اپتونوم رايونۇبۇز تۉردۉۉ چارالاردى تەڭ قولدونۇپ، قالىقتىن نەگىزكى دارىلانۇۇسۇن قامتاماسىزداندىردى

2020-03-25 11:29

  اپتونوم رايونۇبۇزداعى ار داراجالۇۇ سالاماتتىق ساقتوو دەن سوولۇق تارماقتارى، دارىلوو قامتاماسىزداندىرۇۇ تارماقتارى كۅچمۅ دارىلوو تەيلۅۅ اتىرەتىن ۇيۇمداشتىرۇۇ، دارىلوو قامتاماسىزداندىرۇۇ تەيلۅۅسۉن قىلداشتىرۇۇ، بۉتۉرۉۉ تارتئبىن ىچكەلەشتىرۉۉ قاتارلۇۇ ىڭعايلار مەنەن، تۉردۉۉ چاارالاردى تەڭ قولدونۇپ ار ۇلۇت قالقىنىن نەگىزكى دارىلانۇۇ اجاتىن قامتاماسىزداندىردى.

  3 - ايدىن 23- كۉنۉ، شايار ووداندىق 2- ەل دوقتۇرقاناسى «كۅچمۅ دارىلوو چاقان اتىرەتى»نىن مۉچۅلۅرۉ ايلاناسىنداعى قوومدۇق قونۇشتاعى تۇرعۇنداردىن ۉيۉنۅ بارىپ، دارىلوونۇ ۉيلۅرگۅ جەتكىرۉۉ قىيمىلىن قۇلاچ جايدىردى. شايار وودانى شايار شاارچاسى شىياڭياڭ قوومدۇق قونۇشۇنۇن تۇرعۇنۇ راحمان ابدىرىيىم جوعورۇ قان باسىم، مەە تىعىلماسىنا چالدىققان، جاقىنقى بئر مەزگىلدە، كۅچمۅ دارىلوو اتىرەتى بات-بات ۉيۉنۅ بارىپ انىن قان باسىمىن ۅلچۅپ، ارى اعا كەرەكتۉۉ دارىلاردى الا بارىپ، انىن دارى ىچۉۉسۉنۅ جەتەكتەگەن. راحمان ابدىرىيىم مىنداي دەدى: «ۉيۉمۅ كەلىپ دەن سالاماتتىعىمدى تەكشەرىپ، قان باسىمىمدى ۅلچۅپ، ار كۉنۉ دارىنى قانداي ىچۉۉ كەرەك دەگەندەردى تۉشۉندۉرۉپ قويدۇ، اياباي ىراازىمىن، مىندان كىيىن تاماقتى ماالىندا جەپ، كۅبۉرۅۅك دەنە تاقشالتىپ، قان باسىمىمدى تۉشۉرگۅنگۅ اراكەت قىلام.»

  شايار ووداندىق 2- ەل دوقتۇرقاناسى جۇعۇمدالۇۇ بۅلۉمۉنۉن ورۇن باسار مۇدۇرۇ لئيۇ جئن مىنداي دەدى: «بئزدىن دارىلوو چاقان اتىرەتىبىز ار قايسى قوومدۇق قونۇشتارعا تەرەڭدەي كىرىپ، السىز، وورۇقچان، اراكەتى وڭتويسۇز قالىقتارعا دارىلوو الىپ باردىق، مىندان كىيىن ەشىك الدىنا بارۇۇ ەپكىنىن اشىرىپ، پىسحىكالىق جەتەكتۅۅ قىزماتىن كۉچۅتۉپ، قالىقتىن وورۇسۇ بولسو دارىلانۇۇسۇنا چىنىعى كەپەلەتتىك قىلابىز.»

   ار ۇلۇت نووقاستاردىن دارىلانۇۇ اجاتىن قانااتتاندىرۇۇ ۉچۉن، اپتونوم رايونۇبۇزداعى 14 ايماق، وبىلاس، شاار دارىلوو قىزماتكەرلەرىن جىبەرىپ 1700دۅن اشۇۇن كۅچمۅ دارىلوو اتىرەتىن ۇيۇمداشتىرىپ، 3 مئڭدەن اشۇۇن قوومدۇق قونۇش (ايىل، شاارچا) نى قىدىرىپ، قىيىنچىلىعى بار 342 مئڭ 400 قالىقتىن ۉيۉنۅ چەيىن بارىپ دارىلاپ، ۅنۅكۅت وورۇسۇ بار نووقاستارعا دارى جەتكىرىپ بەرگەن. اپتونوم رايوندۇق سالاماتتىق ساقتوو دەن سوولۇق كومىتەتى دارىلوو اكىمچىلىگى دارىلوونۇ باشقارۇۇ باشقارماسىنىن ورۇن باسار باشچىسى مو لئياڭ مىنداي دەدى: «جەتىم-جەسىر قارتاڭدار، ۉيدۅ قالعان بالدار، ۅزگۅچۅ قىيىنچىلىقتۇۇ قالىقتىن دارىلانۇۇ، وورۇ كۅرسۅتۉۉ اجاتىنا كۅۅن بۇردۇق، ار داراجالۇۇ دارىلوو اپاراتتارى كۅچمۅ دارىلوو اتىرەتىن ۇيۇمداشتىرۇۇ بارىشىندا، پارتئيا مۉچۅلۅرۉنۉن ۉلگۉلۉۉ، باشتااقتىق رولۇن تولۇق كۅرسۅتۉپ، ىستاجى ۇزۇن، كەسىپتىك جۅندۅمۉ كۉچتۉۉ تايانچ كادىرلاردى تانداپ، كۅچمۅ دارىلوو تەيلۅۅ اتىرەتىن تولۇقتادىق. ار داراجالۇۇ كۅچمۅ دارىلوو اتىرەتى ۉيلۅرگۅ بارىپ نووقاستارعا دارىلوونۇ، دارىلاردى، تەيلۅۅلۅردۉ جەتكىردى، ارى پارتئيا جانا ۅكۉمۅتتۉن قامقوردۇعۇن ار ۇلۇت قالقىنىن كۅڭۉل تۅرۉنۅ ۇيالاتتى.»

   اپتونوم رايونۇبۇزداعى ار داراجالۇۇ دارىلوو اپاراتتارى داعى ارت-ارتىنان «دارىلوو بىرلەشمە تۇلقۇ»سۇنان پايدالانىپ، جوعورۇ مەنەن تۅمۅن بىرلەشمە اراكەت دارىلوو ىڭعايىن قۇلاچ جايدىرىپ، قالىقتىن وورۇ كۅرسۅتۉۉ، دارىلانۇۇسۇنداعى «ەڭ اقىرقى 1 كىلومەتىر»دى تۇتاشتىردى. قاراماي شاارى «دارىلوو بىرلەشمە تۇلقۇ»سۇن تىلكە رايونعو بۅلۉپ، ۇنۇۋەرسال دوقتۇرقانا باش بولۇپ اتايى بۅلۉم دوقتۇرلارىن جىبەرۉۉ، قوومدۇق قونۇش دوقتۇرقانالارى ۇنۇۋەرسال وورۇلار دوقتۇرلارىن جانا دەن سوولۇق تاربئياچىلارىن، دارىلوونۇ قامتاماسىزداندىرۇۇ قىزماتكەرلەرىن جىبەرىپ كۅچمۅ دارىلوو اتىرەتىن ۇيۇمداشتىرعان؛ شئنجاڭ مەدىتسىينا داشۅسۉنۅ قاراشتۇۇ 1- دوقتۇرقانا توردو وورۇ مۉنۅزدۅۅ ۅرۉشۉن قولدونۇپ، نووقاستاردى اقىسىز وورۇ مۉنۅزدۅۅ تەيلۅۅسۉ مەنەن قامداعان. دوقتۇرقانا دارىلوو ىشتەرى بۅلۉمۉنۉن ورۇن باسار مۇدۇرۇ ياڭ يۇانيۇان مىنداي دەدى: «ۇچۇردا 6 دارىلوو اتىرەتىن ۇيۇمداشتىردىق، مئسالى نەرۋ وورۇلار ىچكى بۅلۉمۉ، جۅرۅك، قان تامىر بۅلۉمۉ، تىنىق الۇۇ بۅلۉمۉ، رئماتىزىم ئممۇنىتىت بۅلۉمۉ قاتارلۇۇلار، نووقاستاردىن ۉيۉنۅ كىرگەندەن كىيىن، دارىلوو قىزماتىن قۇلاچ جايدىرىپ ەلە قالباي، وشونۇ مەنەن قاتار دەن سوولۇق ۉگۉت-تاربئيا قىزماتىن قۇلاچ جايدىردىق. بئز چوڭ تىپتەكى دارىلوو اپپاراتى قاتارى ۅزۉندۉك كەسىپتەردىن ارتىقچىلىعىنا بىرىكتىرىپ، جۇعۇشتۇۇ وورۇ مەزگىلىندە قۇلاچ جايدىرعان توردوعۇ تەيلۅۅنۉ داعى ەلە الىپ بارىپ جاتابىز،  توردو 15 كەسىپتىك كەڭەش بەرۉۉ تەيلۅۅسۉن قۇلاچ جايدىردىق، ازىرعا چەين، جالپى 3080 نووقاسقا توردو كەڭەش بەرۉۉ تەيلۅۅسۉن الىپ باردىق.»

   وشونۇ مەنەن قاتار، اپتونوم رايونۇبۇزداعى ار داراجالۇۇ دارىلوونۇ قامتاماسىزداندىرۇۇ تارماقتارى دارىلوو قامتاماسىزداندىرۇۇسۇن بۉتۉرۉۉدۅكۉ «توردو بۉتۉرۉۉ» تارتئبىن كۉچۅتۉپ، ۅلكۅ اتتاعان جانا شئنجاڭ ىچىندەكى باشقا جەردە دارىلانۇۇنۇ ەنگە الۇۇ جاشىل جولۇن، دارىلوو قامتاماسىزداندىرۇۇ ساياساتىنان كەڭەش بەرۉۉ اتايى تىنىمسىز بايلانىشىن اچىپ، ئش بۉتۉرۉۉ تارتئبىن ايقىنداشتىرىپ، ئش بۉتۉرۉۉ القاقتارىن ازايتىپ، قالىققا ەڭ زور داراجادا وڭتويلۇۇلۇق جاراتتى. بۇل ەكى كۉندۅ، سانجى شاارىنىن تۇرعۇنۇ لئى لئڭ «شئنجاڭ دارىلوونۇ قامتاماسىزداندىرۇۇ ەنگە الۇۇ» APPسى ارقىلۇۇ، اتا-ەنەسىنە ىچكەرىنىن دوقتۇرقاناسىندا دارىلانعانىن ەنگە الدىرۇۇنۇ جەڭىشتۉۉ بۉتۉرۉشۉپ بەردى. ال قابارچىعا مىنداي دەدى: «بىزگە وقشوش اتا-ەنەبىزدىن باشقا جەردە دارىلانعانىن ەنگە الدىرۇۇنۇ بۉتۉرۉۉ، مۇردا باشقا جەردە دارىلانعانىن ئش بۉتۉرۉۉ زالىنا بارىپ، وشول جەردە ەنگە الدىرىپ بۉتۉرچۉبۉز، بئروق ازىر توردو ماالىماتتاردى تاپشىرساق ەلە بولوت ەكەن، انىن ۉستۉنۅ بىلبەگەن جەرىبىزگە، دارىلوو قامتاماسىزداندىرۇۇ ساياساتىنان كەڭەش بەرۉۉ اتايى تىنىمسىز بايلانىشى بار ەكەن، اياباي وڭتويلۇۇ ەكەن.»

   اپتونوم رايوندۇق دارىلوو قامتاماسىزداندىرۇۇ ىشتەرىن ۅنۉكتۉرۉۉ بوربورۇنۇن جووپتۇسۇ جئن مەي مىنداي دەدى: «بئز بۉتۉرۉۉ تەيلۅۅ ىڭعايىندا ىشتىكتۉۉ جاڭىلىق جاراتىپ، توردو بۉتۉرۉۉ، فاكىس مەنەن بۉتۉرۉۉ، تەلەفوندو بۉتۉرۉۉ، پوچتو مەنەن بۉتۉرۉۉ، ۇزارتىپ بۉتۉرۉۉ، ۇزۇن رەتسىپ قاتارلۇۇ ۇچۇراشبوو ىڭعايىندا بۉتۉرۉۉ، كۅرۉشبۅۅ تەيلۅۅسۉ ارقىلۇۇ، ەكى بەلگىلەنگەن اپپارات، قامسىزداندىرۇۇعا قاتىشقان ورۇن، قامسىزداندىرۇۇعا قاتىشقان قالىقتى ۉيۉنۅن چىقپاي تۇرۇپ دارىلوو قامسىزداندىرۇۇ كەسىپتەرىن بۉتۉرۉۉ مۉمكۉندۉگۉنۅ ەە قىلىپ، دارىلوو قامسىزداندىرۇۇسۇن بۉتۉۉۉ تەيلۅۅسۉن ۉزۉپ قويبوستۇققا چىنىعى كەپەلەتتىك قىلىپ، قامسىزداندىرۇۇعا قاتىشقان قالىقتىن ار تۉردۉۉ دارىلوو قامتاماسىزداندىرۇۇ اقىسىنان ۅز ماالىندا باارلانۇۇسۇنا كەپەلەتتىك قىلدىق.»

〖2020.03.25-11:29〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز