لئى پىڭشئن ۉرۉمچۉ 1-اۋعۇست ورتو مەكتەبى، ۉرۉمچۉ شااردىق 13-ورتو مەكتەپتە تەكشەرىپ ىزىلدۅۅدۅ بولدۇ

2020-03-17 12:56

لئى پىڭشئن ۉرۉمچۉ 1-اۋعۇست ورتو مەكتەبى، ۉرۉمچۉ شااردىق 13-ورتو مەكتەپتە تەكشەرىپ ىزىلدۅۅدۅ بولعوندو، مەكتەپتەردىن جۇعۇشتۇۇ وورۇنۇن الدىن الىپ تىزگىندۅۅسۉندۅ مۉلدۅ چەكىلىك كەتىربۅۅ جانا اعارتۇۇ وقۇتۇۇنۇن قووپسۇز تارتىپتۉۉ بولۇۇسۇنا چەچكىن چىنىعى كەپىلدىك قىلۇۇنۇ باسا كۅرسۅتتۉ

   3-ايدىن 16-كۉنۉ تۉشتۅن مۇرۇن، اپتونوم رايوندۇق پارتكومدۇن ورۇن باسار شۇجئسى، اعارتۇۇ قىزماتى كومىتەتىنىن شۇجئسى لئى پىڭشئن ۉرۉمچۉ 1-اۋعۇست ورتو مەكتەبى، ۉرۉمچۉ شااردىق 13-ورتو مەكتەپتە تەكشەرىپ ىزىلدۅۅدۅ بولعوندو مىنا بۇلاردى باسا كۅرسۅتتۉ: پارتئيا بوربوردۇق كومىتەتتىن جۇعۇشتۇۇ وورۇنۇن الدىن الىپ تىزگىندۅۅ جانا ەكونومىكا قووم ۅنۉگۉۉسۉن بئر جۅڭكۉ جوسپورلوپ جاقشى ىشتۅۅ جۅنۉندۅكۉ ساياسات بەلگىلۅۅ، ورۇنداشتىرۇۇلارىن قۇنت قويۇپ ىزچىلدەشتىرىپ، اپتونوم رايوندۇق پارتكومدۇن قىزمات تالابىن جۉزۅلۅشتۉرۉپ، جازعى وقۇۇ مەزگىلىندەكى وقۇۇ باشتاپ، ساباقتى قالبىنا كەلتىرۉۉنۉن تۉردۉۉ قىزماتتارىن مىقتۇۇ ىشتەپ، مەكتەپتەردىن جۇعۇشتۇۇ وورۇنۇن الدىن الىپ تىزگىندۅۅسۉندۅ مۉلدۅ چەكىلىك كەتىربۅۅ جانا اعارتۇۇ وقۇتۇۇنۇن قووپسۇز تارتىپتۉۉ الىپ بارىلۇۇسۇنا چەچكىن چىنىعى كەپەلەتتىك قىلۇۇ كەرەك.

  لئى پىڭشئن دەنە تەمپىراتۇراسىن دىلگىر ۅلچۅتكۅندۅن كىيىن، مەكتەپتىن قول باشچىلىق قىلۇۇ بوربورۇ، وقۇتۇۇ بئناسى، اشقانا، دارىلوو ۉيۉ سىياقتۇۇلارعا تەرەڭدەي كىرىپ، جۇعۇشتۇۇ وورۇنۇن الدىن الىپ تىزگىندۅۅ، ساباققانا وقۇتۇۇسۇ، وقۇتۇۇچۇ-وقۇۇچۇلاردىن جاتاعى وشوندوي ەلە جۇعۇشتۇۇ وورۇنۇن الدىن الۇۇ زاتتىق ماتەرىيالداردى زاپاس داياردوو سىياقتۇۇ جاقتارداقى ابالداردى جان-جاقتىلۇۇ تۉشۉنۉپ بئلدى. ال تولۇق ورتو 3-جىلدىق، تولۇقسۇز ورتو 3-جىلدىقتاقى وقۇۇچۇلاردى چىمىرقانا ۉيرۅنۉپ، كەزمەتتى قولدون بەربەي، چەچكىن تۉردۅ جۇعۇشتۇۇ وورۇ كەچەندەتكەن ۇباقىتتى تولۇقتاپ، وزوت ناتىيجا مەنەن جوعورۇ وقۇۇ جاي سىنووسۇ، تولۇق ورتوعو ۅرلۅۅ سىنووسۇن ۇتۇرلاپ الۇۇعا چابىتتاندىردى.

  لئى پىڭشئن مىنداي دەپ باسا كۅرسۅتتۉ: جاقىنقى مەزگىلدەن بەرى بۉت شئنجاڭدىن جۇعۇشتۇۇ وورۇنۇن الدىن الىپ تىزگىندۅۅ قىرداالى سىزىل جاقشىلانىپ، ۅندۉرۉش تۇرمۇش تارتئبى جالپى بەتكەي نورمال قالبىنا كەلىپ، تولۇق ورتو 3-جىلدىق، تولۇقسۇز ورتو 3-جىلدىقتاقى وقۇۇچۇلاردىن ەڭ الدى مەنەن وقۇۇ باشتاپ، ساباقتى قالبىنا كەلتىرۉۉسۉنۅ پايدالۇۇ شارت تۉزۉلدۉ. جەر-جەرلەردەكى ارقايسى مەكتەپتەر جوعورۇ داراجاداقى جووپكەرچىلىك سەزىمى جانا مىلدەت سەزىمى مەنەن، جۇعۇشتۇۇ وورۇنۇن الدىن الىپ تىزگىندۅۅ جانا اعارتۇۇ وقۇتۇۇنۇن تۉيۉندۉۉ قىزماتتاردىن بئر جۅڭكۉ جوسپورلوپ جاقشى ىشتەپ، وقۇتۇۇچۇ-وقۇۇچۇلاردىن قووپسۇزدۇعۇن سالاماتتىعىن چەچكىن قورعوپ، مەكتەپتەردىن وموقتۇۇلۇعۇن قورعوپ، تىنچ امان وقۇۇ باشتاپ، ساباقتاردى شىدىر قالبىنا كەلتىرۉۉگۅ چىنىعى كەپەلەتتىك قىلۇۇسۇ كەرەك.

  لئى پىڭشئن مىنا بۇلاردى باسا كۅرسۅتتۉ: ار ۇلۇت وقۇتۇۇچۇ-وقۇۇچۇلارىنىن ۅمۉر قووپسۇزدۇعۇ جانا دەنە سالاماتتىعىن بئرىنچى ورۇنعا قويۇپ، مەكتەپتەردىن جۇعۇشتۇۇ وورۇنۇن الدىن الىپ تىزگىندۅۅ قىزماتىن مۉلدۅ بوشوشبوي بەكەم قارموو كەرەك. «اپتونوم رايوندۇن ورتو-باشتالعىچ، ورتو داراجالۇۇ كەسىپتىك مەكتەپتەردىن جاڭىچا تااجى سىمال ۋئرۇس ۅپكۅ سەزگەنچى جۇعۇشتۇۇ وورۇسۇنۇن الدىن الىپ تىزگىندۅۅ چارا كۅرسۅتكۉچۉنۉن (سىناق نۇسقاسى)«نا قۇنت قويۇپ سالىشتىرىپ، مەكتەپتەردىن كۉتۉۉسۉز كۅرۉلگۅن جالپىلىق سالاماتتىقتى ساقتوو وقۇياسىنا تەڭ تايلاش تۇرۇۇ الدىن دولبوورۇن جانا مەكتەپتەردىن جۇعۇشتۇۇ وورۇنۇن الدىن الىپ تىزگىندۅۅدۅكۉ ارقايسى تۉزۉمدۅرۉن تۉزۉپ چىعىپ كەمەلدەندىرىپ، قاپشاپ كۅمۅسكۉ وپۇرتالداردى جالپى بەتكەي سىدىرا تەكشەرىپ، الدىن الىپ تىزگىندۅۅ بىلىمدەرىن ۉگۉتتۅپ تاربئيا الىپ بارۇۇنۇ قۇنت قويۇپ قۇلاچ جايدىرۇۇ كەرەك. مەكتەپتەردىن جۇعۇشتۇۇ وورۇ ابالىن ىيكەمدۉۉ كۉزۅتۉپ تەكشەرۉۉنۉ كۉچۅتۉپ، وقۇتۇۇچۇ-وقۇۇچۇلاردىن دەنە تەمىپىراتۇراسىن ۅلچۅۅ، دىزەنفەكسىيالووسۇن قاتاڭ اتقارىپ، كىلاس، جاتاق، اشقانا سىياقتۇۇ كىشىلەر تىعىز چوعۇلاتۇرعان چۅلكۅمدۅر جانا تۉيۉندۉۉ بۅلۉكتۅردۉ دىزەنفەكسىيالوو، ابا الماشتىرۇۇ سىياقتۇۇ قىزماتتاردى بەكەم قارموو كەرەك. وقۇتۇۇچۇ-وقۇۇچۇلاردىن زارىل بولعون الدىن الىپ قورعونۇۇسۇن جاقشى ىشتەپ، چوعۇۇ تاماقتانۇۇ جانا چوعۇلۇۇ مۉنۅزدۉۉ قىيمىلداردان ساقتانۇۇ كەرەك.

  لئى پىڭشئن مىنا بۇلاردى باسا كۅرسۅتتۉ: ئلمىي بئر جۅڭكۉ جوسپورلوپ، اعارتۇۇ وقۇتۇۇ قىزماتىن بايسالدۇۇ تارتىپتۉۉ جاقشى ىشتۅۅ كەرەك. وقۇتۇۇ پئلانىن تەسكەپ قىلداشتىرىپ، وقۇۇچۇلاردىن ۉيۉندۅ تۇرۇپ ۉيرۅنۉۉسۉ مەنەن چىركەشتىرۉۉنۉ جاقشى ىشتەپ، وقۇتۇۇ ساپاتىنا كەپىلدىك قىلۇۇ كەرەك. وقۇتۇۇچۇ، وقۇۇ ماتەرىيالدارى، كىلاس سىياقتۇۇ وقۇتۇۇ بايلىقتارىن جۉزۅلۅشتۉرۉپ، ارقا چەپ قامتاماسىزداندىرۇۇسۇن كۉچۅتۉۉ كەرەك. وقۇتۇۇچۇ-وقۇۇچۇلاردىن ئدىيا- ساياسئي قىزماتىن جاقشى ىشتەپ، الاردى «تۅرت تاانىمدى» كۉچۅتۉپ، «تۅرتتۅ ۅزۉنۅ ىشەنۉۉ»نۉ بەكەمدەپ، «ەكىنى قورعوو»نۇ جاقشى اتقارۇۇعا جەتەكتۅۅ كەرەك. كۅڭۉل بۅلۉپ قامقوردۇق كۅرسۅتۉۉنۉ كۉچۅتۉپ، وقۇتۇۇچۇ- وقۇۇچۇلاردىن دەنەلىك جانا پىسحىك سالاماتتىعىنا چىنىعى كەپەلەتتىك قىلۇۇ كەرەك. جەر-جەرلەردەكى ارقايسى مەكتەپتەر تولۇق ورتو 3-جىلدىق، تولۇقسۇز ورتو 3-جىلدىق وقۇۇچۇلارىنىن وقۇۇ باشتوو قىزماتىن جاقشى ىشتۅۅ نەگىزىندە، جالپى بەتكەي وقۇۇ باشتاپ ساباقتى قالبىنا كەلتىرۉۉ قىزماتىن بەكەم قارماپ ورۇنداشتىرىپ، جۉزۅلۅشتۉرۉپ، جۇعۇشتۇۇ وورۇنۇن الدىن الۇۇنۇن ناقتاشۇۇسۇنا، مەكتەپتەردىن قووپسۇز، وقۇتۇۇ تارتىپتۉۉ الىپ بارىلۇۇسۇنا چىنىعى كەپەلەتتىك قىلۇۇ كەرەك.

   

  لئى پىڭشئن مىنا بۇلاردى باسا كۅرسۅتتۉ: جەر- جەرلەردەكى ارقايسى قاتىشتۇۇ تارماقتار ۇيۇمدۇق جەتەكچىلىكتى كۉچۅتۉپ، جووپكەرچىلىكتى بەكەمدەپ-چىڭداپ، قىزمات بىرىكمە كۉچۉن قالىپتاشتىرىپ، جازعى وقۇۇ مەزگىلدەگى اعارتۇۇ وقۇتۇۇ قىزماتىنىن جاقشى باشتالىشىن ىشكە اشىرىپ، ئش جۉزۉندۉك اراكەت ارقىلۇۇ ار ۇلۇت قالقىن كۉتكۅن ۉمۉتۉنۅ جووپ قايتارۇۇ كەرەك.

  اپتونوم رايوندۇن ورۇن باسار تۅراعاسى رىن حۇا تەكشەرىپ ىزىلدۅۅدۅ بىرگە بولدۇ.

〖2020.03.17-12:56〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز