كىرىيە وودانىندا روزا گۉلۉ بايۇۇ گۉلۉنۅ ايلاندى

2020-05-21 10:22

 

  ۇچۇردا، كىرىيە وودانىنداعى 50 مئڭ مودون اشۇۇن چۅلدۅ روزا گۉلۉ قۇلپۇرۇپ اچىلىپ، جىلدا بئر ىرەتكى ۉزۉپ-تەرۉۉ مەزگىلىنە كىردى. باش شۇجئى شئى جئنپىڭ ورتوعو قويعون «جەرىنىن جاعدايىنا جاراشا ئش كۅرۉپ، ايىل- قىشتاق كەسىبىن ۅنۉكتۉرۉپ، كەسىپ تۉرۉن كۅڭۉل قويۇپ تانداپ، جەڭىشكە جەتۉۉ سالىشتىرماسى مەنەن سىزىل ۅنۉگۉۉگۅ چىنىعى كەپەلەتتىك قىلۇۇ كەرەك» دەگەن تالاپ بويۇنچا، كىرىيە وودانى روزا گۉلۉ كەسىبىن زور كۉچ مەنەن ۅنۉكتۉرۉپ، كىچىنەكەي روزا گۉلۉ جەرگىلىكتۉۉ دىيقانداردىن كىرەشەسىن اشىرىپ بايۇۇسۇنداعى زارىل كەسىپكە ايلاندى. ىستانسىيابىز قابارچىسى لئيۇچىياڭدىن قابارى:

 

    5- ايدىن 20- كۉنۉ شئنجاڭ رادىيو- تەلەۋىزىيا ىستانسىياسى شئنجاڭ مۅمۅچۉلۉك توبۇ داتاڭ جىبەك جولۇ ەلەكتىروندۇق سوودا چەكتۉۉ شەرىكتىگى مەنەن ورتوق ۅتكۅرگۅن «ايىلداشتارعا جاردام بەرىپ، الدۇۇ قوومعو اتتانالى» اتىنداعى دىكتورلور تۉز بايانىندا تۉشۉم تاانىشتىرىپ ساتۇۇ 6- مايدان قىيمىلى كىرىيە وودانىندا ۅتكۅرۉلدۉ، تۉز بايان ناق مايدانى كىرىيە وودانى ارال ايىلىنىن ادىراڭ قىشتاعىنىن قۇلپۇرۇپ اچىلعان روزا گۉلۉ ايدووسۇنا جايعاشتىرىلدى. اكىم، روزاگۉلۉ ۅستۉرۉۉ چەبەرلەرى جانا دىكتورلوردۇن كۉچۅپ تاانىشتىرۇۇسۇندا، روزا گۉلۉ بوتقوسۇ، گۉل چايى، ورتوسۇنا روزاگۉلۉ بوتقوسۇ قوشۇلعان نان سىياقتۇۇ ۅزگۅچۅ تۉشۉمدۅر ارت- ارتىنان ۅتۉمدۉۉ تۉشۉمدۅرگۅ ايلاندى. كىرىيە وودانىنىن ورۇنباسار اكىمى داي شۅسوڭ مىنداي دەدى: « كىرىيەنىن روزا گۉلۉن ىنتەرنەت تۉز بايانى ارقىلۇۇ تاانىشتىرىپ ساتۇۇ ـــ جاپ-جاڭى سىناق، ۅنۉمۉ ابدان جاقشى بولدۇ، روزا گۉلۉنۉن ساتىلۇۇ جولۇن كەڭىرتتى. روزا گۉلۉ وزوت ساپاتتۇۇ ساياقات بايلىعى، داعى دا كۅپ كىشىلەردىن كىرىيەگە كەلىپ جەرىندە ۉزۉرلۅنۉۉسۉ جانا سەزىنۉۉسۉنۅ تاتىقتۇۇ.» 

 

   تۉز بايانعا قاتىشقان ارزىگۉل مەتتۇردى بىيىل 24 جاشتا، ادىراڭ قىشتاعىنداعى ەڭ جاش روزا گۉلۉ ارقىلۇۇ بايۇۇ چەبەرى. ال مىنداي دەدى: «مەن روزا گۉلۉ بوتقوسۇن جەپ، روزا گۉلۉنۉن جىتىن جىتتاپ چوڭويعومۇن. بئزدىن ۉيدۅكۉلۅر ازىر 20 مو جەرگە روزاگۉلۉن ۅستۉردۉك، جىلدىق كىرەشەبىز 50 مئڭ يۇان، روزاگۉلۉ ازىر بئز دىيقانداردىن بايۇۇ گۉلۉ بولۇپ قالدى.»

 

   كىرىيە وودانىنىن كۉن نۇرۇ جىلۇۇلۇق بايلىعى مول، روزا گۉلۉن ۅستۉرۉۉ تارىحى ۇزۇن، بئروق مۇردا ۅستۉرۉۉ تاراقاي، باشقارۇۇ ودونو بولعوندۇقتان، كىرەشە چەكتۉۉ ەلە. اپتونوم رايوندۇن كەسىپ بويۇنچا كەمباعالداردى جۅلۅۅ تالابىن جۉزۅۅلۅشتۉرۉپ، جاقىنقى جىلداردان بەرى، جەرگىلىك گۉيمئى بىيو ئلىم تەحنىكا جارناق چەكتۉۉ شەرىكتىگىن جەرلەشتىرىپ، ۅزگۅچۅ روزا گۉلۉ ۅستۉرۉۉ ۉلگۉ بازاسىن قۇرۇپ، «شەرىكتىك + بازا+ ئلىم- تەحنىكا+ دىيقان+ بازار» دان تۇرعان تئجارات ۉلگۉسۉ ارقىلۇۇ، روزا گۉلۉ تۉشۉمدۅرۉنۅ تەرەڭدەي ئش قوشۇپ، دىيقانداردىن كىرەشەسىن اشىرۇۇعا جەتەكتەدى.

 

   كىرىيە وودانى ويتوعراق ايىلىنا جايعاشقان كىرىيە گۉيمئى بئيو ئلىم- تەحنىكا جارناق چەكتۉۉ شەرىكتىگى ۅزگۅچۅ روزا گۉلۉ ۅستۉرۉۉ ۉلگۉ باقچاسىندا، 6800 مو زىجى، فىڭحۇا، داماشىق سىياقتۇۇ 2 مئلليون 300 مئڭ تۉپ وقشوبوعون سورتتوعۇ روزا گۉلدۅرۉ ابدان قۇلپۇرۇپ اچىلعان، الىسقا نازار سالعاندا، چۅل قۇدۇم مالا قىزىل تۉسكۅ بويولعوندوي كۅرۉلۅت.     

 

 

 

〖2020.05.21-10:22〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز