چەچۉۉچۉ كۉرۅشتۉن چەچۉۉچۉ جەڭىشىن قولعو كەلتىرىپ الدۇۇ قوومعو اتتانۇۇ

2020-05-28 12:06

 ىستانسىيابىز قابارچىلارى حۇاڭ يان، گاۋ مىڭحۇي، دوڭ جئيوڭداردىن قابارى:

   5- اي، روزا گۉلۉن تەرۉۉنۉن جاقشى مەزگىلى، كىرىيە وودانى گۉيمئى بئيو- ئلىم تەحنىكا جارناق چەكتۉۉ شەرىكتىگىنىن تۉمۅن مولۇق ۅزگۅچۅ روزاگۉلۉ ۅستۉرۉۉ بازاسىندا، جۉزدۅن اشۇۇن دىيقان ايدوودو شاشىلىش ىشتەپ جۉرۅت. بۇل كەرقانا «شەرىكتىك+ بازا+ ئلىم- تەحنىكا+ دىيقان تۉتۉن+ بازار» دان تۇرعان تئجارات ىڭعايىندا، بۉت ووداندا 46 مئڭ مو جەردە روزا گۉلۉن ۅستۉرۉۉنۉ تۉرتمۅكتۅپ، جەتىشتىرۉۉ، ۅستۉرۉۉ، تەرۉۉدۅن ئش قوشۇۇ، ساتىپ الۇۇعا چەيىنكى، ۅندۉرۉشتۉن تولۇق كەسىپ جەلەسىن قالىپتاشتىرىپ، جەرگىلىكتۉۉ جانا ايلاناداعى مەزگىلدۉۉ ۇباقتىلۇۇ جۇمۇشچۇدان 200 مئڭ ادام ىرەتتەن كۅبۉرۅۅك جالداپ ىشتەتىپ، پايداسىن كۅرگۅن كەمباعال جان سانى 3 مئڭ تۉتۉندۅن اشۇۇن بولدۇ. جاڭىچا تااجى سىمال ۋئرۇس ۅپكۅ سەزگەنچى ىلدەتى كۅرۉلگۅندۅن كىيىن، حوتەن ايماعى ىلدەتتىن الدىن الىپ تىزگىندۅۅ چۇقۇل تەڭتايلاش تۇرۇۇ قامسىزدووسۇن كۉچۅتۉپ، باجى اقىسىن ازايتىپ كەچىرىم قىلۇۇ ەپكىنىن ارتتىرىپ، سۇۇ- ەلەكتىر، زاۋوت ۉيۉ جابدۇۇلارى، ەمگەك كۉچتۅرۉن تاربئيالوو تولۇقتاماسى سىياقتۇۇ كۅپ تۉرلۅردۅ جەڭىلدىك سايساتتارىن چىعارىپ، گۉيمئي شەرىكتىگى سىياقتۇۇ بئر تۉركۉم كەرقانالاردىن ىلدەتتىن تااسئرىن جەڭىپ، جۇمۇشتۇ قايرا باشتاپ، تولۇق ۅندۉرۉشتۉ قالىبىنا كەلتىرۉۉسۉنۅ ۅبۅلگۅ بولدۇ. ماملەكەتتىك ەل قۇرۇلتايى ۅكۉلۉ، شئنجاڭ شئنيە توبۇ كىرىيە گۉيمئي بئيو- ئلىم تەحنىكا جارناق چەكتۉۉ شەرىكتىگىنىن باش دىرەكتورۇ ادئل ابدۇرىزاق، ۇچۇردا شەرىكتىك جوعورۇ- تۅمۅندۅ ۅندۉرۉشتۉ بەكەم قارماپ، بازاردى دىلگىر كەڭىرتىپ، قولدون كەتكەن ۇباقىتتى قايتارىپ كەلىپ جاتقانىن ايتىپ مىنداي دەدى: «روزا گۉلۉنۅ تەرەڭدەي ئش قوشۇۇنۇ دىلگىر جىلىشتاتىپ، تۉز ساتۇۇ دۉكۅنۉن اچۇۇ ارقىلۇۇ، ۅنۅكتۅش سووداگەرلەردى كەڭىرتىپ، توردو ساتۇۇ ۅرۉشۉن قۇرۇۇ سىياقتۇۇ ىڭعايلاردا، شئنجاڭ ئچى- سىرتىنداعى بازاردى داعى بئر دەمجىي كەڭىرتتىك. كىيىنكى قادامدا، كىرىيە وودانىنداعى 50 مئڭ مولۇق ۅزگۅچۅ جوعورۇ ۅنۉمدۉۉ روزاگۉلۉ ۅستۉرۉ تۉرۉن جىلىشتاتىپ، ايىل- چاربا قوشۇمچا تۉشۉمدۅرۉن ساتىپ الۇۇ جانا كەمباعال ۉي- بۉلۅلۅردۉن ەمگەك كۉچتۅرۉن جۇمۇشقا ورۇنداشتىرۇۇ جايعاشتىرۇۇسۇن ارتتىرىپ، روزا گۉلۉن چىنىعى تۉردۅ جەرگىلىكتىن بايۇۇ گۉلۉنۅ، باقىت گۉلۉنۅ ايلاندىرابىز.»

 

 

   باش شۇجئى شئى جئنپىڭ: «داعى دا زور قايرات، داعى دا كۉچتۉۉ ەپكىندە كەمباعالدىقتان ارىلتۇۇ چابۇۇلۇن جىلىشتاتىپ، جاڭىچا تااجى سىمال ۋئرۇس ۅپكۅ سەزگەنىچى ىلدەتىن مۉلدۅ جەڭىپ، كەمباعالدىقتان ارىلتۇۇ چابۇۇلۇنۇن جالپى بەتكەي جەڭىشىن مۉلدۅ قولعو كەلتىرۉۉ كەرەك»،- دەپ كۅرسۅتكۅن. ۇچۇردا، بۉت شئنجاڭدا جوعورۇ- تۅمۅن ئش جۉزۉندۉۉلۉكتۉ تاقانچىقتاپ، ۅز جەرىنىن جاعدايىنا جاراشا ئش كۅرۉپ، تۅپ چاارا قولدونۇپ، ماسەلەنى قاتااڭ قارماپ تۉزۅتۉپ، قىسقا، السىز تۉرلۅردۉ تولۇقتاپ، ۇباقىت مەنەن جارىشىپ، ىلگەرلۅۅ ەپكىنىن تالاشىپ، ەڭ اقىرقى ون كەمباعال ووداندىن كەمباعالدىق اتىن الىپ تاشتووسۇ، 42 مئڭ 100 تۉتۉندۅكۉ 165 مئڭ 800 كىشىنىن ماالىندا كەمباعالدىقتان ارىلۇۇسۇنا چىنىعى كەپەلەتتىك قىلۇۇدا.

 

 

   «ۉچ ايماق، ۉچ وبلاس» تاعى وور كەمباعال ايماقتىن بئرى قاتارى، قاشقار ايماعىندا بىيىل جانا ەلە 4 كەمباعال وودان كەمباعالدىق اتىن الىپ تاشتاي ەلەك، 293 كەمباعال قىشتاق چەگىنىپ چىعا ەلەك، 77 مئڭ 200 كەمباعال جان سانى كەمباعالدىقتان ارىلۇۇنۇ كۉتۉپ تۇرات. جاڭىچا تااجى سىمال ۋئرۇس ۅپكۅ سەزگەنىچى ىلدەتىنىن تااسىرىندە، كەمباعالدىقتان ارىلتۇۇ چابۇۇلۇ نىشان مىلدەتىن ىشكە اشىرۇۇدا جاڭى قىيىنچىلىق جانا ات سالىشۇۇعا تۇش كەلدى. قاشقار ايماعىنىن ار داراجالۇۇ جەتەكچى كادىرلارى ۅزدۅرۉ كۅتۅرۅگۅ العان كەمباعال قىشتاقتاردى تەرەڭدەي ارالاپ، چىمچىقتى اناتومئيالۇۇ جارۇۇ ىڭعايىندا، ار قايسى قىشتاقتاردىن كەمباعالدىقتان ارىلتۇۇ قىزمات دولبوورۇ، «بئر تۉتۉنگۅ بئر چارا»، «بئر كىشىگە بئر جۇمۇش وردۇ» دولبوورۇن داعى بئر دەمجىي ىزىلدەپ ۅكۉم قىلىپ، باچىم جۉزۅلۅشتۉردۉ. قاشقار ايماقتىق كەمباعالداردى جۅلۅۅ اچىپ ۅنۉكتۉرۉۉ ئشقاناسى پئلان بۅلۉمۉنۉن باشچىسى دئڭ ۋىنچاۋ مىنداي دەدى:«كەسىپ، جۇمۇشقا ورۇنداشتىرۇۇ ›ەكى دۅڭگۅلۅك> قىيمىلداتقىچىندا بەكەم تۇرۇپ، كىرەشەنى ارتتىرىپ بايىتۇۇچۇ كەسىپتەردى كۉچۅپ ۅنۉكتۉرۉپ،›بئر كىشىگە بئر جۇمۇش وردۇ>ن بەلگلەپ تۇرۇقتۇۇ جۇمۇشقا ورۇنداشتىرۇۇنۇ جىلىشتاتابىز.»

 

  پايزاۋات وودانى تەرىم ايىلى تەرىم قىشتاعىنداعى ارحئپ تۇرعۇزۇپ كارتا بۉتۉرۉلگۅن كەمباعال تۉتۉن ابلىكىم قادىر مۇردا تەك 5 مو جەرگە بۇۇداي ۅستۉرچۉ، كىرەشەسى جوعورۇ ەمەس ەلە. بىيىل 3- ايدا، قىشتاق انىن جۇبايىن بئر بالگۉلچۅ دۉكۅنۉندۅ جۇمۇش ىشتۅۅگۅ ورۇنداشتىرات، ار ايدا 2500 يۇاندان كىرەشەسى بولوت. مىندان باشقا، داعى تەحنىكتەردى انىن ىلىمتا باستىرماسىندا جاشىلچا ۅستۉرۉۉسۉنۅ جەتەكتۅۅگۅ جىبەرەت، داعى 5 مو بۇۇداي ايدووسۇنا شئنمىي ۅستۉرۅت. ال مىنداي دەدى:« جاشىلچا جانا شئنمىي ۅستۉرسۅم، ار مو جەرگە 500 يۇاندىق تولۇقتاما بار، ىلىمتا باستىرماما جازدا لئيانحۇاباي، جايدا بەيسەي ەگەم، كۉزدۅ داعى باكلاجان، دۇجىياۋ ەگەم، بئر جىلدا 6 مئڭ يۇاندان اشۇۇن كىرەشە بار. بىيىل جاقشى ىشتەسەم ەلە، سۅزسۉز كەمباعالدىقتان ارىلام.»

   قىزىلسۇۇ قىرعىز اپتونوم وبلاسى بىيىل «قىزىلسۇۇ وبلاسىنىن كۅرنۅك ئلىپ كۉرۅشتۉ ايداقتوونۇ جولعو قويۇپ، كەمباعالدىقتان ارىلتۇۇ چابۇۇلۇنۇن جالپى بەتكەي جەڭىشىن قولعو كەلتىرۉۉ جۅنۉندۅگۉ قىزمات دولبوورۇ»ن تۉزۉپ، وبلاستىق پارتكومدۇن شۇجئسى جانا وبلاس باشچىسى باش قولباشچىلىق مىلدەتىن ارقالاعان كۅرنۅك ئلىپ كۉرۅشتۉ ايداقتوو قولباشچىلىق وردۇن قۇرۇپ، نازىر داراجالۇۇ 30 جەتەكچى جانا وودان داراجالۇۇ 8 جەتەكچىنىن كەمباعالدىقتان چەگىنىپ چىعا ەلەك 38 قىشتاقتى كۅتۅرۅگۅ الىپ كۉرۅشتۉ ايداقتاپ، «ۉچتۉ جۉزۅلۅشتۉرۉۉ، ۉچتۅ تۅپ، ۉچتۉ قامسىزدوو»نۇ سالىشتىرىپ ايرىمالىقتاردى تااپ، ار قايسى قىزماتتاردى چىنىعى، ىچكەلەي، چىنىعى ورۇنعا جۉزۅلۅشتۉرۉۉنۉ تۉرتمۅكتۅۅنۉ ايقىنداشتىردى. ماملەكەتتىك ەل قۇرۇلتايى ۅكۉلۉ، قىزىلسۇۇ وبلاستىق پارتكومدۇن ورۇنباسار شۇجئسى، وبلاس باشچىسى دئلشات قىدىرحان مىنداي دەدى:«بئزدىن كەمباعالدىقتان ارىلا ەلەك 38 قىشتاق جانا 11 مئڭ 600 كىشىنى نازارعا الىپ كۅرنۅك ئلىپ كۉرۅشتۉ ايداقتوونۇ تەرەڭ قۇلاچ جايدىرىپ، كەسىپ ۅنۉگۉۉسۉن، كەسىپ قوتورۇۇ، جەردى انىقاپ، كىرەشەنى قايرا بۅلۉشتۉرۉۉ، چەك ارا قوعووچۇلار، ەكولوگىيا تولۇقتاما تۅلۅمۉن ىمەرچىكتەپ، باشقا جەرگە كۅچۉرۉلگۅندۅن كىيىن جۅلۅۅ جانا ۇنۋەرىسال قوومدۇق قامسىزدوو سىياقتۇۇ ساياساتتاردى ۇلانتىپ، چارالاردى ىچكەلەشتىرىپ، تۉتۉندۅرگۅ، كىشىلەرگە جەتكىرىپ، كەمباعالدىقتان ارىلتۇۇ نئشانىنا تاقاي نازار بۇرۇپ، كۉچتۉ ۇيۇتۇپ چابۇۇلعا ۅتۅبۉز.»

   اپتونوم رايوندۇق پارتكوم پارتئيا مەكتەبى ەكونومىكا ئلىمى وقۇتۇۇ ىزىلدۅۅ وردۇنۇن ورۇنباسار مۇدۇرۇ، دوتسەنت جىياڭ شاۋفىڭ مىنداي دەدى:«بۇل جولقۇ جاڭىچا تااجى سىمال ۋئرۇس ۅپكۅ سەزگەنىچى ىلدەتىنىن الدىن الىپ تىزگىندۅۅدۅ، كەمباعال رايوندور باش شۇجئى شئى جئنپىڭدىن كەمباعالداردى جۅلۅۅ قىزماتى جۅنۉندۅگۉ زارىل باياندارىن تۉپكۉ مويۇن سۇنۇۇ پئرىنسىبى قىلىپ، كەمباعالدارعا زور جاردام بەرۉۉ قىرداالىندا بەكەم تۇرۇپ جانا جاقشىرتىپ، ۅكۉمۅت، بازار، قووم ۅز ارا بايلانىشى جانا كەسىپ بويۇنچا كەمباعالداردى جۅلۅۅ، اتايىن تۉردۅ كەمباعالداردى جۅلۅۅ مەنەن، قووم كەمباعالداردى جۅلۅۅنۉ بىرگەلەشتىرۉۉنۉ ىشكە اشىرىپ، كەمباعالدىقتان ارىلتۇۇ چابۇۇلۇنۇن كۉچتۉۉ بىرىكمە كۉچۉن قالىپتاشتىردى. كەمباعال قالقتىن ىشتىكتۉۉلۉگۉ مەنەن دەمىلگەلۉۉلۉگۉن تولۇق قوزعوتۇۇدا بەكەم تۇرۇپ، سىرتتان جاردام بەرۉۉ مەنەن ۅزۉ چىمىرقانۇۇ ارقىلۇۇ كەمباعالدىقتان ارىلۇۇنۇ ىشكە اشىردى. بۉت شئنجاڭدىن كەمباعالدىقتان ارىلتۇۇ قىزمات بەرەكەتى تااسئن بولۇپ، بۉت اپتونوم رايوندوعۇ ار ۇلۇت قالقىنىن كەمباعالدىقتان ارىلتۇۇ چابۇۇلۇندا ماالىندا جەڭىشكە جەتىپ، جاقشى الىپ بارۇۇ بەكىمىن جانا ىشەنىچىن داعى دا بەكەمدەدى.»

 

〖2020.05.28-12:06〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز