6- اي 19- جولقۇ ماملەكەتتىك «قووپسۇز ۅندۉرۉش ايى»

2020-06-28 11:41

 بىيىل 6- اي 19- جولقۇ ماملەكەتتىك «قووپسۇز ۅندۉرۉش ايى» بولۇپ، ۇدا بئر قانچا كۉندۅن بەرى، اپتونوم رايونۇبۇزدۇن جەر- جەرلەرىندەكى ۅرتتۅن ساقتانۇۇ، ۅرت ۅچۉرۉۉ قۇتقارۇۇ جاردام بەرۉۉ تارماقتارى «وقۇيانىن كۅمۅسكۉ قىرسىعىن جوعوتۇپ، قووپسۇزدۇق قورعوو لىنىيەسىن بەكەمدۅۅ» نەگىزگى تەماسىن ىمەرچىكتەپ، ار تۉردۉۉ تەكشەرۉۉ جانا مانىۋەر قىيمىلدارىن ىشتىكتۉۉ قۇلاچ جايدىرىپ، ار تۉردۉۉ قووپسۇزدۇق وقۇيا كۅمۅسكۉ قىرسىعىن ماالىندا جوعوتتۇ. ەمى ىستانسىيابىز قابارچىسى چئيۇ جئن، پىراكتىكانت قابارچى لئى حۇانىن بۇل جۅنۉندۅكۉ قابارى نازارىڭىزداردا. 

  جاي كىرگەندەن بەرى، تۉنكۉ بازار جەر- جەرلەردەگى قالقتىن تىنىعىپ سالقىندووچۇ جاقشى جەرىنە ايلاندى. جاقىندا ىلە قازاق اپتونوم وبىلاستىق ۅرتتۅن ساقتانۇۇ، ۅرت ۅچۉرۉۉ قۇتقارۇۇ جاردام بەرۉۉ بۅلۉمچۅ اتىرەتى قاراشتۇۇ رايوندو ار قايسى چوڭ اتىرەتتەردى «جايقى تۉندۅكۉ ۅرت ۅچۉرۉۉ» جەلەلەش قىيمىلىن قۇلاچ جايدىرۇۇعا ۇيۇمدادى، قورعوس وودانىنىن جىبەك جولۇ نوڭساڭ باقچاسى تۉنكۉ بازارىندا قورعوس ووداندىق ۅرتتۅن ساقتانۇۇ، ۅرت ۅچۉرۉۉ قۇتقارۇۇ جاردام بەرۉۉ چوڭ اتىرەتى جۅتكۅلمۅ ىڭعايداعى ۉگۉت، ۅرت ۅچۉرۉۉنۉ كۅرسۅتۉۉ سىياقتۇۇ قىيمىلدار ارقىلۇۇ ۅرت ۅچۉرۉۉ قووپسۇزدۇق بىلىمدەرىن جالپىلاشتىردى. قورعوس وودانى جىبەك جولۇ نوڭساڭ باقچاسىنداعى تۉنكۉ بازار تئجاراتچىسى جاڭ دوڭ مىنداي دەدى:«ار بئر ووزعو ۅرت ۅچۉرۉۉ جابدۇۇلارىن سەپتەدىك، بئزدىن لئنىيابىزدا تۅك قاچۇۇ ۋىكليۇچاتەلى بار، ۅرت ۅچۉرۉۉ ۉگۉت قىيمىلى بىزگە ۅرت اپاتى كۅرۉلگۅندۅ قانتئپ ەڭ تەز چەچۉۉ ماسەلەسىن بئلدىردى». 

 جاقىندا قاراماي شااردىق ۅرتتۅن ساقتانۇۇ، ۅرت ۅچۉرۉۉ قۇتقارۇۇ جاردام بەرۉۉ بۅلۉمچۅ اتىرەتى قاراماي شاارىنداعى كۅپتۅگۅن كۅچۅ ئش بۉتۉرۉۉ باشقارماسى مەنەن بىرگەلەشىپ ۅرت ۅچۉرۉۉ، تاراقايلاشتىرۇۇ مانىۋەرى قىيىمىلىن قۇلاچ جايدىرىپ، قالىڭ شاار تۇرعۇندارىنا چۇقۇل ابالدا جانىن قۇتقارۇۇ، ساقچىعا ماالىمداپ قۇتقارۇۇ تالاپ قىلۇۇ، ۅرت ۅچۉرۉۉ جابدۇۇلارىن ىشتەتۉۉ سىياقتۇۇ قاتىشتۇۇ بىلىمدەردى جالپىلاشتىرىپ، كۅپچۉلۉكتۉن قووپسۇزدۇق ساقتانۇۇ جانا ۅزۉن قۇتقارۇۇ قۇرباتىن ۅستۉردۉ. قاراماي شاارى كۇنلۉن جولۇ كۅچۅ باشقارماسى رۇيئيۇان قوومدۇق قونۇش تۇرعۇنۇ ۋاڭ شۇفىن مىنداي دەدى: «ۅرت اپاتىنا جولۇققاندا اپقارىپ كەتپەستىك تئيىش، قىزماتكەرلەر، ۅرت ۅچۉرۉۉ اتىرەتىنىن جەتەكتۅۅسۉندۅ ناق مايداندان تارتىپتۉۉ ايرىلىپ، قىستالىشپاستىعى تئيىش». 

 بۇل ەكى كۉندۅ، اقسۇۇ ايماقتىق ۅرتتۅن ساقتانۇۇ، ۅرت ۅچۉرۉۉ قۇتقارۇۇ جاردام بەرۉۉ بۅلۉمچۅ اتىرەتى بۉت ايماقتاعى مىڭدەگەن ۅرت ۅچۉرۉۉ ىقتىيارچىسىن ۅرت ۅچۉرۉۉ قووپسۇزدۇعۇن «ايىل- قىشتاققا كىرگىزۉۉ» «كەرقانالارعا كىرگىزۉۉ» «قوومدۇق قونۇشقا كىرگىزۉۉ»، «مەكتەپتەرگە كىرگىزۉۉ»، «ۉي- بۉلۅلۅرگۅ كىرگىزۉۉ» سىياقتۇۇ جەلەلەش قىيمىلداردى قۇلاچ جايدىرۇۇعا ۇيۇمدادى. اقسۇۇ شاارى حۇانچئيۇ بۇيۇم ساتىپ الۇۇ بوربورۇنۇن ۅرت ۅچۉرۉۉ ىقتىيارچىسى ياۋ شىياۋيئڭ مىنداي دەدى:«كۅپچۉلۉكتۉن قووپسۇزدۇق بىلىمدەرىن اشىرىپ، قووپسۇزدۇق تاانىمىن ۅستۉرۉپ، ۅرت اپاتى وقۇياسىنىن كۅرۉلۉۉسۉن ازايتۇۇعا جاردام بەردىك».

 شئنجاڭ ۅرتتۅن ساقتانۇۇ، ۅرت ۅچۉرۉۉ قۇتقارۇۇ جاردام بەرۉۉ باش اتىرەتى اقپارات ۉگۉت باشقارماسىنىن ورۇن باسار باشچىسى دوڭ ۋىي مىنداي دەدى:«بىيىلقى ‹قووپسۇز ۅندۉرۉش ايى»ندا بئز ىلدەتتىن الدىن الىپ تىزگىندۅۅ ئش جۉزۉندۉلۉك ابالىنا بىرىكتىرىپ، ۅرتتۅن ساقتانۇۇ، ۅرت ۅچۉرۉۉ ۉگۉتۉ بويۇنچا «بەشگە كىرگىزۉۉ» جەلەلەش قىيىمىلىن قۇلاچ جايدىرىپ، مەكتەپ، قوومدۇق قونۇش سىياقتۇۇ 15 تۉردۉۉ تۉيۉندۉۉ سورۇنداردا (ۅرت ۅچۉرۉۉ قووپسۇزدۇعۇ) اتايىن تەماداعى تاربئيا ۋىيدىيوسۇن جاساپ، ۅرت اپاتىنىن الدىن الۇۇ قۇرباتىن ۅستۉردۉك؛ ۅرت ۅچۉرۉۉ قووپسۇزدۇعۇ بويۇنچا تۉيۉندۉۉ ورۇندارعا وڭتويلۇق جاراتۇۇ ۉچۉن، اتايىن ۅرت ۅچۉرۉۉ قووپسۇزدۇق تاربئيا پىروگىرامماسىن اچىپ ۅنۉكتۉرۉپ، جارانداردىن ۅرتتۅن ساقتانۇۇ، ۅرت ۅچۉرۉۉ قووپسۇزدۇق تاانىمىن داعى بىردەمچىي جوعورۇلاتتىق». 

〖2020.06.28-11:41〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز