الدىن الىپ تىزگىندۅۅ قىزماتىن قىلچالىق داعى بوشوشتۇرباي بەكەم، ناقتىلۇۇ، ىچكەلەي قارموو كەرەك

2020-02-24 11:49

جاڭىچا تااجى سىمال ۋئرۇس ۅپكۅ سەزگەنچى جۇعۇشتۇۇ وورۇسۇنۇن الدىن الىپ تىزگىندۅۅ جانا ەكونومىكا قوومدۇ ۅنۉكتۉرۉۉ قىزماتىن بئر جۅڭكۉ جوسپورلوپ جىلىشتاتۇۇنۇ ورۇنداشتىرۇۇ جىيىنى 2- ايدىن 23- كۉنۉ بەيجىندە اچىلدى، باش شۇجئى شئى جئنپىڭ جىيىنعا قاتىشتى جانا زارىل سۅز سۉيلۅدۉ. اپتونوم رايونۇبۇزدۇن جەر- جەرلەرىندەگى كادىر، قالىق باش شۇجئى شئى جئنپىڭدىن زارىل سۅزۉنۉن رۇحۇن داروو ئزچىلدەشتىرىپ جۉزۅلۅشتۉرۉپ، ارت- ارتىنان: سۅزسۉز جەڭىشكە جەتۉۉ ىشەنىچىن بەكەمدەپ، الدىن الىپ تىزگىندۅۅ قىزماتىن مۉلدۅ بوشوشتورۇباي بەكەم، ناقتىلۇۇ، ىچكەلەي قارماپ، ەكونومىكا قووم ۅنۉگۉۉسۉنۉن تۉردۉۉ قىزماتتارىن بئر جوڭكۉ جوسپورلوپ جاقشى ىشتەپ،ەكى قولدو بەكەم قارماپ، ەكى قول تەڭ قاتۇۇ بولۇپ، ەكۅۅنۉ تەڭ كەچىكتىربەي، ەكۅۅندۅ تەڭ جەڭىشكە جەتەبىز، دەشتى. ەمى ىستانسىيابىزدىن ۇنىۋەرسال قابارى نازارىڭىزداردا:

باش شۇجئى شئى جئنپىڭ: دارىلوو كۉچتۅرۉن جانا زارىل زاتتىق ماتەرىيالداردى ئلىمىي قوتورۇپ بۅلۉشتۉرۉپ، قورعونۇۇ زاتتىق ماتەرىيالدارى، تۇرمۇشتۇق زاتتىق ماتەرىيالدارى مەنەن قامتاماسىزداندىرۇۇ جانا قورعونۇۇ چارالارىن جۉزۅلۅشتۉرۉۉ كەرەك،- دەپ باسا بەلگىلەدى. جاڭىچا تااجى سىمال ۋئرۇس ۅپكۅ سەزگەنچى جۇعۇشتۇۇ وورۇسۇ كۅرۉلگۅندۅن بەرى، اپتونوم رايونۇبۇز نووقاستاردى چوردوندوشتۇرۇۇ، ادىستەردى چوردوندوشتۇرۇۇ، بايلىقتاردى چوردوندوشتۇرۇۇ، قۇتقارىپ دارىلوونۇ چوردوندوشتۇرۇۇدا بەكەم تۇرۇپ، دارىلوو بايلىقتارىن بىرىكتىرىپ، جاڭىچا تااجى سىمال ۋئرۇس ۅپكۅ سەزگەنچى نووقاستارىن قۇتقارىپ دارىلوو قىزماتىن بار كۉچۉ مەنەن جاقشى ىشتەدى. اپتونوم رايوندۇق سالاماتتىقتى ساقتوو دەن سوولۇق كومىتەتى دارىلوو اكىمچىلىگى، دارىلوو باشقارۇۇ باشقارماسىنىن ورۇنباسار باشچىسى ياڭ حايفىڭ مىنداي دەدى: «كىيىنكى قادامدا دارىلوو بايلىقتارىن ۇلاندۇۇ بئر جوڭكۉ جوسپورلوپ، بەلگىلەنگەن دارىلوو اپپاراتتارىنىن قۇتقارىپ دارىلووسۇن قامتاماسىزداندىرۇۇنۇ جاقشى ىشتەپ، دارىلوو قىزماتكەرلەرىنىن ئش جۉزۉندۉك كۉرۅشتۅگۉ قۇرباتىن چىنىعى جوعورۇ كۅتۅرۉپ، قۇتقارىپ دارىلوو قۇرباتىن جوعورۇ كۅتۅرۅبۉز؛ دارىلوو قىزماتكەرلەرىبىزگە قاراتا ماالىندا پىسىحىكالىق جەتەكتۅۅ الىپ بارىپ، الاردىن رۇحۇ باسىمىن باساڭداتابىز؛ جۇڭگوچو ەمچىلىك دارىلارىنىن وور نووقاستار جانا قووپتۇۇ ابالداعى نووقاستاردى دارىلوودوعۇ تاجىرىيباسىن كۅرسۅتۉپ، دارىلوو ۅنۉمۉن جوعورۇ كۅتۅرۅبۉز؛ بئرىنچى چەپتە كۉرۅش قىلىپ جاتقان باردىق دارىلوو قىزماتكەرلەردى قامتاماسىزداندىرۇۇنۇ كۉچۅتۉپ، اپتونوم رايونۇبۇزدۇن جاڭىچا تااجى سىمال ۋئرۇس ۅپكۅ سەزگەنچىن دارىلوو قۇتقارۇۇ قىزماتىن بار كۉچۉبۉز مەنەن جاقشى ىشتەپ، بۇل بئر مايدان جۇعۇشتۇۇ وورۇنۇن الدىن الىپ تىزگىندۅۅ، توسۇپ سوققۇ ۇرۇۇ كۉرۅشۉندۅ جەڭىشكە جەتىپ، ەل-جۇرتتۇن دەن سوولۇعۇن ەڭ زور داراجادا قامتاماسىزداندىرابىز».

اپتونوم رايوندۇق جۇعۇشتۇۇ وورۇلار دوقتۇرقاناسىنىن باشچىسى لئى مئڭ مىنداي دەيت: «بئز 64 ووز مئنۇس باسىمدۇۇ وورۇ بۅلمۅسۉن داياردادىق، انىن ىچىندە داعى بئر ICU وورۇ رايونۇ بار، جەتەرلۉۉ دارىلوو قامسىزداندىرۇۇسۇ مەنەن قامدايبىز. كىلىنىكادان وورۇ مۉنۅزدۅۅگۅ چەيىن، ارتقى چەپ قامدوودون تارتىپ باشقارۇۇعا چەيىن، زاتتىق ماتەرىيالداردى باشقارۇۇ جانا تاراتۇۇ سىياقتۇۇ جاقتارعا چەيىن ابدان جاقشى بەرەكەتىن كۅرسۅتۉپ، جاقشى نەگىز سالىندى. بئز باش شۇجئى شئى جئنپىڭدىن ەل- جۇرتتۇن ۅمۉر قووپسۇزدۇعۇ جانا دەنە سالاماتتىعىن 1- ورۇنعا قويۇۇ كەرەك دەگەن جول- جوبوسۇن ەسىبىزدە بەكەم ساقتاپ، چىمىرقانىپ قىزمات ىشتەپ، ۅز مىلدەتىبىزدى تاق اتقارىپ، ىيىق مىلدەتتى جەردە قويبوي، جۇعۇشتۇۇ وورۇنۇن الدىن الىپ تىزگىندۅۅ توسۇپ سوققۇ ۇرۇۇ كۉرۅشۉندۅ چەچكىن جەڭىشكە جەتەبىز». 

باش شۇجئى شئى جئنپىڭ: 1- چەپتەگى دارىلوو قىزماتكەرلەرىنە كۅڭۉل بۅلۉپ قامقوردۇق قىلۇۇ كەرەك،- دەپ باسا بەلگىلەگەن. بئر قانچا كۉندۅن بەرى، اپتونوم رايونۇبۇزداعى بئر قانچا ورۇن ساياسات چىعارىپ، كۅپ قىردان قامتاماسىزداندىرىپ، دارىلوو قىزماتكەرلەرىنىن قۇتقارىپ دارىلوو قىزماتىن بار كۉچۉ مەنەن قۇلاچ جايدىرۇۇسۇنا ۅبۅلگۅ بولدۇ. اپتونوم رايوندۇق ادام كۉچۉ بايلىعى جانا قوومدۇق قامتاماسىزداندىرۇۇ نازاراتى ساياسات چىعارىپ، دوقتۇر- سەستىرالار جانا قاتىشتۇۇ قىزماتكەرلەر قىزمات جووپكەرچىلىگىن اتقارۇۇ ايىنان جاڭىچا تااجى سىمال ۋئرۇس ۅپكۅ سەزگەنچىن جۇقتۇرۇپ العان بولسو، انى جۇمۇشتا جارالانۇۇ دەپ تاانىپ، الار ۉچۉن كەسپتىك جارالانۇۇدان «قورعونۇۇ چاتىرىن» جاساپ بەردى. اپتونوم رايوندۇق مالئيا نازاراتى اپتونوم رايوندۇق سالاماتتىقتى ساقتوو دەن سوولۇق كومىتەتى مەنەن بىردىكتە ساياسات چىعارىپ، جۇعۇشتۇۇ وورۇنۇن الدىن الىپ تىزگىندۅۅگۅ قاتىشقان دارىلوو قىزماتكەرلەرى جانا جۇعۇشتۇۇ وورۇنۇن الدىن الۇۇ قىزماتكەرلەرىنە ۇباقتىلۇۇ قىزمات تولۇقتاما جاردامىن تاراتىپ، 1- چەپتەگىلەرگە كۉنۉنۅ 300 يۇان، باشقا قىزماتكەرلەرگە 200 يۇاندان تاراتتى؛ اپتونوم رايونۇبۇزداعى باجى تارماقتارى دا ساياسات چىعارىپ، دارىلوو قىزماتكەرلەرىنىن تولۇقتاما جاردامى جانا سىيلىعىنان الىنۇۇچۇ باجىنى كەچىرىم قىلدى. شئنجاڭ باجى مەكەمەسى ساياسات زاكون- بەلگىلەمە باشقارماسىنىن ورۇنباسار باشچىسى گى گاڭ مىنداي دەدى: «جۇعۇشتۇۇ وورۇنۇن الدىن الىپ تىزگىندۅۅگۅ قاتىششقان دارىلوو قىزماتكەرلەرى جانا جۇعۇشتۇۇ وورۇنۇن الدىن الۇۇ قىزماتچىلارى ۅكۉمۅتتۉن بەلگىلەمەسى بويۇنچا العان ۇباقتىلۇۇ قىزمات تولۇقتاماسى جانا سىيلىق اقچاسىنا قاراتا انىن ىچىندە ار داراجالۇۇ ۅكۉمۅتتۅر بەلگىلەگەن تولۇقتاما جاردام جانا سىيلىق اقچا ۅلچۅمۉنۅ قاراتا، جەكە تابىلعا باجىسى كەچىرىم قىلىنات؛ ورۇندار جەكەلەرگە تاراتقان جاڭىچا تااجى سىمال ۋئرۇس ۅپكۅ سەزگەنچىنىن الدىن الۇۇ دارىلارى، دارىلوو بۇيۇمدارى جانا قورعونۇۇ بۇيۇمدارى سىياقتۇۇ زاتتىق بۇيۇمدار انىن ىچىندە ناقاي اقچالار جەكە ئش اقى، مايانا كىرەشەسىنە ەسەپتەلبەي، جەكە تابىلعا باجىسى كەچىرىم قىلىنات».

باش شۇجئى شئى جئنپىڭ: دوقتۇرقانادان جۇعۇمدانىپ قالۇۇنۇن الدىن الۇۇ قىزماتىن چىنىعى كۉچۅتۉپ، دارىلوو قىزماتكەرلەرىن ئلىمىي قورعونۇۇسۇن جانا وشول بويۇنچا تاربئيالوونۇ جاقشى ىشتۅۅ كەرەك،- دەپ كۅرسۅتكۅن. حۇبىي ۋۇحاندا جۇعۇشتۇۇ وورۇعا قارشى سوققۇ ۇرۇۇنۇن الدىنقى چەبىندەگى شئنجاڭدان حۇبىيگە جاردامعا بارعان دارىلوو اترەتىندەگلەر جابىلا: باش شۇجئنىن سۉيلۅگۅن سۅزۉ ىشەنىچىبىزدى تۇرعۇزۇپ، كۅپچۉلۉكتۉ قايراتتاندىردى، بئز ۅزۉندۉك قورعونۇۇعا چىنىعى كەپىلدىك قىلۇۇ الدىن شارتى استىندا، بار كۉچۉبۉز مەنەن نووقاستاردى قۇتقارىپ دارىلوو قىزماتىن جاقشى ىشتەيبىز،- دەپ بئلدىرىشتى. شئنجاڭدان 3- تۉركۉمدۅ حۇبىيگە جاردامعا بارعان دارىلوو اترەتىنىن مۉچۅسۉ، اپتونوم رايوندۇق ەل دوقتۇرقاناسى جۇعۇشتۇۇ وورۇ بۅلۉمۉنۉن دوقتۇرۇ تئيان مئي مىنداي دەدى: «ۋۇحان داشۅ ەل دوقتۇرقاناسى چىعىش دوقتۇرقاناسىنىن جۇعۇشتۇۇ وورۇلاردى تىزگىندۅۅ بۅلۉمۉ مەنەن كۅمۅكتۅشۉۉنۉ داعى بئر دەمجىي كۉچۅتۉپ، جۇعۇشتۇۇ وورۇلاردى تىزگىندۅۅ گۇرۇپپاسىنىن رولۇن كۅرسۅتۉپ، دەزىنفىكسىيالاپ ايرىپ تۇرعۇزۇۇ قىزماتى، وورۇلار رايونۇن باشقارۇۇ، قورعونۇۇ بۇيۇمدارىن كىيىپ- تاعىنۇۇ سىياقتۇۇ جاقتاردا، دوقتۇرقانادا جۇعۇمدانۇۇنۇن الدىن الۇۇ قىزماتىن كۉچۅتۉپ، قوروعونۇۇ كىيىمىن كىيۉۉ جانا چەچۉۉدۅ ايرىپ تۇرعۇزۇۇنۇ كۉچۅتۉپ، داعى دەزىنفىكسىيالاپ ايرىپ تۇرعۇزۇۇ بويۇنچا تاربئيالوو الىپ بارىپ، قاتىشتۇۇ الدىن الۇۇ چارالارىن ماالىندا قولدونوبۇز. باش شۇجئى شئى جئنپىڭدىن بىزگە ارتقان ۉمۉتۉن سۅزسۉز جەردە قويبويبۇز، وشوندوي ەلە بۉتكۉل ماملەكەتىبىزدەگى ار ۇلۇت ەلىنىن بىزدەن كۉتكۅن ۉمۉتۉن جەردە قويبوي، دارىلوو قىزماتكەرلەرىنىن ۅزۉندۉك قووپسۇزدۇعۇن قورعووعو چىنىعى كەپىلدىك قىلۇۇ نەگىزىندە، جۇعۇشتۇۇ وورۇنۇن الدىن الىپ دارىلوو چابۇۇلۇندا تەز ارادا جەڭىشكە جەتەبىز». 

باش شۇجئى شئى جئنپىڭ ەل- جۇرتتۇن ۅندۉرۉش تۇرمۇشۇنا اياباي كۅڭۉل بۅلۅت. ال: بازارداعى قامدوو مەنەن اجات ابالىنا تاقاي نازار بۇرۇپ كۉزۅتۉپ، جاشىلچا جانا مال، باقما قاناتتۇۇلار سىياقتۇۇلاردى ۅندۉرۉۉنۉ ىشتىكتۉۉ ۇيۇمداشتىرىپ، تاشىمال جولدورۇ جانا زاتتىق ماتەرىيال جەتكىرۉۉنۉ شىدىرلاشتىرۇۇ كەرەك،- دەپ باسا كۅرسۅتتۉ. فۇكاڭ شااردىق ۅنۉگۉۉ جانا ىسلاات كومىتەتى باا، اقى الۇۇنۇ باشقارۇۇ بۅلۉمۉنۉن كادىرى لئيۇ گوچئڭ، بازار قامدووسۇنا كەپىلدىك قىلۇۇنۇ مۉلدۅ بوشوشتۇرۇۇعا بولبوي تۇرعانىن ايتىپ مىنداي دەدى: «جاشىلچا جەتكىرۉۉ ماشئنالارىنىن جۉرۉشۉن شىدىرلاشتىرىپ، تۉردۉۉ دۉڭ تاراتۇۇ بازارلارىن ىشتىكتۉۉ شايكەشتىرىپ، جاشىلچا مەنەن جەتكىلىكتۉۉ قامدووعو، بااانىن تۇرۇقتۇۇ بولۇۇسۇنا چىنىعى كەلىپدىك قىلىپ، شاار تۇرعۇندارىن جاڭى جاشاڭ جاشىلچالاردى تۇرۇقتۇۇ باادا ساتىپ الۇۇ مۉمكۉندۉگۉنۅ ەە قىلابىز».

جۇڭگو پوچتو توبۇ چەكتۉۉ شەرىكتىگى ۉرۉمچۉ بۅلۉمچۅ شەرىكتىگى جۇعۇشتۇۇ وورۇنۇن الدىن الىپ تىزگىندۅۅ مەزگىلىندە جالپىلاي تەيلۅۅ جانا ۅزگۅچۅ تەيلۅۅنۉ ۉزۉپ قويبوودو بەكەم تۇرۇپ، قاراپايىم قالقتىن جۇعۇشتۇۇ وورۇنۇن الدىن الۇۇ جانا تۇرمۇشتۇق زارىل كەرەكتۉۉ بۇيۇمدارىن پوچتودون جۅنۅتۉۉگۅ چىنىعى كەپىلدىك قىلدى، جۇعۇشتۇۇ وورۇنۇن الدىن الۇۇ زاتتىق ماتەرىيالدارىن ەڭ الدى مەنەن بەلگىلەگەن ورۇنعا تاشىپ جەتكىرىپ بەرىپ، ۅكۉمۅت تارماقتارىنىن جۇعۇشتۇۇ وورۇنۇن الدىن الۇۇ زاتتىق ماتەرىيالدارىن جەتكىرۉۉ تالابىنا تەز ۉن قاتتى. شەرىكتىكتىن ورۇنباسار باش دىرەكتورۇ حۇاڭ يانپئڭ مىنداي دەدى: «باش شۇجئى شئى جئنپىڭ قانچا ۇشۇنداي كەزدە بولعون سايىن، وشونچو ىشەنىچتى كۉچۅتۉپ، ىشەنىچتى بەكەمدۅۅ كەرەك،- دەپ ايتقان. قانچا ۇشۇنداي ۅزگۅچۅ مەزگىلدە بئزدىن تەز جەتكىرۉۉ زات جۉگۉرتۉۉ كەرقانالارىبىزدىن وردۇ بوش قالسا بولبويت. جۇعۇشتۇۇ وورۇنۇن الدىن الىپ تىزگىندۅۅ مەزگىلىندە، جۇڭگو پوچتو توبۇ چەكتۉۉ شەرىكتىگى ۉرۉمچۉ بۅلۉمچۅ شەرىكتىگىنىن قىزماتكەرلەرى باشتان بويعو قىزمات وردۇنان تاپ جىلباي ىشتەدى، تەز جەتكىرۉۉ بويۇنچا زات جۉگۉرتۉۉدۅگۉ توسقوول تۉيۉندۅردۉ چەچكىن شىدىرلاشتىرىپ، كەرقانالاردى جۇمۇش، ۅندۉرۉشتۉ قالىبىنا كەلتىرۉۉ ۉچۉن ۅندۉرۉش قاراجاتتارىن تەز جەتكىرۉۉ مەنەن قامتاماسىزداندىرىپ، ەل تۇرمۇشۇن قامتاماسىزداندىرۇۇ ۉچۉن ىشتىكتۉۉ كۉچ جۇمشووعو ىشەنچىبىز بار. قىزماتكەرلەردى قورعوو قىزماتىن ۇلاندۇۇ جاقشى ىشتەپ، ئش جۉزۉندۉك اراكەتىبىز ارقىلۇۇ جۇعۇشتۇۇ وورۇعا قارشى سوققۇ ۇرۇۇعا سالىم قوشوبۇز».

〖2020.02.24-11:49〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز