«ىنتىماق گۉلۉن» بىردىكتە سۇعاردى

2020-05-28 12:28

 

   باش شۇجئى شئى جئنپىڭ: ۇلۇتتار ىنتىماعى ــ ار ۇلۇت ەلىنىن جان تامىرى، شئنجاڭدىن ۅنۉگۉپ ىلگەرلۅۅسۉندكۉ تۉپكۉ ۇل تاش، وشوندوي ەلە 1مئلليارت 300مئللىيوندون اشۇۇن جۇڭگو ەلىنىن ورتوق قايراتى،-دەپ كۅرسۅتكۅن. اپتونوم رايونۇبۇز ۇلۇتتار ىنتىماعىن ىلگەرلەتۉۉ ۉگۉت تاربئياسىن كەڭىرى قۇلاچ جايدىرىپ، «ۇلۇتتار ىنتىماقتاشىپ بئر ۉي-بۉلۅدۅي بولۇۇ» جانا ۇلۇتتار ىنتىماعى بىرلەشمە دوستۇق قىيمىلىن سىزىل تەرەڭدەي قۇلاچ جايدىرىپ، تئيانشاندىن تۉشتۉك-تۉندۉگۉندۅكۉ ار ۇلۇت قالقى ۅز ارا ۅبۅك-جۅلۅك بولۇپ، دىلدەش قول قارماشىپ، «ىنتىماق گۉلۉن» بئر نەەتتە سۇعاردى.  

 

    5-ايدىن 26-كۉنۉ، اپتونوم رايوندۇق پارتكوم پارتئيا مەكتەپتىن قاشقار كۅۅنۅشاار وودانى مىشا ايىلى شەرىكسايى قىشتاعىندا تۇرۇشتۇۇ بئرىنچى شۇجئسى جۇ داچىڭ داعى بئر جولۇ قۇرچالىشىپ تۇۇعانداشقان تۇۇعانى تۇرعۇن ابدۇكىرەمدىن ۉيۉنۅ كەلدى، ال اعا اتايى بىيىلقى «ۅكۉمۅت قىزماتى بايانداماسىن» الا بارىپ، تۇۇعانىنا باياندامادا ايتىلعان ەڭ جاڭى ەلگە نارىپ جەتكىرۉۉ ساياساتتارىن چەچمەلەپ تۉشۉندۉردۉ. جۇ داچىڭ مىنداي دەدى: تۇۇعانىم تۇرعۇنعا ماملەكەتتىن ەڭ جاڭى ساياساتتارىن تۉشۉندۉرۉپ، انىن كەمباعالدىقتان ارىلۇۇ ىچكى قىيمىلداتقىچ كۉچۉن جانا ىشەنچىن ۉزگۉلتۉكسۉز اشىرايىن دەپ تۇرام. ال بۇل ساياساتتاردى ۇقتۇ، ەگەردە قانداي ويدو بولسوڭ ماعا ايتساڭ بولوت دەدىم، انىن بىيىلقى كىيىنكى جارىم جىلداقى كىرەشە ارتتىرۇۇ پئلانىن تۉزۉۉسۉنۅ جاردام بەرەم.

 

 

  جۇ داچىڭ مەنەن تۇرعۇن ابدۇكىرەمدىن قۇرچالىشىپ تۇۇعانداشقانىنا ۉچ جىلدان اشتى، دەمەيدە ال دايىما تۇۇعانىنىن ۉيۉنۅ بارىپ ولتۇرۇپ، بئر ۉي-بۉلۅدۅكۉلۅردۉن تۇرمۇش ابالىن تۉشۉنۉپ، الاردىن ئش جۉزۉندۉك قىيىنچىلىقتارىن چەچۉۉسۉنۅ جاردام بەرىپ كەلدى. جۇ داچىڭدىن شايكەشتىرىپ جاردام بەرۉۉسۉندۅ، تۇرعۇن ابدۇكىرەم قىشتاقتاقى اارى باعۇۇ كۅمۅكتۅشتۉك كوپەراتىبىندە ىشتەپ، كۅز وورۇسۇنا چالدىققان ايالى داعى ەشىك الدىنداقى جەر سۉرتكۉچ ۅندۉرۉۉچۉ سەحتە جۇمۇشقا ورۇنداشقان. تۇرعۇن ابدۇكىرەم مىنداي دەدى: جۇ شۇجئى قۇدۇم ۅز اعاما وقشويت، ازىر ۉيۉمدۅكۉلۅردۉن باارىنىن قىزماتى بار بولدۇ، تۇرمۇشۇبۇز بارعانسايىن جاقشىلانۇۇدا، اعا اياباي ىراقمات ايتام!

 

 

   2016 -جىلى 10-ايدا، اپتونوم رايوندۇق پارتكوم بۉت شئنجاڭدا جوعورۇدان تۅمۅنگۅ چەيىن «ۇلۇتتار ىنتىماقتاشىپ بئر ۉي-بۉلۅدۅي بولۇۇ» جانا ۇلۇتتار ىنتىماقتىعى بىرلەشمە دوستۇق قىيمىلىن قۇلاچ جايدىرۇۇعا قوزعوتقون. اپتونوم رايونۇبۇزداقى 1مئللىيون 120مئڭ كادىر-قىزماتكەر 1مئللىيون 690مئڭ تۉتۉن ار ۇلۇت قالقى مەنەن قۇرچالىشىپ تۇۇعانداشىپ، كۅپچۉلۉك چوعۇۇ جاشاپ، چوعۇۇ ۉيرۅنۉپ، چوعۇۇ ىشتەپ، چوعۇۇ قۇبانىچقا باتىپ، ۅزارا جاردام بەرىشىپ، قان مەنەن ەتتەي جۇۇرۇلۇشۇپ، قۇدۇم بئر ۉي-بۉلۅدۅكۉلۅردۅي بولۇپ كەتتى. ساندۇۇ ماالىماتتا كۅرسۅتۉلۉشۉنچۅ، بىيىل 4-ايدىن ەتەگىنە چەيىن، بۉت اپتونوم رايوندوقۇ كادىر جالپى ابال سۇراعان ار ۇلۇت قالقى 143مئللىيون تۉتۉن ىرەتكە جەتىپ، 1مئلليارت 21مئللىيون يۇان سەلبىك بەرىپ، سەلبىك بەرگەن بۇيۇم 53مئللىيون 210 مىڭگە جەتىپ، بۉتۉرۉپ بەرگەن جاقشى ئشى، ناقتىلۇۇ ئشى 19مئللىيون 880 مئڭ بولۇپ، «ۇلۇتتار ىنتىماقتاشىپ بئر ۉي-بۉلۅدۅي بولۇۇ» نەگىزگى تەماسىندا ۅتكۅرۉلگۅن ار قايسى تۉر قىيمىلى 19مئللىيون 500 مئڭ مايدان ىرەتتەن اشقان.

 

 

   ۉرۉمچۉ شاارى جاقىنقى جىلداردان بەرى، 3004 ۇلۇتتار ىنتىماعى ۉلگۉ كۅرسۅتۉۉچۉ چوڭ قوروو ( قونۇشتۇ) قۇرۇپ چىقتى، شۉيموگوۋ رايونۇ شۉيتاشان تىلكەلۉۉ رايونۇن باشقارۇۇ كومىتەتى ىنتىماق تۉندۉك قوومدۇق قونۇش تىيانجۇيۇان چاقان قونۇشۇ وشونۇن ىچىندەكى بىرۅ بولۇپ، بۇل جەردە حانزۇ، ۇيعۇر، حۇيزۇ، قازاق، قىرعىز قاتارلۇۇ 7 ۇلۇتتان 398 تۉتۉن ۉي-بۉلۅ بار. قوومدۇق قونۇش بىرلەشمە دوستۇق قىيمىلىن، مۇرال ۉلگۉلۅرۉن باالوو، ىقتىيارى تەيلۅۅ سىياقتۇۇلاردى قۇلاچ جايدىرۇۇ ارقىلۇۇ ار ۇلۇت قالقىنىن ارالىعىن ۉزگۉلتۉكسۉز جاقىنداتتى. تۇرعۇن گۉلۉ ياقۇپ چاقان قونۇشتا تۇرمۇش كەچىرگەنىنە 18 جىل بولعون. ال قابارچىعا مىنداي دەدى: قوومدۇق قونۇشۇبۇزدا ۅتۅ باقتىلۇۇ جاشايبىز، ايرىقچا جاقشى، سااردا دەنە تاقشالدىرىپ قايتىپ كەلگەندەن كىيىن بايكە-ەجەلەر چاقان جاشىلچا اتىزىنا كەلىپ، جاشىلچالاردان الىپ كەتىپ جەگىلە،- دەپ تۇرات. دەنە سالاماتتىعىم جاقشى بولبوي قالعان كەزدەردە، ماڭدايلاش قوڭشۇم سىرتقا چىعىپ، ماعا جاشىلچا الىپ كەلىپ بەرەت. باشقالاردا قىيىنچىلىق بولسو قولۇبۇزدان كەلىشىنچە جاردام بەرىپ، قۇدۇم بئر ۉي-بۉلۅ كىشىلەرىندەيبىز، مەن بۇل چاقان قونۇشتا سىزىل تۇرام، ەچ قايسى جاققا كۅچبۅيۉم.

 

 

   ار ۇلۇت كادىر، قالقى چىنىعى مەەر-ماحابات، چىن ىقلاسى مەنەن ئش جۉزۉنۅن ۅتكۅرۉپ، ۇلۇتتار ىنتىماعى گۉلۉن بىردىكتە سۇعارىپ، دايىما قۇلپۇرتۇپ، قووم وموقتۇۇلۇعۇ جانا ۇزاققا بەيپىل باشقارۇۇ باش نئشاانىن ىشكە اشىرۇۇنۇن كۉچتۉۉ وڭ ەنەرگىياسىن توپتودۇ. بىيىل، كۉتۉۉسۉز كەلگەن جاڭىچا تااجى سىمال ۋئرۇس ۅپكۅ سەزگەنچى ىلدەتىنە قاراتا، كۅپچۉلۉك بئر ارقان بولۇپ چىيرالىپ، ىلدەتتىن الدىن الىپ تىزگىندۅۅ، توسۇپ سوققۇ ۇرۇۇ كۉرۅشۉنۅ ىشتىكتۉۉ قاتىشىپ، قايراتتان سەپىل سالىپ، ىلدەتكە قارشى سوققۇ ۇرۇپ، ۇلۇتتار ىنتىماعى گۉلۉن «ىلدەتكە» قارشى تۇرۇۇ بئرىنچى چەبىندە قۇلپۇرتتۇ. ماملەكەتتىك ەل قۇرۇلتاي ۅكۉلۉ رۇقىيەم مەتسەيدى ــ ۇلۇتتار ىنتىماعىنىن ۉلگۉسۉ قۇربان تۇلۇمدۇن چەبىرە قىزى . بىيىل 3-ايدا، ال قۇربان قورۇ قوومۇنداعى قىزماتتاشتارى مەنەن بىردىكتە، ۋۇحاندىن ىلدەتتىن الدىن الىپ تىزگىندۅۅ بئرىنچى چەبىندەكى دارىلوو قىزماتكەرلەرىنە 5 توننا گۉرۉچ سەلبىك بەردى. رۇقىيەم مەتسەيدى مىنداي دەدى: ۇلۇتتار ىنتىماقتاشىپ بئر ۉي-بۉلۅدۅي بولۇپ، بئر جاقتا قىيىنچىلىق بولسو، باارى جاق جاردام بەردىك. بۇل جولقۇ جاڭىچا تااجى سىمال ۋئرۇس ۅپكۅ سەزگەنچى ىلدەتىنە قارشى سوققۇ ۇرۇۇ بارىشىندا، بۉت ماملەكەتتەكى ار ۇلۇت بووردوشتور بئر نەەت بئر ماقساتتا بولۇپ، ىلدەت قىرداالىندا كۉچتۉۉ بۇرۇلۇش جاساپ، ىنتىماقتىقتىن كۉچۉن ماعا داعى بئر جولۇ كۅرسۅتتۉ.

 

〖2020.05.28-12:28〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز