اپتونوم رايونۇبۇزداعى ار ۇلۇت كادىر، قالقى ماملەكەتتىك ەكى جىيىندىن اچىلۇۇسۇن چىدامسىزدىق مەنەن كۉتۉۉدۅ

2020-05-21 10:58

 

 

 

 ماملەكەتتىك ەكى جىيىن جاقىندا اچىلات، اپتونوم رايونۇبۇزداعى ار ۇلۇت كادىر، قالقى ماملەكەتتىك ەكى جىيىندىن اچىلۇۇسۇن چىدامسىزدىق مەنەن كۉتۉۉدۅ.

بىيىل كەمباعالدىقتان ارىلتۇۇ چابۇۇلۇندا چەچكىن كۉرۅشۉپ چەچۉۉچۉ جەڭىشتى قولعو كەلتىرۉۉ جىلى، اپتونوم رايونۇبۇز قالعان 10 كەمباعال ووداندىن كەمباعالدىق اتىن تۉگۅلدۅي الىپ تاشتوو، 559 كەمباعال قىشتاقتى كەمباعالدىقتان چەگىندىرۉۉ، 165 مئڭ 800 كەمباعال جان ساندى تولۇق كەمباعالدىقتان ارىلتۇۇعا چىنىعى كەپەلەتتىك قىلات. ار ۇلۇت قالقى كەسىپ ارقىلۇۇ كەمباعالداردى جۅلۅۅ، ايىل- قىشتاقتى گۉلدۅندۉرۉۉ سىياقتۇۇ جاقتاردان داعى دا كۅپ جاقشى قابارلاردىن كەلۉۉسۉن ۉمۉت قىلات. قاشقار شاارى سەمەن ايىلى چاۋياڭ قىشتاعىنىن كەمباعالداردى جۅلۅۅ اتايىن كادىرى جۇ سانجۉن مىنداي دەدى: «قىشتاعىبىز كەمباعالدىقتان ارىلتۇۇ چابۇۇلۇندا تااسىن جەتىشكەندىكتەرگە قول جەتكىردى، 41 كەمباعال تۉتۉندۅن 40 تۉتۉن كەمباعالدىقتان شىدىر ارىلدى، مەن كەمباعالدىقتان ارىلتۇۇ جەتىشكەندىكتەردىن بەكەمدۅۅ جاعىندا داعى دا كۅپ داعى دا جاقشى ساياساتتاردى چىعارىپ، قىشتاعىبىزدىن كەسىپ ۅنۉگۉۉسۉن داعى دا گۉلدۅندۉرۉپ، جۇمۇشتاندىرۇۇ ساپاتىن داعى دا جوعورۇلاتۇۇنۇ ۉمۉت قىلام».

 

تەكەس وودانى تەكەس شاارچاسى اقچئي قوومدۇق قونۇشۇنۇن پارتئيا ياچەيكا شۇجئى تاڭ تئيان مىنداي دەدى: «ۅتكۅن بئر جىلدا قاراشتۇۇ رايونۇبۇزداعى جولدور كەڭىرىپ، قاراپايىم قالقتىن كىرەشەسى جوعورۇلاپ، بئز قىشتاقتىن كوللەكتىپ كىرەشەسىنەن دىيقانداردىن 140 مئڭ يۇاندان اشۇۇن جاشانعاندار كۉتۉنۉۉ قامسىزداندىرۇۇسۇن تاپشىرىپ، بازانى ۅلچۅمدۅشتۉرۉۉ قۇرۇلۇشۇن قۇلاچ جايدىرىپ، جاڭىدان ەلگە وڭتويلۇق جاراتۇۇ تەيلۅۅ زالىن سالدىق، ەكى جىيىندىن ايىل- قىشتاقتى جالچىتۇۇ، كەمباعالدىقتان ارىلتۇۇ چابۇۇلۇ سىياقتۇۇ قىزماتتارعا سىزىل ۉيرۉلۉپ، ار ۇلۇت قالقىنىن تۇرمۇشۇن داعى دا بايكەر، ايىل- قىشتاقتى داعى دا تارتۇۇ كۉچۉنۅ ەە قىلۇۇسۇن ۉمۉت قىلام».

 

   بىيىل جالپى بەتكەي الدۇۇ قووم قۇرۇپ چىعۇۇ جىلى، جۇمۇشتاندىرۇۇ، دارىلوو، اعارتۇۇ، تۇراقجاي، جاشانعاندار كۉتۉنۉۉسۉ سىياقتۇۇ ەل تۇرمۇشۇ ماسەلەسى كۅپچۉلۉكتۉن كۅڭۉل چوردونۇنداعى تۉيۉنگۅ ايلاندى. جاقىندا وقۇۇ بۉتۉرۅ تۇرعان جوعورۇ وقۇۇ جاي وقۇۇچۇسۇ حۇاڭ جىنرۇي مىنداي دەدى: «ماملەكەتتىك ەكى جىيىن اچىلۇۇ الدىندا تۇرات، جوعورۇ وقۇۇ جاي وقۇۇچۇسۇ قاتارى مەن جوعورۇ وقۇۇ جاي وقۇۇچۇلارىنىن وقۇۇ بۉتۉرگۅندۅن كىيىن قانتئپ جۇمۇشتانۇۇسۇنا كۅڭۉل بۅلۅم، كەە بئر بئزدى جۇمۇشتاندىرۇۇ باعىتىنداعى ارعالاردى كۅپتۅپ چىعارۇۇسۇن، جە بئزدى داعى دا كۅپ جۇمۇشتانۇۇ وردۇ مەنەن قامدووسۇن ۉمۉت قىلام».

 

سانجى شاارى يان-ان تۉندۉك جولۇ كاڭنئڭ قوومدۇق قونۇش سالاماتىقتى ساقتوو تەيلۅۅ پونكىتىنىن دوقتۇرۇۇ حى يوڭگۇي بىيىل ماملەكەتتىك ەكى جىيىندا نەگىزگى قاتمار دارىلوو اپپاراتتارىن جۅلۅۅ ەپكىنىن كۉچۅتۉپ، نەگىزگى قاتمار دوقتۇرلارىنىن قاراشتۇۇ رايوندوعۇ قالىققا دەن- سوولۇق تەيلۅۅسۉن جاقشى ىشتۅۅ مۉمكۉندۉگۉنۅ ەە قىلۇۇ ۉمۉت قىلدى. ال مىنداي دەدى: «مەن دارىلوو سالاماتتىقتى ساقتوو ىشتەرىنە بولعون سالىنمانى، ايرىقچا نەگىزگى قاتمارداعى قوومدۇق قونۇش سالاماتتىقتى ساقتوو تەيلۅۅسۉن كۉچۅتۉپ، داعى دا كۅپ ەلدى سالاماتتىق تەيلۅۅسۉن باارلاندىرۇۇنۇ ۉمۉت قىلام».

 

قورعوس جئنيئى ەل ارالىق سوودا توبۇ چەكتۉۉ شەرىكتىگىنىن مۇدىرىيات باشچىسى يۉ چىڭجوڭ «بئر القاق، بئر جول» قۇرۇلۇشۇ جاعىندا داعى دا كۅپ پايدالۇۇ ساياساتتاردىن تۉزۉلۉۉسۉن كۉتۅتۇرعانىن ايتىپ مىنداي دەدى: «جاقىنقى ەكى جىلدا كەرقانابىز كۅپتۅگۅن جەڭىلدىك ساياساتىنان باارىلاندى، ەكى جىيىن جاقىندا اچىلات، كەرقانا قاتارى داعى دا كۅپ ساياسات چىعىپ قورعوس جانا كەرقانابىزدىن ۅنۉگۉۉسۉن قولدووعو الۇۇسۇن كۉتۅم».

 

اقسۇۇ شاارىنداعى جەكە تئجاراتچى جاۋ گى مىنداي دەدى: «بىلتىر ماملەكەتىبىز بىزدەي جەكە تئجاراتچىلارعا پايدالۇۇ كۅپتۅگۅن ساياساتتاردى چىعاردى، مئسالى باجىنى ازايتىپ اقىنى تۅمۅندۅتۉۉ ساياساتى بئزدىن جۉگۉبۉزدۉ كۅپ ەلە جەڭىلدەتتى، بىيىل ىلدەت مەزگىلدە بئزدىن ۉي ئجاراسىن ار ايدا تولۇقتاپ جاردام بەردى، بۇل ساياسات بئز ۉچۉن ابدان جاقشى بولدۇ، بىيىلقى ماملەكەتتىك ەكى جىيىندا مەن ۇشۇنداي جاقشى ساياساتتاردىن كۅپتۅپ چىعۇۇسۇن ۉمۉت قىلام، مىندان بولعوندو جەكە تئجاراتچىلار جاقشى ۅنۉگۉۉگۅ ەە بولوت، اقىرىندا ماملەكەتتىك ەكى جىيىندىن وڭۇشتۇۇ اچىلۇۇسۇن قاالايمىن».

 

 

〖2020.05.21-10:58〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز