13- كەزەكتۉۉ ماملەكەتتىك ەل قۇرۇلتايى 3- جىيىنىنا قاتىشۇۇچۇ اپتونوم رايونۇبۇزدۇن ماملەكەكتتىك ەل قۇرۇلتاي ۅكۉلدۅرۉ، 5- ايدىن 21- كۉنۉ تۉشكۅن جەرىندە سۇنۇشتارىن ۇلاندۇۇ تۉزۅتۉپ جانا جاقشىرتىپ، مىلدەت جووپكەرچىلىگىن داعىدا جاقشى اتقارۇۇ، ماملەكەت ئشىن ورتوق كەڭەشۉۉ ۉچۉن دايىندىق كۅردۉ.　ىستانسىيابىز قابارچىسى دوڭ جىيوڭدۇن قابارى:

تۉشتۉن مۇرۇن، ماملەكەتتىك ەل قۇرۇلتايى ۅكۉلۉ، حوتەن ايماقتىق دارىلوو قامسىزدوو مەكەمەسى ۇنۇۋەرسال كەسىپ ىشتەرى بۅلۉمۉنۉن باشچىسى مەمىتىمىن ابدۇعىنى باش شۇجئى شئى جئنپىڭدىن كەمباعالداردى جۅلۅۅ قىزماتى جۅنۉندۅكۉ زارىل باياندارىن قايرا ۉيرۅندۉ. مەمىتىمىن ابدۇعىنى تۇرۇشتۇۇ حوتەن ايماعىندا　ۇچۇردا داعى 5 كەمباعال وودان　كەمباعالدىق اتىن الىپ سالعانى جوق، بۇل جولقۇ ماملەكەتتىك ەكى جىيىندا، ال «3 ايماق، 3 وبىلاس»تاعى ايىل-قىشتاقتاردىن نەگىزكى جابدۇۇ قۇرۇلۇش دەڭگەەلىن داعى بئر دەمجىي جوعورۇ كۅتۅرۉۉ جۅنۉندۅكۉ سۇنۇشۇن الىپ كەلدى. ال مىنداي دەدى: «مەنىن سۇنۇشۇم ‹3 ايماق، 3 وبلاس›تىن　قاتتوو-تاشمال، چۅيرۅ قورعوو، سۇۇ ىشتەرى، قابارلاشۇۇ قاتارلۇۇ نەگىزكى جابدۇۇ قۇرۇلۇشۇن ۇلاندۇۇ جاقشىرتىپ، امالئي كۉچۉ بار كەرقانالاردى قىشتاقتان ورۇن الدىرۇۇعا ەلىكتىرىپ، كەسىپتەردى چوعۇلتۇۇنۇ ىشكە اشىرىپ جۇمۇشقا ورۇنداشۇۇنۇ تۉرتمۅكتۅۅ ارقىلۇۇ، كەمباعالدىقتان ارىلتۇۇ چابۇۇلۇنا داعىدا جاقشى دەم بولسو دەيىم.»

ماملەكەتتىك ەل قۇرۇلتايى ۅكۉلۉ، قاشقار ايماقتىق پارتكومدۇن ورۇن باسار شۇجسى، ۋالئسى پارات روزى بوش ۇباقىتتارىنان پايدالانىپ، ۅزۉ الىپ كەلگەن ايىل-قىشتاق بۇلعاندى سۇۇسۇن بئر جاڭسىل قىلۇۇ، جىيىپ الۇۇ قۇرباتىن جوعورۇلاتۇۇ، ايىل-قىشتاقتاردى گۉلدۅنتۉۉگۅ دەمۅۅر بولۇۇ جۅنۉندۅكۉ سۇنۇشۇن دىلگىر جاقشىرتتى. ال مىنداي دەدى: «ايىل-قىشتاقتارداعى بۇلعاندى سۇۇنۇ بئر جاڭسىل قىلىپ، بئر جاڭسىل قىلعاندان كىيىن قايتا ىشتەتۉۉگۅ بولوت، ۇشۇل نئشاانعا جەتۉۉ ۉچۉن، ماملەكەت قاتمارىنان قىيلا قىيىنچىلىعى بار رايوندورعو قارجىلاي قولدوو، تۉر قولدووسۇن كۅرسۅتۉپ، جە بولبوسو ساياسات بەرىپ، كەرقانالاشتىرۇۇ، بازارلاشتىرىپ جۉرگۉزۉۉ ارقىلۇۇ بۇل ماسەلەنى چەچۉۉ سۇنۇشۇن بەرەم.»

ماملەكەتتىك ەل قۇرۇلتاي ۅكۉلۉ، باركۅل وودانى زىگۇ دىيقانچىلىق، مالچىلىق تۉشۉمدۅرۉ كەسىپتىك كۅمۅكتۅشتۉك كوپەراتىبىنىن باشچىسى ۋاڭ يانچئڭ، قومۇل شاارىنداعى قاراپايىم ەلدىن تۇرمۇشۇ بارعانسايىن جاقشىلانعانىن، قۇرساعى توق، كىيىمى بۉتۉن بولۇۇنۇ تولۇق قانااتتاندىرعاندان كىيىن، قووز ەكولوگىيالىق چۅيرۅگۅ قاراتا داعى تالپىنۇۇ پايدا بولعونۇن، وشوندۇقتان ۇشۇل جولۇ ەكولوگىيا قۇرۇلۇشۇن كۉچۅتۉۉگۅ قاتىشتۇۇ سۇنۇشۇن الىپ كەلگەنىن ايتىپ مىنداي دەدى: «بۇل جولقۇ جىيىن ارقىلۇۇ، ماملەكەتتىن كۉچۉنۅن پايدالانساق، داعىدا چوڭ قولدوو بولسو، قومۇلدۇن ەكولوگىيالىق سىستەماسىن، تووسۇن، جايلووسۇن، مۅڭگۉسۉن، شالباا جەرىن، چۅلۉن جاقشى اسىراپ، جاقشى قورعوپ، تابئيعى ەكولوگىيالىق سىستەما ارقىلۇۇ　ۇرپاقتارىبىزعا انسايىن جاقشى باقىت جاراتۇۇنۇ ۉمۉت قىلام.»