شئنجاڭ داشكۅل سۇۇ ىشتەرى تۉيۉنۉ قۇرۇلۇشۇ جالپى بەتكەي جۇمۇشتۇ قالبىنا كەلتىردى

2020-03-20 16:09

 شئنجاڭ داشكۅل سۇۇ ىشتەرى تۉيۉنۉ قۇرۇلۇشۇ 3- ايدىن 16- كۉنۉ جالپى بەتكەي جۇمۇشتۇ قالبىنا كەلتىردى. اقسۇ رادىيو- تەلەۋىزىيا ىستانسىياسىنىن قابارچىسى ۋاڭتو، ونسۇ رادىيو- تەلەۋىزىيا ىستانسىياسىنىن قابارچىسى دئڭ اندىن قابارى:

   شئنجاڭ داشكۅل سۇۇ ىشتەرى تۉيۉنۉ قۇرۇلۇشۇ بولسو گوۋۇيۇان بەكىتكەن 172 تۉردۉۉ سۇۇ ۉنۅمدۅۅ، سۇۇ مەنەن قامدوو ورچۇندۇۇ سۇۇ ىشتەرى قۇرۇلۇشۇنۇن بئرى، وشوندوي ەلە قوومدۇق كاپىتال قاتىشقان ورچۇندۇۇ سۇۇ ىشتەرى قۇرۇلۇشۇ جۉرۉشتۉرۉۉ 12 تۉيۉندۅ سىناق قىلۇۇ تۉرۉنۉن بئرى. جۇڭگو گىجوۋبا توبۇ 3- قۇرۇلۇش چەكتۉۉ شەرىكتىگى شئنجاڭ داشكۅل سۇۇ ىشتەرى تۉيۉنۉ قۇرۇلۇشۇنۇن تۉر دىرەكتورۇ لئى دوڭفىي جەرگىلىكتۉۉ ۅكۉمۅتتۉن دىلگىر شايكەشتىرۉۉسۉندۅ، تۉر ەڭ ەلە تەزدىك مەنەن جۇمۇشتۇ قالبىنا كەلتىرۉۉنۉ ىشكە اشىرعانىن ايتىپ مىنداي دەدى: «ازىرعا چەيىن تۉردۅ جۇمۇش وردۇنا كەلگەن قىزماتكەر 118، چوڭ تىپتەگى جابدۇۇ 30 جۉرۉشتۅن اشۇۇن، ۅكۉمۅت جۇعۇشتۇۇ وورۇنۇن الدىن الۇۇ اتايىن باندى قىزماتتاردى شايكەشتىرۉۉگۅ ورۇنداشتىردى، وشونۇ مەنەن بىرگە زور مۅلچۅردۅگۉ ماسكە، ەلەكتىروندۇق تەرمومەتىر، قورعونۇۇ كىيىمى سىياقتۇۇ جۇعۇشتۇۇ وورۇدان قورعونۇۇ زاتتىق ماتەرىيالدارىن قامداپ، ناق مايدان زاتتىق ماتەرىيال جانا قىزماتكەرلەردىن مايدانعا كىرۉۉ جاشىل جولۇن اچىپ، كىشىلەردىن جانا جابدۇۇلاردىن تارتىپتۉۉ تۉردۅ مايدانعا كىرۉۉسۉن شايكەشتىردى».

   شئنجاڭ داشكۅل سۇۇ ىشتەرى تۉيۉنۉ قۇرۇلۇشۇ اقسۇ دايراسى بئرىنچى داراجالۇۇ بۅلۉمچۅ اعىنى قۇمارىق دايراسىنىن ورتو- تۅمۅن اعىنىندا، ونسۇ وودانى مەنەن ۇچتۇرپان وودانىنىن چەك اراسى ىچىنە جايعاشقان، دولبوورلونعون ەڭ چوڭ توعون بىيىكتىگى 247 مەتىر، قۇرۇلۇپ بۉتكۅندۅن كىيىن جىلىنا تارىم دايراسىنا 3 مئلليارت 420 مئلليون كۇپمەتىر ەكولوگىيالىق سۇۇ جەتكىرۉۉسۉ پئلاندالعان، تارىم دايراسى نەگىزگى اعىنى ەكولوگىيالىق چۅيرۅ ابالىن جاقشىلاپ، اعىن چۅلكۅمۉ ىچىندەگى 8 مئلليون مو ايدوو جەردى سۇعاتتووعو ىشتەتىلچۉ سۇۇ جانا تۉشتۉك شئنجاڭداعى 4 ايماق- وبلاستىن ەلەكتىر مەنەن قامدوو ۅكسۉك بولۇۇ ماسەلەسىن باساڭداتات. تۉر جۇمۇشتۇ قالبىنا كەلتىرگەندەن كىيىن، ەڭ زارىل بولعون قووپسۇز سەلدەن ساقتانۇۇ تاشقىندان ۅتۉۉ نئشاانىن ىمەرچىكتەپ، قۇرۇلۇش قىلچۇ جاق قۇرۇلۇش ارىمىن باچىمداتىپ، ۇچۇردا توسمو بولوت چىرپىعى دايىندالىپ، شاعىل ماتەرىيالى تاشىلىپ، تۇپۇراق تۇندۇرۇپ تەگىزدۅۅ سىياقتۇۇ قىزماتتار جالپى بەتكەي جايىلدى. جۇڭگو گىجوۋبا توبۇ 3- قۇرۇلۇش چەكتۉۉ شەرىكتىگى شئنجاڭ داشكۅل سۇۇ ىشتەرى تۉيۉنۉ قۇرۇلۇشۇ ماشقۇلات اتىرەتىنىن باشچىسى جئن گوشئن، تاشقىن مەزگىلى كەلۉۉدۅن مۇردا، سۅزسۉز توسمو توسۇلۇپ بولورۇن ايتىپ مىنداي دەدى: «توسمونۇن ازىر داعى 30 مەتىردەن اشۇۇنۇ بار، توعوندۇن الدىنقى مەزگىلىندەگى بئر بۅلۉگۉ قاتارى، بىيىل 5- ايدىن 20- كۉنۉنۅن مۇردا سۅزسۉز قۇرۇلۇش مۅۅنۅتۉ قۇرۇلۇش مىلدەتىن تاشقىن مەزگىلى جەتىپ كەلۉۉدۅن مۇردا بۉتۉرۉپ بولوبۇز. 

   بىلۉۉگۅ قاراعاندا، 8 مئلليارت 997 مئلليون يۇان جالپى قارجى سالىنعان شئنجاڭ داشكۅل سۇۇ ىشتەرى تۉيۉنۉ قۇرۇلۇشۇ بىلتىر 10- ايدا چىنىعى قۇرۇلۇش باشتاعان، دولبوورلونعون جالپى سۇۇ ساقتاعىچ سىيىمدۇۇلۇعۇ 1 مئلليارت 174 مئلليون كۇپمەتىر، جالپى گەنىراتورلور سىيىمدۇۇلۇعۇ 750 مئڭ كلوۋات، بوجومول مەنەن 2026- جىلى 7- ايدا تۇنعۇچ تۉركۉمدۅگۉ ەكى گەنىراتورلور گۇرۇپپاسى ەلەكتىر تاراتات.

〖2020.03.20-16:09〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز