الاتوو ووزۇ چەك ارا ووزۇنۇن ئمپورت- ەكىسپورت جۉك تاشىمال چەنەمى 20 مئلليون توننالىق چوڭ ۅتكۅۅلدۅن وزۇپ ۅتتۉ

2019-12-02 18:54

 1- ايدان 10- ايعا چەيىن، الاتوو ووزۇ چەك ارا ووزۇنۇن ئمپورت- ەكىسپورت جۉك تاشىمال چەنەمى 20 مئلليون توننالىق چوڭ ۅتكۅۅلدۅن وزۇپ ۅتتۉ. 

  بىيىل 1- ايدان 10- ايعا چەيىن، الاتوو ووزۇ چەك ارا ووزۇنۇن ئمپورت- ەكىسپورت جۉك تاشىمال چەنەمى 20 مئلليون توننادان وزۇپ ۅتۉپ، بەش جىلدان بەركى جاڭى رەكورتتۇ جاراتتى. الاتوو ووزۇ رادىيو-تەلە ىستانسىياسىنىن قابارچىلارى سوڭ يۉلوڭ، بۇرىنباتىلاردىن قابارى: 

   جاقىندا، الاتوو ووزۇ جىڭماۋ ەل ارالىق جۉك تاشۇۇ ۅكۅلۅتچۉلۉك چەكتۉۉ شەرىكتىگىنىن تاموجناعا ماالىمدووچۇسۇ جاي حايجۉن تاموجنا كۅزۅنۅگۉنۅ تاموجنا كەسىبىن بۉتۉرۉۉگۅ كەلىپ، وڭتويلۇۇ تەز بولعون تاموجنادان ۅتۉۉ ۅنۉمۉنۉن كەرقانالارعا الىپ كەلگەن وڭتويلۇۇلۇعۇن تەرەڭ سەزىندى. جاي حايجۉن مىنداي دەدى: «مۇردا بئر تۉركۉم جۉكتۉ ئمپورتتوو ۉچۉن 3، 4 كۉن ۇباقىت جۇمشالچۇ، ازىر 24 ساات ىچىندە ەلە تاموجنادان ۅتۉۉنۉ بۉتۉرۅت، مىنداي بولعوندو بئز كەرقانالارعا زور چەنەمدەگى ۇباقىت جانا تاشىمال ۅزدۉك نارقىن ۉنۅمدۅپ بەرىپ، تاموجنادان ۅتۉۉ تەزدىگىن زور داراجادا جوعورۇلاتتى». 

   بىيىلتان بەرى، الاتوو ووزۇ تاموجناسى اچىپ جىبەرۉۉ ەپكىنىن داعى بئر دەمجىي كەڭىرتىپ، قويو بەرۉۉ، باشقارۇۇ، تەيلۅۅ ىسلااتىن تەرەڭ جىلىشتاتىپ، مارگانەتىس رۇداسى، تەمىر رۇداسى، قورعوشۇن رۇداسى جانا ناقاي رۇدا سىياقتۇۇ بەش تۉردۉۉ چوڭ كەسىپتىن ئمپورتۇنا قاراتا «وبولۇ قويو بەرىپ، ارتىنان تەكشەرۉۉ» ساياساتىن اتقاردى، وشونۇ مەنەن بىرگە «ەكى قادامدۇۇ ۅتۉنۉچ بەرۉۉ» جاڭى ساياساتىن اتقاردى، مۇردا كەرقانانىن ئمپورت جۉكتۅرۉ تاموجناعا بئر وتولو 105 تۉردۉ سۇنۇشتووچۇ، ازىر بئرىنچى باسقىچقا تەك توعۇز تۉر سۇنۇشتاسا ەلە، چەك ارا ووزۇندا جۉك الىپ ۅتكۅرۉۉنۉ اتقارات، ئمپورت- ەكىسپورت جالپى تاموجنادان ۅتۉۉ ۇباقتى زور داراجادا قىسقارىپ، تەمىر جول جۉك مايدانىنىن ايلانۇۇ فونكىتسىياسى كۅرۉنۉكتۉۉ جوعورۇلاپ، كەرقانانىن ۅزدۉك نارقى كۅرۉنۉكتۉۉ تۅمۅندۅپ، تاموجنادان ۅتكۅرۉۉ وڭتويلۇۇلاشۇۇ داراجاسى زور جوعورۇلاپ، ئمپورت- ەكىسپورت سووداسىنىن جوعورۇ ساپاتتا ۅنۉگۉۉسۉنۅ جاڭى چىيرالۇۇ كۉچۉن قوشتۇ. الاتوو ووزۇ تاموجناسى ۇنىۋەرىسال كەسىپ بئرىنچى بۅلۉمۉنۉن بئرىنچى داراجالۇۇ اكىمچىلىك زاكون اتقارۇۇچۇسۇ ئرپان ئلحام مىنداي دەدى: «جۉكتۅردۉ تاموجنادان ۅتكۅرۉۉنۉن «سەكونتتو قويو بەرۉۉ» جاڭى دوورۇ اچىلدى، كەرقانالار داعى ساياسات شاراپاتىنان باارلاندى. بىيىل الدىنقى ون ايدا الاتوو ووزۇ چەك ارا ووزۇنۇن نەگىزىگى ئمپورت جۉكتۅرۉ تەمىر رۇداسى قۇمۇ، ەلەكتىروندۇق مئس سىياقتۇۇلار بولۇپ، نەگىزگى ەكىسپورت جۉكتۅرۉ جۉزۉم، قىزىل مىلىق بوتقوسۇ سىياقتۇۇلار بولدۇ. مىندان ارى بئز «ەكى قادامدۇۇ ۅتۉنۉچ بەرۉۉ» جانا «ەكى باسقىچتا كىرگىزۉۉ» كەسىپ ىسلااتىن سىزىل جىلىشتاتىپ، چەك ارا ووزۇ تئجارات چۅيرۅسۉن توقتووسۇز قىلداشتىرىپ، سىرتقا قاراتىلعان تىپتەگى ەكونومىكانىن جوعورۇ ساپاتتا ۅنۉگۉۉسۉن تۉرتمۅكتۅيبۉز». 

〖2019.12.02-18:54〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز