ۉرۉمچۉدۅگۉ ەس الىپ كۅڭۉل اچۇۇ سورۇندارى قۇيرۇق ۇلاش تئجاراتتى قالىبىنا كەلتىرە باشتادى

2020-03-19 17:39

جۇعۇشتۇۇ وورۇنۇن الدىن الىپ تىزگىندۅۅ قىرداالىنىن سىزىل جاقشىلانۇۇعا قاراي بەت الۇۇسۇنا ەرچىي، ۉرۉمچۉ شاارىنداعى ەس الىپ كۅڭۉل اچۇۇ سورۇندارى قۇيرۇق ۇلاش تئجاراتىن قالىبىنا كەلتىرە باشتادى.ىستانسىيابىز قابارچىسى لئياڭ شۅلئيدىن قابارى:

ۉرۉمچۉ ەل كىنوقاناسىنىن تئجاراتتى قالىبىنا كەلتىرگەندىگى جۅنۉندۅگۉ قاباردى ۇققاندان كىيىن، شاار تۇرعۇنۇ لئيۇ ۋىن دوسۇ مەنەن بىرگە كەلىپ تۉشكۉ ساات ەكىدەگى كىنو بەلەتىن ساتىپ الدى. لئۋۇ ۋىن مىنداي دەيت: چۅنتۅك تەلەفوندون ەل كىنوقاناسىنىن تئجاراتتى قالىبىنا كەلتىرگەنىن ۇققاندان كىيىن، بۉگۉن دوسۇم مەنەن بولجوشۇپ بۇل جەرگە كەلدىم. كەلگەندەن كىيىن كىنوقانانىن جۇعۇشتۇۇ وورۇنۇن الدىن الۇۇ قىزماتىن جۉزۅلۅشتۉرۉپ جاقشى ىشتەگەنىن كۅردۉم.

ۉرۉمچۉ ەل كىنوقاناسىنىن دەرەكتورۇ جاڭ يانچئنىن تاانىشتىرۇۇسۇنا قاراعاندا، كىنوقانا تازالىق جانا جۇعۇشتۇۇ وورۇنۇن الدىن الۇۇ قىزماتىن جاقشى ىشتۅۅ الدىنقى شارتى استىندا، ار كۉنۉ 5 كىنو عانا قويۇۇعا چەك قويعون. ال مىنداي دەيت: كىنوقانا ىچكە بولعون ناقتىلۇۇ جۇعۇشتۇۇ وورۇنۇن الدىن الىپ تىزگىندۅۅ چاراسى جانا الدىن دولبوورۇن تۉزۉپ چىقتى، بئز كىنوقانانىن ار قايسى زالدارى جانا جالپىلىق رايوندورۇن كۉنۉنۅ ۉچ جولۇ دەزىنفىكسىيالايبىز، كىنو زالىنىن شامال ۅتۉشتۉرۉۉسۉ كۉن بويۇ اچىلىپ، شامال ۅتۉشتۉرۉپ تۇرۇۇعا كەپىلدىك قىلىنات. وشونۇ مەنەن قاتار كىنو كۅرۉۉچۉلۅردۉن ماسكە تارتۇۇسۇن، دەنە تەمپەراتۇراسىن ۅلچۅۅگۅ شايكەشۉۉسۉن، كىنوقاناعا كىرگەندەن كىيىن ارالىق ورۇن قالتىرىپ كىنو كۅرۉۉسۉن تالاپ قىلابىز.

كىنوقانالاردان بۅلۅك، ۇچۇردا ۉرۉمچۉ شاارىندا 5 KTV زووققانالارى تئجاراتىن قالىبىنا كەلتىرگەن، قابارچى زىيارات بارىشىندا، بۇل KTV زووققانالارىنىن ىچكە بولعون تازالىق جانا جۇعۇشتۇۇ وورۇنۇن الدىن الۇۇ قىزمات دولبوورۇن تۉزگۅنۉن بايقادى. شئنجاڭ لئيانچۇاڭ ياڭگۇاڭ سوودا قارجى سالۇۇ چەكتۉۉ شەرىكتىگىنىن تئجارات سوودا بويۇنچا باشقى كۅزۅمۅلدۅۅچۉسۉ، KTV زووققاناسىنىن جووپتۇسۇ ياڭ چئيان مىنداي دەيت: تئجارات باشتوونۇن الدىندا چوڭ تازالىق الىپ باردىق، تئجاراتتى قالبىنا كەلتىرگەندەن كىيىن اتايىن ادام ورۇنداشتىرىپ جالپىلىق ورۇندارى انىن ىچىندە ەشىك جانا زالدار، كارىدور، لەفىت، تازالىق بۅلمۅسۉ سىياقتۇۇلاردى دەزىنفىكسىيالادىق، ايرىمقانالارداعى مىكرافون، ىر- مۇزىكا قويۇۇچۇ جابدۇۇلاردىن كۇنۇپكالارىن ماالىندا تازالاپ دەزىنفىكسىيالاپ تۇرابىز، ايرىقچا مىكرافوندۇن بئر جولقۇ چاڭ توسقۇچۇن ماالىندا الماشتىرىپ تۇرابىز.

3- ايدىن 15- كۉنۉنۅن باشتاپ، ۉرۉمچۉدۅگۉ 150 قانچا دەنە تاقشالدىرۇۇچۇ مايدان- سارايلار قۇيرۇق ۇلاش اچىپ جىبەرىلگەن. ۉرۉمچۉ شااردىق دەنە تاقشالدىرۇۇ جانا دەنە سىمباتتاندىرۇۇ قوومۇنۇن ورۇنباسار تۅراعاسى لو جئيانچۉن مىنداي دەيت: دەنە تاقشالدىرۇۇ كىلۇبتارى چوڭ تازالىق الىپ بارىپ، ەشىكتىن الدىندا قىزماتكەرلەر دەنە تەمپەراتۇراسىن تەكشەرىپ، كىشىلەردى تىزمەگە الات. ەشىكتىن الدىندا توپتوشۇپ تۇرۇۇعا بولبويت، مايدان ىچىندە ماشىققاندا ماسكە تارتۇۇ كەرەك.

 

〖2020.03.19-17:39〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز