۉتۉرسۅ بولوت، مىنداي بولعوندو كەرقانا اچۇۇنۇن ۇباقىتى زور داراجادا قىسقارات.

 بىيىل 5- ايعا چەيىن، ۉرۉمچۉ شااردىق بازاردى كۅزۅمۅلدۅپ باشقارۇۇ سىستەماسى تۉردۉۉ ىنتەرنەتتە قاتتووعو الدىرۇۇ كەسىبىنەن 100 مىڭدەن اشۇۇندۇ بۉتۉرۉپ، 22 مئڭ 800 بازار نەگىزگى تۇلقۇسۇن جاڭىدان قۇرۇپ، كۉنۉنۅ 152 دەن ارتىپ، بۉت شاارداعى بازار نەگىزگى تۇلقۇسۇ اپتونوم رايونۇبۇزداعى جالپى سانىنىن تۅرتتۅن بئرىن تۉزگۅن. ۉرۉمچۉ شااردىق بازاردى كۅزۅمۅلدۅپ باشقارۇۇ مەكەمەسى اكىمچىلىك تەكشەرىپ تاستىقتوو باشقارماسىنىن جووپتۇۇسۇ ۋاڭ بئن مىنداي دەدى: كەرقانانى قاتتووعو الدىرۇۇ جانا ەسەپ اچتىرۇۇسۇ «بئر ەشىكتەن كىرۉۉ، بئر توردۇ ىشتەتۇۇ، بئر جولۇ قاتارعا تىزىلۉۉ»دۅي قاتتووعو الدىرۇۇ تەيلۅۅسۉنۉن جاڭى ۉلگۉسۉن ىشكە اشىرىپ، سوودا ۅنۅرجاي قاتتووعو الدىرۇۇ تەيلۅۅسۉن بۅلۉپ جانا ۇزارتىپ، كەرقانا اچۇۇنۇن بەرەكەتىن كۅتۅردۉ.


〖2020.06.30-11:37〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز