اپتونوم رايونۇبۇز جاڭى ايلامپالۇۇ كەمباعالدىقتان ارىلتۇۇ چابۇۇلۇنۇن «قىشقى چابۇۇلۇ» بويۇنچا كەمباعال قالقتان 1 مئللىيون 642 مئڭ 200 ادام ىرەت تاربئيالادى

2020-03-25 12:36

  2019- جىلى 11- ايدىن ورتوسۇندا بۉت شئنجاڭدا جاڭى ايلامپالۇۇ كەمباعالدىقتان ارىلتۇۇ چابۇۇلۇنۇن «قىشقى چابۇۇلۇ» قوزعوتۇلعاندان بەرى اپتونوم رايونۇبۇزدۇن جەر- جەرلەرى كەمباعال قالىقتى تاربئيالوو ەپكىنىن توقتووسۇز كۉچۅتۉپ، 2020- جىلى بەلگىلەنگەن مەزگىلىندە كەمباعالدىقتان ارىلتۇۇ چابۇۇلۇندا جەڭىشكە جەتۉۉگۅ مىقتۇۇ پايدۇبال تۉپتۅدۉ. ىستانسىيابىز قابارچىلارى لئى ۋىي، گاۋ مىڭحۇي، لىيۇ چىياڭدىن قابارى.

  بۇل ەكى كۉندۅ قارعالىق وودانى تۅگۉچى ايىلى قۇمبا قىشتاعىنىن تۇرعۇنۇ نۇرمامەت ماحەم داعى بئر قانچا ۇي ساتىپ الىپ، باقماچىلىق كۅلۅمۉن كەڭىرتمەكچى بولدۇ. 2019- جىلى قىشىندا قىشتاقتا ۅتكۅرۉلگۅن باقماچىلىق تەحنىكا كۇرسۇنا قاتىشقاندان كىيىن ال باقماچىلىقتى ۅنۉكتۉرۉپ كىرەشەسىن اشىرۇۇ جولۇن كەڭىرتۉۉنۉ چەچىم قىلدى. ال مىنداي دەدى: «ئلمىي باقماچىلىقتى ۉيرۅنگۅندۅن كىيىن ازىر مەنىن ۇيلارىم بارعان سايىن سەمىرىپ بارات، بىيىل 11 ۇيدان 50 مئڭ يۇان كىرەشە تابام دەپ بوجومولدوپ جاتامىن».

  «قىشقى چابۇۇل»دۇ قۇلاچ جايدىرعان مەزگىلىندە قۇمبا قىشتاعى مۅمۅ باق، مال باقماچىلىق، قورو-جاي ەكونومىكاسى سىياقتۇۇ اسقاتما ساباقتاردى قۇيرۇق ۇلاش اچىپ، قىشتاق تۇرعۇندارىنان 4500 ادام ىرەتتەن اشۇۇن تاربئيالادى. شئنجاڭ داشۅسۉنۉن قارعالىق وودانى تۅگۉچى ايىلى قۇمبا قىشتاعىندا تۇرۇشتۇۇ «ەل ابالىن بىلۉۉ، ەلگە نارىپ جەتكىرۉۉ، ەل كۅڭۉلۉن الۇۇ» قىزمات اتىرەتىنىن مۉچۅسۉ شۉ سۇمئڭياڭ مىنداي دەدى: « بئر سىيرا جەلەلەش تەحنىكالىق كۇرستاردى قۇلاچ جايدىرىپ، زامانباب اسىقاتما تەحنىكالاردى ۋىيدىيو ىڭعايى ارقىلۇۇ الارعا قويۇپ بەرىپ، الاردىن بىلىمىن چىڭداپ، كەمباعالدىقتان ارىلتۇۇ ىچكى قىيمىلداتقىچ كۉچۉن كۅتۅردۉك».

  قاراقاش وودانى كەمباعال قالقتىن جۇمۇش ىشتۅۅ اجاتى، جۇمۇشقا ورۇنداشۇۇ قالووسۇ بويۇنچا قاراتمالۇۇ تۉردۅ بۇت كىيىم تىگۉۉ، توقۇما كىيىم- كەچە، ۉي ىشتەرى تەيلۅۅسۉ، اش- تاماق، اۋتو ۇناا وڭشوو، اجارلاندىرۇۇ چاچ جاسوو سىياقتۇۇ ۅزگۅچۅ ساباقتاردى اچىپ، كۅپچۉلۉكتۉن جۇمۇشقا ورۇنداشۇۇ تەحنىكا جۅندۅمۉن توقتووسۇز ۅستۉردۉ. قاراقاش وودانى قاراقاش شاارچاسى چورۇقلا قىشتاعىنىن تۇرعۇنۇ رەيحانگۉل مامەتنئياز بالدار اعارتۇۇسۇ كۇرسۇنا قاتىشقاندان كىيىن قاراقاش وودانى بەيجىن ۉلگۉ كۅرسۅتۉۉ بالدار باقچاسىندا قارووچۇلۇق قىزماتىن تاپتى، ال قابارچىعا مىنداي دەدى:« مەن 15 كۉندۉك قارووچۇلار ۉيرۅنۉۉسۉنۅ قاتىشىپ، نازارىيالىق بىلىمدەر جانا ئش جۉزۉندۉك ماشقۇلاتىن ۉيرۅندۉم، ازىر بالدار باقچاسى مەنەن بئر جىلدىق توقتوم تۉزدۉم».

   وشونۇ مەنەن بىرگە اپتونوم رايونۇبۇزدۇن جەر- جەرلەرى ئش جۉزۉندۉلۉككۅ بىرىكتىرىپ، ىنتەرنەتتەن پايدالانىپ ىشتىكتۉۉلۉك مەنەن ىنتەرنەتتە تاربئيالوونۇ قۇلاچ جايدىرىپ، جۇعۇشتۇۇ وورۇنۇن الدىن الىپ تىزگىندۅۅ مەزگىلىندەگى كۇرس بەرەكەتىنە چىنىعى كەپەلەتتىك قىلدى.

    اقسۇۇ شاارى ىگەرچى ايىلى اسىل سورت جەتىشتىرۉۉچۉ جوعورقۇ چوقتال قىشتاعىندا 297 قىشتاق تۇرعۇنۇ ىلىمتا باستىرماعا جاشىلچا ۅستۉرگۅن بولۇپ، قىشتاق كادىرى لئى بو جۇعۇشتۇۇ وورۇنۇن الدىن الىپ تىزگىندۅۅ مەزگىلىندە ار كۉنۉ ىنتەرنەتتەگى ۋىدىيو ىڭعايى ارقىلۇۇ قىشتاق تۇرعۇندارىنا ىلىمتا باستىرمادا جاشىلچا ۅستۉرۉۉ كۇرسۇن الىپ باردى. ال مىنداي دەدى: « قىشتاق تۇرعۇندارىنىن جاشىلچا ۅستۉرۉۉدۅكۉ ار تۉردۉۉ ماسەلەلەرىن چەچىپ، قىشتاق تۇرعۇندارىن ساپاتتۇۇ جاشىلچا ۅستۉرۉۉ مۉمكۉندۉگۉنۅ ەە قىلدىق».

   بىلۉۉگۅ قاراعاندا، جاڭى ايلامپالۇۇ كەمباعالدىقتان ارىلتۇۇ چابۇۇلۇنۇن «قىشقى چابۇۇلۇ» قۇلاچ جايدىرىلعاندان ازىرعا چەيىن اپتونوم رايونۇبۇز كەمباعال قالقتان 1 مئللىيون 642 مئڭ 200 ادام ىرەت تاربئيالاپ، كەمباعالداردى جۅلۅۅ ساياسات ۉگۉت لەكسىياسىن 12 مئللىيون 26 مئڭ 400 ادام ىرەت قاپتاتقان. اپتونوم رايوندۇق كەمباعالداردى جۅلۅۅ ئشقاناسىنىن پارتىگۇرۇپپا مۉچۅسۉ، ورۇن باسار مۇدۇرۇ چىن لەي مىنداي دەدى: «كىيىنكى ارىمدا كەمباعالدىقتان ارىلتۇۇ چابۇۇلۇ كۇرس تابىلعاسىن سىزىل تەرەڭدەشتىرىپ، › ەمنە كەم بولسو وشونۇ تولۇقتوو، ەمنەگە اجات بولسو وشوعو تاربئيالوو» پىرىنسىبى بويۇنچا تاربئيالوونۇن تۉيۉنۉن كۅرۉنۉكتۅندۉرۉپ، قاتمارعا، ىرەتكە بۅلۉپ وبەكىتتەردى تۅپ تاربئيالايبىز، وشونۇ مەنەن قاتار بىرمە بئر ۉگۉت لەكسىيا ىڭعايىن قولدونۇپ، قالق جاقتىرعان ىڭعاي ارقىلۇۇ كەمباعال قالقتى تاربئيالوودو جۅندۅمۉن جوعورۇلاتىپ،انان ىچكى قىيمىلداتقىچ كۉچۉن قوزعوتۇپ، كەمباعالدىقتان ارىلتۇۇ چابۇۇل مىلدەتىن ماالىندا جوعورۇ ساپاتتا بۉتۉرۉۉگۅ كەپەلەتتىك قىلۇۇ ۉچۉن قىيمىلداتقىچ كۉچۉن كۉچۅتۅبۉز».

〖2020.03.25-12:36〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز