شئنجاڭ تەمىر جولۇنۇن 2019- جىلدىق «قوش 11» ەلەكتىروندۇق سوودا التىن اپتالىق تاشىمالى باشتالدى

2019-11-11 19:37

 شئنجاڭ تەمىر جولۇنۇن 2019- جىلدىق «قوش 11» ەلەكتىروندۇق سوودا التىن اپتالىق تاشىمالى باشتالدى. 

 11- ايدىن 10- كۉنۉ تۉشتۅن مۇردا، شئنجاڭ تەمىر جولۇنۇن 2019- جىلدىق «قوش 11» ەلەكتىروندۇق سوودا التىن اپتالىق تاشىمالى باشتالدى. ەمى ىستانسىيابىز قابارچىسى لئ ۋئيدىن قابارى: 

 تۉشتۅن مۇرۇن ساات 11 دەن 46 مئنۇت ۅتكۅندۅ، 79 پارچا، 1052 كىلوگىرامدىق تەز جەتكىرۉۉ جۉگۉن باسقان D2712 ىرەتكى كۉلۉك پويۇز ۉرۉمچۉ ۋاگىزالىنان جولعو چىقتى، 12 سااتتان كىيىن بۇل جۉكتۅر لانجوۋ باتىش ۋوگزالىنا جەتىپ بارات، بئر بۅلۉك جۉكتۅر داعى لانجوۋدون شئ-انعا بارۇۇچۇ كۉلۉك پويۇزعا قوتورۇلات. شئنجاڭ شۉنفىڭ تەز جەتكىرۉۉ چەكتۉۉ شەرىكتىگى جالپىلىق ىشتەر بۅلۉمۉنۉن اكىمچىلىك ىشتەر دەرەكتورۇ لۉ حوڭ قابارچىعا، «قوش 11» كەزىندە كۉلۉك پويۇز مەنەن تاشىلا تۇرعان تەز جەتكىرىلۉۉچۉ تەز جولدونمو چەنەمىنىن قىيلا زور داراجادا ارتا تۇرعانىن ايتىپ مىنداي دەدى: شئنجاڭدان چىعا تۇرعان جۉكتۉن ارتۇۇ سالىشتىرماسى٪20 دان ٪30عا چەيىن بولوت،شئنجاڭعا كىرۉۉ مۅلچۅرۉ ٪40 ايلاناسىندا(ارتات)، تۉشۉمدۅر نەگىزىنەن كەەبىر كۉندۅلۉك بۇيۇمدار، داعى ايىل چاربا قوشۇمچا تۉشۉمدۅرۉ، انىن ىچىندە كورلانىن المۇرتۇ، حوتەندىن انارى سىياقتۇۇلارىن ۅز ىچىنە الات.  

بىيىل «قوش11» ىنتەرنەتتە بۇيۇم ساتىپ الۇۇ مايرامى كەزىندە، شئنجاڭدىن تەمىر جول تارماقتارى ۉرۉمچۉدۅن لانجوۋعو قاتتاي تۇرعان 4 جۉرگۉنچۉلۅر كۉلۉك پويۇزۇ ۋاگونۇن، 25 تىكە قاتتايتۇرعان اداتتاعى تەز پويۇزۇنۇن ەمەرەك تاشۇۇ ۋاگونۇن، 12 اداتتاعى تەز جۉرۉۉچۉ پويۇزۇنۇن ەمەرەك تاشۇۇ ۋاگونۇن ىشتەتىپ، دەمەيكى تەز جەتكىرۉۉ، جۉكتۅردۉ تەز جەتكىرۉۉ تاشىمالى سىياقتۇۇ تەيلۅۅ تۉرلۅرۉ مەنەن قامدايت. جۇڭگو تەمىر جول تەز تاشۇۇ جارناق چەكتۉۉ شەرىكتىگىنىن ۉرۉمچۉ بۅلۉمچۅ شەرىكتىگى بازار بۅلۉمۉنۉن دەرەكتورۇ توڭ حۇي مىنداي دەيت: «قوش 11» كەزىندە، تاشىمالدىن ەڭ جوعورقۇ تولقۇنۇ 11- ايدىن 13- كۉنۉنۅن 23- كۉنۉنۅ چەيىن بولوت. كۉلۉك پويۇز تاشىمالىندا ار كۉنۉ 2 توننا تاشۇۇعا كەپىلدىك قىلۇۇعا بولوت، ەمەرەك پويۇزۇنۇن ار كۉنكۉ جۉك تاشۇۇ مۅلچۅرۉ مۇرداعى 10 توننادان 20 تونناعا جوعورۇلايت.

وشونۇ مەنەن قاتار، بىيىل شئنجاڭدىن تەمىر جول تارماقتارى جۇڭگو پوچتوسۇ، شۉنفىڭ، جئڭدوڭ سىياقتۇۇ چوڭ تىپتەگى زات جۉگۉرتۉۉ كەرقانالارى مەنەن قىزماتتاشتىقتى قۇلاچ جايدىرىپ، كۉلۉك پويۇز نەگىزگى لەنىياسى تاشمالى جانا چوڭ تىپتەگى زات جۉگۉرتۉۉ كەرقانالارىنىن الدىنقى جاقتان جىيناپ، ارتقى ۇچتان جەتكىرۉۉ قۇرباتىنان ۇنىۋەرسال پايدالانىپ، شئنجاڭ ىچىندەگى تەز جەتكىرىلۉۉچۉ بەلەك- بەچكەكتەردى «وشول كۉنۉ جەتكىرۉۉ»، «ەرتەسى ساار مەنەن جەتكىرۉۉ» جانا «كىيىنكى كۉنۉ جەتكىرۉۉ» دۅن تۇرعان ۉچ تۉردۉۉ تاشىمال تەيلۅۅسۉن ورتوعو چىعاردى. توڭ حۇي مىنداي دەيت: «كىيىنكى كۉنۉ جەتكىرۉۉ» دەگەنىبىز وشول كۉنۉ قابىلداپ، وشول كۉنۉ تاشىپ، وشول كۉنۉ جۅنۅتۉۉنۉ كۅرسۅتۅت، «ەرتەسى ساار مەنەن جەتكىرۉۉ» بولسو ەرتەسى ساات 12 دەن مۇردا جەتكىرىپ بولۇۇ، «كىيىنكى كۉنۉ جەتكىرۉۉ» بولسو ەرتەسى ساات 18 دەن مۇردا جەتكىرىپ بولۇۇنۇ كۅرسۅتۅت. بئز داعى قوومعو ەگەر مۅۅنۅتتۅن اشىپ كەتسە قاتىشتۇۇ تاشىمال اقىن قايتارىپ تۅلۅپ بەرەبىز دەپ ۇبادا بەردىك. 

〖2019.11.11-19:37〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز