شئنجاڭدىن حۇبەيگە جاردام بەرۉۉ دارىلوو اتىرەتىنىن تۇنعۇچ تۉركۉمدۅكۉ اتىرەت مۉچۅلۅرۉ جەڭىش مەنەن قايتىپ كەلدى

2020-03-18 12:57

بئر ايدان اشۇۇن جاپالۇۇ كۉرۅشۉۉ ارقىلۇۇ 3- ايدىن 17- كۉنۉ كەچىندە شئنجاڭدىن 2- تۉركۉمدۅكۉ حۇبەيگە جاردام بەرۉۉ دارىلوو اتىرەتىنىن 102 مۉچۅسۉ ۋۇحاندان ۉرۉمچۉگۅ ۇچاق مەنەن قايتىپ كەلدى، بۇل اپتونوم رايونۇبۇزدۇن تۇنعۇچ تۉركۉمدۅكۉ حۇبەيگە جاردام بەرۉۉ بويۇنچا مەدىسىنالىق قۇتقارىپ دارىلوو مىلدەتىن جەڭىش مەنەن بۉتۉرۉپ قايتىپ كەلگەن دارىلوو اتىرەتى ەكەن. اپتونوم رايوندۇق پارتكومدۇن تۇرۇقتۇۇ مۉچۅسۉ، ۉگۉت بۅلۉمدۉن باشچىسى تئيان ۋىن اپتونوم رايوندۇق پارتكوم جانا ۅكۉمۅت اتىنان دارىلوو اتىرەتىندەگىلەردىن امان-ەسەن قايتىپ كەلگەنىن قىزۇۇ قارشى الدى، وشوندوي ەلە كۅپچۉلۉككۅ چىن جۉرۅكتۅن ىراقمات ايتتى ارى ۇلۇۇ ۇرمات بئلدىردى.

تئيان ۋىن مىنداي دەدى: «بئر جاق قىيىنچىلىققا ۇچۇراسا چار تاراپ جاردام بەردى، جاڭىچا تااجى سىمال ۋئرۇس ۅپكۅ سەزگەنىچى جۇعۇشتۇۇ وورۇسۇنا قارشى تۇرۇۇ كۉرۅشۉندۅ كۅپچۉلۉك باش شۇجئى شئى جئنپىڭ مەنەن پارتئيا بوربوردۇق كومىتەتتىن چاقىرۇۇسۇنا ىشتىكتۉۉ ۉن قاتىپ، قۇرمان بولۇۇدان قورقپوي، الدىندا جۉرۉپ، اجالعا اراچى بولۇپ جارالانعانداردى قۇتقازىپ، مىلدەتىن ارقالاپ سالىم قوشۇپ، ۅتۅلگۅ مىلدەتىن جەڭىشتۉۉ اتقارىپ، مەدىتسىنا قىزماتكەرلەرىنىن مەەرىمدۉۉ اسىل رۇحۇن جانا جاڭى دوور دارىلوو قىزماتكەرلەرىنىن جاقشى وبىرازىن بەينەلەپ، حۇبەيدى، ۋۇحاندى قورعوو چابۇۇلۇندا چەچكىن جەڭىشكە جەتۉۉسۉنۅ زارىل سالىم قوشتۇڭار! سىلەر چىنىعى بااتىرسىڭار، جاڭى دووردۇن ەڭ سۉيۉكتۉۉ كىشىلەرسىڭەر، حۇبەيگە جاردام بەرۉۉ مەزگىلىندە جولدوشتور اقىيقات جولۇنان قايتپاي، كۉندۉ تۉنگۅ ۇلاپ، ۅلۉمدۅن تايمانباي، قايراتتۇۇلۇق مەنەن كۉرۅش قىلىپ، چابۇۇل چەبىندەگى بەكەم تۉركۉكتۉك رولۇڭاردى كۅرسۅتتۉڭۅر. بۉگۉن كۅپچۉلۉك تىنىچ امان ۉيگۅ قايتىپ كەلدىڭەر، مەن جولدوشتوردۇن چوردووندۇ ۅرگۉپ ەس الۇۇ تۉيۉنۉندۅ ماانايدى تەسكەپ، جاقشى ەس الىپ، داعى دا كۅتۅرۉڭكۉ كۉرۅش قىلۇۇ قايراتى مەنەن كىيىنكى قىزماتتارعا كىرىشىپ، بۉت اپتونوم رايونۇبۇزداعى ار ۇلۇت ەلىنىن ۅمۉر قووپسۇزدۇعۇ جانا دەن- سولۇعۇنا ىشتىكتۉۉ سالىم قوشۇۇڭاردى ۉمۉت قىلام».

 

بىلۉۉگۅ قاراعاندا، بەش ايماق، وبىلاس، شاارداعى كۅپتۅگۅن دارىلوو اپپاراتتارىنىن باپەستەچۉۉلۅرۉنۅن قۇرالعان بۇل دارىلوو اتىرەتى 2- ايدىن 4- كۉنۉ ۉرۉمچۉدۅن اتتانىپ ۋۇحانعا بارىپ، نەگىزىنەن ۋۇحان كىتئڭ فاڭساڭ دوقتۇرقاناسىندا قۇتقارىپ دارىلوو قىزماتىن قۇلاچ جايىلتىپ، «ماملەكەتتىك سالاماتتىق ساقتوو دەن- سولۇق سىستەماسىنىن جاڭىچا تااجى سىمال ۋئرۇس ۅپكۅ سەزگەنىچى جۇعۇشتۇۇ وورۇنۇن الدىن الىپ تىزگىندۅۅ قىزماتىندا وزوت كوللەكتىپ» اتاعىنا ەە بولعون. 

 

وشول كۉنۉ شئنجاڭ ۅندۉرۉش قۇرۇلۇش بىڭتۇانى چۇقۇل مەدىسىنالىق نىشااندۇۇ قۇتقارىپ جاردام بەرۉۉ اتىرەتىنىن 74 دارىلوو باپەستۅۅ قىزماتكەرلەرى وور تابىشتوونۇ جەردە قويبوي جاردام بەرۉۉ مىلدەتىن اتقارىپ، جەڭىشتۉۉ قايتىپ كەلدى.

 

 

〖2020.03.18-12:57〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز