اپتونوم رايوندۇق سالاماتتىق ساقتوو جانا دەن- سوولۇق كومىتەتى جاڭى تىپتەگى تاجىسىمال ۋئرۇستان جۇعۇمدالعان ۅپكۅ سەزگەنىچىنە قاتىشتۇۇ بىلىمدەر ۋئدىيو كۇرسۇن ۇيۇمدادى

2020-02-01 11:29

اپتونوم رايوندۇق سالاماتتىق ساقتوو جانا دەن- سوولۇق كومىتەتى جاڭى تىپتەگى تاجىسىمال ۋئرۇستان جۇعۇمدالعان ۅپكۅ سەزگەنىچىنە قاتىشتۇۇ بىلىمدەر ۋئدىيو كۇرسۇن ۇيۇمدادى

  1- ايدىن 30- كۉنۉ تۉشتۅن كىيىن، اپتونوم رايوندۇق سالاماتتىق ساقتوو جانا دەن- سوولۇق كومىتەتى، بۉت اپتونوم رايوندو جاڭى تىپتەگى تاجىسىمال ۋئرۇستان جۇعۇمدالعان ۅپكۅ سەزگەنىچىنە قاتىشتۇۇ بىلىمدەر ۋئدىيو كۇرسۇن ۇيۇمداپ قۇلاچ جايدىرىپ، بۉت اپتونوم رايوندوعۇ ار داراجالۇۇ دارىلوو- سالاماتتىق ساقتوو اپپاراتتارىن جۇعۇشتۇۇ وورۇعا ماالىندا ۅنۉمدۉۉ تەڭتايلاش تۇرۇۇعا جەتەكتەدى. ىستانسىيابىز قابارچىلارى لئ ۋەي، ياڭجۇلاردىن قابارى: 

  (ناق مايدان ۉنۉ) «دىزەنفەكسىيا دارىسىنىن تۉرۉ ابدان كۅپ، كۅپچۉلۉك زاۋوتتۇن تۉشۉندۉرمۅسۉ بويۇنچا ىلايىق كەلگەن دىزەنفەكسىيالوو تئبىن تانداعىلا...» بۇل جولقۇ ۋئدىيو كۇرسۇنۇن مازمۇنۇ دارىلوو اپپاراتتارى دىزەنفەكسىيالوو تەحنىكاسى زارىل تۉيۉنۉ، جاڭى تىپتەگى تاجىسىمال ۋئرۇستان جۇعۇمدالعان ۅپكۅ سەزگەنىچىنىن كىلەنكالىك جولۇ، تاجىرىيباقانا تەكشەرىپ ۅلچۅۅ تەحنىكا كۅرسۅتكۉچۉ سىياقتۇۇ مازمۇنداردى قامتىيت. اپتونوم رايوندۇق وورۇلاردىن الدىن الۇۇ، تىزگىندۅۅ بوربورۇ، اپتونوم رايوندۇق ۅسمۅ وورۇلارى دوقتۇرقاناسى جانا اپتونوم رايوندۇق ەل دوقتۇرقاناسى ۉچ ورۇندۇن بەش دارىلوو ادئسى ساباق سۉيلۅدۉ. اپتونوم رايوندۇق ەل دوقتۇرقاناسى دارىلوو ىشتەرى بۅلۉمۉ ئلىم تۉرلۅرۉن باشقارۇۇ ئشقاناسىنىن مۇدۇرۇ لۇياڭ مىنداي دەدى: «بئز ماملەكەت جاڭىدان چىعارعان جاڭى تىپتەگى تاجىسىمال ۋئرۇستان جۇعۇمدالعان ۅپكۅ سەزگەنىچىن وورۇ مۉنۅزدۅپ دارىلوو دولبوورۇنا نەگىز، بئزدىن شئنجاڭدىن ۇچۇرداعى جۇعۇشتۇۇ وورۇ قىرداالىنا بىرىكتىرىپ بئر كىلەنكالىق جول تۉزۉپ بەكىتتىك، بئر بۅلۉك نووقاستاردى كۅلۅمدۅشتۉرۉپ ىرگەپ چىىقتىق. ۋئدىيو، ماالىماتتاشقان ۅرۉش ارقىلۇۇ، كۅپتۅگۅن نەگىزگى قاتمار دوقتۇرقانالارى، قالىڭ دارىلوو قىزماتكەرلەرى، نەگىزگى قاتمار قىزماتكەرلەرىنىن بااردىعى كەسىپتەشكەن كۇرستۇ قابىلدايت».  

  بىلۉۉگۅ قاراعاندا، بۇل جولقۇ كۇرستۇ اپتونوم رايوندۇق جۇعۇشتۇۇ وورۇلار اتايىن بۅلۉمۉ، ماالىمات باشقارۇۇ ۅرۉشۉ مەنەن ۅنۅكتۅشۉۉ ارقىلۇۇ جولعو قويعون، بۉت اپتونوم رايوندوعۇ 14 ايماق، وبلاس، شااردا 132 بۅلۉمچۅ جىيىن مايدانى ورۇنداشتىرىلىپ، ار داراجالۇۇ ار قايسى تۉردۅگۉ دارىلوو سالاماتتىقتى ساقتوو اپپاراتتارى، مىندا دوقتۇرقانا، سالاماتتىق ساقتوو وردۇ، قوومدۇق قونۇش سالاماتتىق ساقتوو تەيلۅۅ بوربورۇ، وورۇلاردىن الدىن الۇۇ، تىزگىندۅۅ بوربورۇ جانا سالاماتتىق ساقتوو كۅزۅمۅلدۅپ باشقارۇۇ تارماقتارىنىن قىزماتكەرلەرىن قامتىعاندار جاقىن جەردە ۋئدىيو كۇرسۇنا قاتىشتى. قىزىلسۇۇ قىرعىز اپتونوم وبلاستىق ەل دوقتۇرقاناسى جۇعۇشتۇۇ وورۇلاردىن الدىن الۇۇ، تىزگىندۅۅ ئشقاناسىنىن مۇدۇرۇ جاڭ باييان مىنداي دەدى: «بئزدىن كىلىنكالىق قىزماتىبىزعا زور جەتەكچى ماڭىزى بار، بئزدىن دوقتۇرقانانىن چۅيرۅسۉ جانا دارىلوو قىزماتكەرلەرىنىن جەكە الدىن الۇۇ، قورعونۇۇ تالاپتارىنا، بئز قاتااڭ تۉردۅ كۅلۅمدۅشتۉرۉۉ بويۇنچا ىشتەسەك عانا نووقاستاردى انسايىن جاقشى دارىلاي الابىز».  

〖2020.02.01-11:29〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز