ايىل- تاشقورعون تاجىك اپتونوم وودانى داتوڭ ايىلى چوڭ تورلۇۇ ەلەكتىرگە ىراسمئي جالعاندى

2020-06-30 11:22

6- ايدىن 29- كۉنۉ تۉشتۅن مۇردا، اپتونوم رايونۇبۇزداعى ەڭ اقىرقى جالعىز تور مەنەن جۉرگۉزۉلۉۉچۉ ايىل- تاشقورعون تاجىك اپتونوم وودانى داتوڭ ايىلى چوڭ تورلۇۇ ەلەكتىرگە ىراسمئي جالعاندى، بۇل اپتونوم رايونۇبۇزدۇن تۉيۉندۉۉ قۇرۇلۇشۇ- 11 فوتوۋولت اكىمچىلىك قىشتاعىندا چوڭ تورلۇۇ ەلەكتىر قۇرۇلۇشۇ جالپى بەتكەي بۉتۉپ ىشكە كىرىشتىرىلگەندىگىنەن دارەك بەرەت. ەمى ىستانسىيابىز قابارچىلارى لان تىيان، رىن شئنجەنىن بۇل جۅنۉندۅكۉ قابارى: 

تۉشتۅن مۇرۇن ساات 11دە، داتوڭ ايىلى ايقاراق قىشتاعىنىن ايانتىندا، قىشتاق تۇرعۇندارى شاڭدۇۇ مۇزىكانىن قوشتووسۇندا چئمىرىلىپ، قولدورۇن وينوتۇپ، قۇدۇم بۉركۉت اسماندا ۇچۇپ باراتقانداي بولدۇ. قىشتاق تۇرعۇنۇ تاجئدىن ەلمىن مىنداي دەدى: «مۇردا كۉن ەنەرگىياسى تەك جارىقتىق مەنەن ەلە قامدووچۇ، بئز ورنوتقون چىراقتاردىن ۋات سانى قىيلا كىچىك بولعوندون كىيىن، تەلەۋىزوردۇ تۅككۅ ۇلاپ جاڭىلىق كۅرگۅندۅ، ماشىنەنىن ۉنۉ جاڭىرىپ، دئرتىلداپ، تۅك قالبادى دەپ كۅرۉنچۉ. ازىر جاقشى بولدۇ، ۉيگۅ العان تىگۉۉچۉلۉك ماشىنەسى، مۇزداتقىچ بولسۇن، جە ىش سورعۇچ، تۅك قازان قاندايى ەلە بولسۇن باارىن ىشتەتە الا تۇرعان بولدۇق. چوڭ ەلەكتىر تورۇ كەلىپ، تۇرمۇشۇبۇز داعى ۅزگۅردۉ». 

ماملەكەتتىك ەلەكتىر تورۇ قاشقار ەلەكتىر مەنەن قامدوو شەرىكتىگىنىن ورۇن باسار باش دىرەكتورۇ حان ۋىي مىنداي دەدى: «داتوڭ ايىلى شئنجاڭداعى ەڭ اقىرقى بئر چوڭ تورلۇۇ ەلەكتىرگە ۇلانعان ايىل بولدۇ، چوڭ تورلۇۇ ەلەكتىردىن جالعانۇۇسۇ، سىزىل، تۇرۇقتۇۇ ەلەكتىر قۇباتىن الىپ كەلىپ قالباي، داعى چەك ارا، الىس رايوندوردۇن ۅندۉرۉش، تۇرمۇشقا ىشتەتۉۉچۉ ەلەكتىر چۅيرۅسۉن جاقشىرتىپ، جەرگىلىككە انسايىن كۉچتۉۉ بولعون ۅنۉگۉۉ قىيمىلداتقىچ ەنەرگىياسىن الىپ كەلىپ، پارتئيا بوربوردۇق كومىتەتتىن كۅۅن بۇرۇۇسۇن جانا قامقوردۇعۇن ار ۇلۇت قالقىنىن جۉرۅگۉنۅ انسايىن جەتكىردى.» 

داتوڭ ايىلى تاشقورعون تاجىك اپتونوم وودانىنىن وودان شاارچاسىنا 180 قانچا كىلومەتىر كەلەت، تاجىكچە «قاپچىعاي» دەگەن ماانىدە بولۇپ، ورتوچو دەڭىز دەڭگەلىنەن 3800 مەتىردەن بىيىك. جەركەن دارىياسىنىن نەگىزدۉۉ تارماق اعىنى بولعون تاشقورعون دارىياسى ۇشۇل جەردەن ۅتۉپ، سۇۇ، چۅپ مول بولعون قووز مالچىلىق فەرماسىن قالىپتاشتىرعان، بئروق ەكى جەەگى تىك جار بولعوندۇقتان، چوڭ تورلۇۇ ەلەكتىردى داتوڭ ايىلىنا ۇزارتۇۇداعى توسوققو ايلانعان. 

الدىنقى قىلىمدىن 80- جىلدارىنان باشتاپ، داتوڭ ايىلى «داريادان ەلەكتىر الۇۇ»، «كۅكتۅن ەلەكتىر الۇۇ»نۇ باشتاپ، الدى-ارتى بولۇپ گەنىراتور سىيىمدۇۇلۇعۇ 40 كىلوۋاتتىق چاقان سۇۇ كۉچۉ مەنەن ەلەكتىر تاراتۇۇ ىستانسىياسىنان 2نى قۇرۇپ، ارى فوتو ۋولتتۇ قولدونۇپ ەلەكتىر تاراتۇۇنۇ تولۇقتاپ، ەلەكتىر ىشتەتۉۉ قىيىن بولۇۇ ماسەلەسىن چەچكەن. داتوڭ ايىلى چاقان سۇۇ ەلەكتىر ىستانسىياسىنىن باشقارۇۇچۇسۇ جانا اسىرووچۇسۇ امئرجان الىم مىنداي دەدى: «ىلگەرى سۇۇ بولسو تۅك بار بولچۇ، سۇۇ بولبوسو تۅك جوق ەلە، بئزدىن چاقان سۇۇ ەلەكتىر ىستانسىيابىز 10- ايدان باشتاپ ەلە ەلەكتىر تاراتبايت. جايىندا سەل كەلسە، ارىقتاردى الىپ كەتىپ، سۇۇ اعىپ كىربەي، ەلەكتىر تاراتا الباي قالابىز. قىشىندا ارىقتارعا 3 سانتىمەتر قالىڭدىقتا مۇز توڭۇپ، بولچويلور مەنەن مۇزدۇ جارىپ، جارعاندان كىيىن انان ەلەكتىر تاراتچۇبۇز. بئر جىلدا اراڭ 5، 6 اي قالىپتۇۇ ەلەكتىر تاراتا الابىز». 

ەلەكتىر ەنەرگىياسىنىن قىسقا، كەمچىل بولۇۇسۇ جەرگىلىكتىن ەكونومىكا، قووم ۅنۉگۉۉسۉن چەكتەپ كەلەت. 2019- جىلى، اپتونوم رايونۇبۇزدۇن تۉيۉندۉۉ قۇرۇلۇشۇ بولعون 11 فوتو ۋولت اكىمچىلىك قىشتاعىن چوڭ تورلۇۇ ەلەكتىرگە جالعوو قۇرۇلۇشۇ باشتالىپ، چوڭ ەلەكتىر تورۇن ۇزارتۇۇ ىڭعايىندا ەلەكتىر كەمچىل بولۇۇ ماسەلەسىن جالپى بەتكەي چەچتى. بۇل 11 فوتو ۋولت اكىمچىلىك قىشتاعى نەگىزدۉۉسۉ قارعالىق وودانى مەنەن تاشقورعون تاجىك اپتونوم وودانىنىن چەك ارا رايوندورۇنا تارالعان بولۇپ، كۅپ ساندۇۇسۇ جوعورۇ دەڭىز دەڭگەلدۉۉ توولۇۇ رايون بولعون. 2019- جىلدان 2020- جىلعا چەيىن، اپتونوم رايون جانا ماملەكەتتىك ەلەكتىر تورۇ چەكتۉۉ شەرىكتىگى بولجول مەنەن 592 مئللىيون يۇان اتايى قارجى سالىپ، 11 فوتو ۋولت اكىمچىلىك قىشتاعىنىن چوڭ تورلۇۇ ەلەكتىر قۇرۇلۇشۇن سالۇۇنۇ جىلىشتاتتى. ۇشۇل 11 فوتوۋولت قىشتاعىنداعى 1535 تۉتۉن دىيقان، مالچىنىن تۇرۇقتۇۇ، جەتەرلۉۉ ەلەكتىر ىشتەتۉۉسۉ ۉچۉن، ورتوچو ار بئر تۉتۉن دىيقان، مالچىعا 386 مئڭ يۇاندان قارجى سالعان. 9 ايعا جۇۇق ۇباقىت سارىپتاپ، ار بئر تەمىر مۇنارلار توو چوقۇسۇندا بوي كۅتۅرۉپ، دارىيا جەەگىنە تامىر تارتىپ، سىزىل، تۇرۇقتۇۇ بولعون ەلەكتىر ەنەرگىياسىن توولوردۇن تەرەڭ جەرىنە چەيىن جەتكىردى، ارى جەرگىلىكتىن ۅنۉگۉۉسۉ ۉچۉن قىيمىلداتقىچ كۉچ جانا ۉمۉت الىپ كەلدى. 

داتوڭ ايىلدىق باشتالعىچ مەكتەپ 2- جىلدىقتىن وقۇۇچۇسۇ دئلەزىم داكىك جايقى كانىكولعو تاراپ ۇزۇن ۅتبۅسۅ دا، بئروق جاڭى وقۇۇ جىلىنا قاراتا ۉمۉتكۅ تولدۇ. ال مىنداي دەدى: «بۉگۉن ەلەكتىر جالعاندى ،مۇعالئمىبىز بانبانتوڭ ارقىلۇۇ بىزگە ساباق سۉيلۅپ بەرەت، مۇزىكا تىڭشاپ، ۋىدىيو كۅرۅ الابىز، مەن جانا ساباقتاشتارىم اياباي قۇباندىق». 

داتوڭ ايىلدىق پارتكومدۇن شۇجئسى جاڭ گوبئى مىنداي دەدى: « شئنجاڭ بويۇنچا ەڭ اقىرقى چوڭ ەلەكتىر تورۇ جالعانعان ايىل قاتارى، بۇل ايىلىبىزدىن كۅكتۅن ەلەكتىر الۇۇ، سۇۇدان ەلەكتىر الۇۇداي تارىحتى اقىرلاشتىرعاندىعىنان دارەك بەرەت. بئز چوڭ ەلەكتىردەن پايدالانىپ، نەگىزكى جابدۇۇلارىبىزدى داعى بئر دەمجىي جاقشىرتىپ، ساياقاتقا تەيلۅۅ جۉرگۉزۉۉ قۇرباتىبىزدى اشىرابىز. دىيقان، مالچىلاردى مالچىلار شاتتىعى وردۇ، ەلدىك قونولعولوردۇ داعى بئر دەمجىي ۅنۉكتۉرۉپ بايۇۇ جولۇن كەڭىرتۉۉگۅ جەتەكتەيبىز». 

〖2020.06.30-11:22〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز