اقسۇۇ ايماعى بىيىل ازايتىپ كەچىرىم قىلعان قوشۇلما نارق باجىسى 130 مئللىيون يۇانعا جەتەت

2020-05-20 11:36

  اقسۇۇ ايماعى چاقان كۅلۅمدۅكۉ باجى تاپشىرۇۇچۇلاردىن باجىسىن ازايتىپ اقىسىن تۅمۅندۅتۉۉ ساياساتىن كۉچۅپ جۉزۅلۅشتۉرۉپ، بولجول مەنەن جىل ەتەگىنە چەيىن چاقان مىكىرو كەرقانالار، جەكە سوودا ۅنۅرجايچىلاردىن 130 مئللىيون يۇان قوشۇلما نارق باجىسىن كەچىرىم قىلات ەكەن. بۇل جۅنۉندۅ اقسۇۇ رادىيو تەلەۋىزىيا ىستانسىياسىنىن قابارچىسى گو يۋۇجۉن، لئى شئڭحىنىن قابارى:

 

   5- ايدىن 14- كۉنۉ، شايار ووداندىق اكىمچىلىك ىشتەر تەيلۅۅ چوڭ زالىنىن باجى بۉتۉرۉۉ تەيلۅۅ رايونۇندا، جەكە سوودا ۅنۅر جايچى شۇ يئن قىزماتكەرلەردىن جاردامىندا، تەز ەلە قوشۇلما نارق باجى اتايىن تالونۇن بۉتۉرۉپ چىقتى. شۇ يئندى سۉيۉندۉرگۅنۉ تەز بۉتكۅنۉ بولۇپ ەلە قالباي، باجىنى ازايتۇۇ جاقشى ساياساتى دا بولدۇ، ال مىنداي دەدى: 4- ايدان 5- ايعا چەيىن مەنىن 3000 يۇانداي باجى اقىم ۉنۅمدۅلدۉ، قىيلا جاقشى بولدۇ.

 

 

   جاڭىچا تااجى سىمال ۋئرۇس ۅپكۅ سەزگەنچى ىلدەتى كۅرۉلگۅندۅن بەرى، شايار وودانىنىن باجى ىشتەر تارماقتارى باجى جىيۇۇدا جەڭىلدىك بەرۉۉ ساياساتىن ىشتىكتۉۉ جۉزۅلۅشتۉرۉپ، كەرقانالاردىن تئجارات باسىمىن جەڭىلدەتتى. شايار ووداندىق باجى ىشتەر مەكەمەسىنىن پارتكوم شۇجئسى، مەكەمە باشچىسى جاڭ جىگاڭ مىنداي دەدى: 4- ايدا ەلە، وودانىبىزداعى چاقان كۅلۅمدۅكۉ باجى تاپشىرۇۇچۇلاردان كەچىرىم قىلىنعان، ازايتىلعان قوشۇلما نارق باجى 406 مئڭ 300 يۇانعا جەتىپ، كەرقانالاردىن باجى تاپشىرۇۇ باسىمىن ۅنۉمدۉۉ باساڭداتىپ، ىلدەت الىپ كەلگەن تااسئردى تۅمۅندۅتۉپ، كەرقانانىن ۅندۉرۉشتۉ تەز قالىبىنا كەلتىرۉۉ ىشەنىچىن كۅتۅردۉك.

 

 

   اقسۇۇ شاارى دا چاقان كۅلۅمدۅكۉ باجى تاپشىرۇۇچۇلاردىن باجىسىن ازايتىپ اقىسىن تۅمۅندۅتۉۉ ساياساتىن ىشتىكتۉۉ جۉزۅلۅشتۉرۉپ، چاقان مىكىرو كەرقانالار مەنەن جەكە سوودا ۅنۅر جايچىلاردىن جۇمۇشتۇ ۅندۉرۉشتۉ قالىبىنا كەلتىرۉۉ ارىمىن باچىمداتتى. اقسۇۇ شاارى يوڭچۇاڭ ەلەكتىروندۇق شايماندار دۉكۅنۉنۉن جووپتۇۇسۇ جاڭ فۇشىڭ قابارچىعا مىنداي دەدى: 30 مئڭ يۇاندان اشۇۇن باجىبىز ازايتىلدى، بئز قايرا ۅندۉرۉشۉبۉزدۉ كەڭىرتسەك بولوت، بئزدىن ساتۇۇ سۇممابىزدى كۅتۅرۉۉگۅ جەتەرلۉۉ ۇباقىتىبىز بار.  

 

   ازىرعا چەيىن، اقسۇۇ ايماعى چاقان مىكىرو كەرقانالاردىن، جەكە سوودا ۅنۅر جايچىلاردىن 47 مئللىيون 680 مئڭ يۇان قوشۇلما نارق باجىسىن ازايتقان جانا كەچىرىم قىلعان. اقسۇۇ ايماقتىق باجى ىشتەر مەكەمەسى توۋار جانا ەمگەك كۉچ بۅلۉمۉنۉن ورۇن باسار باشچىسى ۋاڭ لئڭ قابارچىعا، چاقان كۅلۅمدۅكۉ باجى تاپشىرۇۇچۇلاردىن باجىسىن ازايتىپ اقىسىن تۅمۅندۅتۉۉ ساياساتىن اتقارۇۇ مۅۅنۅتۉنۉن 2020- جىلى 12- ايدىن 31- كۉنۉنۅ چەيىن ۇزارتىلىپ، چاقان مىكىرو كەرقانالاردىن، جەكە سوودا ۅنۅرجايچىلاردىن تئجارات باسىمىن بىردەمجىي جەڭىلدەتەرىن ايتىپ مىنداي دەدى: ساياسات اتقارىلعاندا اقسۇۇ ايماعىنداعى 91 پايىز باجى تاپشىرۇۇچۇلار مىندان نارىپ الىپ، نارىپقا ەە بولعون سووداگەرلەر 78 مئڭ 955 تۉتۉنگۅ جەتەت. جىل ەتەگىنە بارعاندا، كەچىرىم قىلىنعان قوشۇلما نارق باجىسىنىن 130 مئللىيون يۇانعا جەتەرى كۉتۉلۉۉدۅ.

 

 

〖2020.05.20-11:36〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز