اپتونوم رايونۇبۇزدۇن جەر- جەرلەرى بئرىنچى چەپتەگى دارىلوو قىزماتكەرلەرىنە قورعوو، كۅڭۉل بۅلۉۉ، اسىروونۇ چىنىعى كۉچۅتتۉ

2020-02-23 12:21

باش شۇجئى شئى جئنپىڭ: دارىلوو قىزماتكەرلەرى جۇعۇشتۇۇ وورۇنۇ جەڭۉۉدۅگۉ تىرەك كۉچ، الارعا بولعون قورعوو، كۅڭۉل بۅلۉۉ، اسىرووعو ۅسكۅلۅڭ ماانئى بەرۉۉ كەرەك، دەپ كۅرسۅتكۅن. اپتونوم رايونۇبۇزدۇن جەر- جەرلەرى تۉردۉۉ ئچ جىلىتارلىق چارالاردى قولدونۇپ، بئرىنچى چەپتەگى دارىلوو قىزماتكەرلەرىن قورعوو جانا الارعا كۅڭۉل بۅلۉۉنۉ چىنىعى كۉچۅتۉپ، الاردىن كۉچتۉۉ كۉجۉرمۅندۉگۉن، زەەن قۇباتىن ساقتاپ، جۇعۇشتۇۇ وورۇنۇ جەڭۉۉ كۉرۅشۉنۅ سىزىل سالامات قاتىشۇۇ مۉمكۉندۉگۉنۅ ەە قىلدى. شئنجاڭ رادىيو- تەلەۋىزىيا ىستانسىياسىنىن ۇنىۋەرسال قابارى نازارىڭىزداردا: 

جۇعۇشتۇۇ وورۇ ابالى كۅرۉلگۅندۅن كىيىن، اپتونوم رايونۇبۇزداعى قالىڭ دارىلوو قىزماتكەرلەرى كۉن- تۉن دەبەي ىشتەپ، سىزىل كۉرۅش قىلىپ، كومپارتئيا مۉچۅلۅرۉ، تەحنىكالىق تايانچىلار الدىنقى چەپكە اتتانىپ، جۇعۇشتۇۇ وورۇنۇن الدىن الىپ تىزگىندۅۅدۅ ەبەگەيسىز زور كۉچ چىعاردى. جەر- جەرلەردەگى دارىلوونۇ باشقارۇۇچۇ تارماقتار جانا دوقتۇرقانالار چارا قولدونۇپ ارتقى چەپ قامدوونۇ كۉچۅتۉپ، مەدىتسىنا قىزماتكەرلەرىنە ار قايسى جاقتاردان كۅڭۉل بۅلۉپ، الارعا قامقوردۇق كۅرسۅتتۉ. قۇلجا شاااردىق ەل دوقتۇرقاناسى پارتكوم ئشقاناسىنىن مۇدۇرۇ پىڭ حۇ مىنداي دەيت: «جۇعۇشتۇۇ وورۇنۇن الدىن الىپ تىزگىندۅۅدۅن بەرى، قوومدوعۇ ار سالاا جانا مەەرىمدۉۉ كىشىلەر ارت- ارتىنان بئزدى جۇعۇشتۇۇ وورۇنۇن الدىن الۇۇ زاتتىق ماتەرىيالدارى، تۇرمۇش قامتاماسىزداندىرۇۇ سىياقتۇۇ جاقتاردان قولدوپ كەلەت، بۇل داعى بئزدىن جۇعۇشتۇۇ وورۇنۇن جەڭىپ چىعۇۇعا بولعون ىشەنىچىبىزدى اشىردى. دوقتۇرقانابىز، جۇعۇشتۇۇ وورۇعا قارشى تۇرۇۇنۇن بئرىنچى چەبىندەگى اق حالاتتۇۇ جووكەرلەردى قولدووعو الىپ، ۅزۉبۉزدۉن شارتىبىزعا جاراشا 5 وورۇقانا رايونۇن وشوندوي ەلە ىلايىق بولعون ئشقانالاردى بوشوتۇپ، تازا جۇۇرقان- كۅرپۅ، جۇۇنۇۇ بۇيۇمدارىن دايارداپ، قىزماتكەرلەردى ىراحاتتۇۇ ەس الۇۇ چۅيرۅسۉ مەنەن قامدادىق. وشونۇ مەنەن قاتار، بئز داعى قوومدون سەلبىك بەرىلگەن بايلىقتان جاقشى پايدالانىپ، بۇل زاتتىق ماتەرىيالداردى تەز ەلە دارىلوو قىزماتكەرىنە بۅلۉشتۉرۉپ بەرىپ، جوعورۇدان بۅلۉپ بەرىلگەن ىممونى گلوبۇلئن جانا جۇڭگوچو ەمچىلىك دارىلارىن داعى بئرىنچى بولۇپ الدىنقى چەپتەگى قىزماتكەرلەرگە بۅلۉپ بەردىك».

جىڭ ووداندىق سالاماتتىقتى ساقتوو دەن سوولۇق كومىتەتى پارتگۇرۇپپاسىنىن شۇجئسى، ورۇنباسار مۇدۇرۇ دىڭ حايحوڭ مىنداي دەدى: «جۇعۇشتۇۇ وورۇعا قارشى تۇرۇۇنۇن بئرىنچى چەگىندەگى مەدىتسىنا قىزماتكەرلەرىنە قاراتا كەزەكتەشىپ ەس الۇۇ تۉزۉمۉن جولعو قويۇپ، تاماق اش ۅلچۅمۉن جوعورۇلاتتىق، وشونۇ مەنەن قاتار داعى دارىلوو قىزماتكەرلەرىنە كۉتۉۉسۉز جارالانۇۇ قامسىزداندىرۇۇسۇن ساتىپ الىپ، كەسپتىك اتاققا باالوودو ساياسات جاعىنان ىقتادىق، انان داعى دارىلوو قىزماتكەرلەرى وودان ىچىندە جالپىلىق قاتتوو اپتوبوزۇنا 3 جىل اقىسىز ولتۇرا تۇرعان بولدۇ».

جەر-جەرلەردەگى بئرىنچى چەپتەگى دارىلوو قىزماتكەرلەرىنە بولعون قورعوو، كۅڭۉل بۅلۉۉ جانا اسىروو، قالىڭ دارىلوو قىزماتكەرلەرىنە پارتئيا بوربوردۇق كومىتەتىنىن جىلۇۇلۇعۇن جانا قوومدوعۇ ار سالاانىن قامقوردۇعۇن سەزىندىردى. شئنجاڭدان 3- تۉركۉمدۅ حۇبەيگە جاردامعا بارعان دارىلوو اترەتىنىن مۉچۅسۉ، اپتونوم رايوندۇق ەل دوقتۇرقاناسى قارتايعاندار مەدىتسىنالىق بوربورۇنۇن ورۇنباسار مۇدۇرۇ شۉ حوڭ مىنداي دەيت: «وشول جەردەگى دوقتۇرقانالاردىن وورۇ مۉنۅزدۅۅ بۅلۉمۉندۅ دا پىسىحىكالىق كەڭەش بەرۉۉنۉ ورۇنداشتىرعان، بئزدىن دوقتۇرقانابىزدىن دا شىبىر سۅز توبۇ بار، وشونۇ مەنەن قاتار بىزدە دارى تولۇق بەلەندەلگەن، ۅتۅ كۅپ كىشىلەر بىزگە جاردام بەرىپ، بئزدى قولدوپ، بىزگە ۅتۅ زور دەم بەرىپ جاتات».

اقسۇۇ شااردىق ەل دوقتۇرقاناسى ەت ىسۇۇ وورۇ مۉنۅزدۅۅ بۅلۉمۉنۉن جووپتۇسۇ گاۋ جئيان مىنداي دەيت: «سەلبىك بەرىلگەن زاتتىق ماتەرىيالداردى تاراتۇۇدا الدى مەنەن بئرىنچى چەپتەگى قىزماتكەرلەردى ويلوشوبۇز، بىزگە ال سۇروو بۇيۇمدارىن تاراتىپ، ۉچ ماال داامدۇ تاماقتاردى دايارداپ بەرەت. ۅتۅ جاپالۇۇ بولسو دا، بئروق بئز البۇۇتتانا ىشتەپ، كۉرۅش قايراتىبىز اشىپ، جۇعۇشتۇۇ وورۇنۇن الدىن الىپ تىزگىندۅۅ توسۇپ سوققۇ ۇرۇۇ كۉرۅشۉندۅ جەڭىشكە جەتۉۉگۅ كۉچ قوشۇۇدابىز».

 شئنجاڭ مەدىتىسىنا داشۅسۉ قاراماعىنداعى 1- دوقتۇرقانا باپەستۅۅ بۅلۉمۉنۉن ورۇنباسار مۇدۇرۇ ۋۇ شئڭ جۇعۇشتۇۇ وورۇنۇن الدىن الىپ تىزگىندۅۅنۉن بئرىنچى چەبىندە ىشتەپ كەلاتقانىنا بئر اي بولدۇ، شاشىلىش قىزمات ىشتۅۅ مەنەن بىرگە، ال داعى اياباي تااسىرلەنىپ جانا شىقتانىپ تۇرات، ال مىنداي دەيت: «ار كۉنكۉ شاشىلىش قىزماتتان سىرت، بئز داعى قوومدۇن ار قايسى سالاالارى، كەسپتەشتەر، ۉي بۉلۅدۅگۉلۅردۉن دەم بەرىپ قولدوعونۇن سەزىنىپ تۇرابىز. مەن باپەستۅۅ قىزمات وردۇندا 28 جىل ىشتەگەمىن، ۅلۉمدۅن قۇتقارىپ وورۇنۇ دارىلوو بئزدىن تۇباسا مىلدەتىبىز، بئز پارتئيا بوربوردۇق كومىتەتى، باش شۇجئى شئى جئنپڭدىن تەرەڭ قامقوردۇعۇن كۅكۅيۉبۉزگۅ تۉيۉپ، كۉچتۉۉ كۉرۅش قۇرباتىبىزدى ساقتاپ، كۅتۅرۉڭكۉ كۉرۅش قايراتىبىز، تولۇقشۇپ تۇرعان زەەنىبىزدى باشتان بويعو ساقتاپ، ىيىق مىلدەتتى جەردە قويبوي، اجال مەنەن تايماشىپ، بۇل بئر مايدان جۇعۇشتۇۇ وورۇنۇن الدىن الىپ تىزگىندۅۅ، توسۇپ سوققۇ ۇرۇۇ كۉرۅشۉندۅ چەچكىن جەڭىشكە جەتۉۉبۉز كەرەك!». 

〖2020.02.23-12:21〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز