قووپتۇۇ ابالدا بۇيرۇق بويۇنچا وور مىلدەتتى ۉستۉنۅ الىپ، پارتئيا مۉچۅسۉنۉن ۉلگۉلۉۉ رولۇن كۅرسۅتۉپ بااتىردىق مەنەن اتتاندى

2020-03-17 17:06

جاڭىچا تااجى سىمال ۋئروس ۅپكۅ سەزگەنچى جۇعۇشتۇۇ وورۇسۇ كۅرۉلگۅندۅن كىيىن، ۉرۉمچۉ ەل ارالىق دوقتۇرقاناسى چۇقۇل دارىلوو بۅلۉمۉنۉن مۇدۇرۇ ۋاڭ يانجۉن ەتى ىسىعانداردى مۉنۅزدۅۅ وردۇنۇن ۇباقتىلۇۇ مۇدۇرلۇق مىلدەتىنە قويۇلدۇ، ال اراكەتى ارقىلۇۇ بئر كومپارتىيا مۉچۅسۉنۉن جووپكەرچلىگى مەنەن ۉستۉنۅ الۇۇسۇن چەچمەلەدى. ىستانسىيابىز قابارچىسى رىن چئچاۋنۇن بۇل جۅنۉندۅكۉ قابارى:

بۇل بئر قانچا كۉندۅ، ۋاڭ يانجۉن جوعورۇ قان باسىم، بۅيرۅك جۅندۅمۉ السىزداشقان وور نووقاستان بئر قانچانى قابىلداپ، انىن ماالىندا دارىلووسۇ مەنەن، نووقاستاردىن ابالى جاقشىلانعان. ۋاڭ يانجۉن مىنداي دەدى: «ەكى كۉندۅن بەرى الاردى تۉيۉندۉۉ تەز قۇتقارىپ جاتابىز، ۅنۉمۉ چىنىندا جاقشى بولدۇ، بۉگۉن قىيلا ۅڭۉنۅ چىعىپ، جاقشى بولۇپ قالىشتى.»

بىيىل 42 جاشتاعى ۋاڭ يانجۉن، جۇعۇشتۇۇ وورۇنۇن الدىن الىپ تىزگىندۅۅ بئرىنچى چەبىندە 50 قانچا كۉن كۉرۅش جاساعان، مىنا ۇشۇنداي ۇزۇنعا چەيىن بەكەم تۇرۇپ ىشتۅۅ ال جۅنۉنۅن ايتقاندا، ارى سىناق، ارى تاسىعۇۇ. ال مىنداي دەدى: «مەيلى جەكە پىسحىكالىق كۅتۅرۉمدۉۉلۉك جاعىنان بولسۇن، جە كىلىنىكالىق تەحنىكا دەڭگەلىم جاعىنان بولسۇن، باارى بئر تۉردۉۉ جووپكەرچىلىك سانالات. كىيىن كەلگەن نووقاستار بولسۇن، جە ىشتەر بولسۇن، باارى جاقشىلانعانداي سەزىلدى.»

ۉرۉمچۉ ەل ارالىق دوقتۇرقانا اپتونوم رايونۇبۇزداعى ەتى ىسىعانداردى مۉنۅزدۅپ دارىلوو اپاراتتارىنىن بئرى بولۇپ، 1- ايدىن 24- كۉنۉ، ۋاڭ يانجۉن دوقتۇرقانانىن قۇلاقتاندىرۇۇسۇن تاپشىرىپ الىپ، توبۇنداعىلاردى باشتاپ ەتى ىسىعانداردى مۉنۅزدۅۅ وردۇن قۇرعان. 16 جىلدىق چۇقۇل دارىلوو قىزمات تاجىرىيباسىنا ەە ۋاڭ يانجۉن داروو 21 دارىلوو قىزماتكەرى مەنەن بىرگە جوسپورلوپ، ورۇنداشتىرىپ تەسكەپ، بەلگى لئنىيالاردى ورۇنداشتىرىپ، دارىلوو جابدۇۇلارىن ۅتۉنۉچ قىلىپ، چۇقۇل تەڭ تايلاش تۇرۇۇ الدىن دولبوورۇن تۉزۉپ چىعىپ، 24 ساات ىچىندە ەتى ىسىعانداردى مۉنۅزدۅۅ وردۇن قۇرۇپ ىشكە كىرىشتىرگەن. ال مىنداي دەدى: « چىنىن ايتسام وشوندو قادىكسىندىم، بئر جاعىنان دارىلاپ، بئر جاعىنان تارتئپ بويۇنچا باسىپ، بئر-بىردەن كەمەلدەندىردىك، مىندا دارىلوو جولۇندا قانداي باسۇۇ كەرەك، نووقاستار قانداي باسات، نووقاستاردى قابىلداپ وورۇ مۉنۅزدۅگۅندۅ قانداي بئر جاڭسىل قىلابىز دەگەندەردى قامتىيت، باارىن بئر-بىردەن ىزىكتەپ ۉيرۅندۉك.»

ەتى ىسىعانداردى مۉنۅزدۅۅ وردۇ ىشكە كىرىشتىرىلگەندەن كىيىن، ۋاڭ يانجۉن دوقتۇرقانانىن ەتى ىسىعان نووقاستار رايونۇن جانا ICUنۇ قۇرعان. كۉندۉزۉ ال نووقاستاردى ىرەتكە تۇرعۇزۇپ تەكشەرىپ، وورۇ ابالىن ەستەلىككە الىپ، كەچىندەسى ۇنۇۋەرسال بۅلۉمدۅردۉ ۇيۇمداشتىرىپ چوعۇۇ وورۇ مۉنۅزدۅپ، دارىلوو دولبوورۇن بەكىتىپ، ار كۉنۉ 10 قانچا سااتتان ىشتەپ، بەتى باشى «قارارىپ» كەتكەن. 22 جاشتۇۇ چۉ لئپئڭ، ۋاڭ يانجۉندۉن توبۇنداعى جاشى ەڭ كىچىك سەستىرا، انىن نازارىندا، ۋاڭ يانجۉن قىزماتتى ۇرماتتاي تۇرعان، ارى ارقالوونۇ ۉستۉنۅ العان، تۇرمۇشتا قىزماتتاشتارىنا قامقوردۇق قىلىپ كۉيۉنۅ تۇرعان، ارى مۇعالىمگە وقشوش، ارى اتاسىنا وقشوش كىشى. چۉ لئپئڭ مىنداي دەدى: «ەسىمدە ەڭ انىق قالعانى، بئرىنچى ىرەت تەز قۇتقارۇۇعا كىرىپ، چىققاندان كىيىن، ال ماعا: تەز قۇتقارۇۇعا كىرگەندە شاشىپ كەتبە اقىرىن كەل، مۇنۇن مەكتەپتە ۉيرۅنگۅنۉڭ مەنەن ەچ قانداي ايرىماسى جوق دەدى. چىنىندا سالىم قوشۇۇ رۇحۇ بار، ماعا بولعون تااسئرى داعى قىيلا چوڭ بولدۇ.»  

پارتئياعا كىرگەن 10 جىلدان بەرى، ۋاڭ يانجۉن ار ۇباقىت پارتئيا مۉچۅسۉنۉن ۅلچۅمۉ بويۇنچا ۅزۉنۅ قاتۇۇ تالاپ قويۇپ، قىزماتتى جان كۉيدۉرۉپ ىشتەپ، ۅزۉنۅ قاتاڭ تالاپتا بولۇپ كەلدى. ال مىنداي دەدى: «پارتئيا مۉچۅسۉ قاتارى، العىلىقتۇۇ ۇچۇردا ەڭ الدى مەنەن چابۇۇلعا ۅتۉۉ كەرەك. جۇعۇشتۇۇ وورۇ اقىرلاشقاندان كىيىن، بئز داعى ەلە پارتئيا مۉچۅسۉنۉن سالاقاتى مەنەن ار بئر نووقاسقا انسايىن جاقشى تەيلۅۅ جۉرگۉزۅبۉز.»

〖2020.03.17-17:06〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز