مىكرو تىپتەگى كەمباعالداردى جۅلۅۅ كەسىپ باقچاسى قىشتاق تۇرعۇندارىنىن بايىپ كىرەشەسىن ارتتىرۇۇسۇنا دەمۅۅر بولدۇ

2020-02-11 12:19

  ارتىش شاارى ۉستۉن ارتىش شاارچاسى ۇچا قىشتاعى مىكرو تىپتەگى كەمباعالداردى جۅلۅۅ كەسىپ باقچاسىن قۇرۇۇ ارقىلۇۇ، جەرگىلىكتەگى دىيقانداردىن جۇمۇشقا ورۇنداشىپ چاربا جاراتۇۇ جولۇن مولۇقتۇردۇ. ىستانسىيابىز قابارچىسى ياۋ يە، زىڭيەلەردىن قابارى: 

  جاقىندا، ۇچا قىشتاعى قەدىرى كىيىم- كەچە چەكتۉۉ شەرىكتىگىنىن جۇمۇشچۇلارى كۅكتۅم مايرامىنىن الدىنداعى بئر تۉركۉم كىيىم- كەچە بۇيرۇتمالارىن ۉلگۉرتۉپ بۉتۉرۉۉ مەنەن شاشىلىش ەلە. شەرىكتىك باش دىرەكتورۇ ايگۉل مەمەت مىنداي دەدى: «العاچىندا بئز تەك جۅنۅكۅي مەكتەپ فورماسىنا ئش قوشچۇبۇز، ازىر كاستىيوم- بۇرۇلكا، كانسەرت كىيمدەرىن داعى تىگە الچۇ بولدۇق. 2019- جىلى جالپى ئش قوشۇلعان كىيىم- كەچە 9600 قۇردان اشۇۇن، 1 مئلليون 500 مئڭ يۇاندان اشۇۇن ساتۇۇ سۇمماسى بار بولدۇ». 

 2016- جىلى، «ەل ابالىن بىلۉۉ، ەلگە نارپ جەتكىرۉۉ، ەل كۅڭۉلۉن الۇۇ» قىشتاقتا تۇرۇشتۇۇ قىزمات اتىرەتى جانا قىشتاق ەكى كومىتەتىنىن جاردامىندا، ايگۉل مەمەت چاربا جاراتۇۇ قارىز اقچاسىن ۅتۉنۉچ قىلىپ بۇل شەرىكتىكتى قۇرعان. شەرىكتىكتە ۇچۇردا جەرگىلىكتۉۉ قىشتاقتان 25 كىشى جۇمۇشقا ورۇنداشىپ، ورتوچو ايلىق كىرەشەسى 2 مئڭ يۇاندان جوعورۇ. 

   مۇردا، ۇچا قىشتاعىندا جۇمۇشقا ورۇنداشۇۇ جولۇ جالاڭ بولۇۇ ماسەلەسى ۇلاندۇۇ ساقتالىپ كەلگەن. ارتىش شااردىق تاش جول باشقارۇۇ مەكەمەسىنىن «ەل ابالىن بىلۉۉ، ەلگە نارپ جەتكىرۉۉ، ەل كۅڭۉلۉن الۇۇ » قىشتاقتا تۇرۇشتۇۇ قىزمات اتىرەتى مەنەن قىشتاق ەكى كومىتەتى كۅپ تۉردۉۉ كەسىپتى قاپتاعان مىكرو تىپتەگى كەمباعالداردى جۅلۅۅ كەسىپ باقچاسىن ورتوق قۇرۇپ، ار داراجالۇۇ، ار تۉردۉۉ قارجىدان 2 مئلليون 280 مئڭ يۇاندى چوعۇلتۇپ، قەدىرى كىيىم- كەچە چەكتۉۉ شەرىكتىگى، بايشان كىلەم زاۋوتۇ، جۇۇرقان- كۅرپۅگۅ ئش قوشۇۇ كۅمۅكتۅشتۉك كوپراتىبى، ۉنسۉز دۉينۅ سوودا چەكتۉۉ شەرىكتىگى، نان جابۇۇ كۅمۅكتۅشتۉك كوپراتىبى سىياقتۇۇ 5 كۅمۅكتۅشتۉك كوپراتىبى، كەرقانالار ارت- ارتىنان قۇرۇلۇپ ۅندۉرۉشكۅ كىرىشتى. قىشتاق تۇرعۇنۇ نۇرسىمانگۉل كامىل بايشان كىلەم زاۋوتۇندا بئر جىلدان اشۇۇن قىزمات ىشتەپ، ۉيۉنۉن تۇرمۇش دەڭگەەلى كۅرنۉكتۉۉ جوعورۇلادى. ال مىنداي دەدى: «ازىر بۇل جەردە كىلەم توقۇيبۇز، بىلتىر بئر ايدا 1500 يۇاندان 1800 يۇانعا چەيىن بولعون، ابدان قۇباندىم. بئز ۅزۉبۉز جاراشىقتۇۇ كىيىمدەردى كىيىپ ساتابىز، چۅنتۅك تەلەفون داعى الدىق». 

  ۇچۇردا، ۇچا قىشتاعى مكرو تىپتەگى كەمباعالداردى جۅلۅۅ كەسىبىندە كەمباعال تۉتۉندۅر، باشقا قىشتاق تۇرعۇندارى، قىشتاق كوللەكتىبى ۉچۅۅندۅ تەڭ جەڭىشكە جەتكەن جاقشى قىرداالدى ىشكە اشىردى. بەش كۅمۅكتۅشتۉك كوپراتىبى، كەرقاناعا 85 كەمباعال تۉتۉن جارناق قوشۇپ، ار جىلى جالپى 80 مئڭ يۇان پايدا بۅلۉشتۉرۉلۅت. مىندان باشقا داعى تىكەلەي 65 قىشتاق تۇرعۇنۇن جۇمۇشقا ورۇنداشۇۇعا ەلىكتىرىپ، قىشتاق كوللەكتىبىنىن كىشى باشىندىق ورتوچو كىرەشەسى ار جىلى 28 مئڭ يۇان ايلاناسىندا ارتتى. ۇچا قشتاعىنىن بئرىنچى شۇجئسى، «ەل ابالىن بىلۉۉ، ەلگە نارپ جەتكىرۉۉ، ەل كۅڭۉلۉن الۇۇ»قىشتاقتا تۇرۇشتۇۇ قىزمات اتىرەتىنىن باشچىسى لئى چىياڭ مىنداي دەدى: «2020- جىلى بئز ۇلاندۇۇ ۇشۇل جاعىندا كۇرستۅ تاربئيالوو ارقىلۇۇ، جۇمۇشچۇلاردىن تەحنىكالىق جۅندۅم دەڭگەەلىن جوعورۇلاتىپ، تۉشۉم ساپاتىن داعى بئر دەمجىي جوعورۇلاتىپ، پايدانى ارتتىرۇۇعا دايىندىق كۅردۉك. وشونۇ مەنەن بىرگە تۉشۉم ساتۇۇ جولۇن داعى بئر دەمجىي كەڭىرتىپ، جۇمۇشچۇلاردىن ماياناسىن ارتتىرابىز». 

〖2020.02.11-12:19〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز