مىلدەت جووپكەرچىلىگىن ارقالاپ اقىيقات جولۇنان قايتپاي، پارتئيا تۇۇسۇن جۇعۇشتۇۇ وورۇنۇن الدىن الىپ تىزگىندۅۅنۉن ەڭ الدىنقى چەبىندە جەلبىرەتەلى

2020-02-10 11:46

جاڭىچا تااجى سىمال ۋئرۇس ۅپكۅ سەزگەنچى جۇعۇشتۇۇ وورۇسۇنۇن الدىن الىپ تىزگىندۅۅ الدىنقى چەبىندە اپتونوم رايونۇبۇزداعى ار داراجالۇۇ پارتئيا ۇيۇم جانا قالىڭ پارتئيالۇۇ كادىرلار ايداقسىز ارقالاپ، ىشتىكتۉۉ اراكەتكە كەلىپ، ار ۇلۇت قالققى ۉچۉن سالاماتتىق قورعوو لئنىياسىن بەكەمدەپ، پارتئيا تۇۇسۇن جۇعۇشتۇۇ وورۇنۇن الدىن الىپ تىزگىندۅۅ الدىنقى چەبىندە بىيىك جەلبىرەتتى. ەمى ىستانسىيابىزدىن بۇل جۅنۉندۅكۉ قابارى. 

جۇعۇشتۇۇ وورۇ ابالى كۅرۉلگۅندۅن كىيىن جەر- جەرلەردەگى دوقتۇرقانالاردىن تىنىق الۇۇ، جۇعۇشتۇۇ، چۇقۇل قۇتقارۇۇ جانا قووپتۇۇ وور وورۇلار بۅلۉمۉنۉن دارىلوو قىزماتكەرلەرى قۇتقارىپ دارىلوو الدىنقى چەبىندە كۉچۅپ قىزمات ىشتەدى، كۅپتۅگۅن پارتئيا مۉچۅلۅرۉ ىشتىكتۉۉلۉك مەنەن ۅتۉنۉچ قىلىپ، الدىندا جۉردۉ، جەركەن ووداندىق ەل دوقتۇرقاناسى جۇڭگوچو ەمچىلىك ۅسمۅ وورۇلار بۅلۉمۉندۅ ىشتەگەن لىيۇ جئنشئى 7 جىلدىق پارتئيا جاشىنا ەە كوممۇنىستىك پارتئيا مۉچۅسۉ بولۇپ، جاڭىچا تااجى سىمال ۋئرۇس ۅپكۅ سەزگەنچى جۇعۇشتۇۇ وورۇسۇنۇن الدىن الىپ تىزگىندۅۅ، توسۇپ سوققۇ ۇرۇۇ كۉرۅشۉ باشتالعاندان كىيىن ال ىشتىكتۉۉلۉك مەنەن سۇنۇش قىلىپ، ەتى ىسىتۇۇ وورۇ مۉنۅزدۅۅ بۅلۉمۉنۉن جووپتۇۇ ۋىراچتىق مىلدەتىن ارقالادى. ال مىنداي دەدى:«كۅپچۉلۉك ۉيدۅكۉلۅر مەنەن چوعۇلۇۇدان كەچىپ، جۇعۇشتۇۇ وورۇنۇن الدىن الىپ تىزگىندۅۅ الدىنقى چەبىندە كۉرۅش قىلۇۇدا. پارتئيا مۉچۅسۉ قاتارى بۇل بئزدىن قىلۇۇعا تىيىشتۉۉ ئشىبىز، پارتئيا مۉچۅلۅرۉنۉن اۋانكارتتىق ۉلگۉلۉك رولۇن پارتئياعا كىرۉۉ انت سۅزۉندۅ ەلە كۅرسۅتۉپ ەلە قالباي، قايسىل جەر بىزگە كەرەكتۉۉ بولسو بئز وشول جەردە رولۇبۇزدۇ كۅرسۅتۉۉبۉز كەرەك».

اپتونوم رايوندۇق 6- ەل دوقتۇرقاناسىنىن جەركەن وودانىنا دارىلوو ارقىلۇۇ جاردام بەرىپ جۅلۅۅ قىزماتىن قۇلاچ جايدىرۇۇعا جىبەرگەن قالمۇرات ابدۇسالام دوقتۇرقانانىن جۇعۇشتۇۇ وورۇلار بۅلۉمۉنۉن مۇدۇرلۇق مىلدەتىن ارقالاپ، الدىنقى چەپتە وورۇ مۉنۅزدۅپ كۉن- تۉن كۉرۅش قىلۇۇ مەنەن بىرگە ال تۉن قاتىپ ساباق پئلانىن ىرەتتەپ، الدى- ارتى 6 جولۇ دوقتۇر- سەستىرالارعا وورۇ مۉنۅزدۅۅ بويۇنچا كۇرس ۇيۇمداپ، كۅپچۉلۉكتۉۉ وورۇ مۉنۅزدۅۅ بارشىنا بىشىق بولۇۇعا ەە قىلدى. ال مىنداي دەدى:«جۇعۇشتۇۇ وورۇنۇن ۅزۉ بۇيرۇق، الدىن الىپ تىزگىندۅۅنۉن ۅزۉ جووپكەرچىلىك سانالات، پارتئيا جەتىشتىرگەن پارتئيالۇۇ دارىلوو قىزماتكەرى قاتارى الدىندا جۉرۉپ، مۉلدۅ ارتقا چەگىنبەي، باردىق الدىن الىپ تىزگىندۅۅ جانا الدىن الىپ دارىلوو قىزماتىن مىقتۇۇ ىشتەپ، ەلدىن سالاماتتىعىن قورعوو مەنىن جووپكەرچىلىگىم جانا ىيىق مىلدەتىم ەسەپتەلەت». 

بۇل مەزگىلدەردە تولى ووداندىق وورۇلاردى تىزگىندۅۅ بوربورۇنۇن بۉت پارتئيا مۉچۅلۅرۉ ار كۉنۉ ماسكە، قورعوونۇ كۅز اينەگىن تااعىنىپ، الدىن الىپ قورعوو كىيمىن كىيىپ، دىزەنفەكسىيالوو اسپابىن كۅتۅرۉپ، جۇعۇشتۇۇ وورۇنۇن الدىن الىپ تىزگىندۅۅنۉن الدىنقى چەبىندە جۉرۉپ، جالپىلىق سورۇندا دىزەنفەكسىيالوو، الدىن الۇۇ سىياقتۇۇ تەحىنىكا جاقتان جەتەكچىلىك قىلۇۇدان باشقا، داعى جۇعۇشتۇۇ وورۇنۇن الدىن الىپ تىزگىندۅۅدۅكۉ چۇقۇل ابالعا تەڭ تايلاش تۇرۇپ بئر جاقتىلۇۇ قىلۇۇ مىلدەتىن ارقالادى، تولى ووداندىق وورۇلاردى تىزگىندۅۅ بوربورۇنۇن پارتئيا ياچايكا شۇجئسى شۅ لىيانيئڭ مىنداي دەدى:«قوومدۇق قونۇش، قىشتاق اتىرەتىنىن قىزماتىنا ىشتىكتۉۉ شايكەشىپ، قورعوونۇ مىقتۇۇ ىشتەدىك، كۅپچۉلۉكتۉن چىمىرقانۇۇسۇندا بۇل جۇعۇشتۇۇ وورۇنۇ توسۇپ سوققۇ ۇرۇۇ كۉرۅشۉندۅ جەڭىشكە جەتۉۉبۉزگۅ ىشەنەم». 

مارالباشى وودانى اقساقمارال ايىلى چىنلاچئى قىشتاعىندا 50 دۅن اشۇۇن پارتئيالۇۇ كادىرلار، پارتئياعا كىرۉۉ اكتىپتەرىنەن قۇرۇلعان قىزمات گۇرۇپپاسى ار كۉنۉ شىبىر سۅز جە تەلەفون ارقىلۇۇ قىشتاق تۇرعۇندارى اجاتتۇۇ نەرسەلەرىن سۇراپ بئر كەلكى ساتىپ العاندان كىيىن ەشىك الدىنا چەيىن جەتكىرىپ بەردى، اپتونوم رايوندۇق ىستاتىستىكا مەكەمەسىنىن «ەل ابالىن بىلۉۉ، ەلگە نارىپ جەتكىرۉۉ، ەل كۅڭۉلۉن الۇۇ» قىشتاقتا تۇرۇشتۇۇ قىزمات اتىرەتىنىن باشچىسى، بئرىنچى شۇجئسى سوڭ شئيۇحوڭ مىنداي دەدى:«پارتئيالۇۇ كادىرلار 1-چەپتە بەكەم تۇرۇپ، الدىندا جۉردۉ، ازىر قىشتاق پارتئيا ۇيۇمۇ قىشتاق تۇرعۇندارىنىن نەگىزگى تايانىچىنا ايلاندى».

ماناس وودانى تايياڭمئياۋ قووم قووپسۇزدۇق تەكشەرۉۉ پونكىتىن باشقارۇۇ چوڭ اتىرەتىنىن باشچىسى بئى شىچاڭ 10 جىلدىق پارتئيا جاشىنا ەە بولۇپ، كۅكتۅم مايرامىنىن الدىنقى كۉنۉ قىزمات وردۇنۇن تەلەفوندو قۇلاقتاندىرۇۇسۇن قابىلداعاندان كىيىن ال تۉن قاتىپ قىزمات وردۇنا قايتىپ كەلىپ، ازىرعا چەيىن ار كۉنۉ 15، 16 ساات قىزمات ىشتۅۅدۅ، بئى شىچاڭدىن ايالى داعى ساقچى بولۇپ، جۇعۇشتۇۇ وورۇ ابالى كۅرۉلگۅندۅن كىيىن ەكۅۅ تەك «كۉرۅش قىلۇۇ قاتىن» تاپشىرىپ 1-چەپكە اتتانعان. بئى شىچاڭ مىنداي دەدى:« كوممۇنىستىك پارتئيا مۉچۅسۉ قاتارى بئز تايياڭمئياۋ تەكشەرۉۉ پونكىتىندەي سۅزسۉز بىرىنچى ۅتكۅلدۉ بەكەم قايتارىپ، بئرىنچى قورعونۇۇ چەبى قىزماتىن جاقشى ىشتەيبىز». 

سوودا ۅنۅر جاي بانكەسى تۇرپان بۅلۉمچۅ بانكەسى قالىڭ پارتئيا مۉچۅلۅرۉن، ىنتىماق مۉچۅلۅرۉن جۇعۇشتۇۇ وورۇنۇ توسۇپ سوققۇ ۇۇرۇ بويۇنچا سەلبىك چوعۇلتۇۇ قىيمىلىن باشتووعو قوزعوتتۇ، وشونۇ مەنەن قاتار ئش جۉزۉندۉلۉككۅ بىرىكتىرىپ، جاشىل جول اچۇۇ، قارىز ۅسۉمۉن كەچىرىم قىلۇۇ، قارىز مۅنۅتۉن ۇزارتۇۇ سىياقتۇۇ 12 تۉردۉۉ ئش- چارانى جولعو قويۇپ، جۇعۇشتۇۇ وورۇنۇن الدىن الىپ تىزگىندۅۅ مەزگىلىندەگى اقچا مامىلە تەيلۅۅ قىزماتىن كۉچۅپ جاقشى ىشتەدى. سوودا ۅنۅر جاي بانكەسى تۇرپان بۅلۉمچۅ بانكەسى پارتكوم ئشقاناسىنىن مۇدۇرۇ، ئشقانا مۇدۇرۇ حۇاڭ ۋىي مىنداي دەدى:«پارتئيا ياچايكابىز سوعۇش قورعوندۇق رولۇن جاقشى كۅرسۅتۉپ، شۇجئى بااشتووقتۇق جەتەكتۅۅ رولۇن جاقشى كۅرسۅتۉپ، پارتئيا مۉچۅلۅرۉ جووپكەرچىلىگىن ارقالاپ، الدىعا قاراي اتتانىپ، جۇعۇشتۇۇ وورۇنۇن الدىن الىپ تىزگىندۅۅ مەنەن اقچا مامىلە تەيلۅۅ قىزماتىن ‹العاچقى مۉدۅۅنۉ ۇنۇتپاي، ىيىق مىلدەتتى ەستە بەكەم ساقتوو›» تابىلعاسىن سىنايتۇرعان سىناق مايدان قىلىپ، پارتئيا تۇۇسۇن اقچا مامىلە تەيلۅۅسۉ 1-چەبىندە جەلبىرەتەبىز». 


〖2020.02.10-11:46〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز