باجىنى ازايتۇۇ، اقىنى تۅمۅندۅتۉۉ تۅپ جۉزۅلۅشتۉرۉلۉپ، اپتونوم رايونۇبۇزداعى 1 مئللىيون 470 مئڭ جەكە سوودا-ۅنۅر جايچىعا نارپ جەتكىردى

2020-03-31 12:32

اپتونوم رايونۇبۇزدۇن باجى ىشتەرى تارماقتارى تۉردۉۉ باجى اقى ازايتۇۇ جانا كەچىرىم قىلۇۇ جەڭىلدىك ساياساتتارىن ىشتىكتۉۉ جۉزۅۅلۅشتۉرۉپ، بۉت اپتونوم رايونۇبۇزداعى 1 مئللىيون 470 مئڭ جەكە سوودا-ۅنۅر جايچىعا نارپ جەتكىردى. 

 ۉرۉمچۉ شاارى حۇالئڭ بازارىنا جايعاشقان شئنرۇيحاۋ ۉي ەلەكتىر شايماندارى دۉكۅنۉندۅ، دۉكۅندۉن جووپتۇسۇ ۋاڭ يۉمىي قىردارلاردى قاروو مەنەن شاشىلىش بولۇپ كەتتى. ال قابارچىعا، 3- ايدىن 11- كۉنۉ تئجاراتتى قالىبىنا كەلتىرگەندەن كىيىن، ۇچۇردا ار كۉنكۉ تئجارات سۇمماسى 4، 5 مئڭ يۇان ايلاناسىندا بولۇپ جاتقانىن ايتىپ مىنداي دەدى: «ماملەكەتتىن بىزگە قاراتقان باجى جەڭىلدىك ساياساتىنان باارلاندىق، باجىدان ۉنۅمدۅپ قالعاندارىن، بئر جاعىنان زات قاينارىن تولۇقتاپ، دۉكۅندۉن ئجاراسى داعى دۉكۅن قىزماتكەرلەرىنىن ماياناسى جاعىندا بئر تۉردۉۉ تولۇقتاما بولدۇ، سوودابىزدىن انسايىن جاقشى بولوورۇنا اياباي ىشەنچىم بار.»

ۉرۉمچۉ شاارى حۇالئڭ بازارىنىن ىچىندەكى 95 پايىز تئجاراتچى جەكە سوودا-ۅنۅر جايچى، ۇچۇردا باجى جىيۇۇ تارماقتارىنىن جۇمۇشتۇ، ۅندۉرۉشتۉ قالىبىنا كەلتىرۉۉنۉ قولدوو ۉچۉن چىعارعان ازايتۇۇ جانا كەچىرىم قىلۇۇ ساياساتىنان باارلاندى. جەكە سوودا-ۅنۅر جايچىلاردىن كۅۅلۅمۅۉ چاقان، وپۇرتالعا قارشى تۇرۇۇ قۇرباتى السىز بولۇپ، جۇعۇشتۇۇ وورۇنۇن سوققۇسۇن ازايتۇۇ، باجى جىيۇۇ جەڭىلدىك ساياساتىن جۉزۅۅلۅشتۉرۉۉگۅ كەپەلەتتىك قىلۇۇ ۉچۉن، اپتونوم رايونۇبۇزدۇن باجى ىشتەرى سىستەماسىنىن قىزماتكەرلەرى ىنتەرنەت، تەلەفون، شىبىر سۅز توبۇ، باجى تاپشىرۇۇچۇ كەرقانالار QQتوبۇ، قىسقا ۇچۇر قاتارلۇۇ ىڭعايلار مەنەن ۉگۉتتۅۅنۉ جاقشى ىشتەپ، جەكە سوودا-ۅنۅر جايچىلاردى، باجى تاپشىرۇۇچۇلاردى باارلانتۇۇعا تىيىشتۉۉ بولسو تولۇق باارلانتۇۇ، باارلانتۇۇعا تىيىشۉۉ بولسو تەز باارلانتۇۇنۇ ىشكە اشىردى. سانجى حۇيزۇ اپتونوم وبلاسىنىن باجى ىشتەر تارماعى جەكەلەشتىرىلگەن «ۇچۇراشپوو ىڭعايى»نداعى باجى ىشتەرى تەيلۅۅسۉن جولعو قويۇپ، «باشقى باجى ىشتەرى بايلانىشۇۇچۇ» تۉزۉمۉن تۇرعۇزۇپ، وبىلاستىق، شااردىق باجى ىشتەرى مەكەمەسىنىن بئرىنچى جەتەكچىسى، باجى تاپشىرۇۇچۇلاردىن باجىعا چاتىشتۇۇ قىيىن ماسەلەلەرىن تىكەلەي شايكەشتىرىپ چەچىپ، دىلگىرلىك مەنەن باجى تاپشىرۇۇچۇلاردى قام-قايعىدان ارىلتىپ، بايلانىشۇۇ چۅلكۅمۉن باجى تاپشىرۇۇچۇ كەرقانالاردان جەرگىلىك ۅكۉمۅتتۉن قاتىشتۇۇ فۇنكىتسىيالىق تارماقتارى جانا اقچا مامىلە اپاراتتارىنا چەيىن ۇزارتىپ، جەكە سوودا-ۅنۅر جايچىلاردىن جۇمۇشتۇ، ۅندۉرۉشتۉ قالىبىنا كەلتىرىپ تارتىپتۉۉ جىلىشتاتۇۇسۇن چىنىعى قامتاماسىزداندىردى. اقسۇۇ شااردىق باجى ىشتەر مەكەمەسى جەكە سوودا-ۅنۅر جايچىلاردى «بىرمە بئر» بۇيرۇتمالۇۇ ساياسات تۉشۉندۉرۉۉ جانا ماشقۇلات جەتەكتۅۅسۉ مەنەن قامدادى. اقسۇۇ شاارى مىيجئياحۇي تاندا بازارىنىن باش دىرەكتورۇ پىڭ شو مىنداي دەدى: «تەلەفون، شىبىر سۅز فورماسى ارقىلۇۇ، اتايى بئر ادام بىزگە «بىرمە بئر» تەيلۅۅسۉن الىپ بارىپ، بىزگە ەڭ جاڭى باجى جەڭىلدىك ساياساتىن جانا ەشىكتەن چىقپاي تۇرۇپ قانتئپ بۉتۉرۉۉنۉ تۉشۉندۉرۉپ قويدۇ، جەلەلەش ازايتۇۇ جانا كەچىرىم قىلۇۇدان ەلە، 3- ايدا 30 مئڭ يۇاندىق باجى اقىسىن ۉنۅمدۅپ قالدىم.»

شئنجاڭ باجى ىشتەرى مەكەمەسى باجى جىيىپ باشقارۇۇ جانا ئلىم-تەحنىكانى ۅنۉكتۉرۉۉ باشقارماسىنىن ورۇن باسار باشچىسى ۋىن گاڭ مىنداي دەدى: «سۇروو-جووپ قاعازى فورماسىندا جەكە سوودا-ۅنۅر جايچىلاردىن اجاتىن ەەلەپ، تۉردۉۉ ساياساتتاردى جۉزۅۅلۅشتۉردۉك. بۉت شئنجاڭداعى چاقان كۅۅلۅمدۉۉ باجى تاپشىرۇۇچۇلاردىن قوشۇمچا نارق باجىسىن 3 پايىزدان 1 پايىزعا تۅمۅندۅتۉپ سىستەمالۇۇ ورۇنداشتىرۇۇ ارقىلۇۇ، بۉت باارىن تەسكەپ بولدۇق، باجى تاپشىرۇۇچۇلار باشقادان ۅتۉنۉچ قىلۇۇنۇ كەرەگى جوق. كىيىنكى مەزگىلدە چوڭ ساندۇۇ ماالىمات مەنەن سالىشتىرۇۇ ىڭعايى ارقىلۇۇ، قىزماتتاردى قاراتمالۇۇ ايداقتاپ، جەكە سوودا-ۅنۅر جايچىلاردان باجى جىيۇۇ جەڭىلدىك ساياساتىن بئر-بىردەن وردۇنا جۉزۅۅلۅشتۉرۉپ، جەكە سوودا-ۅنۅر جايچىلارعا بولعون تەيلۅۅ قىزماتىن داعى بئر دەمجىي كۉچۅتۅبۉز، مئسالى تالوندۇ ىنتەرنەتتەن، پوچتودون جۅنۅتۉۉ قىزماتىن ۇلاندۇۇ جولعو قويۇپ، داعىدا وڭتويلۇۇ بولعون باجى تاپشىرۇۇ ىڭعايىن تۉزۉپ چىعابىز.»

〖2020.03.31-12:32〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز