قوومدۇق قونۇشتاقى كۉيۉمدۉۉ «كىچىنەك اارى»

2020-02-20 11:35

  24 جاشتىق رۇفىيا ەسەنمەمەت ۉرۉمچۉ شاارى شۉيموگوۋ رايونۇ شۉيتاشان تىلكە رايونۇن باشقارۇۇ كومىتەتى چئڭچۇان قوومدۇق قونۇشۇنۇن قىزماتكەرى، جاڭىچا تااجى سىمال ۋئرۇس ۅپكۅ سەزگەنچى جۇعۇشتۇۇ وورۇسۇ كۅرۉلگۅندۅن كىيىن، ال ىشتىكتۉۉ تۉردۅ جۇعۇشتۇۇ وورۇنۇن الدىن الىپ تىزگىندۅۅ قىزماتىنا كىرىشىپ، تۇرعۇندارعا ئلىمىي الدىن الىپ تىزگىندۅۅ بىلىمدەرىن ۉگۉتتۅدۉ، وشوندوي ەلە كۅپچۉلۉك ۉچۉن تۇرمۇشتۇق تەيلۅۅ جانا قامتاماسىزداندىرۇۇلاردى جاقشى ىشتەپ، قوومدۇق قونۇشتاقى كۉيۉمدۉۉ «كىچىنەك اارى»عا ايلاندى. ىستانسىيابىز قابارچىسى لانتىيەندىن قابارىنا كۅڭۉل بۇرۇڭۇزدار:

  (ناق مايدان ۉنۉ): «سۉيۉكتۉۉ تۇرعۇندار، سىلەر جانا باشقالاردىن قووپسۇزدۇعۇ ۉچۉن ەشىكتەن چىققاندا ماسكە تاعىنىپ الىڭىزدار..... » اركۉنۉ تۉشتۅن مۇرۇن ساات 10:00دو، ۉرۉمچۉ شاارى شۉيموگوۋ رايونۇ شۉيتاشان تىلكە رايونۇن باشقارۇۇ كومىتەتىنىن چئڭچۇان قوومدۇق قونۇشۇنۇن «قوزعولمو چاقان زۅۅگۉ» ماالىندا قويۇلات، ۉگۉت لەكسىياچىسى رۇفىيا ەسەنمەمەت دووش چوڭويتقۇچ ارقىلۇۇ قاراشتۇۇ رايوندوقۇ تۇرعۇندارعا جۇعۇشتۇۇ وورۇنۇن الدىن الىپ تىزگىندۅۅ بىلىمدەرىن ۉگۉتتۅيت. مىندان بۅلۅك، ال داعى قاراشتۇۇ رايوندوقۇ تۇرعۇنداردىن ماالىندا ەشىك تەرەزەنى اچىپ ابا الماشتىرۇۇعا ەسكەرتۉۉگۅ جووپتۇۇ. رۇفىيا ەسەنمەمەت مىنداي دەدى: «مەن اركۉنۉ 20مئڭ قادامدى جۅۅ جۉرۅم، 13 كىلومەتىر ارالىققا تەڭ كەلەت، اركۉنۉ ۉيگۅ قايتىپ كەلگەنىمدە تاماعىم قاقشىپ قالات، بئروق الارعا تەيلۅۅ جۉرگۉزگۅندۉگۉمدۅن ابدان قۇبانىچتامىن، جۇعۇشتۇۇ وورۇنۇن الدىن الىپ تىزگىندۅۅ ابدان زارىل، كۅپچۉلۉكتۉ قورعوو بئزدىن جووپكەرچىلىگىبىز». 

  (ناق مايدان ۉنۉ): «بۉگۉن تۇرعۇندارعا قانچا جۉرۉش تاماق جەتكىرەبىز، ەكىنى جەتكىرەسىڭەر.// بولوت. بۉگۉن ساعا تاماقتى كۅبۉرۅۅك سالىپ بەرەيىن، جاقشى جە... » تۉشتۅن مۇرۇنقۇ ۉگۉت قىزماتىن بۉتۉرگۅندۅن كىيىن، رۇفىيا ەسەنمەمەت قوومدۇق قونۇشتۇن اشقاناسىنا كەلىپ، الدىراپ-شاشىپ تاماعىن جەپ، ەكى ۉيدۅ جالعىز قالعان قارتاڭعا تاماق جەتكىرۉۉگۅ دايارداندى. ال مىنداي دەدى: «چوڭ ەنە مەن فىيفىي، سىلەرگە تاماق الىپ كەلدىم....». قوومدۇق قونۇش تۇرعۇنۇ نئى سوڭگىن جانا انىن جۇبايىنىن جاشى ۇلعايىپ قالعان، جۇعۇشتۇۇ وورۇ مەزگىلىندە ەكۅۅنۉ قاراعىداي كىشى جوق بولعوندۇقتان رۇفىيە ەسەنمەمەت ىشتىكتۉۉ تۉردۅ ەكى قارتاڭدى قاروو مىلدەتىن ۉستۉنۅ العان، ەكى كۉندۅ بىردەن ەكى قارتاڭدىن ۉيۉنۅ بارىپ، الاردىن ۉيۉن تازالاپ، دىزەنفەكسىيالاپ تۇرات. نئى سوڭگىن مىنداي دەدى: «بىزدە ەمنە ئش بولسو قوومدۇق قونۇشقا تەلەفون چالابىز، الار داروو كەلىپ، چەچىپ بەرەت، دارىم جوق قالسا قىزماتكەرلەر الىپ كەلىپ بەرەت، بئزدىن كۉچتۉۉ ارقا تىرەگىبىز بار، الاردىن قىزماتىن قولدويبۇز». 

  قوومدۇق قونۇشتا قىزماتتانعانىنا تەك 3 ايدان اشۇۇن ۇباقىت بولسو دا، بئروق مۉنۅزۉ اچىق-جارىق رۇفىيا ەسەنمەمەت قوومدۇق قونۇشقا قاراشتۇۇ تۇرعۇندار مەنەن جاقشى جۇۇرۇلۇشۇپ، كۅپچۉلۉك جاعىنان «كىچىنەك اارى» دەگەن اتقا قوندۇ. جالعىز بوي قارىيا جاڭ سۉيحۇا قابارچىعا مىنداي دەدى: «ۅزۉمدۉن قىزىمان داعى جاقشى، انى-مۇنۇ سۇراپ، الىمدان قابار الىپ تۇرات، ال كەەدە بئر كۉندۅ ەكى ىرەت كەلەت، قانداي نەرسەگە اجاتىم بارلىعىن، ەمنەنى جەگىم كەلگەنىن باارىن سۇراپ تۇرات. مەن سىرتقا چىقباي الارعا جاقشى شايكەشتىم. بئز بىردىكتە چىمىرقانىپ، قىيىنچىلىقتى جەڭەبىز». 

  (ناق مايدان ۉنۉ): «بئرىنچى اراكەت، بئر، ەكى، ۉچ، تۅرت، بەش، التى، جەتى، سەگىز.... » ۉيۉنۅن چىقپاعان تۇرعۇنداردىن تۇرمۇشۇنا قۇبانىچ تارتۇۇلوو ۉچۉن، ىرعا ىقتۇۇ، بىيگە شىقتۇۇ رۇفىيا ەسەنمەمەت اركۉنۉ تۉشتۅن كىيىن ۋئدىيو ارقىلۇۇ قاراشتۇۇ رايوندوقۇ تۇرعۇنداردى بىيلەپ جانا دەنە تاقشالدىرۇۇ اراكەتتەرىن ۉيرۅنۉۉگۅ جەتەكتەپ تۇرات. قوومدۇق قونۇش تۇرعۇنۇ زوڭ گۉيمىيدىن ەەرچىپ ۉيرۅنگۅنۉنۅ بئر اپتا بولدۇ. ال قابارچىعا مىنداي دەدى: «بۇل تۉردۉۉ دەنە تاقشالدىرۇۇ ابدان جاقشى بولدۇ، دەنە تاقشالدىرىپ ەلە قالباي، داعى مەەر-ماحاباتتى قويۇلاشتىرعالى بولوت ەكەن. قوومدۇق قونۇش قىزماتكەرلەرى اياباي جاپاالۇۇ قىزمات ىشتەيت، ازىر بولسو مئنتىپ بىزگە بئي ۉيرۅتۉپ جاتات، بئز ابدان قۇبانىچتابىز، ۉيدۅ زەرىكبەيبىز، ۉيدۅ كۅڭۉلدۉۉ ولتۇرۇپ، قوومدۇق قونۇش قىزماتىنا شايكەشەبىز». 

  رۇفىيا ەسەنمەمەت مىنداي دەدى: «كەەبىر كەزدەردە تۇرعۇنداردى ۅنۅرۉن كۅرسۅتۉپ، چۉيگۉن داامداردى جاسووعو باشتاپ، تۉركۉن قىيمىلداردى الىپ بارىپ تۇرابىز. بۇل قىيمىلدار ارقىلۇۇ الاردىن ۉيدۅ تۇرعان كەزدەكى ماانايىن تەسكەدىك. تەك بئز بىردىكتە چىمىرقانساق ەلە بۇل جولقۇ جۇعۇشتۇۇ وورۇنۇ سۅزسۉز جەڭە الابىز». 

〖2020.02.20-11:35〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز