مۅمۅ- چۅمۅ بايۇۇ جولۇن اچتى

2019-11-06 19:07

اپتونوم رايونۇبۇز ايدوو، تەرۉۉ، ساتۇۇ سىياقتۇۇ جاقتارعا كۉچ جۇمشاپ، مۅمۅچۉلۉكتۉن جالپىلاي ساپاتىن ۅستۉرۉپ بەرەكەتىن اشىرۇۇسۇن ىشتىكتۉۉ تۉرتمۅكتۅپ، مۅمۅ- چۅمۅ دىيقانداردىن اقچا قاپچىعىن قامپايتىپ، قالايىق- قالىققا بايۇۇ جولۇن سالىپ بەردى. ەمى ىستانسىيابىزدىن ۇنىۋەرسال قابارى نازارىڭىزداردا. 

 بۇل ەكى كۉندۅ قاشقار شاارى اۋات ايىلى ياربەشى قىشتاعى سىناق تۉرۉۉندۅ ايداعان ىلىما باستىرماداعى اسما قومۇل قوونۇ بىشىپ بازارعا سالىندى. دىيقان ەركىن مامەت بۇل ەكى كۉندۅ سووداگەرلەر مەنەن ساتىپ الۇۇ القاقتارىن چىركەشتىرۉۉ مەنەن شاشىلىش بولدۇ. قىشتاقتا 1- تۉركۉمدۅ ىشتىكتۉۉلۉك مەنەن قومۇل قوونۇن ايدووعو قاتتاتقان قىشتاق تۇرعۇنۇ قاتارى ەركىن مامەت قىسقا قانا ۉچ ايدا كۅپتۅگۅن ايدوو تەحنىكاسىن ۉيرۅنۉپ الدى، بۇل انىن كىرەشەسىن اشىرۇۇسۇندا زارىل رول اتقاردى. ال مىنداي دەدى:« پارتئيا جانا ۅكۉمۅتتۉن ساياساتى ابدان جاقشى، قىشتاق كومىتەتىندەگىلەر بىزگە تەحنىكا تاابىپ بەردى، وشوندۇقتان مەن 4 ىلىمتا باستىرمانى ۅز ۉستۉنۅ الدىم، ۅسۉۉسۉدا ابدان جاقشى بولدۇ، مەن مىندان ارى چىمىرقانىپ تەحنىكا ۉيرۅنۉپ، كىرەشەمدى بارعان سايىن جوعورۇلاتۇۇعا اراكەت قىلام». 

 بىيىل اتالعان قىشتاق جەردى وبۇروت قىلۇۇ ارقىلۇۇ 123 ىلىمتا باستىرما سالىپ، بۇل ىلىمتا باستىرمانى 30 كەمباعال تۉتۉندۉن ايدووسۇنا كۅتۅرۉگۅ بەرىپ، ايدووعو كەرەكتۉۉ جەر سەمىرىتكىچ، سىلىياۋ جاابىق سىياقتۇۇلارىن قوومدۇق كەمباعالداردى جۅلۅۅ كۉچتۅر سەلبىك قىلدى، ايدوو تەحنىكاسىن ايىلدىق ۅكۉمۅت دىيقانچىلىق تەحنىكتەرىن قولعو- قول ۉيرۅتۉۉگۅ سۇنۇش قىلدى. قاشقار شاارى اۋات ايىلدىق توقويچۇلۇق پونكىتىنىن تەحنىگى روزى ماقمۇت قابارچىعا مىنداي دەدى:«بئز قومۇل قوونۇن 8- ايدىن ورتولورۇندا ايداعانبىز، ازىر الدا قاچان بازارعا سالدىق، ار بئر ىلىمتا باستىرمادان 1 توننا تۉشۉم الىپ، 5000 يۇان كىرەشە كىرگىزدىك».

ەركىن مامەتكە وقشوعون 500 كىلو مەتىر سىرتتاعى اقسۇۇ شاارى حوڭچئپو دىيقانچىلىق مايدانىنىن دىيقان حوۋ جىيا داعى ابدان شاشىلىش بولۇپ كەتتى، ال مىنداي دەدى:«توۋار جۅنۅتۉۉ مەنەن شاشىلىش بولۇپ كەتتىك، ارتىمداقىلاردى قاراساڭىز بارى شاشىلىش جۉرۅت». 

 11- ايدىن 3- كۉنۉ تۉشتۅن مۇردا حوۋ جىيانىن باعىندا جۇمۇشچۇلار قىپقىزىل ناۋات المانى ايرۇۇ، وروپ- قاچالوو مەنەن شاشىلىش بولۇپ كەتتى. «قوش ون بئر»كۉنۉنۉن جە «11- ايدىن 11- كۉنۉ» جاقىندووسۇنان ۇلام حوۋ جىيا ار كۉنۉ زور بۇيرۇتمانى قابىلداپ تۇردۇ، ال مىنداي دەدى:« تاراقاي قىرىدارلارعا الدىن جۅنۅتتۉك، دۉڭ العاندارعا ارتىندا جۅنۅتتۉك، بىلتىر 600 مئڭ يۇاندان اشۇۇن اقچا تاپقانبىز، بىيىل 700 مئڭ يۇانعا جاقىندايت». 

  بىيىل 47 جاشقا كىرگەن حوۋ جىيا17جىل الماباق ۅستۉرگۅن بولۇپ، ۅستۉۉۉ تەحنىكاسىن توقتوسۇز تاقشالتۇۇ نەگىزگىندە 2018- جىلى جەجىياڭ ۅلكۅسۉنۉن شئنجاڭعا نىشااندۇۇ جاردام بەرۉۉ باش ىشتابى اقسۇۇ ايماقتىق سوودا ىشتەر مەكەمەسى مەنەن اعا جاردامداشىپ «حوۋ گو» دەگەن سوودا ماركەسىن قاتتاتىپ بەرىپ، ەلەكتىروندۇق سوودا دۉكۅنۉن اچىپ بەرگەن، ازىر ال بئر دىيقاندان ناۋات المانى تاانىشتىرۇۇ «ىنتەرنەتتەگى جىلدىزعا» ايلاندى. ال مىنداي دەدى:«ماعا جاقشى ۅرۉش جاراتىپ بەرىپ، مەنىن ەلەكتىروندۇق سوودانى ۅنۉكتۉرۉۉمۅ شارت تۉزۉپ بەردى، مەن 2017- جىلى ەلەكتىروندۇق سوودانى باشتاپ، وشول جىلى تەك 8 توننادان كۉبۉرۅۅك ساتقامىن، 2018- جىلى 50 توننا ساتتىم». 

 ىستاتىستىكاعا قاراعاندا، 2018- جىل ەتەگىنە چەيىن اقسۇۇ ايماعىنداعى جاندۇۇ تاۋباۋ ىنتەرنەت دۉكۅنۉ 2400 دۅن اشىپ، جىلدىق ساتۇۇ سۇمماسى 800 مئللىيون يۇاندان اشتى، اقسۇۇنۇن الماسى، چىلانى، جاڭعاعىنىن جالاڭ ىنتەرنەتتە ساتىلۇۇ سومماسى بۉت ماملەكەتتەگى ايىل- قىشتاق ەلەكتىروندۇق سووداسى بويۇنچا ۉلگۉ وودانداردا الدىنقى قاتاردا تۇردۇ. اقسۇۇ ايماقتىق توقويچۇلۇق جانا جايت مەكەمەسى پارتىگۇرۇپپاسىنىن شۇجئسى لئى شئنبئن مىنداي دەدى: «2000- جىلى اقسۇۇ ايماعىنداعى دىيقانداردىن مۅمۅچۉلۉكتۅن كىرگىزەتۇرعان كىرەشەسى تەك 48 يۇان بولسو، 2018- جىلعا كەلگەندە مۅمۅچۉلۉكتۅن كىرگىزەتۇرعان كىرەشەسى 4992 يۇانعا جەتتى».

 ازىرعا چەيىن بۉت اپتونوم رايونۇبۇزداعى مۅمۅچۅلۉك ايانتى 22 مئللىيون موعو جەتىپ، بۉت ماملەكتەتىن 13 پايىزىن تۉزدۉ، مۅمۅچۉلۉك كىرەشەسى دىيقانداردى كىشى باشىندىق ناقاي كىرەشەسىنىن 25 پايىزىن تۉزدۉ. ال ەمى مۅمۅ- چۅمۅ بااسىن تۇرۇقتاندىرۇۇ ۉچۉن بىيىل اپتونوم رايونۇبۇز داعى تۉشتۉك شئنجاڭدىن ۅزگۅچۅ مۅمۅ- چۅمۅلۅرۉن تاابىشتوو بويۇنچا ساتىپ الۇۇنۇ قوزعوتتۇ. ۇچۇردا چارقىلىق وودانى، حوتەن ايماعىندا باشتاپ، دىيقانداردى قادىرجام قىلدى، شئنجاڭ مۅمۅچۉلۉك توبۇنۇن ورۇن باسار باش دىرىكتورۇ جاي كاييۇان مىنداي دەدى:«ۅلچۅمگۅ ىلايىق كەلگەن چىلاندى «ساپاتى، بااسى جاقشى بولۇۇ» پىرىنسىبى بويۇنچا ساتىپ الدىق، مۇنۇن ىچىندە حوتەن جۉن چىلانىن ەڭ تۅمۅن ساتىپ الۇۇ بااسى كىلوگىرامى 10 يۇان بولدۇ، حوتەن حۇي چىلانىن ەڭ تۅمۅن ساتىپ الۇۇ بااسى كىلوگىرامى 8.5 يۇان بولدۇ، وشوندوي ەلە قۇيرۇق ۇلاش قاشقار، اقسۇۇ سىياقتۇۇ جەرلەردىن چىلاندىن تاابىشتوو بااسىن جارىيالاپ، دىيقانچىلىق تۉشۉمدۅردۉ ساتۇۇ بااسىن تۇرۇقتاندىرۇۇ مەنەن بىرگە دىيقانداردى ساپاتى، بااسى جاقشى بولۇۇ جاققا قاراي ۅنۉگۉۉگۅ جەتەكتەدىك». 

 اپتونوم رايوندۇق مۅم باقتى ۅنۉكتۉرۉۉ شايكەشتىرۉۉگۅ جەتەكچىلىك قىلۇۇ گۇرۇپپاسى ئشقاناسىنىن ورۇنباسار مۇدۇرۇ لئن شئڭحۇي مىنداي دەدى:«مىندان ارى بۉت اپتونوم رايونۇبۇزداعى مۅمۅچۉلۉكتۅۅ داعى ايدوو، جىيۇۇ، تاشمالداپ- ساقتوو جانا ساتۇۇ جاعىندا تەحنىكا دەڭگەەلىن توقتوسۇز ۅستۉرۉپ، مۅمۅچۉلۉكتۉن ساپاتىن ۅستۉرۉپ بەرەكەتىن اشىرۇۇنۇ جالپىلاي جىلىشتاتىپ، دىيقانداردىن كىرەشەسىن اشىرىپ بايىتۇۇنۇ داعى بىردەمچىي ىلگەرى سۉرۅبۉز، كىيىنكى ارىمدا مۅمۅ- چۅمۅلۅردۉ داراجاعا ايرىپ جىينوو جانا تاشمالداپ جۇمۇش قوشۇۇنۇ مىقتۇۇ ىشتۅۅ ارقىلۇۇ مۅمۅ- چۅمۅ سوودا بازارىن قۇرۇلۇشۇن كۉچۅتۉپ، ساتۇۇ ىقماسىندا جانا سوودا جولۇن جاڭىلىق جاراتابىز، اندان بۅلۅك دىيقانداردىن، ايرىقمچا كەمباعال تۉتۉندۅردۉن كىرەشەسىن اشىرۇۇسۇنا تااسئر تىيگىزبەگەن شارت استىندا جاڭعاق، چىلاندى تىعىز ايدوو باقتى تىعىز قىلىپ ۅزگۅرتۉۉنۉ كۉچۅپ تۉرتمۅكتۅپ، مۅمۅچۉلۉكتۉن تابئيعىي اپات زىيانىنان قورعوونۇ قۇرباتىن كۉچۅتۉپ، شئنجاڭ مۅمۅ- چۅمۅسۉنۉن بازارداعى تۉزۉۉ سالىشتىرماسىن جانا اتانداشۇۇ كۉچۉن توقتوسۇز كۅتۅرۉپ، شئنجاڭ ۅزگۅچۅ مۅمۅ- چۅمۅسۉن دىيقانداردىن كەمباعالدىقتان ارىلىپ بايۇۇداعى چىنىعى تۉرمۅكتۅگۉچگۅ ايلاندىرۇۇعا اراكەت قىلابىز». 

〖2019.11.06-19:07〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200244号9  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز