اپتونوم رايونۇبۇزدۇن جالپى مەنچىككە جاتپاعان ەكونومىكاسى تەز ۅنۉكتۉ

2019-12-02 18:19

   ماملەكەت جانا اپتونوم رايوندۇن زور كۉچ مەنەن قولدووسۇندا، اپتونوم رايونۇبۇزدۇن جالپى مەنچىككە جاتپاعان ەكونومىكاسى تەز ۅنۉگۉپ، ارتۇۇنۇ وموقتۇۇلاشتىرۇۇ، جۇمۇشقا ورۇنداشتىرۇۇنۇ ىلگەرى سۉرۉۉ جاعىندا رولۇ كۉن سايىن كۅرۉنۉكتۅنۉپ، شئنجاڭ ەكونومىكاسىن ۅنۉكتۉرۉۉدۅكۉ ورچۇندۇۇ كۉچتۉۉ قوشۇۇن بولۇپ، ەكونومىكانىن ارتۇۇسۇن العا تارتا تۇرعان «جاڭى ماتور»عو ايلاندى. ەمى ىستانسىيابىز قابارچىلارى زىڭ يە، ايبىندىن بۇل جۅنۉندۅكۉ قابارى: 

   بىيىلتان بەرى، شئنجاڭدىن تىشقى سوودا ئمپورت-ەكىسپورتۇ تەز ارتىپ، الدىنقى 8 ايدا، شئنجاڭدىن تىشقى سوودا ئمپورت-ەكىسپورت جالپى نارقى 87 مئللىيارت 970 مئللىيون يۇان بولۇپ، وقشوش مەزگىلگە سالىشتىرعاندا 12.1 پايىز ارتىپ، بۉت ماملەكەتتىن ارتۇۇ تەمپىنەن 8.5 پويەنت جوعورۇ بولدۇ. مىندا، ەل باشقارۇۇسۇنداعى كەرقانالاردىن ئمپورت-ەكىسپورتۇ شئنجاڭ تىشقى سوودا ئمپورت-ەكىسپورت جالپى نارقىنىن 72.9 پايىزىن ەەلەگەن. قىش كىرەرى مەنەن، چەك ارا سوودا شاارى بولعون الاتوو ووزۇ شاارى دىيقانچىلىق تۉشۉمدۅرۉن ئمپورت قىلۇۇنۇن جوعورۇ بەلەسىن توسۇپ الىپ، الاتوو ووزۇ ۇنىۋەرسال باجىدان قالىس رايوندو، ەل باشقارۇۇسۇنداعى ئمپورت-ەكىسپورت كەرقاناسى- ايجۉ چئنجىياڭ ازىق-تۉلۉك چەكتۉۉ جووپتۇلۇق شەرىكتىگىنىن 2- مەزگىلدىك كەڭەيتىپ سالۇۇ قۇرۇلۇشۇ ۇچۇردا چۇقۇل الىپ بارىلۇۇدا. بۇل بئر قانچا جىلدا، شەرىكتىك ەل ارا جانا ماملەكەت ىچىنەن تۇرعان 2 بازاردى تۇتاشتىرىپ، چىيكى ماتەرىيالدى ئمپورت قىلىپ كىرگىزۉۉ، تۉشۉمدۅردۉ چىعارۇۇداي نئشااندى ىشكە اشىرۇۇعا چىمىرقاندى. شەرىكتىكتىن ورۇن باسار باش دىرەكتورۇ ماۋ يانبئن مىنداي دەدى: «ۇچۇردا قازاقىستان مەنەن بۇۇداي قىزماتتاشۇۇ تۉرۉ بويۇنچا توقتومدوشتۇق، كىيىنكى ارىمدا ورۇسىيا قاتارلۇۇ ماملەكەتتەر مەنەن قىچى، كۉن قاراما ۇرۇعۇ، بۇۇداي ساتىپ الىپ ئش قوشو تۇرعان تۉر بويۇنچا قىزماتتاشابىز. 2- مەزگىلدىك قۇرۇلۇشۇبۇز بولجول مەنەن 2020- جىلى قۇرۇلۇپ بۉتۉپ، بۇۇدايدى ئمپورت قىلۇۇ چەنەمى 500 مئڭ تونناعا جەتەت، بۇل قازاقىستان، ورۇسىيا قاتارلۇۇ ماملەكەتتەردىن ەگىنچىلىك ايانتىن 3 مئللىيون موعو جەتكىرۉۉگۅ باشتووسۇ مۉمكۉن». 

  اپتونوم رايوندۇق پارتكوم جانا ۅكۉمۅت جالپى مەنچىككە جاتباعان ەكونومىكانى ۅنۉكتۉرۉۉگۅ جوعورۇ داراجادا ماانئى بەردى، بىيىلتان بەرى، اپتونوم رايونۇبۇز الدى-ارتى بولۇپ «ەل باشقارۇۇسۇنداعى ەكونومىكانىن سوو ۅنۉگۉۉسۉن زور كۉچ مەنەن ىلگەرى سۉرۉۉ جۅنۉندۅكۉ بئر قانچا پىكىرى»ن، «اقچا مامىلە ەل باشقارۇۇسۇنداعى كەرقانالارعا تەيلۅۅ جۉرگۉزۉۉسۉن كۉچۅتۉۉ جۅنۉندۅكۉ پىكىرى»ن ورتوعو قويۇپ، اپتونوم رايون، ايماق-وبىلاس-شاار، وودان-شاار-رايوندون تۇرعان 3 داراجالۇۇ جەتەكچىلەر ەل باشقارۇۇسۇنداعى كەرقانالار مەنەن بايلانىشۇۇ تۉزۉمۉ سىياقتۇۇ جەلەلەش ساياسات، چارالاردى چىعارىپ تۇرعۇزدۇ. اپتونوم رايوندۇق بازاردى كۅزۅمۅلدۅپ باشقارۇۇ مەكەمەسى پارتگۇرۇپپاسىنىن شۇجئسى شۉ شئياۋنئڭ مىنداي دەدى: «27 كۉبۅلۉكتۉ بىرىكتىرۉۉنۉ ىشكە اشىردىق، كەرقانا اچۇۇ ۇباقىتىن ماملەكەت تالاپ قىلعان 8.5 كۉندۅن، ازىر 5 كۉنگۅ قىسقارتتىق، ەل قالايىق قالىق بازاردى كۅزۅمۅلدۅپ باشقارۇۇ مەكەمەبىزگە كەلبەي ەلە، كۅپتۅگۅن ىشتەردى تور، پوچتوودون جۅنۅتۉۉ فورماسىندا بۉتۉرسۅ بولوت، بۇل تئجارات چۅيرۅبۉزدۉ تولۇق قىلداشتىرىپ، بازاردىن ەكونومىكالىق جاشوو كۉچۉن اشىردى». 

  جاقشى ساياساتتىن قولدووسۇندا، بىيىل اپتونوم رايونۇبۇزداعى ورتو، چاقان، مىكىرو كەرقانالار، ەل باشقارۇۇسۇنداعى ەكونومىكا ارتۇۇنۇ ساقتاپ، ەكونومىكاعا قوشقون سالىمى سىزىل ارتتى. الدىنقى جارىم جىلدا، بۉت اپتونوم رايونۇبۇزداعى جالپى مەنچىككە جاتپاعان كەرقانانىن تئجارات كىرەشەسى بۉت اپتونوم رايوندوعو ۅنۅر جاي كەرقانالارىندا ەەلەگەن سالىشتىرماسى 40 پايىزعا جەتىپ، بۉت اپتونوم رايونۇبۇزداعى ەلدىك قارجى سالۇۇ 5.8 پايىز ارتىپ، وقشوش مەزگىلگە سالىشتىرعاندا 55.3 پويەنت جوعورۇلاپ، جاقىنقى ەكى جىلدان بەركى جاڭى رەكورتتۇ جاراتتى. 

   باچىم ۅنۉگۉۉ مەنەن قاتار، جالپى مەنچىككە جاتپاعان كەرقانا داعى قوومدۇق جووپكەرچىلىكتى بىلەسەلۉۉ اتقارىپ، ەل تۇرمۇشۇن جاقشىلوو، كەمباعالدىقتان ارىلتۇۇ ۅتكۅۅلۉنۅ ات سالۇۇ، جۇمۇشقا ورۇنداشتىرۇۇنۇ كەڭەيتۉۉ، جاڭىلىق جاراتۇۇ ماتورۇ، ەكولوگىيالىق چۅيرۅ قورعوو سىياقتۇۇ جاقتاردا ىشتىكتۉۉ رولۇن ۅرچۉتتۉ. اپتونوم رايوندۇق سوودا ۅنۅرجايچىلار بىرلەشمەسى پارتگۇرۇپپاسىنىن مۉچۅسۉ، باش قاتچىسى تئيان گاڭ مىنداي دەدى: «2019- جىل 7- ايعا چەيىن، بۉت اپتونوم رايونۇبۇزدا جالپى 1 مئللىيون 750 مئڭ تۉتۉن بازار نەگىزگى تۇلقۇسۇ باردىققا كەلدى، مىندا ەل باشقارۇۇسۇنداعى نەگىزگى تۇلقۇ 98 پايىزىن ەەلەيت، كەسىپتەنۉۉچۉلۅر بۉت قوومدوعۇ جۇمۇشقا ورۇنداشقانداردىن سانىندا ەەلەگەن سالىشتىرماسى 80پايىزعا جەتتى». 

   توقۇماچىلىق، كىيىم-كەچە كەسىبىن الىپ ايتقاندا، ازىرعا چەيىن، شئنجاڭدىن توقۇماچىلىق، كىيىم-كەچە كەسىبىنىن تۇرۇقتۇۇ مۉلككۅ سالعان قارجىسى جالپى 170 مئلليارت يۇاندان اشىپ، 600 مئڭگە جۇۇق ادامدى جۇمۇشقا ورۇنداشتىرۇۇعا باشتاپ، توقۇماچىلىق، كىيىم-كەچە بويۇنچا قاتتوودون ۅتكۅرگۅن كەرقانا 3141گە جەتكەن، مىندا كۅپ ساندۇۇسۇ جالپى مەنچىككە جاتپاعان كەرقانا ەكەن. بىيىل، اقسۇۇ شاارى ايكۅل شاارچاسىنىن دىيقانى الىيەقىز روزى 6 مئڭدەن اشۇۇن جۇمۇشچۇ دوستورۇ مەنەن چوعۇۇ جالپى مەنچىككە جاتپاعان كەرقانا- اقسۇۇ حۇافۇ تۉستۉۉ توقۇماچىلىق شەرىكتىگىندە جاقىن ايلانادا جۇمۇشقا ورۇنداشقان. ال مىنداي دەيت: «ۉيۉم دا بۇل جەرگە جاقىن، باارى جاعى جاقشى، ازىر تۇرۇقتۇۇ قىزماتىم، تۇرۇقتۇۇ كىرەشەم بار بولدۇ، كۅۅنۉم تىندى». 

  جاقىنقى جىلداردان بەرى، قومۇل شاارى «ەكولوگىيا +» تۉشۉنۉك كەسىپتەردى ۅنۉكتۉرۉۉگۅ جۇۇرۇلۇشتۇرۇپ، ئلىم-تەحنىكا قۇرامى جوعورۇ، بايلىق قورومجۇسۇ تۅمۅن، چۅيرۅ بۇلعووسۇ از بولعون جاڭىدان گۉلدۅنگۅن كەسىپتەردى كۉچۅپ كىرگىزدى. اراتۉرۉك وودانى نوم ۅنۅر جاي باقچا رايونۇنا جايعاشقان جاشىل ۅنۉگۉۉ ۉلگۉلۉۉ تۉر- قومۇل رۇندا تازا ەنەرگىيالۇۇ ۇنىۋەرسال پايدالانۇۇچۇ 50*2 مئڭ كىلوۋات سااتتىق ەلەكتىر تاراتۇۇ تۉرۉ قۇرۇلۇشتۇن اقىرقى باسقىچىنا كىرگەن، بۇل بئر تۉردۉۉ قوڭۇر كۅمۉر ارقىلۇۇ قالدىق گازدىن ساپاتىن جوعورۇ كۅتۅرۉۉنۉ كۉيدۉرۉۉ ماتەرىيالى قىلعان تازا ەلەكتىر تاراتۇۇ تۉرۉ ەسەپتەلەت. جالپى مەنچىككە جاتپاعان كەرقانا- قومۇل رۇندا جئيانىڭ ەلەكتىر تاراتۇۇ چەكتۉۉ شەرىكتىگى ۅندۉرۉش زاۋوتۇنۇن باشچىسى چىن گوحوڭ مىنداي دەدى: «2-نومۇرلۇۇ گەنىراتورعو ازىر چۇقۇل قۇرۇلۇش الىپ بارۇۇدا، بىيىل 12- ايدىن اياعىندا قۇراشتىرىپ بۉتۉپ سىناق قىلساق، 2020- جىلى سوودا بويۇنچا ىشكە كىرىشتىرىلەت دەپ جورومولدوپ تۇرابىز. ەلەكتىر زاۋوتۇنۇن 1- مەزگىلدىك قۇرۇلۇش تولۇق ىشكە كىرىشتىرىلگەندەن كىيىن، جىلدىق ەلەكتىر تاراتۇۇ مۅلچۅرۉ 700 مئللىيون كىلوۋاتقا، بئر جاقتىلۇۇ قىلا الا تۇرعان كۅك كۅمۉردۉن قالدىق گازى 12 تئرىللىيون كۇپقا جەتەت، بۇل ۅلچۅمدۉۉ كۅمۉردۅن 280 مئڭ توننا ۉنۅمدۅپ قالعان مەنەن بارابار، ار جىلى 7778 توننا كەرەكسىز گاز قويو بەرۉۉ چەنەمى ازايىپ جاتات». 

〖2019.12.02-18:19〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز