اپتونوم رايونۇبۇزدۇن كۅپ جەرلەرىندە ەلگە وڭتويلۇۇلۇق جەتكىرۉۉ چاقان بازارلارى قايرادان اچىلىپ، جۇمۇشقا ورۇنداشۇۇ جۇمۇش وردۇن كۅبۅيتۉپ، قالقتىن تۇرمۇشۇنا وڭتويلۇۇلۇق جاراتىلدى

2020-05-19 11:13

  ىلدەتتىن الدىن الىپ تىزگىندۅۅنۉ جاقشى ىشتۅۅ شارتى استىندا، اپتونوم رايونۇبۇزدۇن كۅپ جەرلەرىندەكى ايىل-قىشتاق بازارى، ساارقى بازار، كەچكى بازار سىياقتۇۇ چاقان بازارلار قۇيرۇق ۇلاش قايرادان اچىلدى. 

   5 -ايدىن 11-كۉنۉ، چاعانتوقوي وودانى التىنەمىل ايىلى بايبىشە قىشتاعىنداقى چاقان بازار اچىلىپ، بازارداقى ۅزگۅچۅ ايىل چاربا تۉشۉمدۅرۉ، ۅزگۅچۅ قول ۅنۅر بۇيۇمدارى وشوندوي ەلە قولدون ۅتمۅ ۉي ەلەكتىر شايماندارى كۅزدۉن جووسۇن الدى. بايبىشە قىشتاعىنىن قىشتاق تۇرعۇنۇ تاتىگۉل مىنداي دەدى: مەنىمچە بئزدىن بۇل بازار ابدان جاقشى، نەرسە-كەرەك داعى ۅتۅ كۅپ، بااسى داعى نورمال، بئز بۇل جەردەن جاقتىرعان نەرسەلەرىبىزدى ساتىپ الا الابىز.

   چاقان بازار تۅمۅن كىرەشەلۉۉ ۉي-بۉلۅلۅر، جۇمۇش كۉتۉپ تۇرعان جۇمۇشقا ورۇنداشۇۇچۇلاردى تۅمۅن سوممادا قارجى سالىپ، چاربا جاراتۇۇ ۅرۉشۉ مەنەن قامدادى. چاعانتوقوي وودانى التىنەمىل ايىلدىق پارتكومدۇن ورۇن باسار شۇجئسى سۉن شئنبئن مىنداي دەدى: مايدا بازاردىن قۇرۇلۇۇسۇ بئر جاعىنان قالقتىن چاربا جاراتۇۇ جاشوو كۉچۉن چىيرالتتى، داعى بئر جاعىنان كەرەكتۅۅنۉ دۉۉلۉكتۉرۉپ، قالىقتىن بايۇۇ جولۇن كەڭىرتتى.  

   بئر شاار ۉچۉن الىپ ايتقاندا، ساارقى بازار ــ جاشوو كۉچ جانا دۇۇمانعا بۅلۅنۉۉنۉن سىموۋۇلۇ. 5-ايدىن 9-كۉنۉنۅن بەرى، ار كۉنۉ ساارقى ساات 8دە، سانجى شاارى لىيانحۇي بازارىنىن ساارقى بازارىندا جاناشا جايعاشقان تۉردۉۉ جاشىلچا، مۅمۅ جايما وردۇلارى تئجارات باشتايت. سانجى شاارىنىن تۇرعۇنۇ ياڭ شۇپئڭ مىنداي دەدى: سااردا جاشىلچا ساتىپ الۇۇ جە كىيىم دۉكۅنۉنۅ بارىپ كىيىم ساتىپ الۇۇ ابدان وڭتويلۇۇ بولدۇ، بازاردىن اچىلۇۇسۇ بئز ۉچۉن اياباي جاقشى بولدۇ، بااسى داعى ىلايىعىندا، تەيلۅۅ پوزىتسىياسى داعى ابدان جاقشى.

  ۇچۇردا، سانجى شاارىندا 13 ساارقى بازار، كەچكى بازار جانا ەلگە وڭتويلۇۇلۇق جەتكىرۉۉ بازارى اچىلعان. سانجى شااردىق بازاردى كۅزۅمۅلدۅپ باشقارۇۇ مەكەمەسى بازار باشقارۇۇ بۅلۉمۉنۉن باشچىسى تو لئن مىنداي دەدى: «ۉچ بازار»دىن قايرادان اچىلۇۇسۇ سانجى شاارىبىزدىن كەرەكتۅۅ كۅمۅسكۅ كۉچۉن داعى بىردەمجىي قويوو بەردى. بئزدىن قاتىشتۇۇ فۇنكىتسىيالىق تارماقتار كىيىنكى مەزگىلدە ىلدەتتىن الدىن الىپ تىزگىندۅۅ، ازىق-تۉلۉك قووپسۇزدۇعۇ، سالاماتتىقتى ساقتوو بويۇنچا ىلدەتتىن الدىن الۇۇ سىياقتۇۇ قىزماتتاردى داعى بىردەمجىي كۉچۅتۉپ، ارقايسى بازار ەكونومىكا نەگىزگى تۇلقۇلارىنىن ۅركۅندۅپ-ۅنۉگۉۉسۉنۅ قولدوو كۅرسۅتۅت جانا دەم بەرەت. 

  كەچكى بازار ــ بئر شااردىن ىس-تۉتۉنۉ ەڭ قويۇۇ بولعون جەر. بۇل مەزگىلدە ار كۉنۉ كەچتەسى، حوتەن شاارىنىن 2-ايلانما جولۇ اجايىپقاناسى تۅرت قوشقون جول ووزۇنداقى ەلگە وڭتويلۇۇلۇق جەتكىرۉۉ كەچكى بازارىنداقى سووداگەرلەر «ۅز وردۇن تااپ»، ساتاتۇرعان نەرسەلەرىن تاقتاپ ايتقاندا: كىيىم-كەچە، كۉنۉمدۉك تۉردۉۉ بۇيۇمدار، گۉل سىياقتۇۇلاردىن بااردىعىن الىپ چىعىپ تىزىشەت. تئجاراتچى تۉتۉن ابدۇكىرەم ابلەز مىنداي دەدى: مەن دەمەيدە ۉيدۅ گۉل ۅستۉرۉۉنۉ اياباي جاقشى كۅرۅم، مەن ەلگە وڭتويلۇۇلۇق جەتكىرۉۉ بازارىنان تۇرۇقتۇۇ جايما وردۇنا ۅتۉنۉچ بەرىپ، بئرىنچى كۉنكۉ جايمامدا 10 تاشتەك گۉل ساتىپ چىعارىپ، 200 يۇان اقچا تاپتىم.

  ىستاتىستىكاعا نەگىزدەلگەندە، بىيىل حوتەن شاارى بۉت شاار چۅلكۅمۉندۅ 22 وقشوبوعون كۅۅلۅمدۅكۉ ەلگە وڭتويلۇۇلۇق جەتكىرۉۉ چاقان بازارىن اچىپ، تۅمۅن كىرەشەلۉۉ ۉي-بۉلۅۅ، جۇمۇش كۉتۉپ تۇرعان جۇمۇشقا ورۇنداشۇۇچۇلاردى اقىسىز جايما وردۇ مەنەن قامداعان. بازاردى باشقارۇۇ جاعىندا دىزەنفەكسىيالوو، دەنە تەمپىراتۇراسىن ۅلچۅۅ سىياقتۇۇ ىلدەتتىن الدىن الىپ تىزگىندۅۅ چارالارىن قاتاڭ جۉزۅلۅشتۉرگۅن. 

  اربئر ەلگە وڭتويلۇۇلۇق جەتكىرۉۉ چاقان بازارلارىنىن ۅركۅندۅپ-ۅسۉۉسۉنۉن ارتى بولسو ــ جەر-جەرلەردىن جاڭى ارعالاردى ىشتىكتۉۉ ىلىكتەپ، جاڭى چارالاردى ىلىكتەپ، بازاردىن جاشوو كۉچۉن جالپى بەتكەي چىيرالتقاندىعىنىن تۇيۇنتۇلۇۇسۇ. قومۇل شااردىق سوودا ىشتەر مەكەمەسى پارتگۇرپپاسىنىن ورۇن باسار شۇجئسى، مەكەمە باشچىسى ۋۇ پئڭ مىنداي دەدى: سوودا ىشتەر تارماقتارىبىز تولۇق تەكشەرىپ ىزىلدۅۅ نەگىزىندە جەلەلەش ساتۇۇنۇ ىلگەرى سۉرۉۉ قىيمىلىن باشتادى. ايىل-قىشتاعىبىزداقىلاردى ار كۉنۉ بازارعا بارۇۇعا قوزعوتتۇ. وشونۇ مەنەن بىرگە، بئزدىن جەكشەمبى بازار، مايدا بازارلاردى باشتادى، مۇنۇ مەنەن ساارقى بازار، كەچكى بازار داعى بار بولۇپ، قاراپايىم قالق كۉن بويۇ باراتۇرعان جەرلەرىنە بارىپ، نەرسە-كەرەك ساتىپ الىپ، بازار ارالاي الاتۇرعان بولدۇ. 

 

〖2020.05.19-11:13〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز