سۅزسۉز جەڭۉۉ سەزىمى، جووپكەچىلىك سەزىمى، بوورۇكەردىك سەزىمى، قىرااقى بولۇۇ سەزىمى مەنەن جۇعۇشتۇۇ وورۇنۇن الدىن الىپ تىزگىندۅۅ

2020-02-26 15:46

سۅزسۉز جەڭۉۉ سەزىمى، جووپكەچىلىك سەزىمى، بوورۇكەردىك سەزىمى، قىرااقى بولۇۇ سەزىمى مەنەن جۇعۇشتۇۇ وورۇنۇن الدىن الىپ تىزگىندۅۅ جانا ەكونومىكا قوومدۇن ۅنۉكتۉرۉۉ قىزماتىن بئر كەلكى جوسپورلوپ بەكەم قارموو

باش شۇجئى شئى جئنپىڭدىن جاڭىچا تااجى سىمال ۋئروس ۅپكۅ سەزگەنچى جۇعۇشتۇۇ وورۇسۇنۇن الدىن الىپ تىزگىندۅۅ جانا ەكونومىكا، قوومدۇ ۅنۉكتۉرۉۉ قىزماتىن بئر كەلكى جوسپورلوپ جىلىشتاتۇۇنۇ ورۇنداشتىرۇۇ جىيىنىندا سۉيلۅگۅن زارىل سۅزۉ اپتونوم رايونۇبۇزداعى قالىڭ كادىر، قالىق اراسىندا كۉچتۉۉ تااسئر قوزعودۇ. كۅپچۉلۉك: باش شۇجئى شئى جئنپىڭدىن زارىل سۅزۉنۉن رۇحۇن قۇنت قويۇپ ۉيرۅنۉپ ىيگەرىپ، تەرەڭدەي ئزچىلدەشتىرىپ، جۉزۅلۅشتۉرۉپ، قىيىنچىلىقتان قورقپوي العا ىلگەرىلەپ، چىمىرقانىپ كۉرۅش قىلىپ، جۇعۇشتۇۇ وورۇنۇن الدىن الىپ تىزگىندۅۅ جانا بىيىلقى ەكونومىكا، قوومدۇ ۅنۉكتۉرۉۉ نئشانىن ىشكە اشىرۇۇ بويۇنچا قوش جەڭىشكە قول جەتكىرەبىز،- دەشتى. ەمى ىستانسىيابىزدىن ۇنىۋەرسال قابارى:

باش شۇجئى شئى جئنپىڭ: بۇل مايدان جۇعۇشتۇۇ وورۇنۇن الدىن الىپ تىزگىندۅۅ ەلدىك كۅرۉشۉن، جالپى تۇلقۇلۇق كۅرۉشۉن، توسۇپ سوققۇ ۇرۇۇ كۉرۅشۉن جاقشى الىپ بارۇۇ، جەڭىشكە جەتە الۇۇ- الباستىق ــ ار داراجالۇۇ پارتئيا ۇيۇمدارى جانا پارتئيا مۉچۅلۅرۉ، كادىرلارعا بولعون چوڭ سىناق. ار داراجالۇۇ پارتئيا ۇيۇمدارى جەتەكچىلىك جووپتۇۇلۇعۇن، ايرىقچا جۉزۅلۅشتۉرۉۉنۉ بەكەم قارموو مىلدەت جووپتۇلۇعۇن قۇنت قويۇپ اتقارىپ، پارتئيا بوربوردۇق كومىتەتىنىن تۉردۉۉ ساياسات بەلگىلۅۅ، ورۇنداشتىرۇۇلارىن ناقتىلۇۇ، ىچكەلەي، جۉزۅلۅشتۉرۅ قارماپ، پارتئيا تۇۇسۇن جۇعۇشتۇۇ وورۇنۇن الدىن الىپ تىزگىندۅۅ كۉرۅشۉنۉن بئرىنچى چەبىندە بىيىك جەلبىرەتۉۉلۅرۉ كەرەك،- دەپ باسا كۅرسۅتكۅن. جاڭىچا تااجى سىمال ۋئروسۇ ۅپكۅ سەزگەنچى جۇعۇشتۇۇ وورۇسۇ كۅرۉلگۅندۅن كىيىن، ۉرۉمچۉ شاارى سايباق رايونۇ يامالىق تووسۇ تىلكە رايونۇنداعى مىڭگە جۇۇق پارتئيا مۉچۅلۅرۉ جانا قوومدۇق قونۇش كادىرلارى باشتان بويعو قىزمات وردۇنان تاپ جىلباي ىشتەپ، كۉنۉ- تۉنۉ كەزەكتە تۇرۇپ، سىرتتان كىرۉۉ، ىچتەن كەڭەيۉۉنۉن الدىن الۇۇدان تۇرعان ەكى القاقتى چەچكىندۉۉلۉك مەنەن بەكەم قارمادى، وشوندوي ەلە قاراشتۇۇ رايوندوعۇ تۇرعۇندارعا جاشىلچا، اشتىق سىياقتۇۇلاردى جەتكىرىپ بەرىپ الاردىن تۇرمۇشتۇق قامدوونۇ قامتاماسىزداندىرىپ، قىيىنچىلىقتۇۇ قالقتىن تۅمۅن چەگىن قامتاماسىزداندىرۇۇعا ورچۇندۇۇ نازار بۇردۇ. ۉرۉمچۉ شاارى سايباق رايونۇ يامالىق تىلكە رايوندۇق پارتئيا قىزماتى كومىتەتىنىن شۇجئسى جاي مئڭ مىنداي دەيت: «ايداقسىز تۉردۅ ارقالاپ، جۇعۇشتۇۇ وورۇنۇن الدىن الىپ تىزگىندۅۅدۅگۉ تۉردۉۉ قالققا تەيلۅۅ جۉرگۉزۉۉ قىزماتىن ىشتىكتۉۉ جاقشى ىشتەپ، جۇعۇشتۇۇ وورۇنۇن الدىن الىپ تىزگىندۅۅ چارالارىن جۉزۅلۅشتۉرۉپ، ىچكەلەشتىرىپ، مۉلدۅ بوشوشتۇرباي، مۉلدۅ تاالاي سىنوو پىسىحىكاسىندا بولبويبۇز».

اپتونوم رايوندۇق تۇراق جاي جانا شاار- ايىل قۇرۇلۇشۇ نازاراتى ۉي مۉلك بازارىن كۅزۅمۅلدۅپ باشقارۇۇ باشقارماسىنىن باشچىسى ياڭ جئيان مىنداي دەدى: «بئر پارتئيالۇۇ كادىر قاتارى، ۅزۉبۉزدۉن جووپتۇلۇعۇبۇزدۇ ارقالووبۇز كەرەك. تۇراق جاي جانا شاار- ايىل قۇرۇلۇشۇ ىشتەرى قالقتىن كەرت باشى تالامىنا بارىپ چاتىلات، مئسالى سۇۇ، گاز، جىلۇۇلۇق مەنەن قامدوو سىستەماسى، قووپسۇز جۉرگۉزۉۉ، قۇرۇلۇش جۇمۇش وردۇنۇن قووپسۇز ۅندۉرۉشۉ، ۅرتتۅن ساقتانۇۇ ۅرت ۅچۉرۉۉ قۇرۇلۇشۇنداعى قووپسۇزدۇق بويۇنچا كۅمۉسكۅ قووپتوردۇ سىدىرا تەكشەرۉۉ، جەر تىتىرۅۅگۅ بايىمدۇۇ قۇرۇلۇش جانا چۇقۇل تەڭتايلاش تۇرۇۇ سىياقتۇۇلار، بئز بىرۅۅ ارقىلۇۇ باارىنا ساباق قىلىپ، كەمتىكتەردى تولۇقتاپ، جىلچىقتاردى بۉتۅپ، السىز تۉرلۅردۉ كۉچۅتۉپ، چۇقۇل ابالدارعا تەڭتايلاش تۇرۇۇ بويۇنچا الدىن دولبوورلوردۇ جاقشىرتىپ، چۇقۇل ابالدارعا تەڭتايلاش تۇرۇپ قوقۇس كۅرۉلگۅن ابالداردى بئر جاڭسىل قىلۇۇ قۇرباتىبىزدى ۅستۉرۉۉبۉز كەرەك».

سانجى شااردىق قووم قووپسۇزدۇق مەكەمەسىنىن ەل ساقچىسى جاڭ جئڭ مىنداي دەدى: «ەر جىگىت ەل چەتىندە، جوو بەتىندە دەگەن سۅز بار، بئر قووم قووپسۇزدۇق ەل ساقچىسى، پارتئيا مۉچۅسۉ قاتارى، اۋانگارتتىق، ۉلگۉلۉك رولۇمدۇ تولۇق كۅرسۅتۉپ، ۅزۉمدۉن ئش جۉزۉندۉك اراكەتىم ارقىلۇۇ العاچقى مۉدۅۅ مەنەن ىيىق مىلدەتتى ئش جۉزۉندۅ كۅرسۅتۉپ، سىدىرا تەكشەرۉۉ قىزماتىن جاقشى ىشتەپ، ئش جۉزۉندۉك اراكەتىم ارقىلۇۇ ەل ساقچىسىنىن جووپكەرچىلىگى جانا ارقالووسۇن كۅرسۅتۅمۉن».

باش شۇجئى شئى جئنپىڭ: ار داراجالۇۇ كادىرلار، ايرىقچا جەتەكچى كادىرلار سۅسۉز جەڭۉۉ سەزىمى، جووپتۇلۇق سەزىمى، بوورۇكەردىك سەزىمى، قىرااقى بولۇۇ سەزىمىن كۉچۅتۉپ، الدىنقى ەپكىندۉۉلۅردۅن بولۇۇعا باتىنىپ، الدىعا سۇۇرۇلۇپ چىعۇۇعا باتىل بولۇپ، ايداقسىز ارقالاپ، ىشتىكتۉۉ ىشتۅۅلۅرۉ كەرەك،- دەپ باسا بەلگىلەگەن. اپتونوم رايوندۇق سالاماتتىقتى ساقتوو دەن سوولۇق كومىتەتى دارىلوو اكىمچىلىگى دارىلوونۇ باشقارۇۇ باشقارماسىنىن ورۇنباسار باشچىسى ياڭ حايفىڭ مىنداي دەدى: «پارتئيا بوربوردۇق كومىتەتىنىن ساياسات بەلگىلۅۅ ورۇنداشتىرۇۇلارىن قۇنت قويۇپ ىزچىلدەشتىرىپ، بۉت دارىلوو چەبىندەگى قىزماتكەرلەردى باشتاپ قاتاڭ تۉردۅ وورۇ مۉنۅزدۅپ دارىلوو قالىبى بويۇنچا تۅپ دارىلوو الىپ بارابىز. مۉنۅزدۅپ بەكىتىلگەن نووقاستار جانا كۉمۅندۉۉ نووقاستاردى قۇتقارىپ دارىلوو قىزماتىن جاقشى ىشتۅۅ مەنەن قاتار، بئز داعى قارتايعاندار، بالدار، بويقات ايالدار سىياقتۇۇ ۅزگۅچۅ توپتوعۇلار، انىن ىچىندە ۅنۅكۅت وورۇسۇ بار نوقاستاردى قۇتقارىپ دارىلوونۇ كۉچۅتۉپ، تۅپ دارىلاپ، ۅز جەرىبىزدىن جاعدايىنا جاراشا ئش كۅرۉپ، وورۇ مۉنۅزدۅپ دارىلوو تارتئبىنىن تارتئپتۉۉ قالىپتۇۇ بولۇۇسۇنا چىنىعى كەپىلدىك قىلابىز».

جۇڭگو تەمىر جول ۉرۉمچۉ مەكەمەسى توبۇ چەكتۉۉ شەرىكتىگىنىن «ەل ابالىن بىلۉۉ، ەلگە نارپ جەتكىرۉۉ، ەل كۅڭۉلۉن الۇۇ» قىشتاقتا تۇرۇشتۇۇ قىزمات اترەتىنىن باشقى جەتەكتۅۅچۉسۉ، حوتەن وودانى لايقا ايىلى باشلايقا قىشتاعىندا تۇرۇشتۇۇ «ەل ابالىن بىلۉۉ، ەلگە نارپ جەتكىرۉۉ، ەل كۅڭۉلۉن الۇۇ» قىشتاقتا تۇرۇشتۇۇ قىزمات اترەتىنىن باشچىسى، 1- شۇجئسى يۉسۉپ قادىر مىنداي دەدى: «سۅزسۉز جەڭۉۉ سەزىمى، جووپتۇلۇق سەزىمىبىزدى داعى بئر دەمجىي كۉچۅتتۉك. قىشتاعىبىزدىن ابالىنا نەگىز بئر قولدو جۇعۇشتۇۇ وورۇنۇن الدىن الىپ تىزگىندۅۅنۉ، بئر قولدو دىيقانداردىن كىرەشەسىن ارتتىرۇۇنۇ بەكەم قارمايبىز. جاشىلچا ەگۉۉ، باقماچىلىق جانا 3- كەسپتەن قول سالىپ ىشتەپ، دىيقانداردىن كىرەشەسىن ارتتىرۇۇ جولدورۇن كەڭىرتەبىز. بئزدىن جۇعۇشتۇۇ وورۇنۇن الدىن الىپ تىزگىندۅۅ، كەمباعالدىقتان ارىلتۇۇ چابۇۇلۇندا جەڭىشكە جەتۉۉگۅ ىشەنىچىبىز بار».

 باش شۇجئى شئى جئنپىڭ: ار داراجالۇۇ پارتئيا ۇيۇمدارى كۉرۅشتۉن بئرىنچى چەبىندە كادىرلاردى سىناپ تاانىپ، ىشتەگەن قىزماتى كۅرۉنۉكتۉۉ بولعون كادىرلاردى زور كۉچ مەنەن سىيلاپ، باتىلدىق مەنەن ىشتەتىپ، ارقالاباي ىشتەبەي، قىزماتتا جووپكەرسىزدىك قىلعانداردىن جووپكەرچىلىگىن قاتاڭ سۉرۉشتۉرۉۉ كەرەك،- دەپ كۅرسۅتكۅن. ج ك پ چاپچال شىبە اپتونوم ووداندىق كومىتەتى ۇيۇمدۇق بۅلۉمۉنۉن ورۇنباسار باشچىسى لئي تئڭ مىنداي دەدى: «باش شۇجئنىن زارىل سۅزۉن ۉيرۅندۉك، ۇيۇمدۇق تارماعىبىز تۇۇرا بولعون ادام ىشتەتۉۉ جەتەكتۅۅ باعىتىندا بەكەم تۇرۇپ، جۇعۇشتۇۇ وورۇنۇن الدىن الىپ تىزگىندۅۅ قىزماتىندا بئر توپ ارقالووعو باتىمدۇۇ، ارقالاي الا تۇرعان، قۇرباتى بار كادىرلاردى ىشتەتۉۉبۉز كەرەك. كادىرلارعا كۅڭۉل بۅلۉۉ جانا قامقوردۇق كۅرسۅتۉۉنۉ كۉچۅتۉپ، كادىرلاردىن قىيىنچىلىق جانا تالاپتارىن ماالىندا ەەلەپ، كادىرلار ايرىقچا جۇعۇشتۇۇ وورۇنۇن الدىن الۇۇ الدىنقى چەبىندەگى كادىرلاردىن اش- تاماق، تۇراق جاي، ساپارعا چىعۇۇ سىياقتۇۇ اجاتتارىن جاقشى چەچىپ، كادىرلارعا كۅڭۉل بۅلۉۉ تالابىن ناقتىلۇۇ ورۇنعا چىنىعى جۉزۅلۅشتۉرۉۉبۉز كەرەك». 

〖2020.02.26-15:46〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز