اپتونوم رايونۇبۇز جۉز كۉندۅ ون مئلليون جۇمۇش وردۇنا توردو قابىلدوو اراكەتىن قۇلاچ جايدىرات

2020-03-22 10:34

  تۇرۇقتۇۇ جۇمۇشقا ورۇنداشتىرۇۇ قىزماتىن داعى بئر دەمجىي جاقشى ىشتۅۅ ۉچۉن، 3- ايدىن 20- كۉنۉنۅن باشتاپ، اپتونوم رايونۇبۇز «جۉز كۉندۉك تەيلۅۅ چابۇۇلۇ، ون مئلليون جۇمۇش وردۇن چىعارۇۇ» جۉز كۉندۅ ون مئلليون جۇمۇش وردۇنا توردو قابىلدوو اتايىن اراكەتىن قۇلاچ جايدىرىپ، ار قايسى تۉردۅگۉ قىزماتكەر قابىلدووچۇ ورۇندار جانا جۇمۇش ىزدەگەندەرگە الماشتىرۇۇ ۅرۉشۉن قۇرۇپ، ىنتەرنەتتە جۇمۇشقا ورۇنداشتىرۇۇ تەيلۅۅسۉ مەنەن قامدايت. ىستانسىيابىز قابارچىسى دوڭ جى-يوڭدۇن قابارى: 

جۉز كۉندۅ ون مئلليون جۇمۇش وردۇنا توردو قابىلدوو اتايىن اراكەتىن ادام كۉچۉ بايلىعى جانا قوومدۇق قامتاماسىزداندىرۇۇ مىنىستىرلىگى باشتاعان، بۉت ماملەكەتتىن جەر- جەرلەرىندەگى جالپىلىق جۇمۇشقا ورۇنداشتىرۇۇ تەيلۅۅ اپپاراتتارى مەنەن بىرىگىپ، جۉز كۉن ۇباقىتتان پايدالانىپ، ون مئلليون جۇمۇش وردۇ ماالىماتىن چوعۇلتۇپ چىعارىپ، تۇرۇقتۇۇ جۇمۇشقا ورۇنداشتىرۇۇ جانا جۇمۇشتۇ، ۅندۉرۉشتۉ قالبىنا كەلتىرۉۉگۅ دەمۅۅر بولوت. اپتونوم رايوندۇق ادام كۉچۉ بايلىعى بازارى بازار بۅلۉمۉنۉن باشچىسى ما يانلئڭ مىنداي دەدى: «اتايىن اراكەتتىن نەگىزگى تەماسى <كەسىپ سەنىن جۇمۇشقا كەلىپ چوعۇۇ جۉرۉۉڭدۉ كۉتۉۉدۅ> بولۇپ، تەيلۅۅ وبەكتىلەرى جوعورۇ وقۇۇ جايىن بۉتۉرگۅن وقۇۇچۇلار، دىيقان ىشتەمچىلەر، شاار- شاارچا جۇمۇشسۇز قالعان كىشىلەرى، كەمباعال ەمگەك كۉچتۅرۉ سىياقتۇۇ تۉردۉۉ ەمگەكچىلەر، جانا قابىلدوو اجاتى بولعون تۉردۉۉ ادام ىشتەتۉۉچۉ ورۇندار». 

 جۉز كۉندۅ ون مئلليون جۇمۇش وردۇنا توردو قابىلدوو اتايىن اراكەتى ماملەكەت بويۇنچا بىردەي، كۅپ جاق بىرلەشىپ اراكەت قىلعان توردو قابىلدوو ۅرۉشۉن قۇرۇپ، ارى كەسىپ مۉنۅزدۉۉ، رايون مۉنۅزدۉۉ، توپتۇق مۉنۅزدۉۉ اتايىن مايدان قابىلدوونۇ چوعۇلتۇپ قۇلاچ جايدىرات. ما يانلئڭ، شئنجاڭ ىشكەرلەر تورۇ بۇل جولقۇ اتايىن اراكەتتىن شئنجاڭ بۅلۉمچۅ مايدانى قاتارى، بۉت شئنجاڭدىن جەر- جەرلەرىندەگى ايماق، وبلاس، شاارلارىنداعى قابىلدووچۇ ورۇندار جانا ار قايسى تۉردۅگۉ جۇمۇش ىزدەگەندەرگە بەت العان جالپىلىق توردو قابىلدوو تەيلۅۅسۉ ەكەنىن تاانىشتىرىپ مىنداي دەدى: «بئز جۉز كۉندۅ ون مئلليون جۇمۇش وردۇنا توردو قابىلدوو اتايىن اراكەتىن جولعو قويۇۇنۇ تۇرۇقتۇۇ جۇمۇشقا ورۇنداشتىرۇۇ چاراسىنىن زارىل تۇتقاسى قاتارى كۉچۅتۉپ، كۅپ تۉردۉۉ جول ارقىلۇۇ جۇمۇش وردۇ ماالىمات قاينارىن كەڭىرتىپ، جۇمۇش وردۇ ماالىماتىن چوعۇلتۇپ تاراتىپ، اراكەتتە جاڭىلاپ، انسايىن كۅپ جۇمۇش ىزدەگەندەردىن تور ارقىلۇۇ قابىلدانىپ جۇمۇشقا ورۇنداشۇۇسۇن ىشكە اشىرۇۇسۇنا جاردام بەرەبىز». 

تاانىشتىرۇۇعا قاراعاندا، ار قايسى قابىلدووچۇ ورۇندار جانا جۇمۇش ىزدەگەندەر شئنجاڭ ىشكەرلەر تورۇنا چىعىپ جە شئنجاڭ 365 ىشكەرلەر تورۇ شىبىر سۅز جالپىلىق نومۇرۇنا قوشۇلۇپ، قاتتاتىپ، قابىلدوو جە جۇمۇش ىزدۅۅگۅ قاتىشسا بولوت. 

〖2020.03.22-10:34〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز