تاپشىرمانى جەردە قويبوي، جۇعۇشتۇۇ وورۇنۇن الدىن الىپ تىزگىندۅۅدۅن تۇرعان ەل كۉرۅشۉندۅ چەچكىن جەڭىشكە جەتەلى

2020-02-12 12:42

  بۉت ماملەكەت جۇعۇشتۇۇ وورۇنۇن الدىن الىپ تىزگىندۅۅنۉن تايماشۇۇ ابالىنا كىرگەن العىلىقتۇۇ ۇچۇردا، باش شۇجئى شئى جئنپىڭ بەيجىندەكى جۇعۇشتۇۇ وورۇنۇن الدىن الىپ تىزگىندۅۅ بئرىنچى چەبىنە بارىپ تەكشەرىپ ىزىلدەپ، جەتەكچىلىك قىلىپ، بۉت ماملەكەتەكى جۇعۇشتۇۇ وورۇنۇن الدىن الىپ تىزگىندۅۅ بئرىنچى چەبىندە كۉرۅشۉپ جاتقان قىزماتكەرلەر جانا قالىڭ كادىر، جۇمۇشچۇلارعا پارتئيا بوربورۇدق كومىتەتتىن قامقوردۇعۇن جانا ال سۇرووسۇن جەتكىردى. كۉچتۉۉ جەتەكتەپ، كۅڭۉلدۉ جىلىتقان سۅزدۅر، اپتونوم رايونۇبۇزداعى ار ۇلۇت كادىر، قالقىن شىقتاندىردى، كۅپچۉلۉك: باش شۇجئنىن تاپشىرماسىن سۅزسۉز جەردە قويبوي، داعىدا بەكەم ىشەنچ، داعىدا كۉچتۉۉ قايرات، داعىدا چەچكىن چارالار مەنەن، جۇعۇشتۇۇ وورۇنۇن الدىن الىپ تىزگىندۅۅدۅن تۇرعان ەل كۉرۅشۉندۅ، جالپى تۇلقۇ كۉرۅشۉندۅ، توسۇۇ، سوققۇ ۇرۇۇ كۉرۅشۉندۅ چەچكىن جەڭىشكە جەتەبىز- دەشتى. ەمى ىستانسىيابىزدىن بۇل جۅنۉندۅكۉ ۇنۇۋەرسال قابارى: 

  2- ايدىن 11- كۉنۉ ساار مەنەن، باي ووداندىق ەل دوقتۇرقاناسىنىن ەتى ىسۇۇ وورۇلار رايونۇندا، دارىلوو قىزماتكەرلەرى ماملەكەت ەڭ جاڭى جارىيالاعان «دوقتۇرقانانىن جۇعۇمدالۇۇدان قورعونۇۇ جانا دارىلوو قىزماتكەرلەرىنىن جەكە قورعونۇۇ تالابى»نا نەگىز ئش جۉزۉندۉك ماشقۇلات الىپ باردى. ەتى ىسۇۇ وورۇلار رايونۇنۇن سەستىرالار باشچىسى فۇ لئى مىنداي دەدى: «باش شۇجئى شئى جئنپىڭدىن سۅزۉن ۇعۇپ اياباي تااسىرلەندىم، ارى شىقتاندىم. بئرىنچى چەپتەكى دارىلوو قىزماتكەرى قاتارى، ىشەنچتى داعىدا بەكەمدەپ، ىيىق مىلدەتتى جەردە قويبوي، قىيىنچىلىقتى جەڭىپ، قالىڭ قالىقتى قووپسۇز قامتاماسىزداندىرۇۇ جانا تەيلۅۅ مەنەن انسايىن جاقشى قامدايبىز، پارتئيا بوربوردۇق كومىتەتتىن كۉچتۉۉ جەتەكچىلىگىىندە، بۉت ماملەكەت ەلىنىن ورتوق چىمىرقانۇۇسۇندا، بۇل مايدان جۇعۇشتۇۇ وورۇنۇ توسۇپ سوققۇ ۇرۇۇ كۉرۅشۉندۅ سۅزسۉز جەڭىشكە جەتەرىبىزگە ىشەنەم».

   باش شۇجئى شئى جئنپىڭ مىنا بۇلاردى كۅرسۅتتۉ: بۉت ماملەكەتتەكى قوومدۇق قونۇشتار جۇعۇشتۇۇ وورۇنۇن الدىن الىپ تىزگىندۅۅدۅكۉ توسۇپ سوققۇ ۇرۇۇ رولۇن تولۇق كۅرسۅتۉپ، الدىن الىپ تىزگىندۅۅنۉن كۉچۉن قوومدۇق قونۇشتارعا تۉشۉرۉپ، قوومدۇق قونۇشتاردىن ار قايسى الدىن الىپ تىزگىندۅۅ چارالارىن جۉزۅۅلۅشتۉرۉۉنۉ كۉچۅتۉپ، بااردىق قوومدۇق قونۇشتۇ جۇعۇشتۇۇ وورۇنۇن الدىن الىپ تىزگىندۅۅنۉن كۉچتۉۉ قورعونۇنا ايلاندىرۇۇ كەرەك. ۉرۉمچۉ شاارى تئيانشان رايونۇ باقت جولۇ تىلكە رايونۇ باقىت باقچاسى قوومدۇق قونۇشۇنۇن پارتئيا باش ياچايكا شۇجئسى جۇ يوڭشئياڭ قىزماتتاشتارى مەنەن ۇداا 10 قانچا كۉن، قاراشتۇۇ رايوندوعۇ جۇعۇشتۇۇ وورۇنۇن الدىن الىپ تىزگىندۅۅ قىزمات بئرىنچى چەبىندە كۉرۅش قىلدى. ال مىنداي دەدى: «بئز ىشەنچتى داعىدا بەكەمدەپ، باعىتتى ايقىنداشتىرۇۇبۇز كەرەك. قوومدۇق قونۇش جۇعۇشتۇۇ وورۇنۇن بىرگەلەشىپ الدىن الۇۇ، بىرگەلەشىپ تىزگىندۅۅنۉن بئرىنچى چەبى، ارى سىرتتان كىرۉۉنۉن، ىچتەن تارالۇۇنۇن الدىن الۇۇداعى ەڭ ۅنۉمدۉۉ قورعونۇۇ چەبى. بئز دىزەنفەكسىيالوو گۇرۇپپاسى، جۇعۇشتۇۇ وورۇنۇن الدىن الىپ تىزگىندۅۅ گۇرۇپپاسى، ۉگۉت گۇرۇپپاسى قاتارلۇۇلاردى قۇردۇق جانا قاراشتۇۇ رايوندوعۇ پارتئيا مۉچۅلۅرۉنۉن اۋانگارت ۅرنۅكتۉك رولۇن تولۇق كۅرسۅتتۉك. بئز قوومدۇق قونۇشتان تۇرعان بۇل قورعونۇۇ چەبىن ۇلاندۇۇ باارى كۉچۉبۉز مەنەن قايتارىپ، جۇعۇشتۇۇ وورۇنۇن تارالۇۇ جانا جايىلۇۇ جولدورۇن ۉزۉپ تاشتاپ، قوومدۇق قونۇشتۇ جۇعۇشتۇۇ وورۇنۇن الدىن الىپ تىزگىندۅۅدۅكۉ كۉچتۉۉ قورعونعو ايلاندىرىپ، جۇعۇشتۇۇ وورۇنۇن الدىن الىپ تىزگىندۅۅدۅكۉ ەلدىك قورعونۇۇ چەبىن قۇرۇپ چىعابىز». 

    باش شۇجئى شئى جئنپىڭ: جۇعۇشتۇۇ وورۇنۇن الدىن الىپ تىزگىندۅۅ، بئر مايدان ەل جۇرتچۇلۇعۇنۇن ۅمۉر قووپسۇزدۇعۇ جانا دەن سوولۇعۇن قورعوي تۇرعان قاتااڭ كۉرۅش دەپ باسا بەلگىلەدى. ار داراجالۇۇ پارتكوم جانا ۅكۉمۅت پارتئيا بوربوردۇق كومىتەتتىن ساياسات بەلگىلۅۅ ورۇنداشتىرۇۇلارىن چەچكىن ىزچىلدەشتىرىپ، جۇعۇشتۇۇ وورۇنۇن الدىن الىپ تىزگىندۅۅ قىزماتىن ىچكەلەي، ناقتىلۇۇ قارمادى. قومۇل شااردىق وورۇلاردىن الدىن الىپ تىزگىندۅۅ بوربورۇنۇن قىزماتكەرى رەيحانگۉل ياقۇپ مىنداي دەدى: «وورۇنۇن الدىن الىپ تىزگىندۅۅ قىزماتكەرى قاتارى، بئرىنچى ۇباقىتتا وردۇبۇزدان تۇرۇپ، مىلدەت جووپكەرچىلىگىبىزدى اتقارىپ، قالىقا الدىن الىپ دارىلوو ماالىماتىن ۅز ماالىندا، تەز، تۇۇرا ۉگۉتتۅپ، الدىن الىپ دارىلوو بىلىمدەرىن جالپىلاشتىرىپ، كۅڭۉلۉندۅكۉ قورقۇنۇچتۇ جويۇپ، جالپىلىقتى جۇعۇشتۇۇ وورۇنۇن الدىن الىپ تىزگىندۅۅنۉ تۇۇرا تۉشۉنۉۉگۅ، ىشتىكتۉۉ شايكەشۉۉگۅ، ئلىمىي قاتىشۇۇعا جەتەكتەيبىز». 

  باش شۇجئى شئى جئنپىڭ: جۇعۇشتۇۇ وورۇ كۅرۉلگۅن سايىن، ەل تۇرمۇشۇن قامتاماسىزداندىرۇۇ جانا جاقشىرتۇۇ قىزماتىنا انسايىن بايقاستوو كەرەك دەپ كۅرسۅتتۉ. اپتونوم رايوندۇق ايىل چاربا، ايىل قىشتاق نازاراتى ساياسات جانا ىسلاات باشقارماسىنىن ورۇن باسار باشچىسى جاڭ حۇ مىنداي دەدى: «قاتىشتۇۇ تارماقتاردىن قوومچۇلۇق، ايرىقچا ايىل قىشتاق رايوندورۇنداعى الدىن الىپ تىزگىندۅۅنۉ جاقشى ىشتۅۅسۉنۅ ىشتىكتۉۉ شايكەشۉۉ نەگىزىندە، جۇعۇشتۇۇ وورۇ مەزگىلىندەكى بۉت اپتونوم رايونۇبۇزداعى ار ۇلۇت ەل جۇرتچۇلۇعۇنۇن اش قاتىعى، كۉرۉچ باشتىعى قاتارلۇۇ ۅندۉرۉشتۉك تۇرمۇش اجاتىن قانااتتاندىرۇۇنۇ كۅزدۅ قارماپ، ۅندۉرۉش مەنەن ساتۇۇنۇ چىركەشتىرۉۉ جانا ايىل چاربا ۅندۉرۉشۉن تەسكۅۅنۉ كۉچۅتۉپ، ۇچۇرداعى جاشىلچا، ەت، جۇمۇرتقا، سۉت قاتارلۇۇ اش قاتىق تۉشۉمدۅرۉنۉن تۉشۉمۉن تۇرۇقتاندىرۇۇ، قامدووعو، ساپاتىنا كەپىلدىك قىلۇۇ قىزماتىن تىنعىلىقتۇۇ جاقشى ىشتەپ، جۇعۇشتۇۇ وورۇنۇن الدىن الىپ تىزگىندۅۅ، توسۇپ سوققۇ ۇرۇۇ كۉرۅشۉندۅ جەڭىشكە جەتۉۉگۅ جانا بىيىل بۉت اپتونوم رايونۇبۇزدۇن ەكونومىكا، قوومدۇ ۅنۉكتۉرۉۉ نئشاانىن ىشكە اشىرۇۇنۇ كۉچتۉۉ ۅبۅلگۅ جانا قامتاماسىزداندىرۇۇ مەنەن قامدووعو چىمىرقانابىز». 

〖2020.02.12-12:42〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز