14- كەزەكتۉۉ شئنجاڭ قىشقى ساياقات كەسىبى سوودا كۅرگۅزمۅسۉ التاي شاارىندا باشتالدى

2019-11-28 22:53

 11- ايدىن 27- كۉنۉ، 14- كەزەكتۉۉ شئنجاڭ قىشقى ساياقات كەسىبى سوودا كۅرگۅزمۅسۉ التاي شاارىندا باشتالدى. اپتونوم رايوندۇق پارتكومدۇن تۇرۇقتۇۇ مۉچۅسۉ، اپتونوم رايوندۇن ورۇن باسار تۅراعاسى ەركىن تۇنىياز قىشقى ساياقات كەسىبى سوودا كۅرگۅزمۅسۉنا قاتىشتى ارى كۅرگۅزمۅنۉن اچىلعانىن جارىيالادى. ىستانسىيابىز قابارچىسى جئن لەي، التاي رادئيو- تەلەۋىزىياسىنىن قابارچىسى ۋاڭ جئڭرۇنۇن قابارى: 

 بۇل كەزەكتۉۉ قىشقى ساياقات كەسىبى سوودا كۅرگۅزمۅسۉ «شئنجاڭ ـــ سونۇن جەر-جىبەك جولۇن قانعىچا ساياقاتتاپ، قار- مۇزدۇن قىزىعىنا باتۇۇ»نۇ نەگىزگى تەما قىلىپ، تۉيۉندۉۉ تۉردۅ شئنجاڭدىن مادانئيات ساياقات ۅنۉگۉۉ ناتىيجالارىن كۅرسۅتۉپ، قىشقى مادانئيات ساياقات تۉشۉمدۅرۉ جانا تۉر سوودا ۅرۉشۉن قۇرۇپ، شئنجاڭدىن قىشقى مادانئيات ساياقات كەسىبىنىن ۅنۉگۉۉسۉن جىلىشتاتات جانا العا تارتات. اچىلۇۇ ازەمىنەن كىيىن داعى «دۉينۅدۅگۉ بىيىك توو قار جىلعاياقتوو ەكونومىكا فورۇمۇ» «30- كەزەكتۉۉ باتىش- تۉندۉك ساياقات رايونۇ قىزماتتاشتىق جىينالىشى» «قار- مۇز مادانئيات كۅركۅم ۅنۅر چىعارماچىلىق جوعورۇ داراجالۇۇلار فورۇمۇ» سىياقتۇۇ جەلەلەش قىيمىلدار ۅتكۅرۉلدۉ. بۉت ماملەكەتتىن جەر- جەرلەرىنەن كەلگەن 400 دۅن اشۇۇن سىيلۇۇ قونوق كۅپتۉن اقىلىن كۅرسۅتۉپ، شئنجاڭدىن مادانئيات ساياقات كەسىبىنىن ۅنۉگۉۉسۉنۅ سۇنۇش- پىكىرلەرىن بەردى. جۇڭگودوعۇ تۇنعۇچ قار جىلعاياقتوو چەمپىيونۇ دان جاۋجىيەن مىنداي دەدى: «التايدا ەڭ بايىرقى قار جىلعاياقتوو مادانئياتى بار، ارى زامانباپ قار جىلعاياقتوو مادانئياتى بار. جۇۇرۇلۇشقاندا، جاڭى تىپتەگى قار جىلعاياقتوو اتاقتۇۇ كۅرۉنۉش جەرىنە ايلانعان، التايدىن بۇل مادانئيات مۉلكۉ، التايدىن قار- مۇز اتاقتۇۇ ماركەسىن شئنجاڭدان چىعارىپ، بۉت ماملەكەتكە، دۉينۅگۅ بەت الدىرات». 

 بۇل كەزەكتۉۉ قىشقى ساياقات سوودا كۅرگۅزمۅسۉ اچىلۇۇ ازەمىندە، التاي سىياقتۇۇ ايماق، وبلاس، شاارلار جانا قاتىشتۇۇ كەرقانالار ىچكى ۅلكۅلۅردۅگۉ كۅپتۅگۅن كەرقانالار، قارجى سالۇۇ شەرىكتىكتەرى، ورتوق قولدونۇلۇچۇ اباا جولدورۇ شەرىكتىگى مەنەن قىزماتتاشتىق كەلىشىمىنەن 16 نى تۉزۉپ، تۉر سۇمماسى 18 مئلليارت 30 مئلليون يۇان بولۇپ، ساياقات كوپراتىبى ساياقاتچى قاينارىن ۅز ارا جەتكىرۉۉ، قونوق ساراي نەگىزگى جابدۇۇلار قۇرۇلۇشۇ، ورتوق قولدونۇلچۇ اباا جولدورۇ تۅمۅن مەيكىندىك ساياقاتى، اقىل ىدىرەكتۉۉ كۅرك رايونۇ قۇرۇلۇشۇ، قار جىلعاياقتوو كەسىبىنىن ۅنۉگۉۉسۉ سىياقتۇۇ مازمۇندارعا قاتىشتۇۇ. كەلىشىم بۉتكۅندۅن كىيىن، شانشئى روڭۋىي قارجى سالۇۇ چەكتۉۉ شەرىكتىگى قاناس كۅرك رايونۇ جىيادىڭگۇ، التاي شاارى جىياڭجۉن تووسۇ قار جىلعاياقتوو مايدانىندا ساياقاتچى توسۇپ الۇۇ بوربورۇ، قونوق ساراي، ەلدىك قونولعو سىياقتۇۇ جابدۇۇلاردى سالات، شەرىكتىك مۇدىريات باشچىسى زى روڭ مىنداي دەدى: «2015- جىلى التايداعى ساياقاتچىلار 3 مئلليوندون اشقان، 2016- جىلى 7 مئلليوندون اشقان، 2017- جىلى 13 مئلليوندون اشقان، 2018- جىلى 22 مئلليوندون اشقان، ساياقاتچىلار نەگىزىنەن ەسەلەپ ارتقان، وشوندۇقتان بئزدىن شەرىكتىك ساياقات تۉرۉنۅ قارجى سالۇۇنۇ تاندادىق. بئز بەش جىل ىچىندە 4 مئلليارتتان اشۇۇن قارجى سالۇۇنۇ پئلاندادىق، 3 تۉرگۅ قۇرۇلۇش باشتالدى». 

 وشول كۉنۉ تۉشتۅن كىيىن، ادامزاتتىن قار جىلعاياقتووسۇ باشتالعان جەر شاتتىق مايرامى التاي شاارى جاڭجۉن تووسۇ قار جىلعاياقتوو مايدانىندا ۅتكۅرۉلدۉ، «مەن جانا اتا- مەكەنىم» بالدار توپتۇق ىرى، مئڭ كىشىلىك بايىرقى تەرى چاڭعىدا قار جىلعاياقتوو ۅنۅرۉن كۅرسۅتۉۉ، «تۉمۅن كىشىلىك قار اتىشۇۇ» سىياقتۇۇ قىيمىلدار جوون توپ ساياقاتچىلاردى توسۇپ الدى. شاڭحايلىق ساياقاتچى چىن سىجىيا مىنداي دەدى: «بۇل مەنىن بئرىنچى جولۇ قار جىلعاياقتوو مايدانىندا مىنداي سالتاناتتۇۇ قىيمىلعا قاتىشۇۇم، ادام ابدان كۅپ، جەرگىلىكتۉۉ كىشىلەردىن مەيماندوستۇعۇن سەزىندىم، كۅپتۅگۅن سالت- ساناا نومۇرلارىن كۅردۉم، مۇردا كۅرۉپ كۅربۅگۅمۉن، بئزدىن شئنجاڭعا كەلىپ بۇل جەردىن چۉيگۉن داامىن، مادانئياتىن سەزىنۉۉ ويۇبۇز داعى بار». 

 قىشقى ساياقات كەسىبى سوودا كۅرگۅزمۅسۉ مەزگىلىندە، اپتونوم رايونۇبۇزدۇن جەر- جەرلەرى 439 تۉردۉك قىشقى ساياقات مايرامىن قۇتتۇقتوو قىيمىلدارى جانا 120 تۉردۉۉ قار- مۇز دەنە تاربئيا قىيمىلىن ۅتكۅرۅت. اپتونوم رايوندۇق مادانئيات جانا ساياقات نازاراتىنىن پارتگۇرۇپپا شۇجئسى ۋۇ حۇامىن مىنداي دەدى: «شئنجاڭدىن ساياقاتى جوعورۇ داراجادا ۅنۉگۉۉسۉ كەرەك، جەر چۅلكۅمۉ جاعىندا تۉشتۉك شئنجاڭدان وزۇپ ۅتۉپ، مەزگىل جاعىندا قىش مەزگىلىنەن وزۇپ ۅتۉۉسۉ كەرەك. بىيىل «ۉچ قىيىن، بئر شىدىر بولبوو» ماسەلەسىن چەچىپ، جاڭى ساياقات اسىل تۉشۉمدۅرۉ لئنىياسىن اچىپ، ۇنۋەرىسال چارا ارقىلۇۇ، بئز بىيىل قىش مەزگىلىندەگى ساياقاتتاعان ادام سانى، ساياقات كىرەشەسىنىن بئر ەسە اشارىن ۉمۉت قىلابىز». 

〖2019.11.28-22:53〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز