دىيقاندار كەسىپتىك كۅمۅكتۅشتۉك كوپەراتىبى ايىل قىشتاق ەكونومىكاسىن ۅنۉكتۉرۉۉدۅكۉ جاڭى ماتورعو ايلاندى

2020-05-21 10:15

 

  باش شۇجئى شئى جئنپىڭ: دىيقاندار كەسىپتىك كۅمۅكتۅشتۉك كوپەراتىبى ـــ دىيقان تۉتۉندۅردۉ كىرەشە ارتتىرۇۇعا باشتاپ، زامانباب ايىل چاربانى ۅنۉكتۉرۉۉنۉن ۅنۉمدۉۉ ۇيۇمدۇق فورماسى، وزوت تاجىرىيبالاردى قورۇتۇندۇلاپ جايىلتىپ، كۅمۅكتۅشتۉك كوپەراتىپتى داعى بىردەمجىي جاقشى باشقارۇۇ كەرەك،- دەپ كۅرسۅتكۅن. بۉگۉنكۉ كۉندۅ، اپتونوم رايونۇبۇزداعى تۉردۉۉ دىيقاندار كەسىپتىك كۅمۅكتۅشتۉك كوپەراتىپتەردىن سانى 40 مىڭدەن اشىپ، ايىل چاربانىن قامدوو جاق قۇرۇلمالۇۇ ىسلااتىن تەرەڭدەتۉۉدۅكۉ زارىل كۉچ جانا دىيقانداردى كىرەشە ارتتىرىپ بايۇۇعا باشتوودوعۇ تۇرۇقتۇۇ جولعو ايلاندى. ىستانسىيابىز قابارچىلارى لىي مئڭ، گاۋ مىڭحۇيدۇن قابارى:

 

  5- اي، پاحتا مايساسى ۅسۉۉچۉ زارىل مەزگىل، قۇتۇبىي وودان ۋۇگۇڭتاي شاارچاسى ۋۇفۇ دىيقاندار ەگىنچىلىك كەسىپتىك كۅمۅكتۅشتۉك كوپەراتىپتىن جووپتۇۇسۇ جئيا كۉنجىيەن ار كۉنۉ كەڭ ايدووعو بارىپ ماشئنا مەنەن تەرىلچۉ پاحتانىن ۅسۉۉ ابالىن تەكشەرەت. ال قابارچىعا، بۉت قىشتاقتا 93 تۉتۉن قىشتاق تۇرعۇنۇ كۅمۅكتۅشتۉك كوپەراتىپكە مۉچۅ بولۇپ، جەردى وبوروتقو بەرگەندەن كىيىن كۅمۅكتۅشتۉك كوپەراتىپ بئر تۇتاش ۅستۉرۉپ جانا باشقارىپ، ايىل چاربانىن ماشئنالاشۇۇ دەڭگەلى مەنەن جەردى ۇنىۋرەسال ىشتەتۉۉ سالىشتىرماسىن كۅتۅرۉپ، جىلدىق بەرەكەتى 30 پايىزدان كۅپ ارتقانىن ايتىپ مىنداي دەدى: «كىچى ايانتتا كۅلۅمدۉۉ ۅستۉرۉۉگۅ جەتكىرۉۉ قىيىن، مۇردا ماشئنا مەنەن تەرىلچۉ پاحتانى جايىلتۇۇعا ارعاسىز ەلەك، ازىر دىيقان تۉتۉندۅر قوشۇلعان كۅمۅكتۅشتۉك كوپەراتىپ ۉلگۉسۉن قولدونۇپ، ماشئنا مەنەن تەرىلچۉ پاحتانى كەڭ كۅلۅمدۅ ۅستۉرۉپ ۅنۉكتۉرۉپ، ورتوق ۅنۉگۉپ جاتابىز».

 قول قارماشىپ بىرىگىپ، تۅپ مەلجەدى، سانجى حۇيزۇ اپتونوم وبلاسى ۅز الدىنچا كۉرۅش قىلۇۇ، جالعىز تۉتۉندۅر ۅز الدىنچا ۅستۉرۉۉ تۉشۉنۉگۉن بۇزۇپ تاشتاپ، جەردى بىرگەلەشىپ جۉرگۉزۉۉنۉ نەگىز قىلعان كۅمۅكتۅشتۉك كوپەراتىپ ۅنۉگۉۉ ۉلگۉسۉ ارقىلۇۇ جاڭىچا ايىل چاربا تئجارات نەگىزگى تۇلقۇسۇن ىلايىقتۇۇ كۅلۅمدشتۉرۉپ ۅستۉرۉۉگۅ ۅزگۅرتۉۉگۅ جەتەكتەپ، وشوندوي ەلە «باشتااق كەرقانا+كەسىپتىك كۅمۅكتۅشتۉك كوپەراتىپ+ۅزگۅچۅ بازا+دىيقان تۉتۉن» ۅندۉرۉش تئجارات ۉلگۉسۉن ىشتىكتۉۉ جايىلتقان. ۇچۇردا ار تۉردۉۉ دىيقاندار كۅمۅكتۅشتۉك كوپەراتىبى 3571گە جەتىپ، بۉت وبلاستاعى 457 اكىمچىلىك قىشتاقتا كۅمۅكتۅشتۉك كوپەراتىپ بۉت قاپتووسۇن ىشكە اشىرعان.

  سانجى وبلاسىنا وقشوش، جاقىنقى جىلدان بەرى اپتونوم رايونۇبۇزدۇن جەر-جەرلەرى ۅز جەرىنىن ۅزگۅچۅلۉگۉ، ەكولوگىياسى جانا جۇعراپىيالىق ارتىقچىلىعى سىياقتۇۇلاردى ىمەرچىكتەپ، ۅستۉرۉۉچۉ چوڭ تۉتۉندۅر، بايۇۇ چەبەرلەرى، قىشتاق كوللەكتىپ ەكونومىكاسىن ىشتىكتۉۉ جەتەكتەپ كۅپ ىڭعايدا، كۅپ سالاادا، كۅپ قاتماردا كۅمۅكتۅشتۉك كوپەراتىپ قۇرۇۇعا ۇيۇمداشتىرىپ، ايىل چاربانىن كەسىپ قۇرۇلماسىن تەسكۅۅنۉ ىلگەرى سۉرۉپ، دىيقانداردىن كىرەشەسىن ارتتىرعان. ساندۇۇ ماالىماتتا كۅرسۅتۉلۉشۉنچۅ، 2019- جىلدىن اقىرىنا چەيىن، بۉت اپتونوم رايون بويۇنچا بازاردى كۅزۅمۅلدۅپ باشقارۇۇ تارماعىندا قاتتاتىپ تىزىمگە الدىرعان كۅمۅكتۅشتۉك كوپەراتىپ 40 مىڭدەن اشىپ، 447 مىڭدەن اشۇۇن دىيقان تۉتۉن كۅمۅكتۅشتۉك كوپەراتىپتىن مۉچۅسۉنۅ ايلانعان.

  تئجارات سالااسىنان قاراعاندا، اپتونوم رايونۇبۇزداعى دىيقاندار كەسىپتىك كۅمۅكتۅشتۉك كوپەراتىپتەردىن تئجارات سالااسى اشتىق-پاحتا-ماي، ەت-جۇمۇرتقا-سۉت، مۅمۅ جاشىلچا سىياقتۇۇ نەگىزگى ايىل چاربا تۉشۉمدۅرۉن ۅندۉرۉپ، ايىل چاربا ماشئنالارى، ۅسۉمدۉك قورعوو، ەلدىك ۅنۅر، ساياقات تىنىعۇۇ تۉرۉندۅكۉ ايىل چاربا سىياقتۇۇ كۅپ سالاا كۅپ كەسىپكە قاراي كەڭىرۉۉ تۇرپاتى جارىققا چىققان. پايزاۋوت وودانى حوشاۋات شاارچاسى اياق يىڭىمەلە قىشتاعى ايىل چاربا ماشئنالار كۅمۅكتۅشتۉك كوپەراتىبىن قۇرۇپ، 116 قىشتاق تۇرعۇنۇن جارناق قوشۇۇعا ەلىكتىرگەن، ايرىم كوپىراتىپ مۉچۅلۅرۉ كۅمۅكتۅشتۉك كوپەراتىپكە ورۇنداشقان، ۇچۇردا كۅمۅكتۅشتۉك كوپەراتىپتە تىراكتور، بۇۇداي جۉگۅرۉۉ ورۇۇ ماشئناسى، جۉكتۅۅ ماشئناسى سىياقتۇۇ 30دان اشۇۇن ايىل چاربا ماشئناسى بار، ار جىلى جازعى ەگىنچىلىكتە جايقى جىيىم تەرىمدە، كوپەراتىپ مۉچۅلۅرۉ ابدان شاشىلىش بولۇشات. اياق يىڭىمەلە قىشتاعىنىن تۇرعۇنۇ وسمان روزى مىنداي دەدى: «جارناق قوشقوندون كىيىن، جىل ەتەگىندە ماعا 2000 مئڭ يۇان بەرىلەت، جازعى ەگىنچىلىك ماالىندا بۇل جەرگە كىرىپ ىشتەسەم، كۉنۉنۅ 100 يۇاندان اشۇۇن اقچا تابامىن، كۅمۅكتۅشتۉك كوپەراتىپتىن كۉندۅن كۉنگۅ زورويعونۇن، جابدۇۇلارىن كۉندۅن كۉنگۅ كۅبۅيگۅنۉن كۅرۉپ، ابدان سۉيۉنۉپ جاتامىن، بۇل بئزدىن كەمباعالدىقتان ارىلۇۇ ىشەنچىبىزدى انسايىن اشىردى».

  ۇچۇردا، پايزاۋوت وودانىندا تۉردۉ دىيقاندار كەسىپتىك كۅمۅكتۅشتۉك كوپەراتىبىنەن جالپى 683 بار، 164 ايىل قىشتاق ۅندۉرۉش سەحى قۇرۇلۇپ، ون مىڭدەن اشۇۇن كىشىنى جۇمۇشتانۇۇعا باشتاعان، مىندا كۅبۉ ارحئپ تۇرعۇزۇپ كارتا بۉتۉرۉلگۅن كەمباعال تۉتۉندۅر. پايزاۋوت ووداندىق كەمباعالداردى جۅلۅۅ ئشقاناسىنىن مۇدۇرۇ لئى چاڭچئڭ مىنداي دەدى: «باش شۇجئى شئى جئنپىڭ، بئر كىشى جۇمۇشقا ورۇنداشسا، بۉت ۉي-بۉلۅ كەمباعالدىقتان ارىلات، جۇمۇشقا ورۇنداشۇۇنۇ كۅبۅيتۉۉ ەڭ ۅنۉمدۉۉ ەڭ تىكەلەي بولعون كەمباعالدىقتان ارىلتۇۇ ارعاسى،- دەپ باسا كۅرسۅتكۅن. بىيىل، بئز داعى 50دۅن اشۇۇن دىيقاندار كەسىپتىك كۅمۅكتۅشتۉك كوپەراتىبىن قۇرۇپ، 164 ايىل قىشتاق سەحىن سالىپ، بۉت جىلدا 10 مىڭدەن اشۇۇن جۇمۇشچۇ ىشتەتۉۉگۅ چىنىعى كەپىلدىك قىلۇۇنۇ پئلانداپ جاتابىز، تۇرۇقتۇۇ جۇمۇشتاندىرۇۇ تولۇقتاماسىن بەرۉۉ، بالدارىن ۅكۅلۅتۅن قاروو، جاشانعانداردى ۅكۅلۅتۅن قاروو سىياقتۇۇ چاارالاردى قولدونۇپ، جۇمۇشچۇلاردىن قام قايعىسىن چەچىپ بەرەبىز».

  2019- جىلى، بۉت اپتونوم رايوندوقۇ دىيقاندار كۅمۅكتۅشتۉك كوپەراتىپتەر ىشكە اشىرعان تئجارات كىرەشەسى 4 مئللىيارد 750 مئللىيون يۇان، تاپشىرعان باجى جالپى سۇمماسى 71 مئللىيون 460 مئڭ يۇان، كۅمۅكتۅشتۉك كوپەراتىپتىن جالپى پايدا سۇمماسى 830 مئللىيون يۇانعا جەتىپ، اپتونوم رايونۇبۇزدۇن زامانباب ايىل چارباسىنىن ۅنۉگۉۉسۉن جىلىشتاتۇۇ جانا دىيقانداردىن كىرەشە ارتتىرۇۇسۇن ىلگەر سۉرۉۉدۅكۉ زارىل ارالجىعا ايلانعان. اپتونوم رايوندۇق ايىل چاربا ايىل قىشتاق نازاراتى ايىل قىشتاق كۅمۅكتۅشتۉك ەكونومىكاعا جەتەكچىلىك قىلۇۇ باشقارماسىنىن باشچىسى تاڭ يىۋۇ مىنداي دەدى: «بىيىل اپتونوم رايوندۇق ايىل چاربا ايىل قىشتاق تارماقتارى جەر-جەرلەردەكى دىيقاندار كەسىپتىك كۅمۅكتۅشتۉك كوپەراتىپتەردىن كەمباعالدىقتان ارىلتۇۇ چابۇۇلۇ سالااسىندا كەمباعال تۉتۉندۅردۉ كەمباعالدىقتان ارىلتىپ كىرەشە اشىرۇۇعا باشتوو قۇربات قۇرۇلۇشۇن ۇلاندۇۇ كۅتۅرۉۉنۉ، كۅمۅكتۅشتۉك كوپەراتىپتى ۅنۉكتۉرۉۉگۅ تەيلۅۅ جۉرگۉزۉۉ جەتەكتۅۅدۅكۉ تۉيۉندۉۉ مازمۇن قاتارى قارماپ، وشوندوي ەلە كەمباعالدىقتان ارىلتۇۇ چابۇۇلۇنۇن ناتىيجا ۅنۉمۉن تەكشەرۉۉگۅ كىرگىزەت. وشونۇ مەنەن قاتار «بوش كوپەراتىپتەردى» تاقتاپ بئر جاڭسىل قىلۇۇنۇ سىزىل جىلىشتاتىپ، بۉت اپتونوم رايوندوقۇ دىيقاندار كەسىپتىك كۅمۅكتۅشتۉك كوپەراتىپتەردىن جالپى تۇلقۇلۇۇ ۅنۉگۉۉ دەڭگەلىن تۇرۇقتۇۇ ارىمدا كۅتۅرۅت، بىيىل، بئز داعى اپتونوم رايون ىزچىلدەشتىرگەن بوربوردۇق ايىل قىشتاق قىزمات ئشقاناسى، ايىل چاربا ايىل قىشتاق مئنىستىرلىگى سىياقتۇۇ 11 مئنىستىرلىك كومىتەتتەردىن «دىيقاندار كۅمۅكتۅشتۉك كوپەراتىپتەرىن قالىپقا تۉشۉرۉپ ۅستۉرۉۉ اراكەتىن قۇلاچ جايدىرۇۇ جۅنۉندۅكۉ بئر قانچا پىكىرىن جولعو قويۇۇ دولبوورۇ»ن باسىپ تارتىپ، بۉت رايوندو دىيقاندار كۅمۅكتۅشتۉك كوپەراتىبىنىن ساپاتىن كۅتۅرۉۉ اراكەتىن جولعو قويۇپ، اپتونوم رايونۇبۇزداعى دىيقاندار كۅمۅكتۅشتۉك كوپەراتىپتەردىن قالىپتاشىپ ۅنۉگۉۉ دەڭگەلىن جالپى بەتكەي ۅستۉرۉپ، كۅمۅكتۅشتۉك كوپەراتىپتەردىن ەڭ چوڭ ۅنۉمۉن كۅرسۅتۅبۉز».

 

〖2020.05.21-10:15〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز