«ەل ابالىن بىلۉۉ، ەلگە نارىپ جەتكىرۉۉ، ەل كۅڭۉلۉن الۇۇ» قىزمات اتىرەتى مالچىلاردىن جايىت قوتورۇۇسۇن كەپىلدىككە الدى

2020-04-05 10:55

    ازىرقى ۇچۇر تۉندۉك شئنجاڭداعى مالچىلىق رايوندوردۇن جايىت قوتورۇۇ مەزگىلى، جۇڭگو ايىل چاربا بانكەسى بورتالاا بۅلۉمچۅ بانكەسىنىن جىڭ وودانى باجئياحۇ دىيقانچىلىق مايدانى مالچىلىق 3- اتىرەتىندە تۇرۇشتۇۇ «ەل ابالىن بىلۉۉ، ەلگە نارىپ جەتكىرۉۉ، ەل كۅڭۉلۉن الۇۇ» قىزمات اتىرەتى تەيلۅۅ اتىرەتىنە ايلانىپ، مالچىلاردىن جايىت قوتورۇۇسۇن كەپىلدىككە الدى. بۇل جۅنۉندۅ جىڭ رادىيو تەلەۋىزىيا ىستانسىياسىنىن قابارچىلارى جاۋ يۉنلوڭ، جاڭ جىيانتئڭ، ساي يوڭجەنىن قابارى نازارىڭىزداردا:

  4- ايدىن 1- كۉنۉ، «ەل ابالىن بىلۉۉ، ەلگە نارىپ جەتكىرۉۉ، ەل كۅڭۉلۉن الۇۇ» قىزمات اتىرەتىنىن قورعوپ جەتكىرۉۉسۉندۅ، باجئياحۇ دىيقانچىلىق مايدانى مالچىلىق 3- اتىرەتىنىن مالچىلارى ۇي-قويلورۇن ايداپ تۇرۇقتۇۇ قونۇشتانعان تۉيۉندۅن 50 كىلومەتىر الىستاعى تەرەكتى جازدووسۇنا بارىشتى، كۅچ جولۇنداعى چوڭ قوشۇۇن جىلجىپ بارا جاتقان كۅرك لئنىياسىن قالىپتاشتىردى. جۇڭگو ايىل چاربا بانكەسى بورتالاا بۅلۉمچۅ بانكەسىنىن جىڭ وودانى باجئياحۇ دىيقانچىلىق مايدانى مالچىلىق 3- اتىرەتىندە تۇرۇشتۇۇ «ەل ابالىن بىلۉۉ، ەلگە نارىپ جەتكىرۉۉ، ەل كۅڭۉلۉن الۇۇ» قىزمات اتىرەتىنىن باشچىسى، بئرىنچى شۇجئسى يۉ جۉن مىنداي دەدى: «مالچىلار جايىت قوتورعوندو بئز بۉت بارىشتا بىرگە جۉرۅبۉز، بۇل ارالىقتا بئزدىن ئشقانانىن ماالىمات قىزماتكەرى بۉت بارىشىنىن ابالىن ەەلەپ، قانداي ماسەلە بولسو ۅز ماالىندا سۉيلۅشۉپ تۇرات».

 باجئياحۇ دىيقانچىلىق مايدانى مالچىلىق 3- اتىرەتىندە جالپى 160 تۉتۉن 464 مالچى، ون مىڭگە جۇۇق مال بار. بايسالدۇۇ جايىت قوتورۇۇسۇنا چىنىعى كەپىلدىك قىلۇۇ ۉچۉن، قىزمات اتىرەتى قارجى شايكەشتىرىپ، جايىت قوتورۇۇ جولۇن وڭدوپ تۉزدۅپ، ۋاننا جانا سۇۇ ىچۉۉ اقىرىن ورنوتقون. مالچى قايمەردەن حۇسەيىن مىنداي دەدى:« مۇردا ال جول ابدان ناچار ەلە، بارعانچا ەلە 4 جارىم كۉن ۇباقىت كەتۉۉچۉ، ازىر ەكى جارىم كۉندۅ ەلە بارابىز، ابدان تەز بولدۇ».

  وشونۇ مەنەن بىرگە، «ەل ابالىن بىلۉۉ، ەلگە نارىپ جەتكىرۉۉ، ەل كۅڭۉلۉن الۇۇ» قىزمات اتىرەتى داعى جايىت قوتورعون مالچىلاردى تىزىمدەپ، تەرمومەتىر مەنەن دارى تاراتىپ بەرىپ، الارعا جاردامداشىپ مالىن ساناشىپ، مالدارىنا جۇعۇشتۇۇ ىلاڭدىن الدىن الۇۇ ۅكۉلۉن سالىشىپ، ارى تويۇت مەنەن تۇرمۇشتۇق كەرەكتۉۉ بۇيۇمداردى الدىن الا جايىت قوتورۇۇ جولۇنداعى تولۇقتوو تۉيۉنۉنۅ جەتكىرىپ دايىنداپ قويعون. مالچى ەركىن قايرات مىنداي دەدى: «بئز ىشتەتۉۉچۉ دارى-دارمەك، ماسكە، ۇن، جاشىلچا سىياقتۇۇلاردىن بارىن جەتكىرىپ بەرىشتى».

  مالچىلاردىن قووپسۇز جايىت قوتورۇۇسۇنا چىنىعى كەپىلدىك قىلۇۇ ۉچۉن، «ەل ابالىن بىلۉۉ، ەلگە نارىپ جەتكىرۉۉ، ەل كۅڭۉلۉن الۇۇ» قىزمات اتىرەتىنىن باشچىسى، بئرىنچى شۇجئسى يۉ جۉن جايىت قوتورعون مالچىلاردىن جۇعۇشتۇۇ وورۇنۇن الدىن الۇۇ، ۅرتتۅن ساقتانۇۇ، سەلدەن ساقتانۇۇ قىزماتىن جاقشى ىشتۅۅنۉ قايرا-قايرا تابىشتادى. ال مىنداي دەدى: «بئز الارعا سىرتقا چىققاندا ماسكە تاعۇۇنۇ، قولدۇ تازا جۇۇشتۇ، ال جەرگە بارعاندان كىيىن ۅرتتۅن ساقتانۇۇعا جانا سەلدەن ساقتانۇۇعا كۅڭۉل بۇرۇۇنۇ تابىشتادىق. بئز دا 24 ساات بايلانىشىپ تەيلۅۅ كۅرسۅتۉۉ مەحانىزىمىن تۇرعۇزدۇق، قانداي ئشى بولسو 24 ساات تەلەفون چالسا بولوت، بۉت بارىشىن بۉتۉرۉپ بەرەبىز».

访惠聚〖2020.04.05-10:55〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز