بئر تۉتۉنگۅ بئر چارا قولدونۇپ، كەمباعال جان ساندىن ماالىندا كەمباعالدىقتان ارىلۇۇسۇنا چىنىعى كەپەلەتتىك قىلدى

2020-05-20 11:47

   بىيىل پەيزاۋات وودانى يىڭىمەللە ايىلى اياقپىنەك قىشتاعى بۉت قىشتاقتىن ئش جۉزۉندۉگۉنۅ بىرىكتىرىپ، بئر تۉتۉنگۅ بئر چارا قولدونۇۇ بويۇنچا جاردام بەرىپ جۅلۅۅ چاراسىن تۉزۉپ، بۉت قىشتاقتاعى قالعان كەمباعال جان سانىنىن كەمباعالدىقتان ماالىندا ارىلۇۇسۇنا چىنىعى كەپەلەتتىك قىلدى. ىستانسىيابىز قابارچىسى گاۋ مىڭحۇيدۇن قابارى.

 

 

   بۇل ەكى كۉندۅ اياقپىنەك قىشتاعى حوڭزۇان دىيقاندار كەسپىي كۅمۅكتۅشتۉك كوپەراتىبىندەگى 100 مو چىلان باعى قۇيرۇق ۇلاش مۅمۅ بايلاپ، كۅمۅكتۅشتۉك كوپەراتىبىنىن قىزماتكەرلەرى ابئلمىت سەيىت ەردى- ايال ەكۅۅ چۅبۉن وتوو، سۇۇعاتتوو مەنەن شاشىلىش بولدۇ.

 

   ابئلمىت سەيتتىن چوڭ ۇۇلۇ وورۇ سەبەپتۉۉ ەمگەك قۇرباتىنان قالىپ، ساياسات بويۇنچا تۅمۅن چەگىن قامسىزدوو تولۇقتاما جاردامىنان باارلانىپ، كەنجە ۇۇلۇ ورتو تەحنىكومدۇ بۉتۉرگۅندۅن كىيىن، ايىل جالپىلىق قىزمات وردۇنا ورۇنداشقان. ابئلىمىت سەيىت ەردى- ايال ەكۅۅ كۅمۅكتۅشتۉك كوپەراتىبىندە ىشتەگەن، ۉيۉندۅكۉ 12 مو جەردىن كىرەشەسىن قوشقوندو 2019- جىلى الار كەمباعالدىقتان ارىلعان. ابئلمىت سەيىت مىنداي دەدى: « ەردى- ايال ەكۅۅبۉز 100 مو مۅمۅ باقتى باشقارىپ، ار بئر مو جەردەن 260 يۇان كىرەشە تابابىز، ۉيدۅكۉ ىشتەرگە دا جەتىشىپ، مۅمۅ باقتى دا جاقشى باشقارىپ جاتابىز، وشوندوي ەلە تەحنىكا ىيگەرىپ الدىق، ەردى- ايال ەكۅۅبۉز جارىم جىلعا جەتپەگەن ۇباقىتتا 26 مئڭ يۇان تاپتىق، پارتئياعا جانا ۅكۉمۅتكۅ ىراقمات، مىندان كىيىن بئز باقتىلۇۇ تۇرمۇش ۅتكۅرۉۉگۅ داعى دا چىمىرقانابىز».

 

   كەمباعال تۉتۉندۅردۉ كەسىپ ارقىلۇۇ كەمباعالدىقتان ارىلتۇۇ ۉچۉن، جاقىنقى جىلداردان بەرى، اياقپىنەك قىشتاعى ۅزگۅچۅ مۅمۅ باقتى كەمباعالدىقتان ارىلۇۇ چابۇۇلۇنداعى نەگىزگى چابۇۇل باعىتى قىلىپ، چىلان، جاڭعاقتى ۅنۉكتۉرۉۉدۅن باشقا داعى شئنمەي كەسبىن ۅنۉكتۉرۉپ، حوڭزۇان دىيقاندار كەسپىي كۅمۅكتۅشتۉك كوپەراتىبى دىيقانداردى تەحنىكالىق جەتەكتۅۅ، ساتۇۇ جولۇن بايلانىشىپ بەرۉۉ مەنەن قامدادى.

 

   مۇردا باربايىشتوو ناقتاشپاعاندىقتان قىشتاق تۇرعۇنۇ سادىق ياسىندىن ۉيۉندۅكۉ 5 مو شىنمەيىنىن بەرەكەتى جاقشى بولبوعون، بىلتىر ال ىشتىكتۉۉلۉك مەنەن كۅمۅكتۅشتۉك كوپەراتىبىنە كىرىپ، باشقارۇۇ تەحنىكاسىن استايدئل ۉيرۅندۉ، سادىق ياسىن مىنداي دەدى:« كۅمۅكتۅشتۉك كوپەراتىبىنە كىرگەندەن كىيىن، شىنمەيدى باشقارۇۇ تەحنىكاسىن ۉيرۅنۉپ الدىم، بىلتىر قىشتا مەن شىنمەي بۇتاپ، جەر سەمىرتكىچ بەرىپ، ماالىندا دارى چاچىپ جاقشى باشقارعامىن، وشوندۇقتان بىيىل بىلتىرقىعا سالىشتىرعاندا كىرەشەمدىن اشۇۇسۇنا ىشەنىچىم تولۇق، سۅزسۉز كەمباعالدىقتان ارىلام».

 

  حوڭزۇان دىيقاندار كەسپىي كۅمۅكتۅشتۉك كوپەراتىبىنىن جووپتۇۇسۇ جاۋ لىيۇيئڭ : «ۇچۇردا كۅمۅكتۅشتۉك كوپەراتىبىنىن 192 كەمباعال تۉتۉندۉ قوشۇۇلۇعا ەلىكتىرىپ، باشقارعان شىنمەي ايانتىن 1500 مودون كۅبۉرۅۅككۅ جەتكىرگەنىن ايتىپ مىنداي دەدى: جەر سەمىرىتكىچ بەرۉۉ، بۇتاپ-شاقتوو، حىمىيالىق تىزگىندۅۅ، كىيىنكى مەزگىلدىك ساتۇۇ ۅز ىچىنە العان باردىق نەرسەدە كۅمۅكتۅشتۉك كوپەراتىبىز اقسىز تەيلۅۅ مەنەن قامداپ، اتالعان قىشتاقتاعى تۇرعۇندار، ايلاناداعى قىشتاق تۇرعۇندارىنا جاردام بەرىپ، الاردىن ساپاتىن ۅستۉرۉپ ۅنۉمۉن اشىرىپ ورتوق بايۇۇ مۉمكۉندۉگۉنۅ ەە قىلدى».

 

   اياقپىنەك قىشتاعى ازىر كەمباعالدىقتان ارىلباعان جان سان 34 تۉتۉن 84 ادام بولۇپ، بىيىل اياقپىنەك قىشتاعى كەمباعال جان سانداردىن ئش جۉزۉندۉك ابالى بويۇنچا مۅمۅ باقتىن ساپاتىن ۅستۉرۉپ ۅنۉمۉن اشىرۇۇ، ايىل- چاربا تەحنىكا تاربئياسى، قوروو- جاي ەكونومىكاسى، ۅندۉرۉشتۉ بەكەمدۅۅ جانا جوعورۇلاتۇۇ تولۇقتاما جاردام اقچاسى سىياقتۇۇ 20 تۉردۉۉ كەمباعالداردى جۅلۅۅ تۉر قامپاسىن بەكىتىپ، ار بئر تۉتۉندۉ اتايىن كەمباعالداردى جۅلۅۅ چاراسىنا ەە قىلدى. اپتونوم رايوندۇق ساياسئي كەڭەش بانگوڭتئڭىنىن پەيزاۋات وودانى يىڭىمەللە ايىلى اياقپىنەك قىشتاعىندا تۇرۇشتۇۇ كەمباعالداردى جۅلۅۅ بئرىنچى شۇجئسى ابدۇعانى مامەت مىنداي دەدى: « بىيىل بئز جۇمۇشتاندىرۇۇ، كەسىپتى ۅنۉكتۉرۉۉ، قوروو- جاي ەكونومىكاسى سىياقتۇۇ بئر قانچا جاقتى بەكەم قارموو ارقىلۇۇ، باردىق كەمباعال تۉتۉندۅكۉ ەمگەك قۇرباتى بار كىشلەردى جۇمۇشتاندىرۇۇعا چىمىرقانىپ، مۅمۅلۉۉ باق كەسبىن ۅنۉكتۉرۉپ، پەيزاۋات قوونۇ، پەيزاۋات قويۇ، اندان بۅلۅك قىزىلچا ۅستۉرۉۉ ارقىلۇۇ، قالقتىن كىرەشەسىن اشىرۇۇ جولۇن كەڭىرتەبىز».

 

 

〖2020.05.20-11:47〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز