كەمتىكتەردى جانا السىز تۉرلۅردۉ تولۇقتاپ، تۉزۉمدۅگۉ قورعونۇۇ چەبىن بەكەمدەپ، چوڭ سىنوودو تولۇمدۇۇ جووپ قاعازىن تاپشىرابىز

2020-03-14 12:28

كەمتىكتەردى جانا السىز تۉرلۅردۉ تولۇقتاپ، تۉزۉمدۅگۉ قورعونۇۇ چەبىن بەكەمدەپ، چوڭ سىنوودو تولۇمدۇۇ جووپ قاعازىن تاپشىرابىز 

جاقىنقى كۉندۅردۅن بەرى، باش شۇجئى شئى جئنپىڭدىن حۇبئي ۋۇحاندا جۇعۇشتۇۇ وورۇنۇن الدىن لىپ تىزگىندۅۅ قىزماتىن تەكشەرگەندە سۉيلۅگۅن زارىل سۅزۉ اپتونوم رايونۇبۇزداعى كادىر، قالق اراسىندا كۉچتۉۉ تااسئر قوزعودۇ. كۅپچۉلۉك ارت- ارتىنان: داعى دا قاتاڭ ئستىل، داعى دا ئش جۉزۉندۉك ئش- چارالار ارقىلۇۇ پارتئيا بوربوردۇق كومىتەتىنىن ساياسات بەلگىلۅۅ ورۇنداشتىرۇۇلارىن جۉزۅلۅشتۉرۉپ، ناقتاشتىرىپ، كەمتىكتەردى جانا السىز تۉرلۅردۉ تولۇقتاپ، تۉزۉمدۅگۉ قورعونۇۇ چەبىن بەكەمدەپ، چوڭ سىنوودو تولۇمدۇۇ جووپ قاعازىن تاپشىرابىز،- دەپ بئلدىرىشتى. ەمى ىستانسىيابىزدىن ۇنۋەرسال قابارى نازارىڭىزداردا:

 باش شۇجئى شئى جئنپىڭ ۋۇحاندا تەكشەرۉۉدۅ بولعوندو: الىسقا نازار سالىپ، تاجىرىيبا ساباقتاردى قورۇتۇندۇلاپ، باشقارۇۇ سىستەماسىنداعى كەمتىكتەر جانا السىز تۉرلۅردۉ تولۇقتاپ، ەلدىن ۅمۉر قووپسۇزدۇعۇ جانا دەنە سالاماتتىعىن قامتاماسىزداندىرۇۇنۇن تۉزۉم قورعونۇۇ چەبىن بەكەمدۅۅ كەرەك،- دەپ باسا بەلگىلەدى. بۇعا قاراتا، اپتونوم رايوندۇق پارتكوم پارتئيا مەكتەبىنىن ساياسى كافەدىراسىنىن ورۇنباسار مۇدۇرۇ، دوتسەنتى حۇ چىنفاڭ مىنداي دەپ قارادى: باش شۇجئى شئى جئنپىڭدىن زارىل جول- جوبوسۇ پارتئيابىزدىن ەلدىن سالاماتتىعىنا ۅسكۅلۅڭ جووپتۇ بولعون مەيرىمدۉۉلۉگۉ جانا كۅتۅرۉمدۉۉلۉگۉن تولۇق تۇيۇنتۇپ، كىيىنكى قادامداعى جۇعۇشتۇۇ وورۇنۇن الدىن الىپ تىزگىندۅۅ قىزماتىن تۉرتمۅكتۅپ جانا جاقشىرتىپ، ەلدىن ۅمۉرۉ جانا سالاماتتىعىنىن قووپسۇزدۇعۇن قورعوونۇ زارىل مويۇن سۇنۇۇ پئرىنسبى مەنەن قامدادى. ال مىنداي دەدى: «مىندان ارى نەگىزگى قاتماردىن زاكون بويۇنچا باشقارۇۇسۇن كۉچۅتۉپ، نەگىزگى قاتماردىن ئلىم- تەحنىكانى تىرەك قىلۇۇ قۇرباتىن جوعورۇ كۅتۅرۉپ، جاساندى اقىل جۅندۅم، رايون تىلكە جالعانۇۇسۇ سىياقتۇۇ ازىرقى زامان ئلىم- تەحنىكاسىنىن ەڭ جاڭى جەتىشكەندىكتەرىن قوومدۇق باشقارۇۇ مەنەن تەرەڭ جۇۇرۇلۇشتۇرۇپ، قوومدۇ باشقارۇۇ جانا تەيلۅۅ دەڭگەەلىن جاقشىلاپ، نەگىزگى قاتماردىن قوومدۇ باشقارۇۇ بەرەكەتىن ۉزگۉلتۉكسۉز جوعورۇ كۅتۅرۉۉ كەرەك».

باش شۇجئى شئى جئنپىڭ ار داراجالۇۇ پارتئيا ۇيۇمدارى جانا قالىڭ پارتئيا مۉچۅلۅرۉ، كادىرلاردىن العاچقى مۉدۅۅنۉ ۇنۇتپاي، ىيىق مىلدەتتى ەستە بەكەم ساقتاپ، جووپتۇلۇقتۇ ارقالاپ، سىناقتاردان ۅتۉپ، ۇشۇل چوڭ سىنوودو جووپكەرچىلىكتى ارقالوو باتىلدۇۇلۇعۇن، ئلىمىي الدىن الىپ تىزگندۅۅدۅگۉ پاراساتتى، بئر كەلكى جوسپورلوپ باارىنا تەڭ ماانئى بەرۉۉدۅي اقىلماندۇۇلۇقتۇ، ۇيۇمداشتىرىپ جولعو قويۇۇ جۅندۅمۉن جەتىلدىرىپ، جووپكەرچىلىك بولۇۇ، جووپكەرچىلىكتى تىنعىلىقتۇۇ اتقارۇۇنۇ ىشكە اشىرۇۇنۇ تالاپ قىلعان. شئنجاڭدان 3- تۉركۉمدۅ حۇبىيگە جاردامعا بارعان دارىلوو اترەتى ۇباقتىلۇۇ دارىلوو ىشەرى بۅلۉمۉنۉن مۇدۇرۇ لئيۇ جئيا مىنداي دەدى: «كۉندۅلۉك قىزماتتاردا قانچا قىيىن بولعون، قىيىندىق داراجاسى زور بولعون قىزماتتاردا، پارتئيا مۉچۅلۅرۉبۉز اۋانگارتتىق، ۉلگۉلۉك رولۇن وشونچو كۅرسۅتۉۉلۅرۉ كەرەك. حۇبىيدەگى جۇعۇشتۇۇ وورۇنۇن بەرەكەتتۉۉ تىزگىندەلىشىنە ەەرچىي، بئز داعى دا قايراتتانىپ، قىيىنچىلىقتان تايسالداباي، مۉلدۅ بوشوشپوي، ۇشۇل بئر مايدان جۇعۇشتۇۇ وورۇنۇن جويۇۇ كۉرۅشۉندۅ چەچكىن جەڭىشكە جەتۉۉبۉز كەرەك».

اپتونوم رايوندۇق قوومدۇق قامسىزداندىرۇۇنۇ باشقارۇۇ مەكەمەسى كەسپتىك بۅلۉمۉنۉن مۇدۇرۇ فئي گاڭ مىنداي دەدى: «باش شۇجئى شئى جئنپىڭ: جۇعۇشتۇۇ وورۇنۇن الدىن الىپ تىزگىندۅۅ جانا ەكونومىكا قوومدۇ ۅنۉكتۉرۉۉ قىزماتىن بئر كەلكى جوسپورلوپ جاقشى ىشتۅۅ ــ بئزدىن ازىرقى جانا مىندان كىيىنكى بئر مەزگىلدەگى ەڭ ەلە قىچاپ تۇرعان ارى وروشون مىلدەتىبىز،- دەپ باسا بەلگىلەگەن. ۇچۇردا، بئزدىن قوومدۇق قامسىزادندىرۇۇ قىزماتىبىزدىن ەڭ نەگىزگى مىلدەتى ــ كەرقانالاردىن قوومدۇق قامسىزداندىرۇۇ جانا جۇمۇشسۇزدۇق قامسىزداندىرۇۇ اقىسىن باسقىچ مۉنۅزدۉۉ ازايتىپ، كەچىرىم قىلىپ كەرقانالارعا جاردام بەرۉۉ ساياساتىن تەز ارى ماالىندا ناقتاشتىرىپ جۉزۅلۅشتۉرۉپ، ارحئپ تۇرعۇزۇپ كارتا بۉتۉرۉلگۅن كەمباعال جان سانىنىن قامسىزداندىرۇۇعا تىيىشتۉۉلۅرۉن قالتىرباي قامسىزداندىرۇۇ قىزماتىن جۉزۅلۅشتۉرۉۉنۉ سىزىل جىلىشتاتىپ، جاڭىدان كۅبۅيگۅندۅردۉ قىيمىلدۇۇ ابالدا نۅلگۅ تۉشۉرۉپ، ەكونومىكا قوومدۇن ۅنۉگۉۉسۉن قالبىنا كەلتىرۉۉ، جۇمۇشتانۇۇنۇ تۇرۇقتۇۇ قىلۇۇ جانا كەڭەيتۉۉنۉ قولدوو ۉچۉن سالىم قوشوبۇز».)

بورتالا شااردىق پارتكوم ۉگۉت بۅلۉمۉنۉن چىندئل شاارچاسى تامعىن زەنگى قىشتاعىندا تۇرۇشتۇۇ «ەل ابالىن بىلۉۉ، ەلگە نارپ جەتكىرۉۉ، ەل كۅڭۉلۉن الۇۇ» قىزمات اترەتىنىن ورۇنباسار باشچىسى باي يانان، اسىل ئستىل ارقىلۇۇ «قالقتىن تالامىندا مايدا ئش جوق» دەگەن ايباتتۇۇ ۇبادانى ئش جۉزۉندۅ كۅرسۅتۉپ، تۉردۉۉ الدىن الىپ تىزگىندۅۅ قىزماتتارىن ەچ قاچان بوشوتۇرباي بەكەم، مىقتى، ىچكەلەي قارموو كەرەكتىگىن بئلدىرىپ مىنداي دەدى: «جۇعۇشتۇۇ وورۇ بئز ۉچۉن العاندا بئر مايدان قىينوو بولدۇ، وشوندوي ەلە بئر ىرەتكى اتاانداشتىق بولدۇ. قالق قىزماتىن تەرەڭدەي ساراپتاپ جاقشى ىشتەپ، قالق الدىن الىپ قالق تىزگىندۅۅدۅن تۇرعان ەلدىك قورعونۇۇ چەبىن قالىپتاندىرۇۇبۇز كەرەك. قىزمات وردۇبۇزدان جىلباي، نەگىزگى قاتماردا جۇعۇشتۇۇ وورۇنۇن الدىن الىپ تىزگىندۅۅنۉن تۉردۉۉ چارالارىن جاقشى جۉزۅلۅشتۉرۉپ، قالق مەنەن بئر نەەتتە ورتوق كۉچ چىعارىپ ۇشۇل بئر مايدان ەلدىك سالعىلاشۇۇدا جەڭىپ چىعۇۇبۇز كەرەك».

حوتەن شاارى نۇرباق كۅچۅسۉ ۉرۉمچۉ تۉندۉك جولۇ قوومدۇق قونۇشۇنۇن كادىرى گۉلقىز ايۇپ مىنداي دەدى: «باش شۇجئى: قوومدۇق قونۇشتۇن جۇعۇشتۇۇ وورۇنۇن الدىن الىپ تىزگىندۅۅدۅگۉ زارىل رولۇن تولۇق كۅرسۅتۉۉ كەرەك،- دەپ كۅرسۅتتۉ. قوومدۇق قونۇشتۇن كادىرى قاتارى، جۇعۇشتۇۇ وورۇنۇن الدىن الىپ تىزگىندۅۅ قىزماتىن جاقشى ىشتەپ، ار قايسى ورۇندار، ار قايسى چاقان قونۇشتاردىن مەكەن سۉيۅردۉك تازالىق قىيمىلىن ۇيۇمداشتىرىپ، قالقتىن قىيىنچىلىق تالاپتارىن جىينارپ چەچىپ، قوومدۇق قونۇشتۇن تەيلۅۅ مەنەن قامتاماسىزداندىرۇۇسۇن جاقشى جۉزۅلۅشتۉرۅبۉز».

باش شۇجئى شئى جئنپىڭ: فورماچىلدىق، تۅرۅچۉلۉكگۅ چەچكىن قارشى تۇرۇپ، نەگىزگى قاتمار كادىرلارىنىن داعى دا كۅپ زەەنىن جۇعۇشتۇۇ وورۇنۇن الدىن الىپ تىزگىندۅۅنۉن بئرىنچى چەبىنە جۇمشوو كەرەك. قالىڭ پارتئيا مۉچۅلۅرۉ، كادىرلاردى قووپتۇ ۇچۇردا الدىعا سۇۇرۇلۇپ چىعىپ، بااتىردىق مەنەن كۉرۅشۉۉگۅ چابىتتاندىرىپ، چوڭ كۉرۅشتۅ العاچقى مۉدۅۅنۉ ئش جۉزۉندۅ كۅرسۅتۉپ، چوڭ سىنوودو تولۇمدۇۇ جووپ قاعازىن تاپشىرۇۇ كەرەك،- دەپ كۅرسۅتتۉ. چاپچال شىبە اپتونوم ووداندىق تارتئپ تەكشەرۉۉ كومىتەتى، رەۋىزىيا كومىتەتىنىن ۇيۇمدۇق ۉگۉت بۅلۉمۉنۉن باشچىسى جۇ شئنتوڭ مىنداي دەدى: «بئز جۇعۇشتۇۇ وورۇنۇن الدىن الىپ تىزگىندۅۅ بويۇنچا اتايىن تۉردۅگۉ ايداقتاپ تەكشەرۉۉ گۇرۇپپاسىن قۇرۇپ، بئر توپ «قول شىلتەپ قويۇپ ۅزۉ ىشتەبەي»، جۇعۇشتۇۇ وورۇنۇن الدىن الىپ تىزگىندۅۅ بارىشىندا فورماچىلدىق، تۅرۅچۉلۉك قىلۇۇ ماسەلەلەرىن تەكشەرىپ بئر جاڭسىل قىلدىق. ازىر بئز كەرقانالاردىن جۇمۇشتۇ ۅندۉرۉشتۉ قالىبىنا كەلتىرۉۉسۉ، جازعى ەگىنچىلىك ۅندۉرۉشۉ، كەمباعالدىقتان ارىلتۇۇ چابۇۇلۇ سىياقتۇۇ تۉردۉۉ قىزماتتارعا قاراتا تۅپ كۅزۅمۅلدۅۅنۉ قۇلاچ جايدىرىپ، اپتونوم رايوندۇن كەمباعالدىقتان ارىلتۇۇ چابۇۇلۇنداعى چەچۉۉچۉ جەڭىشتى قولعو كەلتىرۉۉ جىلىن كۉچتۉۉ تارتئپ كەپىلدىگى مەنەن قامدادىق». 

ماناس وودانى ماناس شاارچاسى دوڭگۇان قوومدۇق قونۇشۇنداعى ىقتىيارچى ۋاڭ فاڭ مىنداي دەدى: «باش شۇجئى شئى جئنپىڭدىن سۉيلۅگۅن زارىل سۅزۉ، بىزگە جۇعۇشتۇۇ وورۇنۇ جەڭىپ چىعۇۇعا بولعون ىشەنىچ جانا باتىلدۇۇلۇقتۇ ۉزگۉلكتۉكسۉز باعىشتادى. جۇعۇشتۇۇ وورۇ ابالى اقىرىنداپ جاقشىلانا باشتاعان بۉگۉنكۉ كۉندۅ، بئز داعى ەلە بوشوشتۇرساق بولبويت، بئز قورعونۇۇنۇ استەيىدىل جاقشى ىشتەپ، ىقتىياردۇۇ تەيلۅۅنۉ جاقشى ىشتەپ، جادىراعان جاز كەلىپ، بايچەچەي بۉر اچقان كۉندۅردۉ توسۇپ الۇۇبۇز كەرەك». 

   تولى ووداندىق ەل دوقتۇرقاناسىنىن ورۇنباسار باشچىسى ۋئي پئڭ مىنداي دەدى: «بئرىنچى چەپتەگى قىزماتكەر جانا جاڭىدان پارتئياعا كىرگەن پارتئيا مۉچۅسۉ قاتارى، بئز ەلدىن سالاماتتىعى باارىدان جوعورۇ تۇرات دەگەن العاچقى مۉدۅۅنۉ استەيىدىلدىك مەنەن ىزچىلدەشتىرىپ، جۉزۅلۅشتۉرۉپ، جۇعۇشتۇۇ وورۇنۇن الدىن الىپ تىزگىندۅۅنۉن الدىنقى چەبىندە بەكەم تۇرۇپ، جۇعۇشتۇۇ وورۇنۇن الدىن الىپ تىزگىندۅۅ، توسۇپ سوققۇ ۇرۇۇ كۅرۉشۉ ۉچۉن ۇلاندۇۇ چىمىرقانابىز».

〖2020.03.14-12:28〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز