ۉرۉمچۉ شاارى جۇعۇشتۇۇ وورۇنۇن تااسىرىنە ۇچۇراپ، ۅندۉرۉش، تئجاراتى قىيىنچىلىققا ۇچۇراعان قامسىزداندىرۇۇعا قاتىشقان ورۇنداردىن قوومدۇق قامسىزداندىرۇۇ اقىن كەچەڭدەتىپ تاپشىرۇۇ ارعاسىن الىپ چىقتى

2020-03-26 17:21

جاقىندا، ۉرۉمچۉ شاارى «جۇعۇشتۇۇ وورۇنۇن تااسىرىنە ۇچۇراپ، ۅندۉرۉش، تئجاراتى قىيىنچىلىققا ۇچۇراعان قامسىزداندىرۇۇعا قاتىشقان ورۇنداردىن قوومدۇق قامسىزداندىرۇۇ اقىن كەچەڭدەتىپ تاپشىرۇۇ ارعاسى»ن الىپ چىعىپ، قوومدۇق قامسىزداندىرۇۇعا قاتىشقان ورۇنداردىن قامسىزداندىرۇۇ اقىن تاپشىرۇۇ باسىمىن باساڭداتتى. ىستانسىيابىز قابارچىسى دوڭ جى-يوڭدۇن قابارى: 

«ارعا»دا مىنداي ايقىنداشتىرىلدى: كەچەڭدەتىپ تاپشىرۇۇ چۅلكۅمۉ 2020-جىلى جاڭىچا تااجى سىمال ۋئرۇس ۅپكۅ سەزگەنچى تااسىرىنە ۇچۇراپ، ۅندۉرۉش، تئجاراتىندا وور قىيىنچىلىق كۅرۉلگۅن قامسىزداندىرۇۇعا قاتىشقان ورۇندار: قامسىزداندىرۇۇعا قاتىشقان كەرقانالاردىن نەگىزگى قارتايعاندا كۉتۉنۉۉ قامسىزداندىرۇۇسۇنا قاتىشقان كەسىپتىك ورۇنداردى ۅز ىچىنە الات. كەچەڭدەتىپ تاپشىرۇۇچۇ قامسىزداندىرۇۇ تۉرۉ شاار- شاارچا جۇمۇشچۇ- قىزماتچىلارىنىن كارقاناداعى نەگىزگى قارتايعاندا كۉتۉنۉۉ قامسىزداندىرۇۇسۇ، جۇمۇش ۉستۉندۅ جارالانۇۇ قامسىزداندىرۇۇسۇ، جۇمۇشسۇزدۇق قامسىزداندىرۇۇسۇ جانا شاار- شاارچا جۇمۇشچۇ- قىزماتچىلارىنىن نەگىزگى دارىلانۇۇ قامسىزداندىرۇۇسۇ. ۉرۉمچۉ شااردىق قوومدۇق قامسىزداندىرۇۇنۇ باشقارۇۇ مەكەمەسى ۇنىۋەرسال كەسىپ بۅلۉمۉنۉن ورۇن باسار باشچىسى چىن جۉنجوۋ مىنداي دەدى: «جۇعۇشتۇۇ وورۇنۇن تااسىرىنە ۇچۇراپ، قوومدۇق قامسىزداندىرۇۇ اقىن كەچەڭدەتىپ تاپشىرۇۇنۇ ۅتۉنۉچ قىلعان قامسىزداندىرۇۇعا قاتىشقان ورۇندار، تۅمۅندۅگۉ شارتتاردىن بىرۅۅنۉ دايىنداسا، ۅتۉنۉچ قىلسا بولوت: بئرىنچىسى ۅندۉرۉش، تئجاراتى قىيىنچىلىققا ۇچۇراپ، جۇمۇشچۇ- قىزماتچىلاردىن ماياناسىن اي سايىن نورمال تاراتۇۇعا ارعاسىز بولسو؛ ەكىنچىسى نورمال ۅندۉرۉش، تئجارات الىپ بارۇۇعا ارعاسىز بولۇپ، جۇمۇشچۇ- قىزماتچىلارعا تەك تۇرمۇش اقى جە جەرگىلىكتىن ەڭ تۅمۅن مايانا ۅلچۅنۉن ٪85ىنان تۅمۅن بولسو؛ ۉچۉنچۉسۉ: نورمال جۇمۇش، ۅندۉرۉشتۉ قالبىنا كەلتىربەگەن ورۇندار».

«ارعا»دا مىنداي بەلگىلەنگەن: كەچەڭدەتىپ تاپشىرۇۇنۇ باشتاعان ايى ەڭ ەرتە بولعوندو 2020-جىلى 2-اي، كەچەڭدەتىپ تاپشىرۇۇنۇ اتقارۇۇ مۅۅنۅتۉ 2020- جىلى ىچىندە اتقارىلات، كەچەڭدەتىپ تاپشىرۇۇ مۅۅنۅتۉ پئرىنسىپ بويۇنچا 6 ايدان اشىپ كەتپەيت. كەچەڭدەتىپ تاپشىرۇۇ شارتىنا ىلايىق كەلگەن ار قايسى تۉردۅگۉ كەرقانالار، ار ايدىن 15- كۉنۉنۅن مۇردا كەچەڭدەتىپ تاپشىرۇۇ ۅتۉنۉچۉن تاپشىرۇۇسۇ؛ كەچەڭدەتىپ تاپشىرۇۇ شارتىنا ىلايىق كەلگەن كەسىپتىك ورۇندار، ار ايدىن 6- كۉنۉنۅن مۇردا كەچەڭدەتىپ تاپشىرۇۇ ۅتۉنۉچۉن تاپشىرۇۇسۇ كەرەك. چىن جۉنجوۋ مىنداي دەدى: «قامسىزداندىرۇۇعا قاتىشقان ورۇنداردىن قوومدۇق قامسىزداندىرۇۇ اقىسىن كەچەڭدەتىپ تاپشىرۇۇنۇ ۅتۉنۉچ قىلۇۇسۇنا وڭتويلۇۇلۇق جاراتۇۇ ۉچۉن، بئز ەكى تۉردۉۉ ۅتۉنۉچ بەرۉۉ جولۇن قامداپ بەردىك. بئرىنچى تۉرۉ ىنتەرنەتتەگى ئش بۉتۉرۉۉ زالىندا ۅتۉنۉچ جادىبالىن تۉشۉرۉپ، ەلەكتىروندۇق قات قۇرجۇنۇ ىڭعايىندا جۅنۅتۉپ بەرسە بولوت؛ ەكىنچى تۉرۉ پۇكەيگە بارىپ ۅتۉنۉچ بەرۉۉ جە پوچتو جولدونموسۇ ىڭعايىندا قوومدۇق قامسىزداندىرۇۇ اقىسىن كەچەڭدەتىپ تاپشىرۇۇنۇ ۅتۉنۉچ قىلسا بولوت».

كەچەڭدەتىپ تاپشىرۇۇنۇ ۅتۉنۉچ قىلعان كەزدە، قامسىزداندىرۇۇعا قاتىشقان ورۇن ۅندۉرۉشتۉ قالبىنا كەلتىرىپ، وشوندوي ەلە نورمال تئجارات الىپ بارعان بولسو، ورۇندار كەچەڭدەتىپ تاپشىرعان مەزگىلدەگى قارىز قالعان اقىسىن الدىن الا تولۇقتاپ تاپشىرسا بولوت. كەچەڭدەتىپ تاپشىرۇۇ مەزگىلى تولعوندون كىيىن، قامسىزداندىرۇۇعا قاتىشقان ورۇن تولۇق سۇممادا قوومدۇق قامسىزداندىرۇۇ اقىسىن تاپشىرىپ، قامسىزداندىرۇۇعا قاتىشقان جۇمۇشچۇ- قىزماتچىلاردىن جەكە تالامىن تااسىرگە ۇچۇراتپاستىق كەرەك. چىن جۉنجوۋ مىنداي دەدى: «جۇمۇشچۇ- قىزماتچىلار كەچەڭدەتىپ تاپشىرعان كەزدە قارتايعاندا كۉتۉنۉۉ، جۇمۇشسۇزدۇق قامسىزداندىرۇۇ مامىلەسىن ۅتۉنۉپ العاندار، ورۇن جانا جۇمۇشچۇ- قىزماتچىلار كەچەڭدەتىپ تاپشىرعان قوومدۇق قامسىزداندىرۇۇ اقىن الدى مەنەن تولۇقتووسو كەرەك. باسقىچ مۉنۅزدۉۉ ازايتۇۇ، كەچىرىم قىلۇۇ، جۇمۇش ۉستۉندۅ جارالانۇۇ قامسىزداندىرۇۇ اقىسىن كەچەڭدەتىپ تاپشىرۇۇ ساياساتىن جولعو قويۇۇ، قامسىزداندىرۇۇعا قاتىشقان جۇمۇشچۇ- قىزماتچىلاردىن جۇمۇش ۉستۉندۅ جارالانۇۇ قامسىزداندىرۇۇسۇنا بايلانىشتۇۇ مامىلەدەن باارلانۇۇسۇنا تااسئر كۅرسۅتپۅيت. دارىلانۇۇ قامسىزداندىرۇۇسۇن كەچەڭدەتىپ تاپشىرعان مەزگىلدە، جۇمۇشچۇ- قىزماتچىلاردىن دارىلانۇۇ قامسىزداندىرۇۇسۇنۇن بئر جۅڭكۉ جوسپورلوو مامىلەسىنە تااسئر كۅرسۅتپۅيت».

〖2020.03.26-17:21〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز