اپتونوم رايونۇبۇزدۇن تۉيۉندۉۉ تەمىر جول قۇرۇلۇش تۉرلۅرۉندۅ ۇرعاال جۇمۇش قالپىنا كەلدى

2020-03-25 10:46

   اقىرقى كۉندۅردۉن بەرى، اپتونوم رايونۇبۇزدۇن تۉيۉندۉۉ تەمىر جول قۇرۇلۇش تۉرلۅرۉندۅ جۇمۇش ۇرعاال قالپىنا كەلىپ،« شئنجاڭ ىچىندە ايلانۇۇ، شئنجاڭدان كىرىپ چىعۇۇنۇ تەزدەتۉۉ»دۅي تەمىر جول تورۇ باچىم قالىپتاشىپ جاتات.ىستانسابىز قابارچىسى جئن لەي، ەرىكتۉۉ قابارچىلارىبىز لىي حاۋ، ايزۇلپارىنىن قابارى.

 

    3-ايدىن 21-كۉنۉ تۉشتۅن مۇردا چارقالىق وودانىنداعى گولمۇد- كورلا تەمىر جولۇنۇن تۅۅبۇلاق 2-نومۇرلۇۇ ۅزگۅچۅ چوڭ كۅپۉرۅسۉ قۇرۇلۇش ناق مايدانىندا، كۅپۉرۅ ۇستۇنۇنۇن كۅپۉرۅ تۉركۉگۉنۅ تۇرۇقتۇۇ تۇۇرا قويۇلۇشۇنان ۇلام، گولمۇد-كورلا تەمىر جولۇنۇن شئنجاڭ بۅلۉگۉنۅ رەلىس تۅشۅۅ قۇرۇلۇشۇ جاپىرت قالپىنا كەلدى. جۇڭگو تەمىر جول ۉرۉمچۉ مەكەمەسى توبۇ چەكتۉۉ شەرىكتىگى كورلا قۇرۇلۇشۇنا قولباشچىلىق قىلۇۇ ىشتابى پارتكومۇنۇن ورۇن باسار شۇجئسى يوڭ شىياۋلوڭ مىنداي دەدى: « جەرگىلىكتۉۉ ۅكۉمۅت مەنەن دىلگىر چىركەشىپ، بايلانىش جاساپ شايكەشتىرۉۉنۉ كۉچۅتۉپ، قۇرۇلۇشقا قاتىشقان ارقايسى ورۇنداردى جۇعۇشتۇۇ وورۇنۇن الدىن الىپ تىزگىندۅۅ تالابىن استەيدىل جۉزۅلۅشتۉرۉپ، ئشقانا رايونۇ، تۇرمۇش رايونۇ، ايرۇۇ رايونۇ، قۇرۇلۇش الىپ بارۇۇ رايونۇ قاتارلۇۇ رايوندوردو الدىن الىپ تىزگىندۅۅ چارالارىن جاقشى ىشتۅۅگۅ ايداقتاپ، جۇعۇشتۇۇ وورۇنۇن الدىن الۇۇ چارالارىنىن تاقاي جۉزۅلۅشۉپ، ۅندۉرۉشتۉ جۇمۇشتۇ قالپىنا كەلتىرۉۉنۉن قووپسۇز تارتىپتۉۉ جۉرۉۉسۉنۅ چىنىعى كەپىلدىك قىلدىق»

 

  گولمۇد-كورلا تەمىر جولۇ ماملەكەتتىن تۉيۉندۉۉ تەمىر جول قۇرۇلۇش تۉرۉ، شئنجاڭعا كىرىپ- چىعا تۇرعان 3- تەمىر جول كۉرۅ تامىرى قاتارى تەمىر جول لىنىياسىنىن ۇزۇندۇعۇ 1215 كىلومەتر كەلەت. مىندا شئنجاڭ بۅلۉگۉنۉن ۇزۇندۇعۇ 708 كىلومەتر بولۇپ، بۉت لىنىيادا بىيىل جىل اقىرىندا پويۇز جۉرگۉزۉپ قاتتوونۇ باشتوو پئلاندالعان. جۇڭگو تەمىر جولۇ1-مەكەمەسى گولمۇد-كورلا تەمىر جولۇ شئنجاڭ بۅلۉگۉنۅ رەلىس تۅشۅۅ قاندىرعا قويۇۇ قىردار تۉر ىشتابى قۇرۇلۇش تۉرۉندۅ قۇرۇلۇشتۇ قالپىنا كەلتىرۉۉ جانا جۇعۇشتۇۇ وورۇنۇن الدىن الۇۇ قىزمات دولبوورۇن استەيدىل تۉزۉپ، « تۉيۉندۅن تۉيۉنگۅ» ۇچاق كۅتۅرۅ الۇۇداي ىقمادا سئچۇان، شانشئى، گانسۇ قاتارلۇۇ جەرلەردەكى 700دۅن اشۇۇن قىزماتكەردىن جۇمۇش وردۇنا قايتىپ جۇمۇشتۇ قالپىنا كەلتىرۉۉسۉن تەز ۇيۇمدادى. تۉردۉن جووپتۇۇسۇ حۇاڭ كىجۉن مىنداي دەدى: بئز تەز چوعۇلتۇپ، تەز مايدانعا كىرگىزىپ، تۉردۉۉ جۇمۇشتاردى جۉرگۉزۉۉنۉن تارتىپتەردىن تەز قۇلاچ جايدىرىپ، قۇرۇلۇش جۉرگۉزۉۉ قۇرباتىن تەز قالىپتاندىردىق. بىيىل رەلىس تۅشۅپ قاندىرعا قويۇۇ التىن توو بۅكسۅۅ تووسۇنۇن تۉتۅكتۉۉ رايونۇنا چوردوندوشقون، ايرىقچا بۉت لىنىيا ۇزۇندۇعۇ 13.195 كىلومەتر كەلە تۇرعان التىن توو تۇنەلىنىن قۇرۇلۇش جۉرگۉزۉۉ دولبوورۇ مەنەن قۇرۇلۇش تەحنىيولوگىياسىنا قويعون تالابى ابدان جوعورۇ، بئز قۇرۇلۇش جۉرگۉزۉۉ دولبوورۇن تىنباي قىلداشتىرۇۇ، بۇيۇم-ماتەرىيالداردى مايدانعا ئلمىي الىپ كىرۉۉ، «ادام توقتوسو دا ماشىنانى توقتوتپوستۇق»تاي قوش بان ىشتۅۅ ارعاسى ارقىلۇۇ، ايلۇۇ تۉندۅ قوشۇمچا ىشتەپ قۇرۇلۇش مۅۅنۅتۉن ۉلگۉرتۉپ، كورلا-گولمۇد تەمىر جولۇن بۉتۉرۉۉ جىلىندا پويۇز جۉرۉپ قاتتاتۇۇداي قۇرۇلۇش جۉرگۉزۉۉ نىشانىنا چىنىعى كەپىلدىك قىلابىز.

   تۉيۉندۉۉ تەمىر جول قۇرۇلۇش تۉرلۅرۉنۉن جۇمۇشۇن باتىرااق قالپىنا كەلتىرۉۉ ۉچۉن، جۇڭگو تەمىر جولۇ ۉرۉمچۉ مەكەمەسى توبۇ چەكتۉۉ شەرىكتىگى تۉر قۇرۇلۇش ورۇندارىن شايكەشتىرۉۉنۉ جاقشى قارماپ، بئر جۅڭكۉ ورۇنداشتىرىپ، جۇعۇشتۇۇ وورۇنۇن الدىن الىپ تىزگىندۅۅ چارالارىنىن ۅنۉمدۉۉ جۉزۅلۅشۉۉسۉنۅ چىنىعى كەپىلدىك قىلعان ابالدا جۇمۇشتۇ قالپىنا كەلتىرىپ، تەمىر جول تۉرلۅرۉنۉن جىلدىق قۇرۇلۇش جۉرۉشۉن ماالىندا شىدىر اتقارۇۇنۇ مۉمكۉندۉكتۉن بارىنچا قامتاماسىزداندىردى. حوتەن-چارقالىق تەمىر جولۇنۇن بۉت ۇزۇندۇعۇ 820 كىلومەتردەن اشات، تۉشتۉك شئنجاڭ تەمىر جول ايلانما لئنىياسىنىن زارىل قۇرام بۅلۉگۉ. بۇل مەزگىلدە، تۉردۉن ارقايسى قىردار بۅلۉكتۅرۉ ۇرعاال جۇمۇشتۇ قالپىنا كەلتىردى. جۇڭگو تەمىر جول بەيجىن قۇرۇلۇش مەكەمەسى شئنجاڭ حوتەن-چارقالىق تەمىر جولۇ S1 قىردار بۅلۉگۉ تۉر ىشتابى پويۇز كۅتۅرۅ الۇۇ، جەكە ماشىنا مەنەن بارۇۇ، ۇچاققا ولتۇرۇۇ، كۉلۉك پويۇزعا ولتۇرۇۇ قاتارلۇۇ فورمالاردا 400 گۅ جاقىن باشقارۇۇچۇ مەنەن قۇرۇلۇشچۇلاردى قۇرۇلۇش مايدانىنا كىرۉۉگۅ ۇيۇمدادى. S1 قىردار بۅلۉگۉ تۉرۉنۉن قووپسۇزدۇق باشقى كۅزۅمۅلدۅۅچۉسۉ شۉ يۉحۇا مىنداي دەدى: بئز ۇيۇمداشتىرۇۇنۇ كۉچۅتۉپ، اقساعان ۇباقتىبىزدى تولۇقتووعو چىمىرقانىپ، شئنجاڭ ەلىنە، قۇرۇلۇش ەەسىنىن قۇپۇلۇنا تولعۇداي جووپ بەرەبىز.»

   جۇمۇشتۇ باتىرااق قالپىنا كەلتىرۉۉ ۉچۉن، التاي-كۅكتۅقوي- چىعىش جۇڭعار تەمىر جولۇنداعى 826 قۇرۇلۇشچۇ لانجوۋدون اتتانعان ەكى كۉلۉك پويۇزعا ولتۇرۇپ جۇمۇش وردۇنا قايتتى، ۇچۇردا التاي-كۅكتوقوي- چىعىش جۇڭعار تەمىر جولۇنۇن ەڭ ۇزۇن تۇنەلى ـــ سورسۇۇ تۇنەلىندە جۇمۇشچۇلار بۉت جول نۇعۇنۇن قۇرۇلۇشۇن بۉتۉرۉپ، بۉت لىنىيادا رەلىس تۅشۅۅ قىزماتىن باشتادى. جۇڭگو تەمىر جولۇ ۉرۉمچۉ مەكەمە توبۇ چەكتۉۉ شەرىكتىگى قومۇل قۇرۇلۇش قولباشچىلىق ىشتابى ۇنىۋەرسال بۅلۉمۉنۉن باشچىسى ۋاڭ جىيان مىنداي دەدى: التايدان كۅكتوقويعو چەيىنكى تەمىر جول بۅلۉگۉنۉن ۋوگزال الدى قۇرۇلۇشۇ نەگىزىنەن بۉتتۉ، ازىر چوردوندۇۇ تۉردۅ رەلىس تۅشۅۅ قىزماتىن ىشتەپ جاتابىز، مىندان سىرت سورسۇۇ تۇنەلىندە ازىر قۇرۇلۇش جۉرۉپ جاتات»

   التاي-كۅكتوقوي-چىعىش جۇڭعار تەمىر جولۇ ــــ شئنجاڭدىن تەمىر جولۇ بويۇنچا شئنجاڭدان چىعۇۇچۇ تۉندۉك جولۇنۇن زارىل قۇرام بۅلۉگۉ. ارى تۉندۉك شئنجاڭ ايلانما لىنىياسىنىن زارىل بۅلۉگۉ. 274 كىلومەتر كەلەتۇرعان كۅكتوقويدون چىعىش جۇڭعارعاچا بۅلۉگۉندۅ 2019-جىلى 12-ايدىن 31-كۉنۉ پويۇز قاتتاعان. 153 كىلومەترلىك التايدان كۅكتوقوي بۅلۉگۉندۅ بىيىل 8-ايدا پويۇز قاتتارى پئلاندالۇۇدا.

 

〖2020.03.25-10:46〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز