جۇمۇشقا ورۇنداشىپ، پايدا بار بولدۇ، قىشتاق تۇرعۇندارىنىن كىرەشەسىن اشىرۇۇدا كەپەلەت بار بولدۇ

2020-02-12 16:00

مەكىت وودانى قازكۅل ايىلى يەكشەنبە بازار قىشتاعى اسىل تۇقۇم كۅبۅيتۉپ جەتىشتىرۉۉ بوربورۇن قۇرۇپ، قويدۇن قۇرۇلماسىن قىلداشتىرىپ، ئلىمىي باعۇۇنۇ ىلگەرى سۉرۉپ، قىشتاقتىن كوللەكتىپ كىرەشەسىن اشىردى، وشوندوي ەلە قابىلداعان كەمباعال تۇرعۇندار بۇل جەردە جۇمۇشقا ورۇنداشىپ، پايدا بۉلۅشتۉرۉۉدۅن باارلاندى. ەمى ىستانسيابىزدىن بۇل جۅنۉندۅكۉ قابارى. 

 كۅكتۅم مايرامىنىن الدىندا يەكشەنبە بازارى قىشتاعى اسىل تۇقۇم كۅبۅيتۉپ جەتىشتىرۉۉ بوربورۇ 2019- جىلدىق پايدانى بۅلۉشتۉردۉ. قىشتاق تۇرعۇنۇ راقمان ۅمەر ارحئپ تۇرعۇزۇپ كارتا بۉتۉرۉلگۅن كەمباعال تۉتۉن بولۇپ، ۉيۉندۅ 5 جان بولعوندۇقتان كەمباعال تۉتۉندۅكۉ ار بئر ادامعا 500 يۇان پايدا بۅلۉشتۉرۉۉ ۅلچۅمۉ بويۇنچا ال 2500 يۇان نارقىنداعى قوي الدى. اسىل تۇقۇم كۅبۅيتۉپ جەتىشتىرۉۉ بوربورۇنۇن قىزماتكەرى ەسەنگۉل ئمىن اعا ەكى قوي بۅلۉپ بەرگەن بولۇپ، جالپى ووردۇعۇ 75 كىلوگىرام كەلدى. ەسەنگۉل ئمىن مىنداي دەدى:« 75 كىلوگىرام بولعوندو كىلوگىرامىن 33 يۇان ەسەپتەسەك 2475 يۇانعا جارايت، مەن ساعا 25 يۇان بەرسەم ەلە بولوت». ىراقمان ۅمەر سۉيۉنگۅن تۉردۅ ەكى قويدۇ جەتەلەپ باستى. ال مىنداي دەدى: «بۉگۉن اياباي قۇباندىم، قويدۇ الىپ بارعاندان كىيىن كەلەر جىلى تۅلدۅتۉپ، ۉي- بۉلۅ كىرەشەمدى اشىرام». 

اسىل تۇقۇم كۅبۅيتۉپ جەتىشتىرۉۉ بوربورۇ جەرگىلىكتەگى كەمباعالداردى جۅلۅۅ تۉرۉ بولۇپ، 2018- جىلى 9- ايدا قۇرۇلعان. ۅكۉمۅت ئجاراعا بەرۉۉ، مۉلكتۉ ۅكۅلۅتۅن قاروو ىڭعايى بويۇنچا كەسىپتىك توپتۇن تئجارات قىلۇۇسۇنا تاپشىرعان، وشوندوي ەلە ىراقمان ۅمەر قاتارلۇۇ 12 كەمباعال قىشتاق تۇرعۇنۇن بۇل جەردە باعۇۇ سىياقتۇۇ نەگىزگى قىزمات مەنەن الەكتەنۉۉگۅ ەلىكتىرگەن. 

  تەحنىكتىن جەتەكتۅۅسۉندۅ، راحمان ۅمەر ئلمىي باعۇۇ تەحنىكاسىن تەز ەلە ىيگەرىپ الدى. راحمان ۅمەر مىنداي دەدى: قويلوردۇ قانتئپ تۉرگۅ بۅلۉۉنۉ بئلىپ الدىم، كۅنۉشۉپ كەتتىم، ازىر جۇمۇشۇم بار بولدۇ، جاقشى كۅرۅم. 

  باعۇۇ ەلە ەمەس، ۇي-قويلوردو كۅرۉلگۅن كىچىنە ىلاڭداردى داعى راحمان ۅمەر دارىلاپ ساقايتا الاتۇرعان بولدۇ. تەحنىكاسى جاقشى، جۇمۇش ىشتۅۅ ىشتىكتۉۉلۉگۉ جوعورۇ بولعوندۇقتان ال مال باعۇۇ گۇرپپاسىنىن گۇرپپا باشچىسىنا ايلانىپ، ماياناسى مۇرداقى 2مئڭ يۇاندان 2مئڭ 300 يۇانعا جوعورۇلادى. 

  راحمان ۅمەردىن ۉيۉ مەنەن سورتتۇۇ تۉرلۅردۉ اسىل تۇقۇم كۅبۅيتۉپ جەتىشتىرۉۉ بوربورۇنۇن ارالىعى 20 كىلومەتىر ايلاناسىندا. جۇمۇشقا بارۇۇعا وڭتويلۇۇ بولۇۇ ۉچۉن، سورتتۇۇ تۉرلۅردۉ كۅبۅيتۉپ جەتىشتىرۉۉ بوربورۇ اركۉنۉ ۉيۉنۅ قايتا الباعان قىشتاق تۇرعۇندارىن جاتاق مەنەن قامداعان. بۇل انى اياباي قۇباندىردى. راحمان ۅمەر مىنداي دەدى: ار اپتادا بئر ىرەت ۉيگۅ قايتام. ۉيۉمدۅ 15 مو جەر بار، بئر جىلدىق كىرەشەم 10مئڭ يۇاندان اشات. بۇل جەردەكى ار ايلىق مايانام 2مئڭ 300 يۇاندان، بۇل جۇمۇشتۇ ىشتەگەنىمدەن اياباي قۇبانىپ تۇرام. مەن ازىر ايدووچۇلۇق كۉبۅلۉگۉن الۇۇعا قاتتالدىم، بۇل جەردە جۇمۇش ىشتەپ اقچا تاپقاندان كىيىن، بئر اۋتو ۇنا ساتىپ الام. 

  تازا تۇقۇمداردى كۅبۅيتۉپ جەتىشتىرۉۉ، ارعىنداشتىرىپ سورتۇن جاقشىلوو قاتارلۇۇ جاڭى تەحنىكالار ارقىلۇۇ سورتتۇۇ تۉرلۅردۉ كۅبۅيتۉپ جەتىشتىرۉۉ بوربورۇ قۇرۇلعان بئر جىلدان بەرى، قويلوردۇن قوروودو ساقتالۇۇ سانى باشتاپقى 3مئڭ 500دەن 6مىڭگە كۅبۅيۉپ، اندان مئڭ قوزۇ تۅل الىنىپ، 12 كىشىنىن جۇمۇشقا ورۇنداشۇۇسۇنا تۉرتكۉ بولدۇ. بىيىل سورتتۇۇ تۉرلۅردۉ كۅبۅيتۉپ جەتىشتىرۉۉ بوربورۇ قوروودو ساقتالۇۇ چەنەمىن داعى بئر دەمجىي كەڭىرتۉۉنۉ ارى قىشتاق تۇرعۇندارىنىن قويلورۇن بۇل جەردە ۅكۅلۅتۅن باعۇۇعا الۇۇنۇ پئلاندادى. 

〖2020.02.12-16:00〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز